ಟಿಆರ್‌ಪಿಯಲ್ಲಿ ಭಾಗ್ಯಲಕ್ಷ್ಮೀ, ಲಕ್ಷ್ಮೀ ಬಾರಮ್ಮ, ರಾಮಾಚಾರಿ ಧಾರಾವಾಹಿಗಳ ಕುಸಿತ! ಹಳಬರ ಜತೆ ಹೊಸಬರಿಗೂ ತಟ್ಟಿತು ಬಿಸಿ

Colors Kannada Serials TRP: ಕಲರ್ಸ್‌ ಕನ್ನಡದ ಪ್ರಮುಖ ಧಾರಾವಾಹಿಗಳು ಎನಿಸಿಕೊಂಡಿರುವ ಭಾಗ್ಯಲಕ್ಷ್ಮೀ, ಲಕ್ಷ್ಮೀ ಬಾರಮ್ಮ ಮತ್ತು ರಾಮಾಚಾರಿ ಸೀರಿಯಲ್‌ಗಳ ಟಿಆರ್‌ಪಿಯಲ್ಲಿ ಕುಸಿತ ಕಂಡಿದೆ. ಐದನೇ ವಾರದ ಟಿಆರ್‌ಪಿಯಲ್ಲಿ ಕಲರ್ಸ್‌ ಕನ್ನಡದ ಲಕ್ಷ್ಮೀ ಬಾರಮ್ಮ ಸೀರಿಯಲ್‌ ಪಡೆದ 3.6 ಟಿವಿಆರ್‌ ನಂಬರೇ ಹೆಚ್ಚು. ಇನ್ನುಳಿದಂತೆ, ಪ್ರಮುಖ ಸೀರಿಯಲ್‌ಗಳ ಜತೆಗೆ ಇತ್ತೀಚೆಗಷ್ಟೇ ಆರಂಭವಾದ ಎರಡು ಹೊಸ ಸೀರಿಯಲ್‌ಗಳು ವೀಕ್ಷಕನನ್ನು ಮೋಡಿ ಮಾಡುವಲ್ಲಿ ಹಿಂದುಳಿದಿವೆ. ಹಾಗಾದರೆ, ಕಲರ್ಸ್‌ ಕನ್ನಡ ಸೀರಿಯಲ್‌ಗಳು ಪಡೆದ ಟಿಆರ್‌ಪಿ ಎಷ್ಟು? ಇಲ್ಲಿದೆ ವಿವರ.

ಕಳೆದ ವರ್ಷಾಂತ್ಯದ ವೇಳೆ ಕಲರ್ಸ್‌ ಕನ್ನಡದ ಲಕ್ಷ್ಮೀ ಬಾರಮ್ಮ ನಂಬರ್‌ 1 ಸೀರಿಯಲ್‌ ಆಗಿ ಹೊರಹೊಮ್ಮಿತ್ತು. ಅದಾದ ಮೇಲೆ ಭಾಗ್ಯಲಕ್ಷ್ಮೀ, ರಾಮಾಚಾರಿ, ನಿನಗಾಗಿ ಸೀರಿಯಲ್‌ಗಳು 5.0 ಪ್ಲಸ್‌ ಟಿಆರ್‌ಪಿ ಗಿಟ್ಟಿಸಿಕೊಂಡಿದ್ದವು. ಆದರೆ, ಇದೀಗ ಐದನೇ ವಾರದ ಟಿಆರ್‌ಪಿ ರೇಟಿಂಗ್‌ ಲಿಸ್ಟ್‌ ಹೊರಬಿದ್ದಿದ್ದು, ಪ್ರಮುಖ ಸೀರಿಯಲ್‌ಗಳಿಗೆ ಕಡಿಮೆ ಟಿಆರ್‌ಪಿ ಸಿಕ್ಕಿದೆ. ಲಕ್ಷ್ಮೀ ಬಾರಮ್ಮ 3.6 ಟಿಆರ್‌ಪಿ ಪಡೆದು ಮೊದಲ ಸ್ಥಾನದಲ್ಲಿದ್ದರೆ, ಭಾಗ್ಯಲಕ್ಷ್ಮೀ 3.5 ಟಿಆರ್‌ಪಿ ಗಿಟ್ಟಿಸಿಕೊಂಡು ಎರಡನೇ ಸ್ಥಾನದಲ್ಲಿದೆ.

ನಿನಗಾಗಿ ಸೀರಿಯಲ್‌ 3.3 ಟಿಆರ್‌ಪಿ ಪಡೆದು ಮೂರನೇ ಸ್ಥಾನದಲ್ಲಿದ್ದರೆ, ಹೊಸ ಹೊಸ ಟ್ವಿಸ್ಟ್‌ ಮೂಲಕ ವೀಕ್ಷಕರನ್ನು ಎದುರುಗೊಳ್ಳುವ ರಾಮಾಚಾರಿ ಮಾತ್ರ ಮೊದಲಿನಂತೆ ಪುಟಿದೇಳುತ್ತಿಲ್ಲ. ಈ ಸೀರಿಯಲ್‌ಗೆ 2.9 ಟಿಆರ್‌ಪಿ ಸಿಕ್ಕಿದೆ. ದೃಷ್ಟಿಬೊಟ್ಟು, ನೂರು ಜನ್ಮಕೂ ಸೀರಿಯಲ್‌ಗಳಿಗೂ 2.9 ಟಿಆರ್‌ಪಿ ಸಿಕ್ಕಿದೆ. ಕರಿಮಣಿ ಸೀರಿಯಲ್‌ಗೆ ಕೇವಲ 1.9 ಟಿವಿಆರ್‌ ಸಿಕ್ಕರೆ, ಹೊಸ ಸೀರಿಯಲ್‌ಗಳಾದ ವಧು ಮತ್ತು ಯಜಮಾನ ಮೋಡಿ ಮಾಡುತ್ತಿಲ್ಲ.

ಇದನ್ನೂ ಓದಿ: ಟಿಆರ್‌ಪಿಯಲ್ಲಿ ಪಟ್ಟು ಸಡಿಲಿಸದ ಈ ಧಾರಾವಾಹಿ ಸತತ ಮೂರನೇ ವಾರವೂ ಟಾಪ್‌; ಘಟಾನುಘಟಿಗಳಿಗೆ ಹಿನ್ನಡೆ

ವಧು, ಯಜಮಾನ ಸಿಕ್ಕ ಟಿಆರ್‌ಪಿ ಎಷ್ಟು?

ಕಳೆದ ತಿಂಗಳಷ್ಟೇ ಕಲರ್ಸ್‌ ಕನ್ನಡದಲ್ಲಿ ಆರಂಭವಾದ ವಧು ಮತ್ತು ಯಜಮಾನ ಸೀರಿಯಲ್‌ಗಳು, ಪ್ರೋಮೋ ಮೂಲಕ ನಿರೀಕ್ಷೆ ಹೆಚ್ಚಿಸಿದ್ದವು. ಆದರೆ, ಪ್ರಸಾರ ಶುರುವಾದ ಬಳಿಕ ವೀಕ್ಷಕರ ಗಮನ ಸೆಳೆಯುವಲ್ಲಿ ಹಿಂದುಳಿದಿವೆ. ಟಿಆರ್‌ಪಿಯಲ್ಲಿಯೂ ಮೇಲೆಳದ ಈ ಎರಡು ಧಾರಾವಾಹಿಗಳು ಐದನೇ ವಾರದ ಲೆಕ್ಕಾಚಾರದಲ್ಲಿ ವಧು ಸೀರಿಯಲ್‌ 2.6 ಟಿಆರ್‌ಪಿ ಪಡೆದರೆ, ಯಜಮಾನ 2.4 ರೇಟಿಂಗ್‌ ಪಡೆದುಕೊಂಡಿದೆ.

ಜೀ ಕನ್ನಡದ ಸೀರಿಯಲ್‌ಗಳ ಕಥೆ ಏನು?

ಜೀ ಕನ್ನಡದ ಶ್ರಾವಣಿ ಸುಬ್ರಮಣ್ಯ ಸೀರಿಯಲ್‌ ಐದನೇ ವಾರದ ಟಿಆರ್‌ಪಿ ರೇಟಿಂಗ್‌ನಲ್ಲಿ 8.4 ಟಿವಿಆರ್‌ ಪಡೆದು ಮೊದಲ ಸ್ಥಾನದಲ್ಲಿದೆ. ಈ ಮೂಲಕ ಸತತ ಮೂರನೇ ವಾರ ಈ ಸೀರಿಯಲ್‌ ನಂಬರ್‌ 1 ಪಟ್ಟ ಪಡೆದಿದೆ. ಒಂದು ಗಂಟೆ ಪ್ರಸಾರ ಕಾಣುವ ಲಕ್ಷ್ಮೀ ನಿವಾಸ 8.1 ರೇಟಿಂಗ್‌ ಸಿಕ್ಕಿದ್ದು ಎರಡನೇ ಸ್ಥಾನದಲ್ಲಿದೆ. ಅಣ್ಣಯ್ಯನಿಗೆ 7.7 ಟಿಆರ್‌ಪಿ ಸಿಕ್ಕಿದೆ. ಈ ಸೀರಿಯಲ್ ಮೂರನೇ ಸ್ಥಾನದಲ್ಲಿದೆ. ಹೊಸ ಸೀರಿಯಲ್ ನಾ ನಿನ್ನ ಬಿಡಲಾರೆ 7.6 ಟಿಆರ್‌ಪಿ ಪಡೆದು ನಾಲ್ಕನೇ ಸ್ಥಾನದಲ್ಲಿದೆ.

ಇನ್ನು ಅಮೃತಧಾರೆ ಸೀರಿಯಲ್‌ ನೋಡುಗರ ಗಮನ ಸೆಳೆಯುತ್ತಿದೆ. ಈ ಸೀರಿಯಲ್‌ 7.3 ಟಿಆರ್‌ಪಿ ಪಡೆದು, ಐದನೇ ಸ್ಥಾನದಲ್ಲಿದ್ದರೆ, ಬ್ರಹ್ಮಗಂಟು ಮೊದಲ ಸಲ 6.6 ಟಿಆರ್‌ಪಿ ಪಡೆಯುವ ಮೂಲಕ ಈ ವರೆಗಿನ ಅತಿ ಹೆಚ್ಚು ಟಿಆರ್‌ಪಿ ಪಡೆದು, ಆರನೇ ಸ್ಥಾನದಲ್ಲಿದೆ. ಪುಟ್ಟಕ್ಕನ ಮಕ್ಕಳು ಸೀರಿಯಲ್‌ ಕೇವಲ 4.7 ರೇಟಿಂಗ್‌ ಪಡೆದು 7ನೇ ಸ್ಥಾನದಲ್ಲಿದೆ.

ಚೇತರಿಕೆ ಹಾದಿಯಲ್ಲಿ ಸ್ಟಾರ್‌ ಸುವರ್ಣ ಸೀರಿಯಲ್‌ಗಳು

ಸ್ಟಾರ್‌ ಸುವರ್ಣದ ಪ್ರಮುಖ ಧಾರಾವಾಹಿಗಳ ಟಿಆರ್‌ಪಿಯಲ್ಲಿ ಚೇತರಿಕೆ ಕಂಡು ಬಂದಿದೆ. ನಿನ್ನ ಜೊತೆ ನನ್ನ ಕಥೆ 4.7 ಟಿಆರ್‌ಪಿ ಪಡೆದರೆ, ಆಸೆ ಸೀರಿಯಲ್‌ಗೆ 4.3 ಟಿಆರ್‌ಪಿ ಸಿಕ್ಕಿದೆ. ಉಧೋ ಉಧೋ ಶ್ರೀ ರೇಣುಕಾ ಯಲ್ಲಮ್ಮ ಸೀರಿಯಲ್‌ 3.0 ಟಿಆರರಪಿ ಪಡೆದರೆ, ಯಡಿಯೂರು ಸಿದ್ದಲಿಂಗೇಶ್ವರ 2.4 ಟಿಆರ್‌ಪಿ ಪಡೆದಿದೆ.