ಪುಟ್ಟಕ್ಕನ ಮಕ್ಕಳು ರಾಜಿ ಪಾತ್ರಕ್ಕೆ ರಾಜೀನಾಮೆ ನೀಡಿ ಬಿಗ್‌ ಬಾಸ್‌ಗೆ ಹಾರಿ ಬಂದ ಹಂಸ, ನಾನೇನ್ ಕಮ್ಮಿ ಅಂದ್ರು ಮಾನಸಾ ಸಂತೂ
Bigg boss Kannada Season 11 contestants List: ಪುಟ್ಟಕ್ಕನ ಮಕ್ಕಳು ಸೀರಿಯಲ್‌ನಲ್ಲಿ ರಾಜಿ ಪಾತ್ರಧಾರಿ ಹಂಸ ನಾರಾಯಣ ಸ್ವಾಮಿ ಮತ್ತು ತುಕಾಲಿ ಸಂತೋಷ್‌ ಅವರ ಹೆಂಡತಿ ಮಾನಸಾ ಸಂತೋಷ್‌ ಈ ಸಲದ ಬಿಗ್‌ಬಾಸ್‌ ಮನೆ ಪ್ರವೇಶಿಸಿದ್ದಾರೆ.
ಮಾನಸಾ ಸಂತೋಷ್‌, ಹಂಸಾ ನಾರಾಯಣಸ್ವಾಮಿ ಅವರು ಬಿಗ್‌ ಬಾಸ್ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳುವುದು ಖಚಿತವಾಗಿದೆ. ಕಳೆದ ಬಾರಿಯ ಸೀಸನ್ 10ರ ಯಶಸ್ಸಿನ ಬಳಿಕ, ನಿರೀಕ್ಷೆ ಮೂಡಿಸಿದ್ದ ಸೀಸನ್ 11ರಲ್ಲಿ ಯಾರೆಲ್ಲ ಸ್ಪರ್ಧಿಗಳಾಗಿ ಪಾಲ್ಗೊಳ್ಳಲಿದ್ದಾರೆ ಎಂಬ ಅಚ್ಚರಿಗೆ ಶನಿವಾರ (ಸೆ 28) ಉತ್ತರ ಸಿಕ್ಕಿದೆ. 17 ಮಂದಿ ಸ್ಪರ್ಧಿಗಳ ಪೈಕಿ, ನಾಲ್ಕು ಸ್ಪರ್ಧಿಗಳ ಹೆಸರನ್ನು ರಾಜಾ ರಾಣಿ ಶೋನ ಗ್ರ್ಯಾಂಡ್‌ ಫಿನಾಲೆಯಲ್ಲಿ ರಿವೀಲ್‌ ಮಾಡಲಾಗಿತ್ತು. ಇದೀಗ ಮುಂದುವರಿದು 9 ಸ್ಪರ್ಧಿಗಳು ಬಿಗ್‌ ಬಾಸ್‌ಗೆ ಎಂಟ್ರಿಕೊಟ್ಟಿದ್ದಾರೆ. ಇದೀಗ 10 ಮತ್ತು 11ನೇ ಸ್ಪರ್ಧಿಯಾಗಿ ಮಾನಸಾ ಮತ್ತು ಹಂಸಾ ನಾರಾಯಣಸ್ವಾಮಿ ಎಂಟ್ರಿಕೊಟ್ಟಿದ್ದಾರೆ.
ಜೀ ಕನ್ನಡದಲ್ಲಿ ಪ್ರಸಾರ ಕಾಣುತ್ತಿರುವ ಪುಟ್ಟಕ್ಕನ ಮಕ್ಕಳು ಸೀರಿಯಲ್‌ನಲ್ಲಿ ರಾಜಿಯಾಗಿ ನೆಗೆಟಿವ್‌ ರೋಲ್‌ನಲ್ಲಿ ನಟಿಸುತ್ತಿದ್ದ ಹಂಸಾ ನಾರಾಯಣಸ್ವಾಮಿ, ಈಗ ಸೀರಿಯಲ್‌ಗೆ ರಾಜೀನಾಮೆ ನೀಡಿ ಬಿಗ್‌ಬಾಸ್‌ಗೆ ಬಂದಿದ್ದಾರೆ. ಇತ್ತ ಬಿಗ್‌ಬಾಸ್‌ ಸೀಸನ್ 10ರ ಸ್ಪರ್ಧಿಯಾಗಿದ್ದ ತುಕಾಲಿ ಸಂತೋಷ್‌ ಅವರ ಪತ್ನಿ ಮಾನಸಾ ಸಂತೋಷ್‌, ಈಗ 11ರ ಸೀಸನ್‌ಗೆ ಎಂಟ್ರಿಕೊಟ್ಟಿದ್ದಾರೆ. ತಮ್ಮ ಕಾಮಿಡಿ ಮೂಲಕವೇ ಗಿಚ್ಚಿ ಗಿಲಿಗಿಲಿ ಶೋನಲ್ಲಿಯೂ ಮಿಂಚಿದ್ದ ಮಾನಸಾ ಈಗ ನೇರವಾಗಿ ಒಟಿಟಿಗೆ ಎಂಟ್ರಿಕೊಟ್ಟಿದ್ದಾರೆ.
ಹೋಗಿದ್ದೆಲ್ಲಿ..?
ನಟ ಶಿಶಿರ್‌ ಶಾಸ್ತ್ರಿ ನರಕಕ್ಕೆ ಹೋದರೆ ನಟ ತ್ರಿವಿಕ್ರಮ್ ಸ್ವರ್ಗದ ಬಾಗಿಲು ತಟ್ಟಿದ್ದಾರೆ. ಇದೀಗ ಹಂಸಾ ನಾರಾಯಣಸ್ವಾಮಿ ಸ್ವರ್ಗಕ್ಕೆ ಸೇರಿದರೆ, ಮಾನಸಾ ಸಂತೋಷ್‌ ನರಕದ ಕಡೆ ಮುಖ ಮಾಡಿದ್ದಾರೆ. ಇದೀಗ ಬಂದ ಬೆಳಗಾವಿ ಮೂಲದ ಗೋಲ್ಡ್‌ ಸುರೇಶ್‌ ಸಹ ನರಕಕ್ಕೆ ಹೋಗಿದ್ದಾರೆ.
ಸ್ವರ್ಗ - ನರಕಕ್ಕೆ ಸ್ಪರ್ಧಿಗಳು
ಈ ಬಾರಿ ಬಿಗ್‌ ಬಾಸ್ ಮನೆಗೆ ಗೀತಾ ಧಾರಾವಾಹಿ ನಟಿ ಭವ್ಯಾ ಗೌಡ ಮೊದಲ ಸ್ಪರ್ಧಿಯಾಗಿ ಕಾಲಿಟ್ಟರು. ಆ ಬಳಿಕ ಹಿರಿಯ ನಟಿ ಯಮುನಾ ಶ್ರೀನಿಧಿ ಅವರು ಎರಡನೇ ಸ್ಪರ್ಧಿಯಾಗಿ ಕಾಲಿಟ್ಟಿದ್ದಾರೆ. ಸ್ವರ್ಗಕ್ಕೆ ಕಾಲಿಟ್ಟ ಈ ಇಬ್ಬರಿಗೆ, ನಂತರ ಬರುವ ಸ್ಪರ್ಧಿಗಳನ್ನು ಸ್ವರ್ಗ-ಅಥವಾ ನರಕಕ್ಕೆ ಕಳುಹಿಸುವ ವಿಶೇಷ ಅಧಿಕಾರ ನೀಡಲಾಗಿದೆ. ಆ ಪೈಕಿ ಮೂರನೇ ಸ್ಪರ್ಧಿಯಾಗಿ ಬಂದ ಧನರಾಜ್‌ ಆಚಾರ್ ಅವರನ್ನು ಸ್ವರ್ಗಕ್ಕೆ ಕರೆಸಿಕೊಂಡಿದ್ದಾರೆ. ಆ ಬಳಿಕ ನಟಿ ಗೌತಮಿ ಜಾಧವ್‌ ಅವರು ಜನರ ವೋಟಿಂಗ್‌ ಆಧಾರದ ಮೇಲೆ ಸ್ವರ್ಗಕ್ಕೆ ಕಾಲಿಟ್ಟಿದ್ದಾರೆ. ಅವರ ಬೆನ್ನಲ್ಲೇ ಐದು ಹಾಗೂ ಆರನೇ ಸ್ಪರ್ಧಿಯಾಗಿ ನಟಿ ಅನುಷಾ ಹಾಗೂ ಧರ್ಮ ಕೀರ್ತಿರಾಜ್ ಕಾಲಿಟಿದ್ದಾರೆ. ಇವರಲ್ಲಿ ಅನುಷಾ ನರಕಕ್ಕೆ ಎಂಟ್ರಿ ಕೊಟ್ಟರೆ, ಧರ್ಮ ಅವರಿಗೆ ಸ್ವರ್ಗದ ಬಾಗಿಲು ತೆರೆದಿದೆ. ಅವರ ಬಳಿಕ ಲಾಯರ್‌ ಜಗದೀಶ್‌ ಏಳನೇ ಸ್ಪರ್ಧಿಯಾಗಿ ಸ್ವರ್ಗಕ್ಕೆ ಕಾಲಿಟ್ಟಿದ್ದಾರೆ.
ಬಿಗ್‌ ಬಾಸ್ ಕನ್ನಡ ಸೀಸನ್ 11 ರ ತಾಜಾ ಮಾಹಿತಿ ಎಲ್ಲಿ ಸಿಗುತ್ತೆ?
ಕಲರ್ಸ್‌ ಕನ್ನಡ ನಡೆಸುತ್ತಿರುವ 'ಬಿಗ್‌ ಬಾಸ್ ಕನ್ನಡ ಸೀಸನ್ 11' ರಿಯಾಲಿಟಿ ಶೋ ಕುರಿತ ಸಮಗ್ರ ಮಾಹಿತಿಯನ್ನು 'ಹಿಂದೂಸ್ತಾನ್ ಟೈಮ್ಸ್ ಕನ್ನಡ' ಜಾಲತಾಣದಲ್ಲಿ ನೋಡಬಹುದು. ದೊಡ್ಮನೆ ಎಂದೇ ಪ್ರಖ್ಯಾತವಾಗಿರುವ ಬಿಗ್‌ ಬಾಸ್ ಮನೆಯಲ್ಲಿರುವ ಸ್ಪರ್ಧಿಗಳು ಹೇಗೆ ಆಡುತ್ತಿದ್ದಾರೆ? ಜನರು ಅವರ ಬಗ್ಗೆ ಏನು ಯೋಚಿಸುತ್ತಿದ್ದಾರೆ? ಕುತೂಹಲಕಾರಿ ತಿರುವುಗಳೇನು ಎನ್ನುವ ವಿವರ ತಿಳಿಯಲು kannada.hindustantimes.com/topic/bigg-boss-kannada ಜಾಲತಾಣಕ್ಕೆ ಭೇಟಿ ನೀಡಿ.
