Sarfaraz Khan: ಸರ್ಫರಾಜ್ ಖಾನ್ ಕನಸು ಕೊನೆಗೂ ಈಡೇರಿದ ಕ್ಷಣ; ಮಗನನ್ನು ತಬ್ಬಿ ಆನಂದಭಾಷ್ಪ ಸುರಿಸಿದ ತಂದೆ

ರಣಜಿ ಟ್ರೋಫಿಯ ಪ್ರತಿ ಸೀಸನ್​​ನಲ್ಲೂ ರನ್ ಮಳೆ ಸುರಿಸುತ್ತಿದ್ದ ಮುಂಬೈ ತಂಡದ ಬಲಗೈ ಬ್ಯಾಟರ್ ಸರ್ಫರಾಜ್​ ಖಾನ್ (Sarfaraz Khan), ಕೊನೆಗೂ ಭಾರತ ಟೆಸ್ಟ್ ತಂಡಕ್ಕೆ ಪದಾರ್ಪಣೆ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ. ಕಳೆದ ಮೂರು ವರ್ಷಗಳಿಂದ ಟನ್​ಗಟ್ಟಲ್ಲೇ ರನ್ ಸಿಡಿಸಿದ್ದರೂ ರಾಷ್ಟ್ರೀಯ ತಂಡದಲ್ಲಿ ಸ್ಥಾನ ಪಡೆಯಲು ವಿಫಲರಾಗಿದ್ದ ಸರ್ಫರಾಜ್ ಕನಸು ಕೊನೆಗೂ ನನಸಗಾಗಿದೆ.

ಇದನ್ನೂ ಓದಿ: ಇಂಗ್ಲೆಂಡ್ ಅನ್ನು ಸೋಲಿಸುವುದು ದೊಡ್ಡ ವಿಷಯವೇ ಅಲ್ಲ: ರಾಜ್‌ಕೋಟ್ ಟೆಸ್ಟ್‌ಗೆ ಮುನ್ನ ರವೀಂದ್ರ ಜಡೇಜಾ ವಿಶ್ವಾಸ

ಹೆಸರು ಬದಲಾವಣೆಯಾದ ನಿರಂಜನ್ ಶಾ ಕ್ರಿಕೆಟ್ ಮೈದಾನದಲ್ಲಿ ನಡೆಯುತ್ತಿರುವ ಮೂರನೇ ಟೆಸ್ಟ್​ ಪಂದ್ಯದಲ್ಲಿ ಸ್ಪಿನ್ ದಿಗ್ಗಜ ಅನಿಲ್​ ಕುಂಬ್ಳೆ ಅವರು ಸರ್ಫರಾಜ್​ಗೆ ಟೆಸ್ಟ್​ ಕ್ಯಾಪ್​ ನೀಡಿದರು. ಇದೇ ವೇಳೆ ತನ್ನ ಮಗ ಟೆಸ್ಟ್​ ಕ್ಯಾಪ್ ಪಡೆದ ಕ್ಷಣವನ್ನು ಕಣ್ತುಂಬಿಕೊಂಡ ತಂದೆ ನೌಶದ್ ಖಾನ್ ಭಾವುಕರಾಗಿ ಮೈದಾನದಲ್ಲೇ ಆನಂದಭಾಷ್ಟ ಸುರಿಸಿದರು. ಪಡೆದ ಡೆಬ್ಯೂ ಕ್ಯಾಪ್ ಅನ್ನು ತಂದೆಗೆ ಹಸ್ತಾಂತರಿಸಿದರು. ತಂದೆ ಆ ಕ್ಯಾಪ್​ಗೆ ಮುತ್ತಿಕ್ಕಿದರು. ಈ ಫೋಟೋಗಳು ವೈರಲ್ ಆಗುತ್ತಿವೆ.

ಈ ಹಿಂದೆ ಆಕ್ರೋಶಕ್ಕೆ ಕಾರಣವಾಗಿತ್ತು

ಸರ್ಫರಾಜ್ ಖಾನ್​ಗೆ ಈ ಹಿಂದೆಯೇ ಟೆಸ್ಟ್​ ತಂಡಕ್ಕೆ ಪದಾರ್ಪಣೆ ಮಾಡಬೇಕಿತ್ತು. ಆದರೆ ದೇಶೀಯ ಕ್ರಿಕೆಟ್​ನ ರನ್​ಮಷಿನ್​ ಎಂದು ಕರೆಸಿಕೊಳ್ಳುವ ಯಂಗ್ ಬ್ಯಾಟರ್​, ಫಿಟ್​ನೆಸ್ ಮಾನದಂಡದ ಹಿನ್ನೆಲೆ ಡೆಬ್ಯು ಮಾಡಲು ಸಾಧ್ಯವಾಗದ ಪರಿಸ್ಥಿತಿ ಎದುರಾಗಿತ್ತು. ಪದೆಪದೇ ಯುವ ಆಟಗಾರರನನ್ನು ಕಡೆಗಣಿಸುತ್ತಿದ್ದ ಕಾರಣಕ್ಕೆ ಬಿಸಿಸಿಐ, ಸೆಲೆಕ್ಟರ್ಸ್ ವಿರುದ್ಧ ಆಕ್ರೋಶ ವ್ಯಕ್ತವಾಗಿತ್ತು. ಮಾಜಿ ಕ್ರಿಕೆಟಿಗರು ಸಹ ಅಸಮಾಧಾನ ವ್ಯಕ್ತಪಡಿಸಿದ್ದರು.

26 ವರ್ಷದ ಯುವ ಆಟಗಾರ ಭಾರತೀಯ ತಂಡದಲ್ಲಿ ಚೊಚ್ಚಲ ಅವಕಾಶ ಪಡೆದ ಕ್ಷಣದಲ್ಲಿ ಪತ್ನಿ ಶಾಹಿಸ್ತಾ ಖಾನ್​ ಸಹ ಮೈದಾನದಲ್ಲಿ ಸಾಕ್ಷಿಯಾಗಿದ್ದರು. ಕಳೆದ ವರ್ಷ ಮದುವೆಯಾಗಿದ್ದ ಸರ್ಫರಾಜ್, ಇತ್ತೀಚೆಗೆ ನಡೆದ ಇಂಗ್ಲೆಂಡ್ ಲಯನ್ಸ್ ಎದುರಿನ 2 ಅಭ್ಯಾಸ ಪಂದ್ಯಗಳಲ್ಲಿ ಕ್ರಮವಾಗಿ 96 ಮತ್ತು 55 ರನ್ ಸಿಡಿಸಿದ್ದರು. ಹಿಂದಿನ 3 ರಣಜಿ ಟ್ರೋಫಿ ಆವೃತ್ತಿಗಳಲ್ಲಿ ಸ್ಥಿರ ಪ್ರದರ್ಶನ ನೀಡಿದ್ದರು.

ಇದನ್ನೂ ಓದಿ: ಸಲಾರ್ ಸಾಂಗ್​ನೊಂದಿಗೆ ಸ್ಮೃತಿ ಮಂಧಾನ ಸಖತ್ ಎಂಟ್ರಿ; ಆರ್​ಸಿಬಿಗೆ ಸಪೋರ್ಟ್ ಮಾಡಿ ಎಂದು ಕನ್ನಡದಲ್ಲೇ ಹೇಳಿದ ನಾಯಕಿ, VIDEO

ಸರ್ಫರಾಜ್ ಪ್ರದರ್ಶನ

2014ರ ಡಿಸೆಂಬರ್ 28ರಂದು ಬೆಂಗಾಲ್ ವಿರುದ್ಧದ ಪಂದ್ಯದಲ್ಲಿ ಪ್ರಥಮ ದರ್ಜೆ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿಉದ ಸರ್ಫರಾಜ್, ಈವರೆಗೂ 45 ಪಂದ್ಯಗಳ ಪೈಕಿ 66 ಇನ್ನಿಂಗ್ಸ್​​​ಗಳಲ್ಲಿ ಕಣಕ್ಕಿಳಿದಿದ್ದಾರೆ. 69.85ರ ಬ್ಯಾಟಿಂಗ್ ಸರಾಸರಿಯಲ್ಲಿ 3912 ರನ್ ಕಲೆಹಾಕಿದ್ದಾರೆ. 14 ಶತಕ, 11 ಅರ್ಧಶತಕ ಒಳಗೊಂಡಿದೆ. ಅಜೇಯ 301 ರನ್​ ವೈಯಕ್ತಿಕ ಗರಿಷ್ಠ ಸ್ಕೋರ್ ಆಗಿದೆ.

ಧ್ರುವ್ ಜುರೆಲ್ ಕೂಡ ಪದಾರ್ಪಣೆ

ಸರ್ಫರಾಜ್ ಖಾನ್ ಜೊತೆಗೆ 23 ವರ್ಷದ ವಿಕೆಟ್‌ ಕೀಪರ್‌ ಧ್ರುವ ಜುರೆಲ್‌ (Dhruv Jurel) ಕೂಡ ಭಾರತ ಪರ ಪದಾರ್ಪಣೆ ಗೈದರು. ಈವರೆಗೂ 7 ಟೆಸ್ಟ್​​ ಪಂದ್ಯಗಳ ಪೈಕಿ 12 ಇನ್ನಿಂಗ್ಸ್​​​​ಗಳಲ್ಲಿ 20.09ರ ಬ್ಯಾಟಿಂಗ್ ಸರಾಸರಿಯಲ್ಲಿ 221 ರನ್ ಕಲೆ ಹಾಕಿದ್ದಾರೆ. ಸಿಕ್ಕ ಅವಕಾಶ ಕೈಚೆಲ್ಲಿದ ಭರತ್​​​ರನ್ನು ಕೈ ಬಿಟ್ಟು ಜುರೆಲ್​ಗೆ ಅವಕಾಶ ನೀಡಲಾಗಿದೆ. ಬಿಸಿಸಿಐ ಬುಧವಾರ ನಡೆಸಿದ ವಿಶೇಷ ಸಂದರ್ಶನದ ಜೊತೆಗೆ ಫೋಟೋಶೂಟ್ ಮಾಡಿತ್ತು. ಜುರೆಲ್ ಆಡುವುದು ಖಚಿತವಾಗಿತ್ತು.

ಭಾರತ ಆಡುವ 11ರ ಬಳಗ

ಯಶಸ್ವಿ ಜೈಸ್ವಾಲ್, ರೋಹಿತ್ ಶರ್ಮಾ (ನಾಯಕ), ಶುಭ್ಮನ್ ಗಿಲ್, ರಜತ್ ಪಾಟೀದಾರ್, ಸರ್ಫರಾಜ್ ಖಾನ್, ರವೀಂದ್ರ ಜಡೇಜಾ, ಧ್ರುವ್ ಜುರೆಲ್ (ವಿಕೆಟ್ ಕೀಪರ್), ರವಿಚಂದ್ರನ್ ಅಶ್ವಿನ್, ಕುಲ್ದೀಪ್ ಯಾದವ್, ಜಸ್ಪ್ರೀತ್ ಬುಮ್ರಾ, ಮೊಹಮ್ಮದ್ ಸಿರಾಜ್.

ಇದನ್ನೂ ಓದಿ: ಹಾರ್ದಿಕ್​ ಪಾಂಡ್ಯ ನಾಯಕತ್ವ ಪಡೆದಿದ್ದು ಮುಂಬೈ​ಗೆ ಹೆಚ್ಚು ಲಾಭ; ರೋಹಿತ್​ ಶರ್ಮಾ ಕೈಬಿಡಲು ಕಾರಣ ತಿಳಿಸಿದ ಸುನಿಲ್ ಗವಾಸ್ಕರ್

ಇಂಗ್ಲೆಂಡ್ ಆಡುವ 11ರ ಬಳಗ

ಜಾಕ್ ಕ್ರಾವ್ಲಿ, ಬೆನ್ ಡಕೆಟ್, ಒಲ್ಲಿ ಪೋಪ್, ಜೋ ರೂಟ್, ಜಾನಿ ಬೈರ್‌ಸ್ಟೋ, ಬೆನ್ ಸ್ಟೋಕ್ಸ್ (ನಾಯಕ), ಬೆನ್ ಫೋಕ್ಸ್ (ವಿಕೆಟ್ ಕೀಪರ್), ರೆಹಾನ್ ಅಹ್ಮದ್, ಟಾಮ್ ಹಾರ್ಟ್ಲಿ, ಮಾರ್ಕ್ ವುಡ್ ಮತ್ತು ಜೇಮ್ಸ್ ಆಂಡರ್ಸನ್.