ಚಾಂಪಿಯನ್ಸ್ ಟ್ರೋಫಿ ಆಯ್ತು, ಈಗ ಮುಂದಿನ ಐಸಿಸಿ ಟೂರ್ನಿ ಯಾವಾಗ, ಎಲ್ಲಿ? 2031ರ ತನಕ ದೊಡ್ಡ ಕಾರ್ಯಕ್ರಮ​ಗಳ ಪಟ್ಟಿ ಇದು!

ದುಬೈನಲ್ಲಿ ನಡೆದ 2025ರ ಚಾಂಪಿಯನ್ಸ್ ಟ್ರೋಫಿ ಫೈನಲ್‌ನಲ್ಲಿ ನ್ಯೂಜಿಲೆಂಡ್ ತಂಡವನ್ನು 4 ವಿಕೆಟ್‌ಗಳಿಂದ ಸೋಲಿಸಿದ ಭಾರತ ತಂಡ ಏಕದಿನ ಸ್ವರೂಪದಲ್ಲಿ ಐಸಿಸಿ ಟ್ರೋಫಿ ಬರ ಕೊನೆಗೊಳಿಸಿದೆ. ಇದು ಭಾರತದ ಮೂರನೇ ಚಾಂಪಿಯನ್ಸ್ ಟ್ರೋಫಿ ಪ್ರಶಸ್ತಿಯಾಗಿದ್ದು, ಆಸ್ಟ್ರೇಲಿಯಾದ 2 ಚಾಂಪಿಯನ್ಸ್ ಟ್ರೋಫಿ ಪ್ರಶಸ್ತಿ ಮೀರಿಸಿದೆ. ಕಳೆದ ಜೂನ್‌ನಲ್ಲಿ ಟಿ20 ವಿಶ್ವಕಪ್‌ ಜಯಿಸಿದ್ದ ಮೆನ್ ಇನ್ ಬ್ಲೂ ಸತತ ಎರಡನೇ ಪ್ರಶಸ್ತಿಗೆ ಮುತ್ತಿಕ್ಕಿತು. ಇದೀಗ ಭಾರತದ ಖಾತೆಗೆ 2 ಏಕದಿನ ವಿಶ್ವಕಪ್ ಪ್ರಶಸ್ತಿ, 2 ಟಿ20 ವಿಶ್ವಕಪ್, 3 ಚಾಂಪಿಯನ್ಸ್ ಟ್ರೋಫಿಗಳು ಸೇರಿವೆ. ಮುಂದಿನ ಐಸಿಸಿ ಟೂರ್ನಿ ಯಾವಾಗ, ಎಲ್ಲಿ? 2031ರ ತನಕ ಯಾವ ಯಾವ ಐಸಿಸಿ ಟೂರ್ನಿಗಳು ನಡೆಯಲಿವೆ? ಜಾಗತಿಕ ಕ್ರಿಕೆಟ್ ಕ್ಯಾಲೆಂಡರ್‌ನಲ್ಲಿ ಮುಂದಿನ ದೊಡ್ಡ ಕಾರ್ಯಕ್ರಮಗಳ ನೋಟ ಇಲ್ಲಿದೆ.

ಮುಂಬರುವ ಐಸಿಸಿ ವೇಳಾಪಟ್ಟಿ

2025 - ಚಾಂಪಿಯನ್ಸ್ ಟ್ರೋಫಿ - ಪಾಕಿಸ್ತಾನ (ಮುಕ್ತಾಯ)

2025 - ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್ - ಇಂಗ್ಲೆಂಡ್

2025 - ಮಹಿಳಾ ಏಕದಿನ ವಿಶ್ವಕಪ್ - ಭಾರತ

2026 - ಟಿ20 ವಿಶ್ವಕಪ್ - ಭಾರತ ಮತ್ತು ಶ್ರೀಲಂಕಾ

2026 - ಮಹಿಳಾ ಟಿ20 ವಿಶ್ವಕಪ್ - ಇಂಗ್ಲೆಂಡ್

2027 - ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್ - ಇಂಗ್ಲೆಂಡ್

2027 - ಏಕದಿನ ವಿಶ್ವಕಪ್ - ದಕ್ಷಿಣ ಆಫ್ರಿಕಾ, ಜಿಂಬಾಬ್ವೆ, ನಮೀಬಿಯಾ

2027 - ಮಹಿಳಾ ಚಾಂಪಿಯನ್ಸ್ ಟ್ರೋಫಿ - ಶ್ರೀಲಂಕಾ

2028 - ಟಿ20 ವಿಶ್ವಕಪ್ - ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್

2029 - ಚಾಂಪಿಯನ್ಸ್ ಟ್ರೋಫಿ - ಭಾರತ

2030 - ಟಿ20 ವಿಶ್ವಕಪ್ - ಇಂಗ್ಲೆಂಡ್, ಐರ್ಲೆಂಡ್, ಸ್ಕಾಟ್ಲೆಂಡ್

2031 - ಏಕದಿನ ವಿಶ್ವಕಪ್ - ಭಾರತ ಮತ್ತು ಬಾಂಗ್ಲಾದೇಶ

ಇದನ್ನೂ ಓದಿ: 419 ವಿಕೆಟ್, 8901 ರನ್ ಗಳಿಸಿದ್ದ ಭಾರತದ ದಿಗ್ಗಜ ಕ್ರಿಕೆಟಿಗ ನಿಧನ; ಚೊಚ್ಚಲ ಏಕದಿನ ವಿಶ್ವಕಪ್ ಆಡಿದ್ರು ಇವರು!

ಮುಂದಿನ ಐಸಿಸಿ ಪುರುಷರ ಟೂರ್ನಮೆಂಟ್

ಮುಂದಿನ ಪ್ರಮುಖ ಐಸಿಸಿ ಟೂರ್ನಮೆಂಟ್ ಪುರುಷರ 2026ರ ಐಸಿಸಿ ಟಿ20 ವಿಶ್ವಕಪ್ ಆಗಿದ್ದು, ಫೆಬ್ರವರಿ-ಮಾರ್ಚ್​ನಲ್ಲಿ ನಡೆಯಲಿದೆ. ಈ ಬಹು ನಿರೀಕ್ಷಿತ ಈವೆಂಟ್ ಅನ್ನು ಭಾರತ ಮತ್ತು ಶ್ರೀಲಂಕಾ ಜಂಟಿಯಾಗಿ ಆಯೋಜಿಸಲಿವೆ. ಎರಡೂ ಆತಿಥೇಯ ದೇಶಗಳಲ್ಲಿ ಬಹು ಸ್ಥಳಗಳಲ್ಲಿ ಪಂದ್ಯಗಳು ನಡೆಯಲಿವೆ. ಟಿ20 ಕ್ರಿಕೆಟ್‌ನ ಅಪಾರ ಜನಪ್ರಿಯತೆ ಗಮನಿಸಿದರೆ, ಈ ಪಂದ್ಯಾವಳಿಯು ಉತ್ಸಾಹವನ್ನು ಹೊಸ ಎತ್ತರಕ್ಕೆ ಕೊಂಡೊಯ್ಯುವ ನಿರೀಕ್ಷೆಯಿದೆ.

ಇದನ್ನೂ ಓದಿ: ಅಮೀರ್ ಖಾನ್ ತಿರಸ್ಕರಿಸಿ ರಣಬೀರ್ ಜೊತೆ ಫೋಟೋ ಬೇಕೆಂದ ರಿಷಭ್ ಪಂತ್; ಕುಹಕ ನಗೆ ಬೀರಿದ ರೋಹಿತ್​ ಶರ್ಮಾ, ವಿಡಿಯೋ ವೈರಲ್

ಮುಂದಿನ ಐಸಿಸಿ ಮಹಿಳಾ ಟೂರ್ನಿ

2025ರಲ್ಲಿ ಐಸಿಸಿ ಮಹಿಳಾ ಏಕದಿನ ವಿಶ್ವಕಪ್ ಅನ್ನು ಭಾರತ ಆಯೋಜನೆ ಮಾಡಲಿದೆ. 2013ರ ನಂತರ ಭಾರತವು ಮೊದಲ ಬಾರಿಗೆ ಟೂರ್ನಿ ಆಯೋಜಿಸುತ್ತಿದೆ ಒಟ್ಟಾರೆಯಾಗಿ ಭಾರತವು ಐದನೇ ಬಾರಿಗೆ ಮಹಿಳಾ ಏಕದಿನ ವಿಶ್ವಕಪ್‌ಗೆ ಆತಿಥ್ಯ ವಹಿಸಲಿದೆ. 2025ರ ಮಹಿಳಾ ಏಕದಿನ ವಿಶ್ವಕಪ್ ಆವೃತ್ತಿಯು 8 ತಂಡಗಳನ್ನು ಒಳಗೊಂಡಿದ್ದು, ಒಟ್ಟು 31 ಪಂದ್ಯ ನಡೆಯಲಿವೆ. ಐಸಿಸಿ ಮಹಿಳಾ ಚಾಂಪಿಯನ್‌ಶಿಪ್‌ ಭಾಗವಾಗಿ, ವಿಶ್ವಕಪ್‌ಗೆ ಸ್ವಯಂಚಾಲಿತ ಅರ್ಹತೆ ನಿರ್ಧರಿಸುವಲ್ಲಿ ಟೂರ್ನಿಯು ಮಹತ್ವದ್ದಾಗಿದೆ.

ಇದನ್ನೂ ಓದಿ: ಮುಂದಿನ 12 ತಿಂಗಳಲ್ಲಿ 39 ಪಂದ್ಯ; ಏಷ್ಯಾಕಪ್, ಟಿ20 ವಿಶ್ವಕಪ್ ಸೇರಿ ಭಾರತದ ಒಂದು ವರ್ಷದ ಸಂಪೂರ್ಣ ವೇಳಾಪಟ್ಟಿ ಇಲ್ಲಿದೆ