ಕಾಯಿಲೆ ಇರುವ ಹೆಂಡತಿಯನ್ನು ಬಿಟ್ಟುಬಿಡುವ ಗಂಡ; ಅನುಮಾನ ಹುಟ್ಟಿಸಿದ ಸಮಂತಾ ರುತ್ ಪ್ರಭು ಲೈಕ್
ಸಮಂತಾ ರುತ್ ಪ್ರಭು ಅವರ ಇತ್ತೀಚಿನ ಸೋಷಿಯಲ್‌ ಮೀಡಿಯಾ ಆಕ್ಟಿವಿಟಿಯೊಂದು ಆಕೆಯ ಮಾಜಿ ಪತಿ ನಾಗ ಚೈತನ್ಯ ಅವರೊಂದಿಗಿನ ಹಿಂದಿನ ಸಂಬಂಧದ ಕುರಿತಾದ ಊಹಾಪೋಹಗಳಿಗೆ ಕಾರಣವಾಗಿದೆ.
ನಾಗ ಚೈತನ್ಯ ಮತ್ತು ಸಮಂತಾ ರುತ್ ಪ್ರಭು ಡಿವೋರ್ಸ್‌ಗೆ ಏನು ಕಾರಣ ಎಂಬ ವಿವರ ಇನ್ನೂ ಯಾರಿಗೂ ತಿಳಿದಿಲ್ಲ. ಆದರೆ, ಸಮಂತಾ ರುತ್ ಪ್ರಭುವಿಗೆ ಮೆಯೋಸಿಸ್‌ ಎಂಬ ಕಾಯಿಲೆ ಇದ್ದ ಸಂಗತಿ ಎಲ್ಲರಿಗೂ ಗೊತ್ತು. ಈಕೆಗೆ ಇಂತಹ ಅಪರೂಪದ ಕಾಯಿಲೆ ಇರುವುದೇ ಡಿವೋರ್ಸ್‌ಗೆ ಕಾರಣವಾಗಿರಬಹುದೇ? ಇತ್ತೀಚೆಗೆ ಸಮಂತಾ ಸೋಷಿಯಲ್‌ ಮೀಡಿಯಾದಲ್ಲಿ ವೈ ಮೆನ್‌ಲೀವ್‌ ಸಿಕ್‌ ಪಾಟ್ನರ್ಸ್‌ ಎಂಬ ಪೋಸ್ಟ್ ಲೈಕ್ ಮಾಡಿದ್ದಾರೆ. ಇದು ಹಲವು ಅನುಮಾನಗಳಿಗೆ ಕಾರಣವಾಗಿದೆ.
ಸಮಂತಾ ರುತ್ ಪ್ರಭು ಅವರ ಇತ್ತೀಚಿನ ಸೋಷಿಯಲ್‌ ಮೀಡಿಯಾ ಆಕ್ಟಿವಿಟಿಯೊಂದು ಆಕೆಯ ಮಾಜಿ ಪತಿ ನಾಗ ಚೈತನ್ಯ ಅವರೊಂದಿಗಿನ ಹಿಂದಿನ ಸಂಬಂಧದ ಕುರಿತಾದ ಊಹಾಪೋಹಗಳಿಗೆ ಕಾರಣವಾಗಿದೆ. ನಟಿ ವಿಚ್ಛೇದನದ ನಂತರ ಅಪರೂಪದ ಕಾಯಿಲೆಯಾದ ಮಯೋಸಿಟಿಸ್‌ನಿಂದ ಬಳಲುತ್ತಿರುವುದನ್ನು ಬಹಿರಂಗಪಡಿಸಿದ್ದರು. ಈಗ, ಪುರುಷರು ಅನಾರೋಗ್ಯ ಪೀಡಿತ ಪಾಲುದಾರರನ್ನು ಏಕೆ ಬಿಡುತ್ತಾರೆ ಎಂಬುದನ್ನು ಚರ್ಚಿಸುವ ಪೋಸ್ಟ್ ಅವರ ಗಮನ ಸೆಳೆದಿದೆ. ಈ ಪೋಸ್ಟ್ ಅನ್ನು ಇವರು ಲೈಕ್ ಮಾಡಿದ್ದಾರೆ. ಇದಕ್ಕೂ ನಾಗಚೈತನ್ಯ ಅವರೊಂದಿಗಿನ ಡಿವೋರ್ಸ್‌ಗೂ ಸಂಬಂಧವಿದೆಯೇ ಎಂದು ಆನ್‌ಲೈನ್‌ನಲ್ಲಿ ಚರ್ಚೆ ನಡೆಯುತ್ತಿದೆ. ಕೆಲವರು ಪ್ರಕಾರ, "ಕಾಯಿಲೆ ಕಾರಣವಾಗಿರದು, ಇವರಿಬ್ಬರ ನಡುವಿನ ಹೊಂದಾಣಿಕೆಯ ಕೊರತೆಯೇ ಕಾರಣವಾಗಿರಬಹುದು" ಎಂದಿದ್ದಾರೆ.
ಸಮಂತಾ ಇತ್ತೀಚೆಗೆ ಸಕ್ಸಸ್‌ವರ್ಸ್ ಎಂಬ ಇನ್‌ಸ್ಟಾಗ್ರಾಮ್ ಪುಟದಲ್ಲಿ ಹಂಚಿಕೊಂಡ ಪೋಸ್ಟ್ ಅನ್ನು ಇಷ್ಟಪಟ್ಟಿದ್ದಾರೆ. "ಪುರುಷರು ಅನಾರೋಗ್ಯ ಪೀಡಿತ ಸಂಗಾತಿಯನ್ನು ಏಕೆ ಬಿಡುತ್ತಾರೆ: ಸಂಬಂಧ ತ್ಯಜಿಸುವಿಕೆಯ ಹಿಂದಿನ ಶೀತಲ ಸತ್ಯ' ಎಂಬ ಶೀರ್ಷಿಕೆಯ ಈ ವೀಡಿಯೊವನ್ನು ಲೈಕ್ ಮಾಡಿದ್ದರು. ಇದರಲ್ಲಿ ಪುರುಷರು ಮಾರಕ ಕಾಯಿಲೆಗಳಿಂದ ಬಳಲುತ್ತಿರುವ ಸಂಗಾತಿಯನ್ನು ತ್ಯಜಿಸುವ ಸಾಧ್ಯತೆ ಶೇಕಡ 624ಕ್ಕೂ ಹೆಚ್ಚು ಎಂದು ಅಂಕಿಅಂಶಗಳ ಸಹಿತ ಮಾಹಿತಿ ನೀಡಲಾಗಿತ್ತು. ಆದರೆ ಮಹಿಳೆಯರು ತಮ್ಮ ಅನಾರೋಗ್ಯ ಪೀಡಿತ ಸಂಗಾತಿಗಳನ್ನು ನೋಡಿಕೊಳ್ಳುತ್ತಾರೆ" ಎಂದು ಈ ಚರ್ಚೆಯಲ್ಲಿ ತಿಳಿಸಲಾಗಿತ್ತು. ಇದನ್ನು ಸಮಂತಾ ಲೈಕ್ ಮಾಡಿದ್ದಾರೆ.
ನಾಗ ಚೈತನ್ಯ ಅವರು ಶೋಭಿತಾ ಧೂಳಿಪಾಲ ಅವರನ್ನು ವಿವಾಹವಾಗಿದ್ದಾರೆ. ಆದರೆ, ಸಮಂತಾ ನಿರ್ದೇಶಕ ರಾಜ್ ನಿಧಿಮೋರು ಅವರೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ವದಂತಿ ಇದೆ. ಇಬ್ಬರೂ ತಿರುಪತಿ ದೇವಸ್ಥಾನದಲ್ಲಿ ಒಟ್ಟಿಗೆ ಕಾಣಿಸಿಕೊಂಡು ಊಹಾಪೋಹಗಳಿಗೆ ಉತ್ತೇಜನ ನೀಡಿದರು. ಅವರು ಸಿಟಾಡೆಲ್: ಹನಿ ಬನ್ನಿ ಮತ್ತು ದಿ ಫ್ಯಾಮಿಲಿ ಮ್ಯಾನ್‌ನಂತಹ ಪ್ರಾಜೆಕ್ಟ್‌ಗಳಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದಾರೆ. ಸಮಂತಾ ಅಥವಾ ರಾಜ್ ಡೇಟಿಂಗ್ ವದಂತಿಗಳನ್ನು ದೃಢಪಡಿಸಿಲ್ಲ ಅಥವಾ ನಿರಾಕರಿಸಿಲ್ಲ.
ಸಮಂತಾ ಪ್ರಸ್ತುತ ರಕ್ತ ಬ್ರಹ್ಮಂದ್: ದಿ ಬ್ಲಡಿ ಕಿಂಗ್‌ಡಮ್ ವಿತ್ ರಾಜ್ & ಡಿಕೆ ಶೂಟಿಂಗ್‌ನಲ್ಲಿದ್ದಾರೆ. ಆಕರ್ಷಕ ಆಕ್ಷನ್ ಮತ್ತು ದೃಶ್ಯಗಳ ಭರವಸೆ ನೀಡುವ ಅದ್ಭುತ ವೆಬ್‌ ಸರಣಿಯಾಗಿದೆ. ಅವರು ಮನೋಜ್ ಬಾಜಪೇಯಿ ಅವರೊಂದಿಗೆ ದಿ ಫ್ಯಾಮಿಲಿ ಮ್ಯಾನ್ ಸೀಸನ್ 3ರಲ್ಲಿ ನಟಿಸಲಿದ್ದಾರೆ.
Praveen Chandra B
