ಕನ್ನಡ ಸುದ್ದಿ  /  ಕ್ರಿಕೆಟ್  /  ಐಪಿಎಲ್‌ 2019ರಲ್ಲಿ ಗೆಲುವು ಪಡೆದ ತಂಡ ಯಾವುದು? ಐಪಿಎಲ್‌ 2024 ಫೈನಲ್‌ ದಿನದಂದು ಈ ಮಾಹಿತಿ ತಿಳಿದಿರಿ

ಐಪಿಎಲ್‌ 2019ರಲ್ಲಿ ಗೆಲುವು ಪಡೆದ ತಂಡ ಯಾವುದು? ಐಪಿಎಲ್‌ 2024 ಫೈನಲ್‌ ದಿನದಂದು ಈ ಮಾಹಿತಿ ತಿಳಿದಿರಿ

Which team won the ipl title in 2019: ಇಂಡಿಯನ್ ಪ್ರೀಮಿಯರ್ ಲೀಗ್​-2019ರಲ್ಲಿ ಚಾಂಪಿಯನ್ ಆಗಿದ್ದ ತಂಡ ಯಾವುದು? 17ನೇ ಆವೃತ್ತಿಯ ಐಪಿಎಲ್​ ಫೈನಲ್ ದಿನದಂದು ಈ ಮಾಹಿತಿ ತಿಳಿಯಿರಿ.

ಐಪಿಎಲ್‌ 2019ರಲ್ಲಿ ಗೆಲುವು ಪಡೆದ ತಂಡ ಯಾವುದು? ಐಪಿಎಲ್‌ 2024 ಫೈನಲ್‌ ದಿನದಂದು ಈ ಮಾಹಿತಿ ತಿಳಿದಿರಿ
ಐಪಿಎಲ್‌ 2019ರಲ್ಲಿ ಗೆಲುವು ಪಡೆದ ತಂಡ ಯಾವುದು? ಐಪಿಎಲ್‌ 2024 ಫೈನಲ್‌ ದಿನದಂದು ಈ ಮಾಹಿತಿ ತಿಳಿದಿರಿ

Indian Premier League 2024: ಇಂಡಿಯನ್ ಪ್ರೀಮಿಯರ್ ಲೀಗ್​-2024ರ ಫೈನಲ್​ಗೆ ಕ್ಷಣಗಣನೆ ಶುರುವಾಗಿದೆ. ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ಸನ್​ರೈಸರ್ಸ್ ಹೈದರಾಬಾದ್ ತಂಡಗಳು (KKR vs SRH) ಪ್ರಶಸ್ತಿಗಾಗಿ ಕಾದಾಟ ನಡೆಸಲಿವೆ. ಚೆನ್ನೈನ ಎಂಎ ಚಿದಂಬರಂ ಕ್ರಿಕೆಟ್ ಮೈದಾನವು (MA Chidambaram Cricket Stadium) ಈ ಹೈವೋಲ್ಟೇಜ್​ ಕಾದಾಟಕ್ಕೆ ಸಾಕ್ಷಿಯಾಗಲಿದೆ.ಆದರೆ, 17ನೇ ಆವೃತ್ತಿಯ ಫೈನಲ್ ಗುಂಗಿನಲ್ಲಿರುವ ಕ್ರಿಕೆಟ್ ಪ್ರೇಮಿಗಳು 2019ರ ಸೀನಸ್​ನಲ್ಲಿ ಐಪಿಎಲ್​ ಯಾವ ತಂಡ ಚಾಂಪಿಯನ್​ ಆಗಿತ್ತು ಎಂಬುದು ನಿಮಗೆ ಗೊತ್ತಾ? ಇಲ್ಲಿದೆ ಮಾಹಿತಿ.

ಟ್ರೆಂಡಿಂಗ್​ ಸುದ್ದಿ

2019ರ ಐಪಿಎಲ್​ ಫೈನಲ್​ ಪಂದ್ಯವು ಮುಂಬೈ ಇಂಡಿಯನ್ಸ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳ ನಡುವೆ ನಡೆದಿತ್ತು. ಆದರೆ, ಅಂದು ಎಂಎಸ್ ಧೋನಿ ನಾಯಕತ್ವದ ಸಿಎಸ್​ಕೆ ತಂಡದ ವಿರುದ್ಧ ರೋಹಿತ್​ ಶರ್ಮಾ ನೇತೃತ್ವದ ಎಂಐ ತಂಡ 1 ರನ್ನಿಂದ ರೋಚಕ ಗೆಲುವು ಸಾಧಿಸಿ ನಾಲ್ಕನೇ ಟ್ರೋಫಿಗೆ ಮುತ್ತಿಕ್ಕಿತು. ಆ ಪಂದ್ಯದಲ್ಲಿ ಜಸ್ಪ್ರೀತ್ ಬುಮ್ರಾ 4 ಓವರ್​​ಗಳಲ್ಲಿ ಕೇವಲ 14 ರನ್ ನೀಡಿ 2 ವಿಕೆಟ್ ಪಡೆದು ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾಗಿದ್ದರು. ಆರಂಭಿಕ ಆಟಗಾರ ಶೇನ್ ವ್ಯಾಟ್ಸನ್​ 80 ರನ್ ಗಳಿಸಿದ್ದರೂ ಸಿಎಸ್​ಕೆ ಚಾಂಪಿಯನ್ ಆಗಲು ಸಾಧ್ಯವಾಗಿರಲಿಲ್ಲ.

ಹೈದರಾಬಾದ್​ನ ರಾಜೀವ್​ ಗಾಂಧಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಮೈದಾನದಲ್ಲಿ ನಡೆದಿದ್ದ ಪ್ರಶಸ್ತಿ ಸುತ್ತಿನ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ಮೊದಲು ಬ್ಯಾಟಿಂಗ್ ಮಾಡಿತ್ತು. 20 ಓವರ್​​ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 149 ರನ್​ಗಳ ಸಾಧಾರಣ ಮೊತ್ತ ಕಲೆ ಹಾಕಿತ್ತು. ಕಿರನ್ ಪೊಲಾರ್ಡ್​ 25 ಎಸೆತಗಳಲ್ಲಿ 41 ರನ್ ಗಳಿಸಿ ಮಿಂಚಿದ್ದರು. ಈ ಗುರಿ ಬೆನ್ನಟ್ಟಿದ ಸಿಎಸ್​ಕೆ, ಸುಲಭ ಗೆಲುವು ದಾಖಲಿಸುವ ನಿರೀಕ್ಷೆಯಲ್ಲಿತ್ತು. ಆದರೆ 20 ಓವರ್​​ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 148 ರನ್ ಗಳಿಸಲಷ್ಟೇ ಶಕ್ತವಾಯಿತು. ಇದರೊಂದಿಗೆ 1 ರನ್ನಿಂದ ಶರಣಾಯಿತು.

ಕೊನೆಯ ಓವರ್​​ನಲ್ಲಿ 9 ರನ್ ಬೇಕಿತ್ತು

ಸಿಎಸ್​ಕೆ ಗೆಲ್ಲಲು ಅಂತಿಮ ಓವರ್​ನಲ್ಲಿ ಚೆನ್ನೈ ತಂಡಕ್ಕೆ 9 ರನ್ ಬೇಕಿತ್ತು. ಈ ವೇಳೆ ಮುಂಬೈ ಕಟ್ಟುನಿಟ್ಟಿನ ಬೌಲಿಂಗ್ ನಡೆಸಿತು. ಲಸಿತ್ ಮಾಲಿಂಗ ಕೊನೆಯ ಓವರ್​​ ಬೌಲಿಂಗ್ ಮಾಡಿದರೆ, ಆರಂಭಿಕ ಆಟಗಾರ ಶೇನ್​ ವ್ಯಾಟ್ಸನ್​ ಸ್ಟ್ರೈಕ್​ನಲ್ಲಿದ್ದರು. ಅದಾಗಲೇ ಅವರು 76 ರನ್ ಸಿಡಿಸಿದ್ದರು. ಮೊದಲ ಮೂರು ಎಸೆತಗಳಲ್ಲಿ 4 ರನ್ ಬಂತು. ನಾಲ್ಕನೇ ಎಸೆತದಲ್ಲಿ 2 ರನ್ ಓಡಲು ಯತ್ನಿಸಿದ ವ್ಯಾಟ್ಸನ್​ ರನೌಟ್ ಆದರು. ನಂತರ ಶಾರ್ದೂಲ್​ ಐದನೇ ಎಸೆತದಲ್ಲಿ 2 ರನ್ ಗಳಿಸಿದರು. ಹೀಗಾಗಿ ಕೊನೆಯ ಬಾಲ್​ಗೆ 2 ರನ್ ಬೇಕಿತ್ತು. ಆದರೆ ಶಾರ್ದೂಲ್​ ಎಲ್​ಬಿಡಬ್ಲ್ಯು ಬಲೆಗೆ ಬಿದ್ದರು. ಹೀಗಾಗಿ ಮುಂಬೈ ರೋಚಕ ಗೆಲುವು ದಾಖಲಿಸಿತು.

ಐಪಿಎಲ್ ತಂಡಎಷ್ಟು ಬಾರಿಟ್ರೋಫಿ ಗೆದ್ದ ವರ್ಷ
ಮುಂಬೈ ಇಂಡಿಯನ್ಸ್5 ಬಾರಿ2013, 2015, 2017, 2019, 2020
ಚೆನ್ನೈ ಸೂಪರ್ ಕಿಂಗ್ಸ್5 ಬಾರಿ2010, 2011, 2018, 2021, 2023
ಕೋಲ್ಕತ್ತಾ ನೈಟ್ ರೈಡರ್ಸ್2 ಬಾರಿ2012, 2014
ಸನ್​ರೈಸರ್ಸ್ ಹೈದರಾಬಾದ್1 ಬಾರಿ2016
ರಾಜಸ್ಥಾನ್ ರಾಯಲ್ಸ್1 ಬಾರಿ2008
ಡೆಕ್ಕನ್ ಚಾರ್ಜರ್ಸ್1 ಬಾರಿ2009
ಗುಜರಾತ್ ಟೈಟಾನ್ಸ್1 ಬಾರಿ2022

 

(ಕನ್ನಡದಲ್ಲಿ ಕ್ರಿಕೆಟ್, ಎಚ್‌ಟಿ ಕನ್ನಡ ಬೆಸ್ಟ್‌. ಐಪಿಎಲ್, ಟಿ20 ವರ್ಲ್ಡ್‌ಕಪ್ ಸೇರಿದಂತೆ ಕ್ರಿಕೆಟ್ ಲೋಕದ ಸಮಗ್ರ ಮಾಹಿತಿ, ತಾಜಾ ವಿದ್ಯಮಾನ, ರನ್-ವಿಕೆಟ್, ಪ್ಲೇಆಫ್, ಟೀಮ್ ಸ್ಟಾಟ್ ವಿಶ್ಲೇಷಣೆಗಳಿಗಾಗಿ kannada.hindustantimes.com/cricket ಕ್ಕೆ ಭೇಟಿ ನೀಡಿ.)

ಟಿ20 ವರ್ಲ್ಡ್‌ಕಪ್ 2024

ಕ್ರಿಕೆಟ್‌ಗೆ ಸಂಬಂಧಿಸಿದ ಎಲ್ಲ ಸುದ್ದಿ, T20 ವಿಶ್ವಕಪ್, T20 ವಿಶ್ವಕಪ್ ವೇಳಾಪಟ್ಟಿ, T20 ವಿಶ್ವಕಪ್ ಅತ್ಯಧಿಕ ರನ್‌ಗಳು, T20 ವಿಶ್ವಕಪ್ ಪಾಯಿಂಟ್ಸ್ ಟೇಬಲ್, T20 ವಿಶ್ವಕಪ್ ಲೈವ್ ಸ್ಕೋರ್, T20 ವಿಶ್ವಕಪ್ ಅಂಕಿಅಂಶಗಳು.. ಕ್ರಿಕೆಟ್‌ಗೆ ಸಂಬಂಧಿಸಿದ ಸಮಗ್ರ ಮಾಹಿತಿಗಾಗಿ HT ಕನ್ನಡ ವೆಬ್‌ಸೈಟ್ ನೋಡಿ