Singham Again vs Bhool Bhulaiyaa 3: ಈ ಇಬ್ಬರಲ್ಲಿ ಮೊದಲ ದಿನ ಗೆದ್ದವರು ಯಾರು? ಕಲೆಕ್ಷನ್‌ ವಿಚಾರದಲ್ಲಿ ಈ ಚಿತ್ರವೇ ಮುಂದು
Singham Again Box Office Collection Day 1: ಅಜಯ್ ದೇವಗನ್‌ ಸೇರಿ ಬಾಲಿವುಡ್‌ನ ಘಟಾನುಘಟಿಗಳು ಮುಖ್ಯಭೂಮಿಕೆಯಲ್ಲಿ ನಟಿಸಿದ ಸಿಂಗಂ ಅಗೇನ್ ಮತ್ತು ಭೂಲ್ ಭುಲ್ಲಯ್ಯ 3 ಸಿನಿಮಾ ನವೆಂಬರ್‌ 1ರಂದು ಬಿಡುಗಡೆ ಆಗಿವೆ. ಈ ಎರಡು ಸಿನಿಮಾಗಳ ಪೈಕಿ ಗಳಿಕೆ ವಿಚಾರದಲ್ಲಿ ಮೊದಲ ದಿನ ಯಾವ ಸಿನಿಮಾ ಮುಂದಿದೆ? ಇಲ್ಲಿದೆ ವಿವರ.
Singham Again vs Bhool Bhulaiyaa 3: ಬಾಲಿವುಡ್‌ನಲ್ಲಿ ಈ ವರ್ಷದ ಬಿಗ್ಗೆಸ್ಟ್‌ ಕ್ಲಾಷ್‌ ಘಟಿಸಿದೆ. ಬಿಗ್‌ ಬಜೆಟ್‌ನ ಎರಡು ಬಹುನಿರೀಕ್ಷಿತ ಸಿನಿಮಾಗಳಾದ ಭೂಲ್ ಭುಲ್ಲಯ್ಯ 3 ಮತ್ತು ಸಿಂಗಂ ಅಗೇನ್ ಸಿನಿಮಾಗಳು ಇಂದು (ನವೆಂಬರ್‌ 1) ಬಿಡುಗಡೆ ಆಗಿವೆ. ಭೂಲ್ ಭುಲ್ಲಯ್ಯ 3 ಸಿನಿಮಾ ಈ ಹಿಂದಿನ ಭೂಲ್ ಭುಲ್ಲಯ್ಯ ಚಿತ್ರದ ಮುಂದುವರಿದ ಭಾಗ. ಅದೇ ರೀತಿ ಸಿಂಗಮ್ ಅಗೇನ್ ಸಿನಿಮಾ ಸಹ ಈ ಹಿಂದಿನ ಸಿಂಗಮ್ ಚಿತ್ರದ ಮುಂದುವರಿದ ಭಾಗ. ಬಹುತಾರಾಗಣದ ಈ ಎರಡು ಸಿನಿಮಾಗಳು ಈಗ ಪ್ರೇಕ್ಷಕನಿಂದಲೂ ಮೆಚ್ಚುಗೆ ಪಡೆದುಕೊಂಡಿದೆ.
ಸಿಂಗಮ್ ಅಗೇನ್ ರೋಹಿತ್‌ ಶೆಟ್ಟಿ ನಿರ್ದೇಶನದ ಸಿನಿಮಾ. ಈ ಚಿತ್ರದಲ್ಲಿ ಅಜಯ್ ದೇವಗನ್‌ ಜತೆಗೆ, ಅಕ್ಷಯ್‌ ಕುಮಾರ್, ರಣವೀರ್‌ ಸಿಂಗ್‌, ಟೈಗರ್‌ ಶ್ರಾಫ್‌, ದೀಪಿಕಾ ಪಡುಕೋಣೆ ಸೇರಿ ಇನ್ನೂ ಹಲವು ಘಟನಾನುಘಟಿಗಳು ನಟಿಸಿದ್ದಾರೆ. ಸಲ್ಮಾನ್‌ ಖಾನ್‌ ಅತಿಥಿ ಪಾತ್ರದಲ್ಲಿ ಮಿಂಚಿದ್ದಾರೆ. ಈ ಚಿತ್ರಕ್ಕೀಗ ಮೊದಲ ದಿನವೇ ಪ್ರೇಕ್ಷಕನಿಂದ ಪಾಸಿಟಿವ್‌ ರೆಸ್ಪಾನ್ಸ್‌ ಸಿಕ್ಕಿದೆ. ಮತ್ತೊಂದೆಡೆ, ಭೂಲ್ ಭುಲ್ಲಯ್ಯ 3 ಚಿತ್ರವನ್ನು ಅನೀಸ್ ಬಾಜ್ಮೀ ನಿರ್ದೇಶಿಸಿದ್ದಾರೆ. ಈ ಚಿತ್ರದಲ್ಲಿ ಕಾರ್ತಿಕ್ ಆರ್ಯನ್, ತ್ರಿಪ್ತಿ ದಿಮ್ರಿ, ವಿದ್ಯಾ ಬಾಲನ್, ಮಾಧುರಿ ದೀಕ್ಷಿತ್, ರಾಜ್‌ಪಾಲ್ ಯಾದವ್ ಸೇರಿ ದೊಡ್ಡ ತಾರಾಬಳಗವೇ ಇದೆ.
ಗಳಿಕೆಯಲ್ಲಿ ಯಾರು ಮುಂದು?
ಇಂಡಸ್ಟ್ರಿ ಕಲೆಕ್ಷನ್‌ ಟ್ರ್ಯಾಕರ್, ಸ್ಯಾಕ್‌ನಿಲ್ಕ್ ವರದಿ ಪ್ರಕಾರ, ಸಿಂಗಮ್ ಅಗೇನ್ ಮತ್ತು ಭೂಲ್ ಭುಲ್ಲಯ್ಯ 3 ಸಿನಿಮಾಗಳ ಮೊದಲ ದಿನದ ಕಲೆಕ್ಷನ್‌ನಲ್ಲಿ ದೊಡ್ಡ ಅಂತರವೇನೂ ಇಲ್ಲ. ಆದರೆ, ಸಿಂಗಮ್ ಅಗೇನ್ ಚಿತ್ರವೇ ಗಳಿಕೆಯಲ್ಲಿ ಮುಂದಿದೆ. ಅಜಯ್ ದೇವಗನ್‌ ಸಿನಿಮಾ 27.06 ಕೋಟಿ ಮತ್ತು ಭೂಲ್ ಭುಲ್ಲಯ್ಯ ಸಿನಿಮಾ 21.29 ಕೋಟಿ ರೂ. ಗಳಿಕೆ ಕಂಡಿದೆ. ಈ ಎರಡರಲ್ಲಿ ಸಿಂಗಂ ಸಿನಿಮಾ, ಮುಂದಿನ ಎರಡು ದಿನಗಳ ಕಾಲ ಗಳಿಕೆಯಲ್ಲಿ ದೊಡ್ಡ ಹೆಜ್ಜೆ ಇಡಲಿದೆ ಎಂದೂ ಬಾಕ್ಸ್ ಆಫೀಸ್ ಪಂಡಿತರು ಭವಿಷ್ಯ ನುಡಿದಿದ್ದಾರೆ.
ಮುಂಗಡ ಬುಕಿಂಗ್‌ ಹೇಗಿತ್ತು?
ಭುಲ್‌ ಭುಲ್ಲಯ್ಯಾ 3: ಟ್ರೇಡ್ ವೆಬ್‌ಸೈಟ್ ಬಾಕ್ಸ್ ಆಫೀಸ್ ಇಂಡಿಯಾದ ಪ್ರಕಾರ, ಎರಡೂ ಸಿನಿಮಾಗಳು ಮುಂಗಡ ಬುಕಿಂಗ್‌ ವಿಚಾರದಲ್ಲಿಯೇ ಸದ್ದು ಮಾಡಿದ್ದವು. ಆ ಪೈಕಿ ಭೂಲ್ ಭುಲ್ಲಯ್ಯ 3 ಸಿನಿಮಾ, ಭಾರತದಾದ್ಯಂತ 2.23 ಲಕ್ಷ ಮುಂಗಡ ಟಿಕೆಟ್‌ಗಳು ಮಾರಾಟ ಆಗಿದ್ದವು. ಇದರಿಂದಲೇ ಸುಮಾರು 13 ಕೋಟಿ ಬೊಕ್ಕಸಕ್ಕೆ ಇಳಿಸಿದೆ.
ಸಿಂಗಮ್ ಅಗೇನ್: ಮತ್ತೊಂದೆಡೆ ಸಿಂಗಮ್ ಅಗೇನ್ 2.26 ಲಕ್ಷ ಟಿಕೆಟ್‌ಗಳನ್ನು ಮಾರಾಟ ಮಾಡಿಕೊಂಡು, ಸುಮಾರು 12.50 ಕೋಟಿ ಬಾಚಿಕೊಂಡಿದೆ. ಭೂಲ್ ಭುಲ್ಲಯ್ಯಾ ಸಿನಿಮಾಕ್ಕಿಂತಲೂ ಈ ಸಿನಿಮಾ ಕೊಂಚ ಹಿನ್ನೆಡೆ ಅನುಭವಿಸಿದೆ. ಆದರೆ, ಮೊದಲ ದಿನದ ಗಳಿಕೆ ವಿಚಾರದಲ್ಲಿ ಕಾರ್ತಿಕ್ ಆರ್ಯನ್ ಸಿನಿಮಾವನ್ನು ಅಜಯ್ ದೇವಗನ್‌ ಮೀರಿಸಲಿದೆ.
