ಕನ್ನಡ ಸುದ್ದಿ  /  ಕ್ರಿಕೆಟ್  /  ಟಿ20 ವಿಶ್ವಕಪ್​ ಸೂಪರ್​-8ನಲ್ಲಿ ಭಾರತ ಪಂದ್ಯಗಳು ಯಾವಾಗ, ಎಲ್ಲಿ, ಯಾರ ವಿರುದ್ಧ? ಇಲ್ಲಿದೆ ನೋಡಿ ಕಂಪ್ಲೀಟ್ ಮಾಹಿತಿ

ಟಿ20 ವಿಶ್ವಕಪ್​ ಸೂಪರ್​-8ನಲ್ಲಿ ಭಾರತ ಪಂದ್ಯಗಳು ಯಾವಾಗ, ಎಲ್ಲಿ, ಯಾರ ವಿರುದ್ಧ? ಇಲ್ಲಿದೆ ನೋಡಿ ಕಂಪ್ಲೀಟ್ ಮಾಹಿತಿ

India T20 World Cup Fixtures: ಐಸಿಸಿ ಮೆನ್ಸ್​ ಟಿ20 ವಿಶ್ವಕಪ್ 2024 ಟೂರ್ನಿಯಲ್ಲಿ ಸೂಪರ್​​-8ನಲ್ಲಿ ಭಾರತದ ಪಂದ್ಯಗಳು ಯಾವಾಗ, ಎಲ್ಲಿ, ಯಾರ ವಿರುದ್ದ ಇಲ್ಲಿದೆ ಮಾಹಿತಿ.

ಟಿ20 ವಿಶ್ವಕಪ್​ ಸೂಪರ್​-8ನಲ್ಲಿ ಭಾರತ ಪಂದ್ಯಗಳು ಯಾವಾಗ, ಎಲ್ಲಿ, ಯಾರ ವಿರುದ್ಧ? ಇಲ್ಲಿದೆ ನೋಡಿ ಕಂಪ್ಲೀಟ್ ಮಾಹಿತಿ
ಟಿ20 ವಿಶ್ವಕಪ್​ ಸೂಪರ್​-8ನಲ್ಲಿ ಭಾರತ ಪಂದ್ಯಗಳು ಯಾವಾಗ, ಎಲ್ಲಿ, ಯಾರ ವಿರುದ್ಧ? ಇಲ್ಲಿದೆ ನೋಡಿ ಕಂಪ್ಲೀಟ್ ಮಾಹಿತಿ (BCCI-X)

ಐಸಿಸಿ ಟಿ20 ವಿಶ್ವಕಪ್ 2024 ಟೂರ್ನಿಯಲ್ಲಿ (T20 World Cup 2024) ಟೀಮ್ ಇಂಡಿಯಾ (Team India) ಭರ್ಜರಿ ಪ್ರದರ್ಶನ ನೀಡುತ್ತಿದೆ. ಕಠಿಣ ಪಿಚ್​​ಗಳಲ್ಲೂ ತನ್ನ ಆಲ್​ರೌಂಡ್ ಪರ್ಫಾಮೆನ್ಸ್​ನಿಂದ 3ಕ್ಕೆ ಮೂರು ಗೆಲುವು ಸಾಧಿಸಿ ಸೂಪರ್​-8 ಹಂತಕ್ಕೆ ಅಧಿಕೃತವಾಗಿ ಪ್ರವೇಶಿಸಿದೆ. ಎ ಗುಂಪಿನಲ್ಲಿ ಮೊದಲ ತಂಡವಾಗಿ ಮುಂದಿನ ಹಂತಕ್ಕೆ ಹೋಗಿದೆ. ಇದೀಗ ಲೀಗ್​​ನಲ್ಲಿ ತನ್ನ ಕೊನೆಯ ಪಂದ್ಯಕ್ಕೆ ಸಜ್ಜಾಗಿದೆ. ಹಾಗಾದರೆ, ಸೂಪರ್​-8 ಹಂತದಲ್ಲಿ ಭಾರತ ಯಾರ ವಿರುದ್ಧ, ಯಾವಾಗ, ಎಲ್ಲಿ ನಡೆಯಲಿವೆ ಎಂಬುದರ ವಿವರ ಇಲ್ಲಿದೆ.

ಎ ಗುಂಪಿಯನಲ್ಲಿ ಭಾರತ ಸೂಪರ್​-8 ಪ್ರವೇಶಿಸಿದೆ. ಮೂರಕ್ಕೆ 3 ಗೆದ್ದು 6 ಅಂಕ ಸಂಪಾದಿಸಿ ಅಗ್ರಸ್ಥಾನ ಪಡೆದುಕೊಂಡಿದೆ. ಉಳಿದ ಒಂದು ಪಂದ್ಯದಲ್ಲಿ ಕೆನಡಾ ವಿರುದ್ಧ ಜೂನ್ 15ರಂದು ಕಾದಾಟ ನಡೆಸಲಿದೆ. ಈ ಪಂದ್ಯವು ಫ್ಲೋರಿಡಾದ ಸೆಂಟ್ರಲ್ ಬ್ರೋವರ್ಡ್ ರೀಜನಲ್ ಪಾರ್ಕ್​ ಸ್ಟೇಡಿಯಂನಲ್ಲಿ ಟರ್ಫ್ ಗ್ರೌಂಡ್​ನಲ್ಲಿ ನಡೆಯಲಿದೆ. ಸೂಪರ್​ 8 ಹಂತದಲ್ಲೂ ಮೊದಲ ಗುಂಪಿನಲ್ಲೇ ಅವಕಾಶ ಪಡೆದಿದೆ. ಈ ಗುಂಪಿನಲ್ಲಿ ಘಟಾನುಘಟಿ ತಂಡಗಳೇ ಅವಕಾಶ ಪಡೆದಿವೆ.

ಸೂಪರ್​​-8ನಲ್ಲಿ ಭಾರತದ ವೇಳಾಪಟ್ಟಿ

ಸೂಪರ್​-8ರಲ್ಲಿ ಭಾರತ ತನ್ನ ಮೊದಲ ಪಂದ್ಯದಲ್ಲಿ ಸಿ ಗುಂಪಿನಲ್ಲಿ ಅಗ್ರಸ್ಥಾನ ಪಡೆಯುವ ತಂಡದೊಂದಿಗೆ ಸೆಣಸಾಟ ನಡೆಸಲಿದೆ. ಅಂದರೆ ವೆಸ್ಟ್ ಇಂಡೀಸ್ ಅಥವಾ ಅಫ್ಘಾನಿಸ್ತಾನ (ಒಂದು ವೇಳೆ ಅರ್ಹತೆ ಪಡೆದರೆ) ತಂಡದ ವಿರುದ್ಧ ಸೆಣಸಾಟ ನಡೆಸಲಿದೆ. ಏಕೆಂದರೆ ವಿಂಡೀಸ್​ಗಿಂತಲೂ ರನ್​ರೇಟ್ ಚೆನ್ನಾಗಿದೆ. ಈ ಪಂದ್ಯವು ಜೂನ್ 20ರಂದು ಬಾರ್ಬಡೋಸ್​ನ ಕೆನ್ಸಿಂಗ್ಟನ್ ಓವಲ್​​ ಮೈದಾನದಲ್ಲಿ ನಡೆಯಲಿದೆ.

ಟ್ರೆಂಡಿಂಗ್​ ಸುದ್ದಿ

ಸೂಪರ್​-8ರಲ್ಲಿ ಭಾರತ ತನ್ನ ಎರಡನೇ ಪಂದ್ಯವನ್ನು ಜೂನ್ 22ರಂದು ಆಡಲಿದೆ. ಆಂಟಿಗುವಾದ ಸರ್​ ವಿವಿಯನ್ ರಿಚರ್ಡ್ಸ್ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಪಂದ್ಯ ನಡೆಯಲಿದೆ. ಡಿ ಗುಂಪಿನಲ್ಲಿ ಎರಡನೇ ಸ್ಥಾನ ಪಡೆಯುವ ತಂಡದೊಂದಿಗೆ ಭಾರತ ಕಾದಾಟ ನಡೆಸಲಿದೆ. ಡಿ ಗುಂಪಿನಲ್ಲಿ ಸೌತ್ ಆಫ್ರಿಕಾ ಮೊದಲ ತಂಡವಾಗಿ ಸೂಪರ್​-8 ಪ್ರವೇಶಿಸಿದೆ. ಆದರೆ, ಎರಡನೇ ಸ್ಥಾನಕ್ಕೆ ಬಾಂಗ್ಲಾದೇಶ, ನೆದರ್ಲೆಂಡ್ಸ್, ನೇಪಾಳ, ಶ್ರೀಲಂಕಾ ತಂಡಗಳು ಸೆಣಸಾಟ ನಡೆಸುತ್ತಿವೆ. ಈ ತಂಡಗಳಲ್ಲಿ ಒಂದು ಭಾರತ ತಂಡದ ವಿರುದ್ಧ ಆಡಲಿದೆ.

ಇನ್ನು ಸೂಪರ್​-8ರಲ್ಲಿ ಭಾರತ ತನ್ನ 3ನೇ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಆಡಲಿದೆ. ಈ ಪಂದ್ಯವು ಜೂನ್ 24ರಂದು ನಡೆಯಲಿದೆ. ಸೇಂಟ್ ಲೂಸಿಯಾದಲ್ಲಿ ಡರೇನ್ ಸ್ಯಾಮಿ ನ್ಯಾಷನಲ್ ಕ್ರಿಕೆಟ್ ಮೈದಾನದಲ್ಲಿ ಈ ಹೈವೋಲ್ಟೇಜ್ ಪಂದ್ಯ ನಡೆಯಲಿದೆ. ಬಿ ಗುಂಪಿನಲ್ಲಿ ಆಸೀಸ್​ ಅಗ್ರಸ್ಥಾನ ಪಡೆದಿದೆ. ಈ ಮೂರು ಪಂದ್ಯಗಳ ಪೈಕಿ ಎರಡರಲ್ಲಿ ಗೆದ್ದರೂ ಭಾರತ ಸೆಮಿಫೈನಲ್​​ಗೆ ಎಂಟ್ರಿಕೊಡಲಿದೆ.

ಸೂಪರ್​​-8ರಲ್ಲಿ ಭಾರತದ ವೇಳಾಪಟ್ಟಿ ಹೀಗಿರುತ್ತದೆ ನೋಡಿ

  • ಜೂನ್ 20 - ಭಾರತ vs ಸಿ1, (ಕೆನ್ಸಿಂಗ್ಟನ್ ಓವಲ್​​ ಮೈದಾನ, ಬಾರ್ಬಡೋಸ್​)
  • ಜೂನ್ 22 - ಭಾರತ vs ಡಿ2, (ಸರ್​ ವಿವಿಯನ್ ರಿಚರ್ಡ್ಸ್ ಕ್ರಿಕೆಟ್ ಸ್ಟೇಡಿಯಂ, ಆಂಟಿಗುವಾ)
  • ಜೂನ್ 24 - ಭಾರತ vs ಆಸ್ಟ್ರೇಲಿಯಾ (ಡರೇನ್ ಸ್ಯಾಮಿ ನ್ಯಾಷನಲ್ ಕ್ರಿಕೆಟ್ ಮೈದಾನ, ಸೇಂಟ್ ಲೂಸಿಯಾ)

ಯಾವ ತಂಡಗಳು ಅರ್ಹತೆ ಪಡೆದಿವೆ?

ಎಲ್ಲಾ 4 ಗುಂಪುಗಳಲ್ಲಿ ತಲಾ 3 ಪಂದ್ಯ ಗೆದ್ದಿರುವ ಭಾರತ (ಗ್ರೂಪ್ ಎ), ಆಸ್ಟ್ರೇಲಿಯಾ (ಗ್ರೂಪ್ ಬಿ), ವೆಸ್ಟ್ ಇಂಡೀಸ್ (ಗ್ರೂಪ್ ಸಿ), ಸೌತ್ ಆಫ್ರಿಕಾ (ಗ್ರೂಪ್ ಡಿ) ತಂಡಗಳು ಸೂಪರ್​​ 8ಕ್ಕೆ ಅರ್ಹತೆ ಪಡೆದುಕೊಂಡಿವೆ. ಗ್ರೂಪ್ ಬಿನಲ್ಲಿ ನಮೀಬಿಯಾ, ಓಮನ್ ತಂಡಗಳು ಎಲಿಮಿನೇಟ್ ಆಗಿವೆ. ಆದರೀಗ ಇಂಗ್ಲೆಂಡ್, ಪಾಕಿಸ್ತಾನ, ನ್ಯೂಜಿಲೆಂಡ್ ತಂಡಗಳೇ ಹೊರ ಬೀಳುವ ಆತಂಕಕ್ಕೆ ಸಿಲುಕಿವೆ.

ಇನ್ನಷ್ಟು ಟಿ20 ವಿಶ್ವಕಪ್ 2024 ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ