Parineeti Raghav Engagement: ಹರಿದಾಡಿದ ವದಂತಿಗೆ ಬಿತ್ತು ತೆರೆ; ಈ ದಿನ AAP ಸಂಸದ ರಾಘವ್ ಚಡ್ಡಾ ಜತೆಗೆ ಪರಿಣಿತಿ ಚೋಪ್ರಾ ನಿಶ್ಚಿತಾರ್ಥ!
ದೆಹಲಿಯಲ್ಲಿ ಎರಡೂ ಕುಟುಂಬಗಳ ಸಮ್ಮುಖದಲ್ಲಿ ಉಂಗುರ ಬದಲಾವಣೆ ಸಮಾರಂಭದ ನಡೆಯಲಿದ್ದು, ಅದಾದ ಬಳಿಕ ಈ ವಿಚಾರವನ್ನು ಪರಿಣಿತಿ ಮತ್ತು ರಾಘವ್ ಅಧಿಕೃತಗೊಳಿಸಲಿದ್ದಾರೆ ಎನ್ನಲಾಗುತ್ತಿದೆ.
Parineeti Raghav Engagement: ಬಾಲಿವುಡ್ ನಟಿ ಪರಿಣಿತಿ ಚೋಪ್ರಾ ಮತ್ತು ಆಮ್‌ ಆದ್ಮಿ ಪಾರ್ಟಿಯ ಸಂಸದ ರಾಘವ್ ಚಡ್ಡಾ ಡೇಟಿಂಗ್‌ನಲ್ಲಿದ್ದಾರೆ. ಪ್ರೀತಿಯಲ್ಲಿ ಬಿದ್ದಿದ್ದಾರೆ... ಇನ್ನೇನು ಮದುವೆ ಆಗಲಿದ್ದಾರೆ ಎಂದೇ ಪುಕಾರು ಹಬ್ಬಿತ್ತು. ಆದರೆ, ಈ ಜೋಡಿ ಮಾತ್ರ ಅದ್ಯಾವುದಕ್ಕೂ ಸೊಪ್ಪು ಹಾಕಿರಲಿಲ್ಲ. ಇದೀಗ ಒಂದು ಹೆಜ್ಜೆ ಮುಂದೆ ಹೋಗಿ, ಈ ಜೋಡಿಯ ನಿಶ್ಚಿತಾರ್ಥಕ್ಕೆ ದಿನಾಂಕ ನಿಗದಿಯಾಗಿದೆಯಂತೆ!
Parineeti Chopra Dating Rumors: ಆಪ್‌ ಸಂಸದ ರಾಘವ್ ಚಡ್ಡಾ ಜತೆ ನಟಿ ಪರಿಣಿತಿ ಚೋಪ್ರಾ ಸುತ್ತಾಟ, ಡೇಟಿಂಗ್‌ ಗುಮಾನಿ.. VIDEO
ಹೌದು, ಪರಿಣಿತಿ ಚೋಪ್ರಾ ಮತ್ತು ರಾಜಕಾರಣಿ ರಾಘವ್ ಚಡ್ಡಾ ಇಬ್ಬರ ನಡುವಿನ ಸಂಬಂಧದ ಬಗ್ಗೆ ಸಾಕಷ್ಟು ಗಾಸಿಪ್‌ಗಳು ಹರಿದಾಡುತ್ತಿವೆ. ಎಲ್ಲೆಂದರಲ್ಲಿ ಕಾಣಿಸಿಕೊಳ್ಳುವ ಈ ಜೋಡಿ, ತಮ್ಮ ನಡುವಿನ ಸಂಬಂಧ ಎಂಥದ್ದು ಎಂಬುದನ್ನು ಬಹಿರಂಗಗೊಳಿಸಿಲ್ಲ. ಇದೆಲ್ಲದರ ನಡುವೆಯೇ ಪಂಜಾಬಿ ಗಾಯಕ, ನಟ ಹಾರ್ಡಿ ಸಂಧು ಮತ್ತಯ ಎಎಪಿ ಸಂಸದ ಸಂಜೀವ್‌ ಅರೋರಾ ಸಹ ಟ್ವಿಟ್‌ನಲ್ಲಿ ಈ ಜೋಡಿಗೆ ಶುಭಾಶಯ ರವಾನಿಸಿ ಅಭಿನಂದಿಸಿದ್ದರು. ಈಗ ಇಬ್ಬರೂ ಪರಸ್ಪರ ಉಂಗುರು ಬದಲಿಸಿಕೊಂಡು, ನಿಶ್ಚಿತಾರ್ಥ ಮಾಡಿಕೊಳ್ಳುವ ಉತ್ಸಾಹದಲ್ಲಿದ್ದಾರೆ.
ನಿಶ್ಚಿತಾರ್ಥ ದಿನಾಂಕ ರಿವೀಲ್
ಕೆಲ ಮಾಧ್ಯಮ ವರದಿಗಳ ಪ್ರಕಾರ, ಪರಿಣಿತಿ ಮತ್ತು ರಾಘವ್ ಇದೇ ಏಪ್ರಿಲ್ 10ರಂದು ನಿಶ್ಚಿತಾರ್ಥ ಮಾಡಿಕೊಳ್ಳಲಿದ್ದಾರೆ ಎನ್ನಲಾಗುತ್ತಿದೆ. ದೆಹಲಿಯಲ್ಲಿ ಎರಡೂ ಕುಟುಂಬಗಳ ಸಮ್ಮುಖದಲ್ಲಿ ಉಂಗುರ ಬದಲಾವಣೆ ಮಾಡಿಕೊಳ್ಳುವ ಸಮಾರಂಭದ ನಡೆಯಲಿದ್ದು, ಅದಾದ ಬಳಿಕ ಈ ವಿಚಾರವನ್ನು ಈ ಜೋಡಿ ಅಧಿಕೃತಗೊಳಿಸಲಿದೆಯಂತೆ. ಇವರಿಬ್ಬರ ನಿಶ್ಚಿತಾರ್ಥ ಸಮಾರಂಭದಲ್ಲಿ ಅವರ ಆಪ್ತರು ಮತ್ತು ಕುಟುಂಬ ಸದಸ್ಯರು ಮಾತ್ರ ಭಾಗವಹಿಸಲಿದ್ದಾರೆ.
ಎಲ್ಲೆಂದರಲ್ಲಿ ಪ್ರತ್ಯಕ್ಷ
ನಟಿ ಪರಿಣಿತಿ ಮತ್ತು ಸಂಸದ ರಾಘವ್ ಕೆಲ ದಿನಗಳ ಹಿಂದಷ್ಟೇ, ಮುಂಬೈನ ವಿಮಾನ ನಿಲ್ದಾಣದ ಬಳಿ ಪ್ರತ್ಯಕ್ಷರಾಗಿದ್ದರು. ಅಷ್ಟೇ ಅಲ್ಲ ಸುತ್ತಾಟ, ಡಿನ್ನರ್‌ ಪಾರ್ಟಿ.. ಹೀಗೆ ಈ ಜೋಡಿಯ ಹಲವು ವಿಡಿಯೋಗಳು ಸೋಷಿಯಲ್‌ ಮೀಡಿಯಾದಲ್ಲಿ ಹರಿದಾಡಿದವು. ಹೀಗೆ ಎಲ್ಲೆಂದರಲ್ಲಿ ಈ ಜೋಡಿ ಕಾಣಿಸಿಕೊಂಡಿದ್ದೇ ತಡ ಹಲವು ಅನುಮಾನಗಳಿಗೆ ಅದು ದಾರಿ ಮಾಡಿಕೊಟ್ಟಿತ್ತು.
