ಕನ್ನಡ ಸುದ್ದಿ  /  Cricket  /  Smriti Mandhana Reveals Favorite Cricketer Nick Name Jersey 18 Secret And One Word About Rcb In Interview Wpl 2024 Prs

ಅಡ್ಡ ಹೆಸರು, ಫೇವರಿಟ್ ಕ್ರಿಕೆಟರ್, ಜೆರ್ಸಿ 18ರ ಸೀಕ್ರೆಟ್; ಹಲವು ಪ್ರಶ್ನೆಗಳಿಗೆ ಸ್ಮೃತಿ ಮಂಧಾನ‌ ಉತ್ತರಿಸಿದ್ದಿಷ್ಟು

Smriti Mandhana: ತನ್ನ ಫೇವರಿಟ್ ಕ್ರಿಕೆಟರ್, ನಿಕ್ ನೇಮ್, ಜೆರ್ಸಿ 18ರ ಸೀಕ್ರೆಟ್, ಆರ್​ಸಿಬಿ ಕುರಿತು ಒಂದು ಪದದಲ್ಲಿ ಉತ್ತರ ಹೀಗೆ ಹಲವು ಪ್ರಶ್ನೆಗಳಿಗೆ ಸ್ಮೃತಿ ಮಂಧಾನ ಉತ್ತರವನ್ನು ಕೊಟ್ಟಿದ್ದಾರೆ.

ಅಡ್ಡ ಹೆಸರು, ಫೇವರಿಟ್ ಕ್ರಿಕೆಟರ್; ಹಲವು ಪ್ರಶ್ನೆಗಳಿಗೆ ಸ್ಮೃತಿ ಮಂಧಾನ‌ ಉತ್ತರಿಸಿದ್ದಿಷ್ಟು
ಅಡ್ಡ ಹೆಸರು, ಫೇವರಿಟ್ ಕ್ರಿಕೆಟರ್; ಹಲವು ಪ್ರಶ್ನೆಗಳಿಗೆ ಸ್ಮೃತಿ ಮಂಧಾನ‌ ಉತ್ತರಿಸಿದ್ದಿಷ್ಟು

ಮಹಿಳಾ ಪ್ರೀಮಿಯರ್ ಲೀಗ್​ (WPL 2024) ಆರಂಭಕ್ಕೆ ದಿನಗಣನೇ ಆರಂಭವಾಗಿದೆ. ಐದು ತಂಡಗಳು ಭರ್ಜರಿ ಸಿದ್ಧತೆ ಆರಂಭಿಸಿವೆ. ಹತ್ತು ದಿನಗಳಿಂದ ತವರಿನ ಮೈದಾನ ಬೆಂಗಳೂರಿನ ಎಂ ಚಿನ್ನಸ್ವಾಮಿ ಮೈದಾನದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (Royal Challengers Bangalore) ತಂಡದ ಆಟಗಾರ್ತಿಯರು ನೆಟ್ಸ್​​ನಲ್ಲಿ ಸಖತ್ ವರ್ಕೌಟ್ ಮಾಡುತ್ತಿದ್ದಾರೆ. ಇದರ ನಡುವೆ ನಾಯಕಿ ಸ್ಮೃತಿ ಮಂಧಾನ (Smriti Mandhana) ಆರ್​ಸಿಬಿ ನಡೆಸಿದ ಸಂದರ್ಶನದಲ್ಲಿ ಭಾಗವಹಿಸಿದ್ದಾರೆ.

ತನ್ನ ಫೇವರಿಟ್ ಕ್ರಿಕೆಟರ್, ತನ್ನ ನಿಕ್ ನೇಮ್, ಜೆರ್ಸಿ 18ರ ಸೀಕ್ರೆಟ್, ಆರ್​ಸಿಬಿ ಕುರಿತು ಒಂದು ಪದದಲ್ಲಿ ಉತ್ತರ ಹೀಗೆ ಹಲವು ಪ್ರಶ್ನೆಗಳಿಗೆ ಉತ್ತರವನ್ನು ಕೊಟ್ಟಿದ್ದಾರೆ. ಈ ಸಂದರ್ಶನದ ವಿಡಿಯೋವನ್ನು ಆರ್​ಸಿಬಿ ತನ್ನ ಸೋಷಿಯಲ್ ಮೀಡಿಯಾ ಖಾತೆಗಳಲ್ಲಿ ಹಂಚಿಕೊಂಡಿದೆ.

ಪ್ರಶ್ನೆ: ನಿಮ್ಮ‌ ಪ್ರಕಾರ ಆರ್ ಸಿಬಿ‌ ಕುರಿತು ಒಂದು ಪದದಲ್ಲಿ ಉತ್ತರಿಸಿ?

ಫ್ಯಾನ್ ಬೇಸ್. ಅವರು ನಿಷ್ಠಾವಂತ ಅಭಿಮಾನಿಗಳು.

ಪ್ರಶ್ನೆ: ನಿಮ್ಮ ಅಡ್ಡ ಹೆಸರು ಏನು? ಹಾಗೆ ಕಾರಣವೇನು?

ನನ್ನ ಅಪ್ಪ ಬೆಬು ಎಂದು ಕರೆಯುತ್ತಾರೆ. ನಾನು ಚಿಕ್ಕವಳಿದ್ದಾಗ ಸ್ಕೂಲ್ ನಲ್ಲಿ ಸ್ಮೃತಿ ಎಂದು ಉಚ್ಚರಿಸಲು ಕಷ್ಟವಾಗುತ್ತಿತ್ತು. ಹಾಗಾಗಿ ಅಪ್ಪ ಬೆಬು ಎಂದು ಹೇಳಿದ್ದರು.

ಪ್ರಶ್ನೆ: ನಿಮ್ಮ ಜೆರ್ಸಿ ಸಂಖ್ಯೆ ಯಾವುದು? ಅದರ ಹಿಂದಿರುವ ಕಥೆ ಏನು?

ನನ್ನ ಜೆರ್ಸಿ ಸಂಖ್ಯೆ 18. ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡುವಾಗ ಜೆರ್ಸಿ ಸಂಖ್ಯೆ 7 ಬೇಕೆಂದು ಕೇಳಿದ್ದೆ. ಏಕೆಂದರೆ ಸ್ಕೂಲ್‌ನಲ್ಲಿ ನನ್ನ ರೋಲ್ ನಂಬರ್ 7 ಆಗಿತ್ತು. ಆದರೆ ಮತ್ತೊಬ್ಬರು ಅದಾಗಲೇ ತೆಗೆದುಕೊಂಡಿದ್ದರು. ಬಿಸಿಸಿಐನಿಂದ‌ ಒಬ್ಬರು ಕರೆ‌ ಮಾಡಿ 18ರ‌‌‌ ಸಂಖ್ಯೆ ‌ತೆಗೆದುಕೊಳ್ಳಲು ಸೂಚಿಸಿದರು. ಏಕೆಂದರೆ ನಿಮ್ಮ‌ ಬರ್ತ್ ಡೇ ದಿನವೂ ಅದೆ ಎಂದಿದ್ದರು. ಆದರೆ ಜೆರ್ಸಿ 7 ಸಿಗಲಿಲ್ಲ ಅಂದರೆ ಯಾವುದಾದರೂ ಸರಿ ಎಂದು ಹೇಳಿದ್ದೆ.

ಪ್ರಶ್ನೆ: ನಿಮ್ಮ‌ ಫೇವರಿಟ್ ಕ್ರಿಕೆಟರ್ ಯಾರು? ಯಾಕೆ?

ನನ್ನ ಫೇವರಿಟ್ ಕ್ರಿಕೆಟರ್ ಕುಮಾರ್ ಸಂಗಕ್ಕಾರ. ಹಾಗೆಯೇ ಸಚಿನ್ ಸರ್ ಕೂಡ ಇದ್ದಾರೆ. ಇಬ್ಬರ ಆಟವನ್ನು ನೋಡಿಯೇ ಬೆಳೆದಿದ್ದೇನೆ. ಹಾಗಾಗಿ ಇಬ್ಬರು ಇಷ್ಟ.

ಪ್ರಶ್ನೆ: ಟಿವಿ ಅಥವಾ ಲೈವ್‌ (ಮೈದಾನ)ನಲ್ಲಿ ನೋಡಿದ ಅತ್ಯುತ್ತಮ ಪಂದ್ಯ ಯಾವುದು?

2016ರ ಟಿ20 ವಿಶ್ವಕಪ್ ಅವಧಿಯಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯ. ಕೊಹ್ಲಿ ಮತ್ತು ಧೋನಿ‌ ಇಬ್ಬರು ಸಹ ವಿಕೆಟ್ ಮಧ್ಯೆ ರನ್ ಗಾಗಿ‌ ಓಡಿದ್ದು‌ ಮತ್ತು ಜೊತೆಯಾಟ ತುಂಬಾ ಇಷ್ಟವಾಯಿತು.

ಪ್ರಶ್ನೆ: ಕ್ರಿಕೆಟ್‌ನಲ್ಲಿ ನಿಮ್ಮ ಹೆಸರನ್ನು ಯಾವುದರಲ್ಲಿ ದಾಖಲಿಸಲು ಇಷ್ಟಪಡುತ್ತೀರಿ?

ಅತಿ ಹೆಚ್ಚು ವಿಶ್ವಕಪ್ ದಾಖಲೆಯಲ್ಲಿ ಹೆಸರನ್ನು ಸೇರಿಸಲು ಇಷ್ಟಪಡುತ್ತೇನೆ.

ಪ್ರಶ್ನೆ: ವಿರಾಟ್ ಕೊಹ್ಲಿ ಬಗ್ಗೆ ಏನು ಹೇಳುತ್ತೀರಿ?

ರನ್ ಮೆಷಿನ್

ಪ್ರಶ್ನೆ: ನೀವು ಕ್ರಿಕೆಟರ್ ಆಗಿರದಿದ್ದರೆ ಏನಾಗಲು ಇಷ್ಟಪಡುತ್ತಿದ್ದೀರಿ?

ನಾನು ಶೆಫ್ ಆಗುತ್ತಿದ್ದೆ. ಏಕೆಂದರೆ ನನಗೆ ಅಡುಗೆ ಮಾಡುವುದೆಂದರೆ ತುಂಬಾ ಇಷ್ಟ. ಹೋಟೆಲ್ ಬಿಸಿನೆಸ್, ರೆಸ್ಟೋರೆಂಟ್ ಮಾಡುವುದೆಂದರೆ ತುಂಬಾ ಇಷ್ಟ.

ಪ್ರಶ್ನೆ: ನಿಮ್ಮಲ್ಲಿರುವ ಯುನಿಕ್ ಟ್ಯಾಲೆಂಟ್‌ ಯಾವುದು?

ವಿಡಿಯೋ ಗೇಮ್ಸ್ ಆಡುತ್ತೇನೆ.

ಪ್ರಶ್ನೆ: ಊಟಕ್ಕೆ ಹೋದರೆ ನಿಮ್ಮ ತಟ್ಟೆಯಲ್ಲಿ ಏನು ನೋಡಬಹುದು?

ಬೇಲ್ ಪುರಿ ಸೇರಿದಂತೆ ಯಾವುದಾದರೂ ಚಾರ್ಟ್ಸ್ ಆಗಿರಬಹುದು. ಪಾನಿಪೂರಿ, ಸೇವ್ ಪುರಿ.

ಪ್ರಶ್ನೆ: ಕ್ರಿಕೆಟ್‌ನಲ್ಲಿ ಯಾವ ನಿಯಮ ಬದಲಾವಣೆ ಮಾಡಲು ಬಯಸುತ್ತೀರಿ?

ಒಬ್ಬ ಬ್ಯಾಟರ್ ಎರಡು ಬಾರಿ ಆಡಲು ಅವಕಾಶ ಕೊಡಬೇಕು.

ಪ್ರಶ್ನೆ: ನಿಮ್ಮ ಪ್ರಕಾರ ಡಬ್ಲ್ಯುಪಿಎಲ್ ನಲ್ಲಿ ಯಾವ ದಾಖಲೆ ಮುರಿಯಲಾಗುತ್ತದೆ?

ಈ ಬಾರಿ ಶತಕ ಬಾರಿಸುವುದನ್ನು ನೋಡುತ್ತೇನೆ. ಕಳೆದ ಬಾರಿ ಸೋಫಿ ಡಿವೈನ್ (99) ಹತ್ತಿರಕ್ಕೆ ಬಂದಿದ್ದರು. ಅದನ್ನು ಆಟಗಾರ್ತಿಯರೇ ಮಾಡುತ್ತಾರೆ ಎಂಬ ನಂಬಿಕೆ ಇದೆ.

ಪ್ರಶ್ನೆ: ಈ ಸೀಸನ್ ನಲ್ಲಿ ಯಾವ ಗುರಿಯನ್ನು ಹೊಂದಿದ್ದೀರಿ?

ಯಾವ ಗುರಿ ಕುರಿತು ಮಾತನಾಡದಿರುವುದೇ ನನ್ನ ಪ್ರಮುಖ ಗುರಿ.

ಪ್ರಶ್ನೆ: ನಿಮಗೆ ಗೊತ್ತಿರುವಂತೆ ಬೆಂಗಳೂರು ಯಾವುದಕ್ಕೆ ಫೇಮಸ್? ಯಾವುದನ್ನು ಇಲ್ಲಿ ಪ್ರಯತ್ನಿಸಬೇಕು ಎಂದುಕೊಂಡಿದ್ದೀರಿ?

ಇಲ್ಲಿ ದೋಸಾ ತುಂಬಾ ಅದ್ಬುತವಾಗಿರುತ್ತದೆ. ಈಗಾಗಲೇ ತಿಂದಿದ್ದೇನೆ. ನಾನು ಲೋಕಲ್ ದೋಸಾ ತಿನ್ನಬೇಕೆಂಬ ಆಸೆ ಇದೆ.

ಪ್ರಶ್ನೆ: ಸಹ ಆಟಗಾರ್ತಿಯರಲ್ಲಿ ಸವಾಲು ಎನಿಸುವವರು ಯಾರು?

ಕೇಟ್ ಕ್ರಾಸ್. ಆಕೆಯ ಬೌಲಿಂಗ್‌ನಲ್ಲಿ ಬ್ಯಾಟಿಂಗ್ ಮಾಡುವುದು ಕಷ್ಟ.

ಪ್ರಶ್ನೆ: ಸ್ಮೃತಿ ಮಂಧಾನ ಏನಾದರೂ ಶಾಪಿಂಗ್ ಮಾಡಿದ್ದೀರಾ?

ಎಲೆಕ್ಟ್ರಾನಿಕ್ಸ್, ವಾಚ್, ಫರ್ಪ್ಯೂಮ್.. ಎಲ್ಲವನ್ನೂ ಶಾಪಿಂಗ್ ಮಾಡಿದ್ದೇನೆ.

ಪ್ರಶ್ನೆ: ನಿಮ್ಮಲ್ಲಿರುವ ಹೆಚ್ಚು ಕಲೆಕ್ಷನ್ ಯಾವುದು?

ಸ್ನೀಕರ್ ಶೂಗಳು.