2.27 ಮೀಟರ್ ಜಿಗಿದು ಸಖತ್ ಕ್ಯಾಚ್ ಹಿಡಿದ ಧೋನಿ; 2019ರಲ್ಲಿ ರನೌಟ್ ಬದಲಿಗೆ ಈ ರೀತಿ ಡೈ ಹಾಕಿದ್ರೆ ವಿಶ್ವಕಪ್ ಗೆಲ್ತಿದ್ವಿ ಎಂದ ನೆಟ್ಟಿಗರು

ಚೆನ್ನೈ ಸೂಪರ್ ಕಿಂಗ್ಸ್ ಮಾಜಿ ನಾಯಕ ಎಂಎಸ್ ಧೋನಿ (MS Dhoni) ಅವರಿಗೀಗ 42 ವರ್ಷ ವಯಸ್ಸು. ಆದರೂ ಯುವಕ ಕ್ರಿಕೆಟಿಗರನ್ನೂ ಮೀರಿಸುವ ಫಿಟ್​ನೆಸ್ ಹೊಂದಿರುವ ಮಾಹಿಗೆ 42 ಎಂಬುದು ಕೇವಲ ಅಂಕಿ-ಸಂಖ್ಯೆ ಅಷ್ಟೆ. ಈ ವಯಸ್ಸಲ್ಲೂ ಯುವ ಆಟಗಾರರನ್ನು ನಾಚಿಸುವಂಥ ಡೈವಿಂಗ್ ಕ್ಯಾಚ್ ಹಿಡಿದು​ ಎಲ್ಲರನ್ನೂ ನಿಬ್ಬೆರಗಾಗಿಸಿದ್ದಾರೆ. ಐಪಿಎಲ್​ನ 7ನೇ ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್ (Gujarat Titans)​ ವಿರುದ್ಧ ಧೋನಿ ಹಿಡಿದ ಫೆಂಟಾಸ್ಟಿಕ್ ಕ್ಯಾಚ್​ ಎಲ್ಲೆಡೆ ವೈರಲ್ ಆಗುತ್ತಿದೆ.

ಚೆನ್ನೈನ ಚಿದಂಬರಂ ಕ್ರಿಕೆಟ್ ಮೈದಾನದಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದ ಗುಜರಾತ್ ಟೈಟಾನ್ಸ್ ಎರಡನೇ ಬ್ಯಾಟಿಂಗ್ ನಡೆಸಿತು. 207 ರನ್​ಗಳ ಗುರಿ ಹಿಂಬಾಲಿಸಿದ ಟೈಟಾನ್ಸ್ ತಂಡದ ಪರ ವಿಜಯ್ ಶಂಕರ್ 8ನೇ ಓವರ್​​ನಲ್ಲಿ ಬ್ಯಾಟ್ ಬೀಸುತ್ತಿದ್ದರು. ಡೇರಿಲ್ ಮಿಚೆಲ್ ಬೌಲಿಂಗ್​​ನ 7.3ನೇ ಎಸೆತವನ್ನು ಎದುರಿಸದ ವಿಜಯ್ ಶಂಕರ್ ಅವರ ಬ್ಯಾಟ್​ಗೆ ತಾಗಿ ಚೆಂಡು ಮೊದಲ ಸ್ಲಿಪ್​ನತ್ತ ಚಿಮ್ಮಿತು. ಆದರೆ ಚಿರತೆಯಂತೆ ಹಾರಿ ಕ್ಷಣಾರ್ಧದಲ್ಲೇ ಚೆಂಡನ್ನು ತಮ್ಮ ಕೈಗಳಲ್ಲಿ ಬಂಧಿಸಿಬಿಟ್ಟರು.

4ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ನಡೆಸಿದ ವಿಜಯ್ ಶಂಕರ್ 11 ಬಾಲ್​ಗಳಲ್ಲಿ 12 ರನ್ ಗಳಿಸಿ ಔಟಾದರು. ಧೋನಿ ಹಿಡಿದ ಡೈವಿಂಗ್ ಕ್ಯಾಚ್​​ಗೆ ನೋಡಿ, ಒಂದು ಕ್ಷಣ ದಂಗಾಗಿ ಹೋದರು. 2.27 ಮೀಟರ್ ಜಿಗಿದು ಅದ್ಭುತ ಕ್ಯಾಚ್ ಪಡೆದ ಧೋನಿ, ಕೇವಲ 0.6 ಸೆಕೆಂಡ್‌ನಲ್ಲಿ ಚೆಂಡು ಪಡೆದಿದ್ದಾರೆ. ಸಿಎಸ್​ಕೆ ಮಾಜಿ ನಾಯಕನ ಸ್ಟಾಮಿನಾಗೆ ನೆಟ್ಟಿಗರು ಭಾರಿ ಮೆಚ್ಚುಗೆ ವ್ಯಕ್ತವಾಗಿದ್ದು, ಅಭಿಮಾನಿಗಳು ಸಂತಸದಲ್ಲಿ ಮುಳುಗಿದ್ದಾರೆ.

ಇದನ್ನೂ ಓದಿ: ಭಾರತೀಯ ಕ್ರಿಕೆಟಿಗರು-ಬಾಲಿವುಡ್ ನಟಿಯರ ಲವ್ವಿಡವ್ವಿ; ಆಟಗಾರರ ಹೆಸರಿನೊಂದಿಗೆ ತಳುಕು ಹಾಕಿಕೊಂಡಿದ್ದ ಹೀರೋಯಿನ್ಸ್ ಇವರೇ

ಆದರೆ, ಎಂಎಸ್ ಧೋನಿ ಈ ಕ್ಯಾಚ್ ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲ್ ಆದ ಬೆನ್ನಲ್ಲೇ ಒಂದು ವರ್ಗ, ಮಾಹಿಯ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದೆ. ಆದರೆ ಈ ಕ್ಯಾಚ್​​​ಗೂ ಮತ್ತು 2019ರ ವಿಶ್ವಕಪ್​ಗೂ ಹೋಲಿಕೆ ಮಾಡಿಕೊಂಡು ಬೇಸರ ವ್ಯಕ್ತಪಡಿಸಿದ್ದಾರೆ. ತಮ್ಮ ಬಲಕ್ಕೆ ಫುಲ್ ಲೆಂಗ್ತ್ ಡೈವ್ ಮಾಡಿ, ಅದ್ಭುತವಾಗಿ ಕ್ಯಾಚ್ ಪಡೆದ ಧೋನಿ, 2019ರ ವಿಶ್ವಕಪ್ ಸೆಮಿಫೈನಲ್​ನಲ್ಲಿ ಯಾಕೆ ರನೌಟ್ ಆಗಿದ್ದು ಎಂದು ಪ್ರಶ್ನಿಸಿದ್ದಾರೆ.

ಅಂದು ಏಕೆ ಜಿಗಿಯಲಿಲ್ಲ ಎಂದ ನೆಟ್ಟಿಗರು

ಕ್ಯಾಚ್​​ ಪಡೆಯಲು 2.27 ಮೀಟರ್ ಜಿಗಿದ ಎಂಎಸ್ ಧೋನಿ ಅವರು 2019ರಲ್ಲಿ ಸೆಮಿಫೈನಲ್​ನಲ್ಲಿ ನ್ಯೂಜಿಲೆಂಡ್ ವಿರುದ್ಧ ಕೊನೆಯಲ್ಲಿ ಇಂಚುಗಳ ಅಂತರದಲ್ಲಿ ರನೌಟ್​ ಆದರು. ಆದರೆ ಧೋನಿ ಅವರು ಡೈವ್ ಮಾಡಿರಲಿಲ್ಲ. ಚೆನ್ನೈ ಪರ ಕ್ಯಾಚ್​ ಹಿಡಿಯಲು ಡೈವ್ ಹೊಡೆದ ರೀತಿ ಭಾರತದ ಪರ ರನೌಟ್ ಆಗದಂತೆ ಡೈವ್ ಮಾಡಿದ್ದರೆ ಇಂದು ವಿಶ್ವಕಪ್​ ಗೆಲ್ಲುತ್ತಿದ್ದೆವು ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ನೆಟ್ಟಿಗರು ಪ್ರತಿಕ್ರಿಯಿಸುತ್ತಿದ್ದಾರೆ.

ಅಂದು ಫಲಿತಾಂಶ ಏನಾಗಿತ್ತು?

ಏಕದಿನ ವಿಶ್ವಕಪ್ ಸೆಮಿಫೈನಲ್​ನಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ನ್ಯೂಜಿಲೆಂಡ್ 8 ವಿಕೆಟ್ ನಷ್ಟಕ್ಕೆ 239 ರನ್ ಗಳಿಸಿತ್ತು. ಈ ಗುರಿ ಬೆನ್ನಟ್ಟಿದ ಭಾರತ ಸತತ ವಿಕೆಟ್​ಗಳನ್ನು ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಅದರಲ್ಲೂ ಅಂತಿಮ ಎರಡು ಓವರ್​ಗಳಲ್ಲಿ ಗೆಲ್ಲಲು 32 ರನ್ ಬೇಕಿತ್ತು. ಆಗ ಕ್ರೀಸ್​ನಲ್ಲಿದ್ದ ಧೋನಿ, ಹೋರಾಡುತ್ತಿದ್ದರು. ಆದರೆ, 48.3ನೇ ಓವರ್​​​ನಲ್ಲಿ ಎರಡು ರನ್ ಕದಿಯಲು ಯತ್ನಿಸಿದ ಮಾಹಿ, ಮಾರ್ಟಿನ್ ಗಪ್ಟಿಲ್ ಡೈರೆಕ್ಟ್​ ಹಿಟ್ ಮಾಡಿ ರನೌಟ್ ಮಾಡಿದರು.

ಇದನ್ನೂ ಓದಿ: Amruthadhaare: ಅವಮಾನವಾದಗ ಬಾಯ್ಮುಚ್ಚಿ ಎಂದು ಅಬ್ಬರಿಸಿದ ಮಲ್ಲಿ; ಕಿರಿಸೊಸೆ ಪರವಾಗಿ ನಿಂತ ಹಿರಿಸೊಸೆ ಭೂಮಿಕಾ, ಶಕುಂತಲಾಗೆ ತಕ್ಕ ಶಾಸ್ತ್ರಿ

ಧೋನಿ ಡೈವ್ ಮಾಡಿದ್ದರೆ ರನೌಟ್ ಆಗುತ್ತಿರಲಿಲ್ಲ ಎಂದು ಅಂದು ಸಹ ಚರ್ಚೆ ನಡೆದಿತ್ತು. ಇದೀಗ ಸಿಎಸ್​ಕೆ ಪರ ಜಿಗಿದು ಕ್ಯಾಚ್ ಹಿಡಿದ ಬೆನ್ನಲ್ಲೇ ಅದಕ್ಕೆ ಹೋಲಿಸಿ ಆಕ್ರೋಶ ಹೊರ ಹಾಕುತ್ತಿದ್ದಾರೆ. ಅಂದು ರನೌಟ್​ ಆಗಬಾರದೆಂದು ಜಿಗಿದಿದ್ದರೆ ವಿಶ್ವಕಪ್​ ಗೆಲ್ಲುತ್ತಿದ್ದೆವು ಎಂದು ಬೇಸರ ವ್ಯಕ್ತಪಡಿಸುತ್ತಿದ್ದಾರೆ. ಆದರೆ ಅಂದಿನ ರನೌಟ್​ಗೂ ಇಂದಿನ ಡೈವ್ ಕ್ಯಾಚ್​​ಗೂ ಹೋಲಿಕೆ ಮಾಡುವುದು ಎಷ್ಟು ಸರಿ? ಧೋನಿ ಅಂದು ಉದ್ದೇಶ ಪೂರ್ವಕವಾಗಿ ರನೌಟ್​ ಆಗಿಲ್ಲ, ಇವತ್ತು ದುಡ್ಡಿಗಾಗಿ ಡೈವ್ ಮಾಡಿದ ಎಂಬುದನ್ನು ಒಪ್ಪಲು ಸಾಧ್ಯವಿಲ್ಲ ಎಂಬ ಪ್ರಬುದ್ಧತೆ ನಮ್ಮಲಿರಬೇಕು.

ಸಿಎಸ್​ಕೆ vs ಗುಜರಾತ್ ಫಲಿತಾಂಶ

ಚೆಪಾಕ್​ ಮೈದಾನದಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ಚೆನ್ನೈ ಶಿವಂ ದುಬೆ (51) ಅವರ ಭರ್ಜರಿ ಬ್ಯಾಟಿಂಗ್ ನೆರವಿನಿಂದ 6 ವಿಕೆಟ್ ನಷ್ಟಕ್ಕೆ 206 ರನ್ ಗಳಿಸಿತ್ತು. ಈ ಗುರಿ ಬೆನ್ನಟ್ಟಿದ ಗುಜರಾತ್ ರನ್ ಗಳಿಸಲು ಪರದಾಟ ನಡೆಸಿತು. 20 ಓವರ್​​​ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 143 ರನ್ ಗಳಿಸಲಷ್ಟೇ ಶಕ್ತವಾಯಿತು. ಇದರೊಂದಿಗೆ ಸಿಎಸ್​ಕೆ ಸತತ ಎರಡನೇ ಗೆಲುವು ದಾಖಲಿಸಿದರೆ, ಗುಜರಾತ್​ ಮೊದಲು ಸೋಲು ಕಂಡಿತು.

ಇದನ್ನೂ ಓದಿ: Seetha Rama Serial: ಸೀತಮ್ಮನ್ನ ಮದುವೆಯಾಗಿ, ನಾನು ನಿನ್ನ ಅಪ್ಪನಾಗ್ತಿನಿ; ತಂದೆ ಪ್ರೀತಿ ಕಾಣದ ಸಿಹಿ, ರಾಮನ ಬಂಧವನ್ನು ಒಪ್ತಾಳಾ?