RCB 2024 Schedule: ಆರ್ಸಿಬಿ ಮೊದಲ 5 ಪಂದ್ಯಗಳ ವೇಳಾಪಟ್ಟಿ; ಬೆಂಗಳೂರಿನಲ್ಲಿ ಮೊದಲ ಪಂದ್ಯ ಯಾವಾಗ?
RCB IPL 2024 Schedule : ಪ್ರಕಟವಾಗಿರುವ ಐಪಿಎಲ್ನ ಆರಂಭಿಕ 21 ಪಂದ್ಯಗಳ ವೇಳಾಪಟ್ಟಿಯಲ್ಲಿ ಆರ್ಸಿಬಿ 5 ಪಂದ್ಯಗಳನ್ನಾಡಲಿದೆ. ಆರ್ಸಿಬಿ ತಂಡದ ಮೊದಲ ಐದು ಪಂದ್ಯಗಳ ವೇಳಾಪಟ್ಟಿ ಇಲ್ಲಿದೆ.
2024ರ ಐಪಿಎಲ್ ವೇಳಾಪಟ್ಟಿ ಪ್ರಕಟವಾಗಿದೆ. ಮಾರ್ಚ್ 22ರಂದು ಚೆನ್ನೈನಲ್ಲಿ ನಡೆಯಲಿರುವ ಐಪಿಎಲ್ ಆರಂಭಿಕ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು (RCB vs CSK) ಎದುರಿಸಲಿದೆ. ಆ ಬಳಿಕ ಮಾರ್ಚ್ 25ರಂದು ತವರಿನ ಚಿನ್ನಸ್ವಾಮಿ ಮೈದಾನದಲ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧ ಕಾದಾಟ ನಡೆಸಲಿದೆ. ಸದ್ಯ ಪ್ರಕಟವಾಗಿರುವ ಆರಂಭಿಕ 21 ಪಂದ್ಯಗಳ ವೇಳಾಪಟ್ಟಿಯಲ್ಲಿ ಆರ್ಸಿಬಿ 5 ಪಂದ್ಯಗಳನ್ನಾಡಲಿದೆ. ಆ ಪಂದ್ಯಗಳ ವೇಳಾಪಟ್ಟಿ ಈ ಮುಂದಿನಂತಿದೆ.
ಆರ್ಸಿಬಿಯ ಮೊದಲೈದು ಪಂದ್ಯಗಳ ವೇಳಾಪಟ್ಟಿ
ಚೆನ್ನೈ ಸೂಪರ್ ಕಿಂಗ್ಸ್ vs ರಾಯಲ್ ಚಾಲೆಂಜರ್ಸ್ ಬೆಂಗಳೂರು - ಮಾರ್ಚ್ 22 ಚೆನ್ನೈ, ಸಂಜೆ 7:30ಕ್ಕೆ
ರಾಯಲ್ ಚಾಲೆಂಜರ್ಸ್ ಬೆಂಗಳೂರು vs ಪಂಜಾಬ್ ಕಿಂಗ್ಸ್ - ಮಾರ್ಚ್ 25, ಬೆಂಗಳೂರು, ಸಂಜೆ 7:30ಕ್ಕೆ
ರಾಯಲ್ ಚಾಲೆಂಜರ್ಸ್ ಬೆಂಗಳೂರು vs ಕೋಲ್ಕತ್ತಾ ನೈಟ್ ರೈಡರ್ಸ್ - ಮಾರ್ಚ್ 29, ಬೆಂಗಳೂರು, ಸಂಜೆ 7:30ಕ್ಕೆ
ರಾಯಲ್ ಚಾಲೆಂಜರ್ಸ್ ಬೆಂಗಳೂರು vs ಲಕ್ನೋ ಸೂಪರ್ ಜೈಂಟ್ಸ್ - ಏಪ್ರಿಲ್ 2, ಬೆಂಗಳೂರು, ಸಂಜೆ 7:30ಕ್ಕೆ
ರಾಜಸ್ಥಾನ್ ರಾಯಲ್ಸ್ vs ರಾಯಲ್ ಚಾಲೆಂಜರ್ಸ್ ಬೆಂಗಳೂರು - ಏಪ್ರಿಲ್ 6, ಜೈಪುರ, ಸಂಜೆ 7:30ಕ್ಕೆ
ಪ್ರಮುಖರನ್ನು ಕೈಬಿಟ್ಟ ಆರ್ಸಿಬಿ
ಐಪಿಎಲ್ ಹರಾಜಿನ ಮೊದಲು ಆರ್ಸಿಬಿ ಪ್ರಮುಖ ಆಟಗಾರರನ್ನು ಕೈಬಿಟ್ಟಿತು. ಜೋಶ್ ಹೇಜಲ್‌ವುಡ್ ಮತ್ತು ವನಿಂದು ಹಸರಗಾ ಅವರನ್ನು ಹರಾಜಿನ ಮೊದಲು ಕೈಬಿಟ್ಟಿತು. ಅಲ್ಜಾರಿ ಜೋಸೆಫ್, ಲಾಕಿ ಫರ್ಗುಸನ್, ಟಾಮ್ ಕರನ್ ಖರೀದಿಸಿತು. ಆರ್ಸಿಬಿ ಪರ ವೇಗದ ಬೌಲಿಂಗ್ ದಾಳಿಯನ್ನು ಮೊಹಮ್ಮದ್ ಸಿರಾಜ್ ಮುನ್ನಡೆಸುತ್ತಾರೆ. ಆದರೆ, ಐಪಿಎಲ್ 2024 ಗಾಗಿ ಆರ್ಸಿಬಿಯ ಬೌಲಿಂಗ್ ದಾಳಿಯ ಮೇಲೆ ಸಾಗರೋತ್ತರ ಆಯ್ಕೆಗಳು ಪ್ರಶ್ನೆಗಳನ್ನು ಹುಟ್ಟುಹಾಕಿವೆ.'
ಆರ್ಸಿಬಿ ಸಾಮರ್ಥ್ಯ: ಆರ್ಸಿಬಿ ತಂಡದ ಶಕ್ತಿ ತಂಡದ ಬ್ಯಾಟಿಂಗ್. ವಿರಾಟ್ ಕೊಹ್ಲಿ, ಫಾಫ್ ಡು ಪ್ಲೆಸಿಸ್, ಗ್ಲೆನ್ ಮ್ಯಾಕ್ಸ್‌ವೆಲ್, ರಜತ್ ಪಾಟೀದಾರ್ ಮತ್ತು ಕ್ಯಾಮರೂನ್ ಗ್ರೀನ್ ಗುಣಮಟ್ಟದ ಅಗ್ರ ಕ್ರಮಾಂಕ ರೂಪಿಸಿದ್ದಾರೆ. ಯಾರೇ ಕ್ರೀಸ್ನಲ್ಲಿ ಕಚ್ಚಿನಿಂತರೂ ದೊಡ್ಡ ಮಟ್ಟದ ಸ್ಕೋರ್ ಕಲೆ ಹಾಕುವುದು ಖಚಿತವಾಗಿದೆ.
ಆರ್ಸಿಬಿ ದೌರ್ಬಲ್ಯ: ಆರ್ಸಿಬಿಯ ದೌರ್ಬಲ್ಯ ಅಂದರೆ ಬೌಲಿಂಗ್ ವಿಭಾಗ. ಸಿರಾಜ್ ಉತ್ತಮ ಬೌಲರ್ ಆದರೆ ಅಲ್ಜಾರಿ ಜೋಸೆಫ್, ಟಾಮ್ ಕರನ್, ಲಾಕಿ ಫರ್ಗುಸನ್, ಯಶ್ ದಯಾಲ್ ಅವರಂತಹ ಬ್ಯಾಕಪ್ ವೇಗಿಗಳು ಹೆಚ್ಚಿನ ಆತ್ಮವಿಶ್ವಾಸ ತುಂಬಬೇಕಿದೆ. ಉತ್ತಮ ಬೌಲರ್‌ಗಳಾದರೂ ಸ್ಥಿರತೆ ಅವರಿಗೆ ಕಳವಳಕಾರಿಯಾಗಿದೆ.
ಆರ್ಸಿಬಿ ತಂಡ ಇಂತಿದೆ
ವಿಕೆಟ್‌ ಕೀಪರ್‌ಗಳು: ಅನುಜ್ ರಾವತ್, ದಿನೇಶ್ ಕಾರ್ತಿಕ್.
ಬ್ಯಾಟರ್ಸ್: ಫಾಫ್ ಡು ಪ್ಲೆಸಿಸ್ (ನಾಯಕ), ವಿರಾಟ್ ಕೊಹ್ಲಿ, ರಜತ್ ಪಾಟಿದಾರ್, ಸುಯಶ್ ಪ್ರಭುದೇಸಾಯಿ, ಸೌರವ್ ಚೌಹಾಣ್.
ಆಲ್‌ರೌಂಡರ್‌ಗಳು: ಮಹಿಪಾಲ್ ಲೊಮ್ರೊರ್, ಗ್ಲೆನ್ ಮ್ಯಾಕ್ಸ್‌ವೆಲ್, ಮನೋಜ್ ಭಾಂಡಗೆ, ಟಾಮ್ ಕರನ್, ಸ್ವಪ್ನಿಲ್ ಸಿಂಗ್, ವಿಲ್ ಜಾಕ್ಸ್, ಕ್ಯಾಮರೂನ್ ಗ್ರೀನ್.
ಬೌಲರ್‌ಗಳು: ಆಕಾಶ್ ದೀಪ್, ಮೊಹಮ್ಮದ್ ಸಿರಾಜ್, ಕರ್ಣ್ ಶರ್ಮಾ, ರಾಜನ್ ಕುಮಾರ್, ರೀಸ್ ಟೋಪ್ಲಿ, ಹಿಮಾಂಶು ಶರ್ಮಾ, ಅಲ್ಜಾರಿ ಜೋಸೆಫ್, ಲಾಕಿ ಫರ್ಗುಸನ್, ಯಶ್ ದಯಾಲ್, ವಿಜಯ್‌ಕುಮಾರ್ ವೈಶಾಕ್, ಮಯಾಂಕ್ ಡಾಗರ್.
