Allu Arjun Tweet: ನನ್ನ ಮಗಳ ಆಕ್ಟಿಂಗ್ ನಿಮಗೆ ಖಂಡಿತ ಇಷ್ಟವಾಗುತ್ತೆ.. 'ಶಾಕುಂತಲಂ' ತಂಡಕ್ಕೆ ಶುಭ ಕೋರಿ ಅಲ್ಲು ಅರ್ಜುನ್ ಟ್ವೀಟ್
ಸಿನಿಮಾ ನೋಡುವವರಿಗೆ ಖಂಡಿತ ನನ್ನ ಪುಟ್ಟ ಅಲ್ಲು ಅರ್ಹಾ ನಟನೆ ಇಷ್ಟವಾಗುತ್ತದೆ. ಮಗಳಿಗೆ ಈ ಅವಕಾಶ ನೀಡಿದ ಗುಣ ಅವರಿಗೆ ಹೃದಯಪೂರ್ವಕ ಧನ್ಯವಾದಗಳು. ಈ ಸಿಹಿ ಗಳಿಗೆಯನ್ನು ನಾವು ಎಂದಿಗೂ ನೆನಪಿನಲ್ಲಿಟ್ಟುಕೊಳ್ಳುತ್ತೇವೆ ಎಂದು ಅಲ್ಲು ಅರ್ಜುನ್ ಟ್ವೀಟ್ ಮಾಡಿದ್ದಾರೆ.
ಗುಣಶೇಖರ್‌ ನಿರ್ದೇಶನದಲ್ಲಿ ಸಮಂತಾ ಹಾಗೂ ದೇವ್‌ ಮೋಹನ್‌ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ 'ಶಾಕುಂತಲಂ' ಸಿನಿಮಾ ಇಂದು ಬಿಡುಗಡೆ ಆಗಿದೆ. ಬಹಳ ದಿನಗಳಿಂದ ಅಭಿಮಾನಿಗಳು, ಸಮಂತಾ ಶಾಕುಂತಲೆ ಪಾತ್ರವನ್ನು ತೆರೆ ಮೇಲೆ ಕಣ್ತುಂಬಿಕೊಳ್ಳಲು ಕಾಯುತ್ತಿದ್ದರು. ಇಂದು ಸಿನಿಮಾ ನೋಡಿದವರು ಸಮಂತಾ ನಟನೆಯನ್ನು ಮೆಚ್ಚಿದ್ದಾರೆ.
'ಶಾಕುಂತಲಂ' ಚಿತ್ರದಲ್ಲಿ ಅಲ್ಲು ಅರ್ಜುನ್ ಪುತ್ರಿ ಅಲ್ಲು ಆರ್ಹಾ ಕೂಡಾ ನಟಿಸಿದ್ದಾರೆ. ರಾಜಕುಮಾರ ಭರತನ ಪಾತ್ರದಲ್ಲಿ ಪುಟ್ಟ ಆರ್ಹಾ ಮಿಂಚಿದ್ದಾರೆ. ಸಿನಿಮಾದಲ್ಲಿ ಅಲ್ಲು ಆರ್ಹಾ ನೋಡಿದವರು, ಈ ಪಾತ್ರಕ್ಕೆ ಆರ್ಹಾ ಚೆನ್ನಾಗಿ ಹೊಂದುತ್ತಾಳೆ ಎಂದು ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ. ಸ್ಟೈಲಿಷ್‌ ಸ್ಟಾರ್‌ ಅಲ್ಲು ಅರ್ಜುನ್ 'ಶಾಕುಂತಲಂ' ಚಿತ್ರತಂಡಕ್ಕೆ ವಿಶ್‌ ಮಾಡಿದ್ದಾರೆ. ಜೊತೆಗೆ ತಮ್ಮ ಮಗಳಿಗೆ ಈ ಪಾತ್ರ ನೀಡಿದ್ದಕ್ಕೆ ನಿರ್ದೇಶಕ ಗುಣಸಾಗರ್‌ಗೆ ಧನ್ಯವಾದ ಅರ್ಪಿಸಿದ್ದಾರೆ.
ಒಂದು ಟ್ವೀಟ್‌ನಲ್ಲಿ ಗುಣಶೇಖರ್‌, ನೀಲಿಮಾ ಗುಣ, ಎವಿಸಿ ಬ್ಯಾನರ್‌, ಸಮಂತಾ, ದೇವ್‌ ಮೋಹನ್‌ ಎಲ್ಲರ ಹೆಸರು ಮೆನ್ಷನ್‌ ಮಾಡಿ ಇಡೀ ಚಿತ್ರತಂಡಕ್ಕೆ ಶುಭ ಕೋರಿದ್ದಾರೆ. ಮತ್ತೊಂದು ಟ್ವೀಟ್ ಮಾಡಿ, ''ಸಿನಿಮಾ ನೋಡುವವರಿಗೆ ಖಂಡಿತ ನನ್ನ ಪುಟ್ಟ ಅಲ್ಲು ಅರ್ಹಾ ನಟನೆ ಇಷ್ಟವಾಗುತ್ತದೆ. ಮಗಳಿಗೆ ಈ ಅವಕಾಶ ನೀಡಿದ ಗುಣ ಅವರಿಗೆ ಹೃದಯಪೂರ್ವಕ ಧನ್ಯವಾದಗಳು. ಈ ಸಿಹಿ ಗಳಿಗೆಯನ್ನು ನಾವು ಎಂದಿಗೂ ನೆನಪಿನಲ್ಲಿಟ್ಟುಕೊಳ್ಳುತ್ತೇವೆ'' ಎಂದು ಅಲ್ಲು ಅರ್ಜುನ್ ಟ್ವೀಟ್ ಮಾಡಿದ್ದಾರೆ. ಅಲ್ಲು ಅರ್ಜುನ್ ಪೋಸ್ಟ್‌ಗೆ ಸಮಂತಾ, ದೇವ್‌ ಮೋಹನ್‌, ನೀಲಿಮಾ ಗುಣ ರಿಪ್ಲೇ ಮಾಡಿ ಧನ್ಯವಾದ ಅರ್ಪಿಸಿದ್ದಾರೆ. ಸಿನಿಮಾ ನೋಡಿದವರು ಆರ್ಹಾ ಫೋಟೋಗಳನ್ನು ಪೋಸ್ಟ್‌ ಮಾಡಿ, ನಿಮ್ಮ ಮಗಳ ಆಕ್ಟಿಂಗ್ ಸೂಪರ್‌ ಎಂದು ಹೊಗಳುತ್ತಿದ್ದಾರೆ.
'ಶಾಕುಂತಲಂ' ಚಿತ್ರವನ್ನು ಶ್ರೀ ವೆಂಕಟೇಶ್ವರ ಕ್ರಿಯೇಷನ್ಸ್‌ ಹಾಗೂ ಗುಣ ಟೀಮ್‌ವರ್ಕ್ಸ್‌ ಜೊತೆ ಸೇರಿ ನಿರ್ಮಿಸಿದೆ. ಗುಣಶೇಖರ್‌ ಚಿತ್ರಕಥೆ ಬರೆದು ನಿರ್ದೇಶಿಸಿದ್ದಾರೆ. ಚಿತ್ರದ ಹಾಡುಗಳಿಗೆ ಮಣಿಶರ್ಮಾ ಸಂಗೀತ ನೀಡಿದ್ದಾರೆ. ಸಮಂತಾ, ದೇವ್‌ ಮೋಹನ್‌, ಅಲ್ಲು ಆರ್ಹಾ ಜೊತೆಗೆ ಮೋಹನ್‌ ಬಾಬು, ಪ್ರಕಾಶ್‌ ರಾಜ್‌, ಗೌತಮಿ, ಕಬೀರ್‌ ಬೇಡಿ, ಕಬೀರ್‌ ದುಹಾನ್‌ ಸಿಂಗ್‌ ಹಾಗೂ ಇನ್ನಿತರರು ಈ ಚಿತ್ರದಲ್ಲಿ ನಟಿಸಿದ್ದಾರೆ.
ಮತ್ತಷ್ಟು ಮನರಂಜನೆ ಸುದ್ದಿಗಳು
ಅಧಿಕೃತವಾಗಿ ಟಾಲಿವುಡ್‌ಗೆ ಎಂಟ್ರಿ ಕೊಟ್ಟ ಪವನ್ ಕಲ್ಯಾಣ್ ಪುತ್ರ ಅಕಿರಾ.. ಖುಷಿ-ಬೇಸರ ಎರಡೂ ಆಯ್ತು ಎಂದ ಫ್ಯಾನ್ಸ್‌
ತೆಲುಗು ಸ್ಟಾರ್‌ ನಟ ಪವನ್ ಕಲ್ಯಾಣ್ ಪುತ್ರ ಅಕಿರಾ ನಂದನ್ ಚಿತ್ರರಂಗಕ್ಕೆ ಎಂಟ್ರಿ ಕೊಡುತ್ತಾರೆ ಎಂದು ಅಭಿಮಾನಿಗಳು ಬಹಳ ದಿನಗಳಿಂದ ಕಾಯುತ್ತಿದ್ದರು. 2 ವರ್ಷಗಳ ಹಿಂದೆ ಕೂಡಾ ಇದೇ ಸುದ್ದಿ ಕೇಳಿಬಂದಿತ್ತು. ಇನ್ನೇನು ಅಕಿರಾ ಚಿತ್ರವೊಂದರಲ್ಲಿ ಹೀರೋ ಆಗಿ ನಟಿಸಲಿದ್ದಾರೆ ಎಂಬ ಮಾತು ಕೇಳಿಬಂದಿತ್ತು. ಬಹಳ ದಿನಗಳು ಕಾದ ನಂತರ ಅಭಿಮಾನಿಗಳ ಬಹಳ ದಿನಗಳ ಕನಸು ಈಗ ನೆರವೇರಿದೆ. ಫುಲ್‌ ಆರ್ಟಿಕಲ್‌ ಓದಲು ಈ ಲಿಂಕ್‌ ಕ್ಲಿಕ್‌ ಮಾಡಿ
ಸುಮ್ಮನೆ ಭಾಷಣ ಮಾಡಿದ್ರೆ ಎಲ್ರೂ ಎದ್ದು ಹೋಗ್ತಾರೆ... ಮಂಡ್ಯ ಚುನಾವಣಾ ಜಾಗೃತಿ ಸಭೆಯಲ್ಲಿ ಸತೀಶ್‌ ನಗೆಚಟಾಕಿ
ಸ್ಯಾಂಡಲ್ವುಡ್ ನಟ, 'ಅಯೋಗ್ಯ' ಸಿನಿಮಾ ಖ್ಯಾತಿಯ ನೀನಾಸಂ ಸತೀಶ್‌ ಮಂಡ್ಯ ಚುನಾವಣಾ ರಾಯಭಾರಿಯಾಗಿ ಆಯ್ಕೆ ಆಗಿದ್ದಾರೆ. ಇಂದು (ಏ.13) ಮಂಡ್ಯದಲ್ಲಿ ಚುನಾವಣಾ ಜಾಗೃತಿ ಸಭೆಯಲ್ಲಿ ಭಾಗವಹಿಸಿದ್ದ ಸತೀಶ್‌ ಜನರಲ್ಲಿ ಮತದಾನದ ಬಗ್ಗೆ ಅರಿವು ಮೂಡಿಸುವ ಪ್ರಯತ್ನ ಮಾಡಿದರು. ಇನ್ನಷ್ಟು ಮಾಹಿತಿಗೆ ಈ ಲಿಂಕ್‌ ಒತ್ತಿ.
