ಬಿಗ್‌ ಬಾಸ್ ಕನ್ನಡ 11 ಸೀಸನ್ ವಿಜೇತರ ಪಟ್ಟಿ

ಮೈಸೂರಿನ ಕಾರ್ತಿಕ್‌ ಮಹೇಶ್‌ ಬಿಬಿಕೆ 10ರಲ್ಲಿ ಗೆಲುವು ಪಡೆದಿದ್ದರು. ಖುಷಿ, ಅಕ್ಕ, ದೇವಯಾನಿ, ಮಹಾಕಾಳಿ, ರಾಜಿ, ಪುಟ್ಟಕ್ಕನ ಮಕ್ಕಳು ಮುಂತಾದ ಸೀರಿಯಲ್‌ಗಳಲ್ಲಿ ನಟಿಸಿದ್ದಾರೆ. ಡೊಳ್ಳು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಬಿಗ್‌ಬಾಸ್‌ ಬಳಿಕ ಹಲವು ಸಿನಿಮಾಗಳಲ್ಲಿ ನಟಿಸುವ ಅವಕಾಶ ಪಡೆದಿದ್ದಾರೆ.

ರೂಪೇಶ್‌ ಶೆಟ್ಟಿ ಗೆಲುವು ಪಡೆದಿದ್ದರು. ಈ ಸೀಸನ್‌ನಲ್ಲಿ ಒಟಿಟಿ ಮೂಲಕವೂ ಕನ್ನಡ ಬಿಗ್‌ಬಾಸ್‌ ಫೇಮಸ್‌ ಆಗಿತ್ತು. ರಾಕೇಶ್‌ ಅಡಿಗ ಅವರು ರನ್ನರ್‌ ಅಪ್‌ ಆಗಿದ್ದರು. ರೂಪೇಶ್‌ ಶೆಟ್ಟಿ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಸರ್ಕಸ್‌, ಮಂಕು ಭಾಯ್‌ ಫಾಕ್ಸಿ ರಾಣಿ, ವಿಐಪಿ ಲಾಸ್ಟ್‌ ಬೆಂಚ್‌, ಗೋವಿಂದ ಗೋವಿಂದ, ಗಮ್ಜಾಲ್‌, ಗಿರ್ಗಿಟ್‌, ಅಮ್ಮೆರ್‌ ಪೊಲೀಸಾ? ಮುಂತಾದ ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ಬಿಗ್‌ ಬಾಸ್‌ ಕನ್ನಡ ಸೀಸನ್‌ 8 ರಲ್ಲಿ ಮಂಜು ಪಾವಗಡ ಅವರಿಗೆ ಗೆಲುವಿನ ಕಿರೀಟ ದೊರಕಿತ್ತು. ಅರವಿಂದ್‌ ಕೆಪಿ ಅವರು ರನ್ನರ್‌ ಅಪ್‌ ಆಗಿದ್ದರು. ಮಂಜು ಪಾವಗಡ ಹಾಸ್ಯನಟರಾಗಿ ಜನಪ್ರಿಯತೆ ಗಳಿಸಿದ್ದಾರೆ. ಕೆಲವು ಸಿನಿಮಾಗಳಲ್ಲಿಯೂ ನಟಿಸುವ ಅವಕಾಶ ಪಡೆದಿದ್ದಾರೆ.

ಬಿಗ್‌ಬಾಸ್‌ 7ರಲ್ಲಿ 50 ಲಕ್ಷ ಬಹುಮಾನ ಮೊತ್ತ ಪಡೆದು ಗೆಲುವು ಪಡೆದವರು ಶೈನ್‌ ಶೆಟ್ಟಿ. ಈ ಸೀಸನ್‌ನಲ್ಲಿ ಕುರಿ ಪ್ರತಾಪ್‌ ಅವರು ರನ್ನರ್‌ ಆಪ್‌ ಆಗಿ ಹೊರಹೊಮ್ಮಿದ್ದರು. ಶೈನ್‌ ಶೆಟ್ಟಿ ಬ್ಯಾಚುಲರ್‌ ಪಾರ್ಟಿ, ಹಾಸ್ಟೆಲ್‌ ಹುಡುಗರು ಬೇಕಾಗಿದ್ದಾರೆ, ಮಾಫಿಯಾ, ಕಾಂತಾರ, ಜೇಮ್ಸ್‌ ಮುಂತಾದ ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ಬಿಗ್‌ಬಾಸ್‌ ಸೀಸನ್‌ 6ನಲ್ಲಿ ಶಶಿ ಕುಮಾರ್‌ ವಿನ್‌ ಆಗಿದ್ದಾರೆ. ನವೀನ್‌ ಸಜ್ಜು ರನ್ನರ್‌ ಅಪ್‌ ಆಗಿದ್ದರು. ಈ ಸೀಸನ್‌ನಲ್ಲಿ ಶಶಿ ಕುಮಾರ್‌ ಯುವ ಕೃಷಿಕನಾಗಿ ಗಮನ ಸೆಳೆದಿದ್ದರು. ಇವರು ಬಿಗ್‌ಬಾಸ್‌ ಬಳಿಕ ಮೆಹಬೂಬಾ ಎಂಬ ಸಿನಿಮಾವನ್ನೂ ಮಾಡಿದ್ದಾರೆ.

ಚಂದನ್‌ ಶೆಟ್ಟಿ ಗೆಲುವು ಪಡೆದರು. ರಾಪರ್‌ ಚಂದನ್‌ ಶೆಟ್ಟಿ ತನ್ನ ಹಾಡುಗಳ ಮೂಲಕ ಎಲ್ಲರ ಗಮನ ಸೆಳೆದಿದ್ದರು. ದಿವಾಕರ್‌ ರನ್ನರ್‌ ಅಪ್‌ ಆಗಿ ಹೊರಹೊಮ್ಮಿದರು. ಚಂದನ್‌ ಶೆಟ್ಟಿ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಬಿಗ್‌ಬಾಸ್‌ ಗೊಂಬೆ ನಿವೇದಿತಾ ಗೌಡರನ್ನು ವಿವಾಹವಾಗಿದ್ದರು. ಇತ್ತೀಚೆಗೆ ಇವರಿಬ್ಬರು ಡಿವೋರ್ಸ್‌ ಪಡೆದಿದ್ದಾರೆ. ಚಂದನ್‌ ಶೆಟ್ಟಿ ರಾಪ್‌ ಹಾಡುಗಳಿಗೆ ಈಗ ಕನ್ನಡ ಚಿತ್ರರಂಗದಲ್ಲಿ ಉತ್ತಮ ಬೇಡಿಕೆಯಿದೆ.

ಬಿಗ್‌ಬಾಸ್‌ 4 ಕನ್ನಡ ಸೀಸನ್‌ನಲ್ಲಿ ಒಳ್ಳೆ ಹುಡುಗ ಪ್ರಥಮ್‌ ಗೆಲುವು ಪಡೆದರು. ಬಿಗ್‌ಬಾಸ್‌ ಕನ್ನಡ ನೋಡಿರುವವರು ಈ ಸೀಸನ್‌ ಮರೆಯಲು ಸಾಧ್ಯವೇ ಇಲ್ಲ. ತನ್ನ ಭಿನ್ನ ಆಟದ ಮೂಲಕ ನೋಡುಗರಿಗೆ ಒಳ್ಳೆಯ ಮನರಂಜನೆ ನೀಡಿದ್ದರು. ಪ್ರಥಮ್‌ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಸಾಕಷ್ಟು ಸಾಮಾಜಿಕ ಕೆಲಸಗಳಲ್ಲಿಯೂ ಗುರುತಿಸಿಕೊಂಡಿದ್ದಾರೆ. ಈ ಆಟದಲ್ಲಿ ಕಿರಿಕ್‌ ಕೀರ್ತಿ ರನ್ನರ್‌ ಅಪ್‌ ಆಗಿ ಹೊರಹೊಮ್ಮಿದರು.

ಕನ್ನಡ ಬಿಗ್‌ಬಾಸ್‌ ಇತಿಹಾಸದಲ್ಲಿಯೇ ಮೊದಲ ಬಾರಿಗೆ ಗೆಲುವು ಪಡೆದ ಮಹಿಳಾ ಸ್ಪರ್ಧಿ ಎಂಬ ಖ್ಯಾತಿಗೆ ಶ್ರುತಿ ಪಾತ್ರರಾದರು. ಚಂದನ್‌ ಕುಮಾರ್‌ ರನ್ನರ್‌ ಅಪ್‌ ಆಗಿದ್ರು. ಶ್ರುತಿ ಕನ್ನಡದ ಹಿರಿಯ ನಟಿ. ಇತ್ತೀಚಿನ ಕೃಷ್ಣಂ ಪ್ರಣಯ ಸಖಿಯಿಂದ ಕಾಟೇರ, ತತ್ಸಮ ತದ್ಭವ, ಭಜರಂಗಿ, ರತ್ನನ್‌ ಪ್ರಪಂಚ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ಬಿಗ್‌ ಬಾಸ್‌ ಕನ್ನಡ ಸೀಸನ್‌ 2ನಲ್ಲಿ ಅಕುಲ್‌ ಬಾಲಾಜಿ ವಿನ್ನರ್‌, ಸೃಜನ್‌ ಲೋಕೇಶ್‌ ರನ್ನರ್‌ ಅಪ್‌ ಆಗಿದ್ದರು. ಅಕುಲ್‌ ಬಾಲಾಜಿ ಕನ್ನಡ ಕಿರುತೆರೆಯಲ್ಲಿ ನಿರೂಪಕರಾಗಿ ಜನಪ್ರಿಯತೆ ಪಡೆದಿದ್ದಾರೆ. ಕೆಲವು ಸಿನಿಮಾಗಳಲ್ಲಿಯೂ ನಟಿಸಿದ್ದಾರೆ.

ಕನ್ನಡ ಬಿಗ್‌ಬಾಸ್‌ನಲ್ಲಿ ಮೊದಲ ಬಾರಿಗೆ 50 ಲಕ್ಷ ರೂಪಾಯಿ ಗೆದ್ದ ಖ್ಯಾತಿ ವಿಜಯ ರಾಘವೇಂದ್ರ ಅವರು. ಇವರಿಗೆ ಪ್ರಬಲ ಪೈಪೋಟಿ ನೀಡಿ ರನ್ನರ್‌ ಅಪ್‌ ಆಗಿ ಅರುಣ್‌ ಸಾಗರ್‌ ಹೊರಹೊಮ್ಮಿದ್ದರು. ವಿಜಯ ರಾಘವೇಂದ್ರ ಕನ್ನಡದ ಜನಪ್ರಿಯ ನಟ. ಇತ್ತೀಚೆಗೆ ಇವರು ನಟಿಸಿರುವ ಕೇಸ್‌ ಆಫ್‌ ಕೊಂಡಾಣ, ಜೀನಿಯಸ್‌ ಮುತ್ತಾ, ಗ್ರೇಗೇಮ್ಸ್‌ ಮುಂತಾದ ಸಿನಿಮಾಗಳು ರಿಲೀಸ್‌ ಆಗಿವೆ.