ಕನ್ನಡ ಸುದ್ದಿ  /  ಕ್ರಿಕೆಟ್  /  ಟಿ20 ವಿಶ್ವಕಪ್​ನಲ್ಲಿ ಮತ್ತೊಂದು ಅಚ್ಚರಿಯ ಫಲಿತಾಂಶ; ಬಲಿಷ್ಠ ನ್ಯೂಜಿಲೆಂಡ್​ ವಿರುದ್ಧ ಅಫ್ಘಾನಿಸ್ತಾನಕ್ಕೆ ಜಯ

ಟಿ20 ವಿಶ್ವಕಪ್​ನಲ್ಲಿ ಮತ್ತೊಂದು ಅಚ್ಚರಿಯ ಫಲಿತಾಂಶ; ಬಲಿಷ್ಠ ನ್ಯೂಜಿಲೆಂಡ್​ ವಿರುದ್ಧ ಅಫ್ಘಾನಿಸ್ತಾನಕ್ಕೆ ಜಯ

Afghanistan Beat New Zealand: ಟಿ20 ವಿಶ್ವಕಪ್ 2024 ಟೂರ್ನಿಯ 14ನೇ ಲೀಗ್ ಪಂದ್ಯದಲ್ಲಿ ಬಲಿಷ್ಠ ನ್ಯೂಜಿಲೆಂಡ್ ತಂಡವು ಅಫ್ಘಾನಿಸ್ತಾನ ತಂಡದ ಎದುರು ಸೋಲು ಕಂಡಿದೆ.

ಟಿ20 ವಿಶ್ವಕಪ್​ನಲ್ಲಿ ಮತ್ತೊಂದು ಅಚ್ಚರಿಯ ಫಲಿತಾಂಶ; ಬಲಿಷ್ಠ ನ್ಯೂಜಿಲೆಂಡ್​ ವಿರುದ್ಧ ಅಫ್ಘಾನಿಸ್ತಾನಕ್ಕೆ ಜಯ
ಟಿ20 ವಿಶ್ವಕಪ್​ನಲ್ಲಿ ಮತ್ತೊಂದು ಅಚ್ಚರಿಯ ಫಲಿತಾಂಶ; ಬಲಿಷ್ಠ ನ್ಯೂಜಿಲೆಂಡ್​ ವಿರುದ್ಧ ಅಫ್ಘಾನಿಸ್ತಾನಕ್ಕೆ ಜಯ

ಐಸಿಸಿ ಟಿ20 ವಿಶ್ವಕಪ್ 2024 ಟೂರ್ನಿಯಲ್ಲಿ (T20 World Cup 2024) ಮತ್ತೊಂದು ಅಚ್ಚರಿಯ ಫಲಿತಾಂಶ ಹೊರ ಬಿದ್ದಿದೆ. ಪಾಕಿಸ್ತಾನವನ್ನು ಅಮೆರಿಕ, ಐರ್ಲೆಂಡ್​ ತಂಡವನ್ನು ಕೆನಡಾ ಸೋಲುಣಿಸಿದ ಬಳಿಕ ಬಲಿಷ್ಠ ನ್ಯೂಜಿಲೆಂಡ್ ತಂಡವನ್ನು ಅಫ್ಘಾನಿಸ್ತಾನ (Afghanistan Beat New Zealand) ಮಣಿಸಿದೆ. ಜೂನ್ 8ರಂದು ನಡೆದ ಗುಂಪು ಹಂತದ 14ನೇ ಪಂದ್ಯದಲ್ಲಿ ಕಿವೀಸ್​ ವಿರುದ್ಧ ಆಫ್ಘನ್ 84 ರನ್​ಗಳ ಭಾರಿ ಅಂತರದ ಜಯ ಸಾಧಿಸಿದೆ. ಆಫ್ಘನ್ ಆಲ್​ರೌಂಡ್ ಆಟಕ್ಕೆ ನ್ಯೂಜಿಲೆಂಡ್​ ಭಾರಿ ಮುಖಭಂಗಕ್ಕೆ ಒಳಗಾಗಿದೆ.

ಟ್ರೆಂಡಿಂಗ್​ ಸುದ್ದಿ

ಗಯಾನಾದ ಪ್ರಾವಿಡೆನ್ಸ್ ಕ್ರಿಕೆಟ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್​ ಆಫ್ಘಾನಿಸ್ತಾನ ಮತ್ತೊಮ್ಮೆ ಉತ್ತಮ ಪ್ರದರ್ಶನ ನೀಡಿತು. ರೆಹಮಾನುಲ್ಲಾ ಗುರ್ಬಾಜ್ ಮತ್ತು ಇಬ್ರಾಹಿಂ ಜದ್ರಾನ್ ಅವರ ಅದ್ಭುತ ಆಟದ ನೆರವಿನಿಂದ 20 ಓವರ್​​ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 159 ರನ್ ಗಳಿಸಿತು. ಈ ಗುರಿ ಬೆನ್ನಟ್ಟಿದ ಕಿವೀಸ್​, ಕೇವಲ 75 ರನ್​​ಗಳಿಗೆ ಆಲೌಟ್ ಆಯಿತು. ಆಫ್ಘನ್ ಬ್ಯಾಟಿಂಗ್ ಮಾತ್ರವಲ್ಲದೆ ಬೌಲಿಂಗ್​ನಲ್ಲೂ ಮಿಂಚಿನ ಪ್ರದರ್ಶನ ನೀಡಿತು.

ಗುರ್ಬಾಜ್ ಮತ್ತೆ ಆರ್ಭಟ, ಶತಕದ ಜೊತೆಯಾಟ

ಆರಂಭಿಕರಾದ ರೆಹಮಾನುಲ್ಲಾ ಗುರ್ಜಾಬ್ ಮತ್ತು ಇಬ್ರಾಹಿಂ ಜದ್ರಾನ್ ಮತ್ತೊಮ್ಮೆ ಶತಕದ ಜೊತೆಯಾಟವಾಡಿದರು. ಕಿವೀಸ್ ಅನುಭವಿಗಳ ಎದುರು ಅಬ್ಬರಿಸಿದರು. ಕಠಿಣ ಪಿಚ್​​ನಲ್ಲೂ ಉತ್ತಮ ಪ್ರದರ್ಶನ ನೀಡಿದ ಜೋಡಿ, 87 ಎಸೆತಗಳಲ್ಲಿ 103 ರನ್ ಪಾಲುದಾರಿಕೆ ನೀಡಿದರು. ಆದರೆ ಜದ್ರಾನ್ ಅರ್ಧಶತಕದ ಅಂಚಿನಲ್ಲಿ ವಿಕೆಟ್ ಒಪ್ಪಿಸಿದರು. 41 ಎಸೆತಗಳಲ್ಲಿ 3 ಬೌಂಡರಿ, 2 ಸಿಕ್ಸರ್ ಸಹಿತ 44 ರನ್ ಸಿಡಿಸಿದರು. ಆದರೆ ಆ ಬಳಿಕ ಬ್ಯಾಟರ್​​ಗಳು ಆಫ್ಘನ್ ಕೈ ಹಿಡಿಯಲಿಲ್ಲ.

ಆದರೆ, ಗುರ್ಬಾಜ್ ಕೊನೆಯವರೆಗೂ ಕ್ರೀಸ್​ನಲ್ಲಿದ್ದರು. ಆ ಮೂಲಕ 150ರ ಗಡಿ ದಾಟಿಸಿದರು. ಅವರು 56 ಎಸೆತಗಳಲ್ಲಿ 5 ಸಿಕ್ಸರ್, 5 ಬೌಂಡರಿ ಸಹಿತ 80 ರನ್ ಬಾರಿಸಿದರು. ಉಳಿದಂತೆ ಅಜ್ಮತುಲ್ಲಾ ಓಮರ್ಜಾಯ್ 22 ರನ್, ಮೊಹಮ್ಮದ್ ನಬಿ 0, ರಶೀದ್ ಖಾನ್ 6, ಕರೀಮ್ ಜನ್ನತ್ 1, ಗುಲ್ಬದೀನ್ ನೈಬ್ 0, ನಜೀಬುಲ್ಲಾ 1 ರನ್ ಗಳಿಸಿದರು. ಕಿವೀಸ್ ಪರ ಟ್ರೆಂಟ್ ಬೋಲ್ಟ್ ಮತ್ತು ಮ್ಯಾಟ್ ಹೆನ್ರಿ ತಲಾ 2 ವಿಕೆಟ್ ಕಿತ್ತರು. ಲಾಕಿ ಫರ್ಗ್ಯುಸನ್ 1 ರನ್ ಗಳಿಸಿದರು.

ನ್ಯೂಜಿಲೆಂಡ್ ಅಟ್ಟರ್​ಫ್ಲಾಪ್ ಪ್ರದರ್ಶನ

160 ರನ್​ಗಳ ಸಾಧಾರಣ ಮೊತ್ತವಾದರೂ ಈ ಪಿಚ್​​ಗಳಲ್ಲಿ ಚೇಸ್ ಮಾಡುವುದು ತುಂಬಾ ಕಠಿಣವಾಗಿದೆ. ಅಫ್ಘಾನಿಸ್ತಾನ ಟೈಟ್ ಬೌಲಿಂಗ್​ ನಡುವೆ ಬ್ಯಾಟರ್​​ಗಳು ವಿಫಲರಾದರು. ಫಜಲ್ಹಕ್ ಫಾರೂಕಿ ಬೆಂಕಿ ಬೌಲಿಂಗ್ ನಡೆಸಿದರು. ಅವರಿಗೆ ರಶೀದ್ ಖಾನ್ ಸಾಥ್ ಕೊಟ್ಟರು. ಗ್ಲೆನ್ ಫಿಲಿಪ್ಸ್ 18, ಮ್ಯಾಟ್ ಹೆನ್ರಿ 12 ರನ್ ಗಳಿಸಿ ಎರಡಂಕಿ ದಾಟಿದರು. ಫಾರೂಕಿ 3.2 ಓವರ್​​​​ಗಳಲ್ಲಿ 17 ರನ್ ಬಿಟ್ಟುಕೊಟ್ಟು 4 ವಿಕೆಟ್ ಪಡೆದರೆ, ರಶೀದ್ 4 ಓವರ್​​ಗಳಲ್ಲಿ 17 ರನ್ ನೀಡಿ 4 ವಿಕೆಟ್, ಮೊಹಮ್ಮದ್ ನಬಿ 2 ವಿಕೆಟ್ ಪಡೆದರು.

ಇನ್ನಷ್ಟು ಟಿ20 ವಿಶ್ವಕಪ್ 2024 ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಟಿ20 ವರ್ಲ್ಡ್‌ಕಪ್ 2024