Malavika Avinash Hospitalized: ಆರೋಗ್ಯ ಕಡೆಗಣಿಸಬೇಡಿ, ಇಲ್ಲದಿದ್ರೆ ನನ್ನಂತೆ ಆಸ್ಪತ್ರೆ ಸೇರಬೇಕಾಗುತ್ತೆ: ಮಾಳವಿಕಾ ಅವಿನಾಶ್
ಸದಾ ಚುರುಕಿನಿಂದ ಇದ್ದ ಮಾಳವಿಕಾ ಈಗ ಇದ್ದಕ್ಕಿದ್ದಂತೆ ಆಸ್ಪತ್ರೆ ದಾಖಲಾಗಿರುವುದು ಕೆಲವರಿಗೆ ಶಾಕ್‌ ಆಗಿದೆ. ತಾವು ಆಸ್ಪತ್ರೆ ಬೆಡ್‌ ಮೇಲೆ ಮಲಗಿರುವ ಹಾಗೂ ಮೈಗ್ರೇನ್‌ಗೆ ಸಂಬಂಧಿಸಿದ ಇತರ 2 ಫೋಟೋಗಳನ್ನು ಅವರು ಹಂಚಿಕೊಂಡಿದ್ದಾರೆ.
ನಟಿ, ರಾಜ್ಯ ಬಿಜೆಪಿ ವಕ್ತಾರೆ ಮಾಳವಿಕಾ ಅವಿನಾಶ್ ಅನಾರೋಗ್ಯದಿಂದ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಈ ವಿಚಾರವನ್ನು ಖುದ್ದು ಮಾಳವಿಕಾ ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಮಾಳವಿಕಾ ಆಸ್ಪತ್ರೆಗೆ ದಾಖಲಾಗಿರುವ ಸುದ್ದಿ ತಿಳಿದವರು ಶೀಘ್ರ ಗುಣಮುಖರಾಗಿ ವಾಪಸ್‌ ಬನ್ನಿ ಎಂದು ಹಾರೈಸುತ್ತಿದ್ದಾರೆ.
ಮಾಳವಿಕಾ ಅವಿನಾಶ್ ಸೋಷಿಯಲ್‌ ಮೀಡಿಯಾದಲ್ಲಿ ಆಕ್ಟಿವ್‌ ಇದ್ದಾರೆ. ಜೊತೆಗೆ ಬಿಜೆಪಿ ಪಕ್ಷದಲ್ಲಿ ಗುರುತಿಸಿಕೊಂಡಿದ್ದಾರೆ. ಮೋದಿ, ಬಿಜೆಪಿ ಸರ್ಕಾರದ ಬಗ್ಗೆ ಟೀಕಿಸುವವರಿಗೆ ಸೋಷಿಯಲ್‌ ಮೀಡಿಯಾ ಮೂಲಕವೇ ತಕ್ಕ ಉತ್ತರ ನೀಡುತ್ತಾ ಬಂದಿದ್ದಾರೆ. ಸಮಾಜದಲ್ಲಿ ನಡೆಯುವ ಅಹಿತಕರ ಘಟನೆಗಳನ್ನು ಖಂಡಿಸುತ್ತಾ ಬಂದಿದ್ದಾರೆ. ಇತ್ತೀಚೆಗೆ ಅವರು ತಮ್ಮ ತಾಯಿ ಹೇಳಿಕೊಟ್ಟಿದ್ದ ಮಾವಿನಕಾಯಿ ತೊಕ್ಕು ರೆಸಿಪಿಯನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದರು. ಹೀಗೆ ಸದಾ ಚುರುಕಿನಿಂದ ಇದ್ದ ಮಾಳವಿಕಾ ಈಗ ಇದ್ದಕ್ಕಿದ್ದಂತೆ ಆಸ್ಪತ್ರೆ ದಾಖಲಾಗಿರುವುದು ಕೆಲವರಿಗೆ ಶಾಕ್‌ ಆಗಿದೆ.
ತಾವು ಆಸ್ಪತ್ರೆ ಬೆಡ್‌ ಮೇಲೆ ಮಲಗಿರುವ ಹಾಗೂ ಮೈಗ್ರೇನ್‌ಗೆ ಸಂಬಂಧಿಸಿದ ಇತರ 2 ಫೋಟೋಗಳನ್ನು ಹಂಚಿಕೊಂಡಿರುವ ಮಾಳವಿಕಾ ಅವಿನಾಶ್, ''ಯಾವುದೇ ಕಾರಣಕ್ಕೂ ಮೈಗ್ರೇನ್‌ ಕಡೆಗಣಿಸಬೇಡಿ. ಸಣ್ಣ ಪುಟ್ಟ ತಲೆನೋವು ಇದ್ದರೂ ವೈದ್ಯರನ್ನು ಭೇಟಿ ಮಾಡಿ, ಇಲ್ಲವಾದರೆ ನೀವು ಕೂಡಾ ನನ್ನಂತೆ ಆಸ್ಪತ್ರೆ ಸೇರಬೇಕಾಗುತ್ತದೆ'' ಎಂದು ಬರೆದುಕೊಂಡಿದ್ದಾರೆ. ಬೇಗ ಗುಣಮುಖರಾಗಿ, ಆಸ್ಪತ್ರೆಯಿಂದ ಡಿಸ್ಚಾರ್ಜ್‌ ಆಗಿ, ಆರೋಗ್ಯದ ಕಡೆ ಗಮನ ನೀಡಿ ಎಂದು ನೆಟಿಜನ್ಸ್‌ ಕಾಮೆಂಟ್‌ ಮಾಡುತ್ತಿದ್ದಾರೆ. ಮಾಳವಿಕಾ ಅವರ ಮುಖ ಬಹಳ ಬದಲಾಗಿರುವುದನ್ನು ಈ ಪೋಟೋದಲ್ಲಿ ಗಮನಿಸಬಹುದು.
ಮಾಳವಿಕಾ 1988ರಲ್ಲಿ 'ಕೃಷ್ಣಾವತಾರ' ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಬಂದರು. ಕನ್ನಡ ಮಾತ್ರವಲ್ಲದೆ ಮಲಯಾಳಂ, ತಮಿಳು ಸಿನಿಮಾಗಳಲ್ಲೂ ಮಾಳವಿಕಾ ನಟಿಸಿದ್ದಾರೆ. 2022ರಲ್ಲಿ ತೆರೆ ಕಂಡ ಕೆಜಿಎಫ್‌ 2 ಚಿತ್ರದಲ್ಲೂ ಮಾಳವಿಕಾ ನಟಿಸಿದ್ದಾರೆ. ಕಿರುತೆರೆಯಲ್ಲಿ ಕೂಡಾ ಮಾಳವಿಕಾ ಗುರುತಿಸಿಕೊಂಡಿದ್ದಾರೆ. ಮನ್ವಂತರ, ಗೃಹಭಂಗ, ಮುಕ್ತ, ಮಾಯಾಮೃಗ, ಮಹಾಪರ್ವ ಧಾರಾವಾಹಿಗಳಲ್ಲಿ ಮಾಳವಿಕಾ ಅಭಿನಯಿಸಿದ್ದಾರೆ. ಬದುಕು ಜಟಕಾ ಬಂಡಿ, ಆರದಿರಲಿ ಬೆಳಕು ಕಾರ್ಯಕ್ರಮಗಳಿಗೆ ನಿರೂಪಣೆ ಮಾಡಿದ್ದಾರೆ.
ಮನರಂಜನೆಗೆ ಸಂಬಂಧಿಸಿದ ಮತ್ತಷ್ಟು ಸುದ್ದಿಗಳು
'ಆದಿಪುರುಷ್‌' ಚಿತ್ರಕ್ಕೆ ಮತ್ತೆ ಸಂಕಷ್ಟ... ಪೋಸ್ಟರ್‌ ಡಿಸೈನ್‌ ಕದ್ದಿದ್ದಾರೆ ಎಂದು ಆರೋಪಿಸಿದ ಕಾನ್ಸೆಪ್ಟ್‌ ಆರ್ಟಿಸ್ಟ್
ಅದ್ಯಾವ ಗಳಿಗೆಯಲ್ಲಿ 'ಆದಿಪುರುಷ್‌' ಚಿತ್ರದ ಟೀಸರ್‌ ಬಿಡುಗಡೆ ಮಾಡಲಾಯ್ತೋ, ಅಂದಿನಿಂದ ಇಲ್ಲಿವರೆಗೂ ಸಿನಿಮಾಗೆ ಒಂದರ ಹಿಂದೊಂದರಂತೆ ಸಂಕಷ್ಟ ಶುರುವಾಗಿದೆ. ಮೇಕಿಂಗ್‌, ಟೀಸರ್‌ನಲ್ಲಿ ರಾಮಾಯಣದ ಪಾತ್ರಗಳನ್ನು ತೋರಿಸಿರುವ ಪರಿ ಬಗ್ಗೆ ಜನರು ವಿರೋಧ ವ್ಯಕ್ತಪಡಿಸಿದ್ದರು. ಇದೀಗ ಚಿತ್ರಕ್ಕೆ ಮತ್ತೊಂದು ಕಷ್ಟ ಎದುರಾಗಿದೆ. ಪೂರ್ತಿ ಮಾಹಿತಿಗೆ ಈ ಲಿಂಕ್‌ ಒತ್ತಿ.
ತಮ್ಮ ತೋಟದಲ್ಲಿ ಬೆಳೆದ ಮಾವಿನಹಣ್ಣಿನ ರಾಶಿ ಮುಂದೆ ಕುಳಿತಿರುವ ಈ ನಿಂಬೆಹಣ್ಣಿನ ಹುಡುಗಿ ಯಾರು ಗುರುತು ಸಿಕ್ತಾ?
ಬೇಸಿಗೆ ಎಂದರೆ ನಮಗೆ ನೆನಪಾಗುವುದು ಮಾವು. ಈ ಸಮಯದಲ್ಲಿ ಮಾರುಕಟ್ಟೆಯಲ್ಲಿ ದೊರೆಯುವ ನಾನಾ ರೀತಿಯ ಮಾವಿನಹಣ್ಣನ್ನು ತಂದು ವೆರೈಟಿ ರೆಸಿಪಿ ಮಾಡಿ ತಿನ್ನುವುದು ಸಾಮಾನ್ಯ. ಇದೆಲ್ಲಕ್ಕಿಂತ ನಮ್ಮದೇ ತೋಟದ ಮಾವು ಎಂದರೆ ಎಲ್ಲರಿಗೂ ಖುಷಿ. ಈ ನಿಂಬೆಹಣ್ಣಿನ ಹುಡುಗಿಗೆ ಕೂಡಾ ತಮ್ಮ ತೋಟದ ಮಾವಿನಹಣ್ಣು ಎಂದರೆ ಎಲ್ಲಿಲ್ಲದ ಪ್ರೀತಿ. ಈಗ ಈಕೆ ಮಾವಿನ ಕೊಯ್ಲು ಮಾಡಲು ಮುಂದಾಗಿದ್ದಾರೆ. ಪೂರ್ತಿ ಸ್ಟೋರಿಗೆ ಇಲ್ಲಿ ಕ್ಲಿಕ್‌ ಮಾಡಿ
