BBK 10: ಸಂಗೀತಾ ವಿರುದ್ಧ ಮನೆ ಮಂದಿ ತಿರುಗಿಬಿದ್ದರೆ, ಇತ್ತ ‘ಸಿಂಹಿಣಿ’ ಪಟ್ಟಕೊಟ್ಟು ಕೊಂಡಾಡುತ್ತಿದ್ದಾರೆ ವೀಕ್ಷಕರು!
ದಿನೇ ದಿನೆ ಸಂಗೀತಾ ಶೃಂಗೇರಿ ಬಗ್ಗೆ ಮನೆ ಮಂದಿ ಟೀಕೆ ಟಿಪ್ಪಣಿ ಮಾಡುತ್ತಲೇ ಹೋಗುತ್ತಿದ್ದಾರೆ. ಆದರೆ, ಹೊರಗಡೆ ಆ ಸ್ಥಿತಿ ಇಲ್ಲ. ಬಹುತೇಕರು ಸಂಗೀತಾ ಅವರೇ ವಿಜೇತೆ ಎಂದು ಘೋಷಿಸಿಕೊಳ್ಳುವ ಅವರ ಬೆಂಬಲಕ್ಕೆ ನಿಂತಿದ್ದಾರೆ. ಹೀಗಿವೆ ವೀಕ್ಷಕರ ಕಾಮೆಂಟ್‌ಗಳು.
BBK 10: ಸಂಗೀತಾ ಮತ್ತು ತನಿಷಾ ಎರಡು ಗುಂಪುಗಳಲ್ಲಿ ಮನೆಯ ಸದಸ್ಯರೆಲ್ಲ ವಿಂಗಡಣೆಗೊಂಡು ಕ್ಯಾಪ್ಟನ್ಸಿಗಾಗಿ ಸ್ಪರ್ಧಿಸಿದ್ದಾರೆ. ಎರಡೂ ತಂಡಗಳ ಸದಸ್ಯರು ಟಾಸ್ಕ್‌ನಲ್ಲೂ ಭಾಗವಹಿಸಿ, ತನಿಷಾ ತಂಡ ಗೆಲುವು ಸಾಧಿಸಿತ್ತು. ಈ ನಡುವೆ ಸಂಗೀತಾ ಮತ್ತು ಮೈಕಲ್‌ ನಡುವೆ ಪಾಯಿಂಟ್ಸ್‌ ವಿಚಾರವಾಗಿ ವಾಗ್ಯುದ್ಧ ನಡೆದಿತ್ತು. ಅದಾದ ಬಳಿಕ ಹರಾಜು ಪ್ರಕ್ರಿಯೆಯಲ್ಲಿ ಹೊಸ ತಂಡ ರಚನೆಯಾಗಿತ್ತು. ಅಲ್ಲಿಯೂ ತನಿಷಾ ತಂಡ ಜಯಭೇರಿ ಬಾರಿಸಿತ್ತು. ಗೆದ್ದ ತಂಡಕ್ಕೆ ನಾಯಕಿಯರಿಂದ ಇನ್ನುಳಿದ ತಂಡದ ಸದಸ್ಯರಿಗೆ ಹೆಚ್ಚುವರಿ ಪಾಯಿಂಟ್ಸ್‌ ಸಹ ಸಿಕ್ಕಿತ್ತು. ಇದೀಗ ಮತ್ತೊಂದು ಬದಲಾವಣೆಗೆ ಹೊರಳಿದೆ ಬಿಗ್ ಬಾಸ್ ಮನೆ.
ಇಂದಿನ ಏಪಿಸೋಡ್‌ನಲ್ಲಿ ಏನಿರಲಿದೆ?
ಈ ವಾರ ಬಿಗ್ಬಾಸ್ ಮನೆಯಲ್ಲಿ ವ್ಯವಹಾರದ್ದೇ ಮೇನಿಯಾ. ಖರೀದಿ, ಮಾರಾಟದ ವ್ಯವಹಾರವೀಗ ಹೊಸದೊಂದು ಮಜಲು ತಲುಪಿದೆ. ಅದೇನು ಎಂಬುದು ಜಿಯೋ ಸಿನಿಮಾ ಬಿಡುಗಡೆ ಮಾಡಿರುವ ಪ್ರೋಮೊದಲ್ಲಿ ಜಾಹೀರಾಗಿದೆ. ಇಷ್ಟು ದಿನ ವ್ಯಕ್ತಿಗಳನ್ನು ಖರೀದಿಸುವ, ಟಾಸ್ಕ್‌ಗಳ ಮೂಲಕ ಹಣ ಸಂಪಾದಿಸುವ ಚಟುವಟಿಕೆಯಲ್ಲಿ ಮುಳುಗಿಹೋಗಿದ್ದ ಸದಸ್ಯರಿಗೆ ಬಿಗ್ಬಾಸ್ ಹೊಸದೊಂದು ಅವಕಾಶ ನೀಡಿದ್ದಾರೆ. ಅದು ಲಕ್ಷುರಿ ಖರೀದಿಸುವ ಅವಕಾಶ. ಆದರೆ ಮನೆಯ ಸದಸ್ಯರು ಅವರ ಬಳಿ ಇರುವ ಹಣದಿಂದ ದಿನಸಿಗಳನ್ನು ಖರೀದಿಸಬೇಕು.
ಯಾರ ಬಳಿ ಇರುವ ಹಣವನ್ನು ದಿನಸಿಗೆ ವ್ಯಯಿಸಬೇಕು ಎಂಬಲ್ಲಿ ಮನೆಯ ಸದಸ್ಯರಲ್ಲಿ ಭಿನ್ನಾಭಿಪ್ರಾಯ ಮೂಡಿದೆ. ‘ಲೀಡರ್‌ಗಳ ಬಳಿ ಜಾಸ್ತಿ ಹಣವಿದೆ’ ಎಂದು ವಿನಯ್‌ ಹೇಳಿದ್ದಾರೆ. ಅದಕ್ಕೆ ಉತ್ತರಿಸಿದ ಸಂಗೀತಾ, ‘ಅರ್ಧ ಅರ್ಧ ಶೇರ್ ಮಾಡಿಕೊಳ್ಳೋಣ’ ಎಂದೂ ಹೇಳಿದ್ದಾರೆ. ಆದರೆ ತನಿಷಾ ಅದಕ್ಕೆ ಒಪ್ಪಿಲ್ಲ. ‘ದಿನಸಿ ಬೇಕಾಗಿರುವುದು ಮನೆಯ ಎಲ್ಲ ಸದಸ್ಯರಿಗೆ. ಹಾಗಾಗಿ ಎಲ್ಲರೂ ಹಣ ವ್ಯಯಿಸಬೇಕು’ ಎಂಬುದು ಅವರ ವಾದ. ಈ ಹೊತ್ತಿನಲ್ಲಿ ಮಧ್ಯಪ್ರವೇಶಿಸಿದ ನಮ್ರತಾ ವಿರುದ್ಧವೂ ತನಿಷಾ ಹರಿಹಾಯ್ದಿದ್ದಾರೆ. ಇದರಿಂದ ಮಾತಿಗೆ ಮಾತು ಬೆಳೆದು ಜಗಳ ನಡೆದಿದೆ.
ಮನೆಯ ಸದಸ್ಯರ ಭಿನ್ನಾಭಿಪ್ರಾಯದಲ್ಲಿ ಲಕ್ಷುರಿ ಬಜೆಟ್ ಕಳೆದುಕೊಳ್ಳುತ್ತಾರಾ? ಯಾರ ಹಣದಲ್ಲಿ ಲಕ್ಷುರಿ ಮನೆಗೆ ಬರುತ್ತದೆ? ಬಿಗ್ಬಾಸ್ ಕನ್ನಡ 24 ಗಂಟೆ ನೇರಪ್ರಸಾರವನ್ನು ಜಿಯೋ ಸಿನಿಮಾದಲ್ಲಿ ಉಚಿತವಾಗಿ ನೋಡಿ.
ಸಂಗೀತಾ ಪರ ಬ್ಯಾಟ್‌ ಬೀಸಿದ ವೀಕ್ಷಕ
ದಿನೇದಿನೆ ಸಂಗೀತಾ ಶೃಂಗೇರಿ ಬಗ್ಗೆ ಮನೆ ಮಂದಿ ಟೀಕೆ ಟಿಪ್ಪಣಿ ಮಾಡುತ್ತಲೇ ಹೋಗುತ್ತಿದ್ದಾರೆ. ಆದರೆ, ಹೊರಗಡೆ ಆ ಸ್ಥಿತಿ ಇಲ್ಲ. ಬಹುತೇಕರು ಸಂಗೀತಾ ಅವರೇ ವಿಜೇತೆ ಎಂದು ಘೋಷಿಸಿಕೊಳ್ಳುವ ಅವರ ಬೆಂಬಲಕ್ಕೆ ನಿಂತಿದ್ದಾರೆ. ಹೀಗಿವೆ ವೀಕ್ಷಕರ ಕಾಮೆಂಟ್‌ಗಳು.
- ಎಲ್ಲರೂ ಸೇರಿ ಸಂಗೀತಾನಾ ಸೋಲಿಸೋಕ್ಕೆ ಪ್ರಯತ್ನ ಪಟ್ಟರೆ ಜನ ಎಲ್ಲ ಸೇರಿ ಗೆಲ್ಲಿಸೋಕ್ಕೆ ಇದ್ದರೆ...
- ಸಂಗೀತ ಅವರೇ ನಿಮಗೆ ಎಷ್ಟೇ ಪರ್ಸನಲ್ ಆಗಿ ಮನೆಯವರು ಟಾರ್ಗೆಟ್ ಮಾಡಿದ್ರು ಹೊರಗಡೆ ಜನ ಇದ್ದಾರೆ ನಿಮ್ಮನ್ನ ಗೆಲ್ಲಿಸೋಕೆ
- ಕಡು ಕಷ್ಟವೇ ಬಂದರು ಬಿಡಬೇಡ ನೀ ಗುರಿಯನ್ನು ಮುನ್ನುಗ್ಗು...... ಸಂಗೀತಾ
- ಫೈನಲಿಸ್ಟ್ ಸ್ಪರ್ಧೆಯಾಗಿದ್ದ ಕಾರ್ತಿಕ್ ತಮ್ಮ ವರ್ತನೆಯಿಂದ ಬೇಗ ಮನೆಕಡೆ ಗೇಟ್‌ಪಾಸ್‌ ತಗೊಂತೀದ್ದಾನೆ ಅನ್ಸುತ್ತೆ . ಕಾರ್ತಿಕ್ ಈ ವಾರದ ಕಳಪೆ ಆಟಗಾರ. ರಿಯಲ್ ವಿನ್ನರ್ ಸಂಗೀತ ಶೃಂಗೇರಿ
- ಸುದೀಪ್ ಸರ್ ದಯವಿಟ್ಟು ಕಿಚ್ಚ ನ ಚಪ್ಪಾಳೆ ಸಂಗೀತ ಕೊಡಿ, ಮಾಲೀಕರಾಗಿ ಒಳ್ಳೆಯ ಆಟ ಆಡಿದರೆ, ಮನೆಯವರೆಲ್ಲ ಟಾರ್ಗೆಟ್ ಮಾಡಿ ಕಣ್ಣೀರು ಹಾಕಿಸಿದ್ರು, ತನ್ನ ಆಟದಲ್ಲಿ ಉತ್ತಮ ನೀಡುತಿದ್ದರೆ. ತುಂಬಾ ವಾರಗಳಿಂದ ಚೆನ್ನಾಗಿ ಆಡ್ಕೊಂಡ್ ಬರ್ತಾ ಇದಾರೆ, ಸಂಗೀತಗೆ ಚಪ್ಪಾಳೆ ಕೊಟ್ಟು ನೋವನ್ನು ದೂರ ಮಾಡಿ... ಸುದೀಪ್ ಸರ್ ನೊಂದಿರೋ ಜೀವಕ್ಕೆ ನ್ಯಾಯ ನೀಡಿ
- ಛಲ ಬಿಡದೆ ಮುನ್ನುಗ್ಗು ಗೆಲುವು ನಿನ್ನದಾಗಲಿ ಸಂಗೀತಾ
- ಮನೆಯವರೆಲ್ಲ ಒಂದು ಆದ್ರೆ ಪಾಪ ಸಂಗೀತಾ ಒಂದು
- ಸಂಗೀತಾ ಗೆ ಕಿಚ್ಚನ ಚಪ್ಪಾಳೆ ಸಿಗುತ್ತೆ
- ಕೌಂಟರ್‌ಗೆ ಎನ್ಕೌಂಟರ್ ಕೊಡೋಕೆ ಬಿಗ್ ಬಾಸ್ ಮನೇಲೆ ಯಾರಾದ್ರೂ ಇದ್ರೆ ಅದು ಸಂಗೀತ ಮಾತ್ರ
- ಗುಂಪು ಕಟ್ಕೊಂಡು ಪ್ಲಾನ್ ಮಾಡಿ ಒಂದು ಹುಡುಗಿ ನ ಸೋಲಿಸೋ ಪ್ರಯತ್ನ..... ಅವ್ಳು ಸಿಂಹಿಣಿ ನಿಮ್ಮಂತ ಎಷ್ಟು ಗುಂಪು ಬಂದ್ರು ಏನು ಮಾಡೋಕ್ ಆಗಲ್ಲ
- ಧೈರ್ಯವಾಗಿರಿ ಸಂಗೀತಾ ನಂಬಿಕೆ ಕಳೆದುಕೊಳ್ಳಬೇಡಿ ನಾವು ನಿಮ್ಮ ಜೊತೆಗೆ ಇದ್ದೇವೆ ನಿನ್ನ ಹಟ ಛಲವನ್ನು ಮಾತ್ರಬಿಡಬೇಡ
- ಎಲ್ಲಾರೂ ಸಂಗೀತಾ ಶೃಂಗೇರಿ ವೋಟ್ ಹಾಕಿ ಈ ಸಲ ಆದ್ರೂ ಒಂದು ಹೆಣ್ಣು ಮಗಳನ್ನು ಗೆಲ್ಲಿಸೋಣ ಇವರಂತಹ ಸ್ಟ್ರಾಂಗ್ ಕಂಟೆಸ್ಟಂಟ್ ಇಲ್ಲಿಯವರೆಗೂ ನಾ ನೋಡೆ ಇಲ್ಲ
