ಲೀಕ್‌ ಆದ ಬಾತ್‌ರೂಮ್‌ ವಿಡಿಯೋ ನೋಡಿ ದರ್ಶನ್‌ ಹೀರೋಯಿನ್‌ ಕೆಂಡಾಮಂಡಲ; ಮ್ಯಾನೇಜರ್‌ಗೆ ಕ್ಲಾಸ್‌ ತೆಗೆದುಕೊಂಡ ಊರ್ವಶಿ
Urvashi Rautel Bathroom Video Viral: ನಟಿ ಊರ್ವಶಿ ರೌಟೇಲಾ ಅವರ ಬಾತ್‌ರೂಂ ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ. ಇದಕ್ಕೆ ಸಂಬಂಧಪಟ್ಟಂತೆ ತನ್ನ ಮ್ಯಾನೇಜರ್‌ ಜತೆ ನಟಿ ಕೋಪದಿಂದ ಮಾತನಾಡುವ ಆಡಿಯೋವೊಂದನ್ನು ಡಿಜಿಟಲ್‌ ಮಾಧ್ಯಮವೊಂದು ಪ್ರಕಟಿಸಿದೆ.
Urvashi Rautela: ಬಹುಭಾಷಾ ನಟಿ ಊರ್ವಶಿ ರೌಟೇಲಾ ಅವರು ಕಳೆದ ಕೆಲವು ದಿನಗಳಿಂದ ವೈರಲ್‌ ಬಾತ್‌ರೂಂ ವಿಡಿಯೋಗೆ ಸಂಬಂಧಪಟ್ಟಂತೆ ಸುದ್ದಿಯಲ್ಲಿದ್ದಾರೆ. ಇದೀಗ ಆ ವಿಡಿಯೋಗೆ ಸಂಬಂಧಪಟ್ಟಂತೆ ಊರ್ವಶಿ ರೌಟೇಲಾ ಮತ್ತು ಆಕೆಯ ಮ್ಯಾನೇಜರ್‌ ಮಾತನಾಡುತ್ತಿರುವುದು ಎನ್ನಲಾದ ವಾಯ್ಸ್‌ ರೆಕಾರ್ಡಿಂಗ್‌ ಅನ್ನು ನ್ಯೂಸ್‌18 ಪ್ರಕಟಿಸಿದೆ. ಆ ವಾಯ್ಸ್‌ ರೆಕಾರ್ಡಿಂಗ್‌ನಲ್ಲಿ ಊರ್ವಶಿ ಕೋಪದಿಂದ ತನ್ನ ಮ್ಯಾನೇಜರ್‌ ಬಳಿ "ಆ ವಿಷಯದ" ಕುರಿತು ವಿಚಾರಿಸುವ ಚಿತ್ರಣವಿದೆ.
ಮ್ಯಾನೇಜರ್‌ಗೆ ಕ್ಲಾಸ್‌ ತೆಗೆದುಕೊಂಡ್ರ ಊರ್ವಶಿ
ಎಕ್ಸ್‌ನಲ್ಲಿ ಹಂಚಿಕೊಂಡ ಈ ವಾಯ್ಸ್‌ ರೆಕಾರ್ಡಿಂಗ್‌ನಲ್ಲಿ ಮೊದಲು ಊರ್ವಶಿ ಧ್ವನಿ ಕೇಳುತ್ತದೆ. "ನೀನು ಆ ವಿಡಿಯೋ ನೋಡಿದೆಯಾ?" ಎಂದು ಕೋಪದಿಂದ ನಟಿ ಪ್ರಶ್ನಿಸುತ್ತಾರೆ. "ಹೌದು ಮೇಡಂ" ಎನ್ನುತ್ತಾರೆ ಮ್ಯಾನೇಜರ್‌. "ನಾವಿದನ್ನು ಇಂಟರ್‌ನೆಟ್‌ನಿಂದ ತೆಗೆಯಲು ಪ್ರಯತ್ನಿಸುತ್ತಿದ್ದೇವೆ" ಎಂದು ಮ್ಯಾನೇಜರ್‌ ಹೇಳುತ್ತಾರೆ. "ಆದರೆ, ನನಗೆ ಅರ್ಥವಾಗುತ್ತಿಲ್ಲ. ಈ ವಿಡಿಯೋ ಹೊರಕ್ಕೆ ಹೋದದ್ದು ಹೇಗೆ ನನಗೆ ಅರ್ಥನೇ ಆಗುತ್ತಿಲ್ಲ. ನನಗೆ ತಕ್ಷಣ ಅವರಲ್ಲಿ ಫೋನ್‌ನಲ್ಲಿ ಮಾತನಾಡಬೇಕು" ಎನ್ನುತ್ತಾರೆ. "ಇದು ಅತ್ಯಂತ ಕೆಟ್ಟ ಪರಿಸ್ಥಿತಿ. ಫೋನ್‌ ಟ್ಯಾಪ್‌ ಮಾಡಿರಬಹುದು. ಆಮೇಲೆ ಬಂದು ಮಾತನಾಡುವೆ" ಎಂದು ಮ್ಯಾನೇಜರ್‌ ಹೇಳುತ್ತಾರೆ. "ಏನು, ಯಾಕೆ" ಎನ್ನುತ್ತಾರೆ ರೌಟೇಲಾ. "ನಾನು ನಿಮ್ಮಲ್ಲಿ ಪರ್ಸನಲ್‌ ಆಗಿ ಬಂದು ಮಾತನಾಡುವೆ" ಎಂದು ಮ್ಯಾನೇಜರ್‌ ಹೇಳುತ್ತಾರೆ. ಈ ವಾಯ್ಸ್‌ ರೆಕಾರ್ಡಿಂಗ್‌ ಅನ್ನು ಎಕ್ಸ್‌ (ಟ್ವಿಟ್ಟರ್‌ನಲ್ಲಿ) ಹಂಚಿಕೊಳ್ಳಲಾಗಿದೆ. ಹೆಚ್ಚಿನ ಮಾಹಿತಿ ಲಭ್ಯವಿಲ್ಲ.
ಮಿಸ್ಟರ್‌ ಐರಾವತ ನಟಿ
ಕನ್ನಡ ಸಿನಿಮಾ ಪ್ರೇಮಿಗಳಿಗೆ ನಟ ದರ್ಶನ್‌ ಅಭಿನಯದದ ಮಿಸ್ಟರ್‌ ಐರಾವತ ಸಿನಿಮಾ ನೆನಪಲ್ಲಿ ಇರಬಹುದು. ಈ ಸಿನಿಮಾದಲ್ಲಿ ಹೀರೋಯಿನ್‌ ಆಗಿ ಊರ್ವಶಿ ರೌಟೇಲಾ ನಟಿಸಿದ್ದರು. ಈ ಸಿನಿಮಾದಲ್ಲಿ ದರ್ಶನ್‌ ಎಸಿಪಿ ಐರಾವತನಾಗಿ ನಟಿಸಿದ್ದರೆ, ಊರ್ವಶಿ ರೌಟೇಲಾ ಅವರು ಪ್ರಿಯಾ ಪಾತ್ರದಲ್ಲಿ ನಟಿಸಿದ್ದರು. ಪ್ರಕಾಶ್‌ ರಾಜ್‌, ಅನಂತ್‌ ನಾಗ್‌, ಸಿತಾರ, ದರ್ಶನ್‌ ಪುತ್ರ ವಿನೀಶ್‌ ದರ್ಶನ್‌, ದಿವಂಗತ ಬುಲೆಟ್‌ ಪ್ರಕಾಶ್‌, ಸಿಂಧೂ ಲೋಕನಾಥ್‌, ಅವಿನಾಶ್‌, ಚಿಕ್ಕಣ್ಣ, ಸಾಧುಕೋಕಿಲಾ ಮುಂತಾದವರು ಈ ಚಿತ್ರದಲ್ಲಿ ನಟಿಸಿದ್ದರು.
ಊರ್ವಶಿ ರೌಟೇಲಾ ಸಿನಿಮಾಗಳು
2013ರಲ್ಲಿ ಇವರು ಸಿಂಗ್‌ ಸಾಬ್‌ ದಿ ಗ್ರೇಟ್‌ ಎಂಬ ಸಿನಿಮಾದ ಮೂಲಕ ಚಿತ್ರರಂಗಕ್ಕೆ ಪ್ರವೇಶಿಸಿದರು. 2015ರಲ್ಲಿ ಕನ್ನಡ ನಟ ದರ್ಶನ್‌ ಜತೆ ಮಿಸ್ಟರ್‌ ಐರಾವತ ಸಿನಿಮಾದಲ್ಲಿ ನಟಿಸಿದ್ದರು. ಇದಾದ ಬಳಿಕ ಬಾಲಿವುಡ್‌ಗೆ ಹಿಂತುರುಗಿದರು. 2015ರಲ್ಲಿ ಭಾಗ್‌ ಜಾನಿ ಎಂಬ ಸಿನಿಮಾದಲ್ಲಿ ನಟಿಸಿದ್ದರು. ಇದಾದ ಬಳಿಕ ಸನಮ್‌ ರೇ, ಗ್ರೇಟ್‌ ಗ್ರ್ಯಾಂಡ್‌ ಮಸ್ತಿ, ಕಾಬಿಲ್‌ ಚಿತ್ರಗಳಲ್ಲಿ ನಟಿಸಿದ್ದರು. ಬಂಗಾಳಿಯಲ್ಲಿ ಪೋರೊಭಾಶಿನೆ ಎಂಬ ಚಿತ್ರದಲ್ಲೂ ನಟಿಸಿದ್ದರು. ಬಾಲಿವುಡ್‌ನಲ್ಲಿ ಹೇಟ್‌ ಸ್ಟೋರಿ 4, ಪಾಪಲ್ಪಂತಿ, ವರ್ಜಿನ್‌ ಭಾನುಪ್ರಿಯಾ ಚಿತ್ರಗಳಲ್ಲಿ ನಟಿಸಿದರು. ದಿ ಲೆಜೆಂಡ್‌ ಸಿನಿಮಾದ ಮೂಲಕ ತಮಿಳು ಚಿತ್ರರಂಗಕ್ಕೆ ಪ್ರವೇಶಿಸಿದರು. ಕನ್ನಡ ಮತ್ತು ತಮಿಳಿನಲ್ಲಿ ಒಂದೊಂದೇ ಸಿನಿಮಾ ಮಾಡಿರುವ ಇವರಿಗೆ ತೆಲುಗಿನಲ್ಲಿ ಸಾಕಷ್ಟು ಅವಕಾಶ ದೊರಕಿತ್ತು.
ತೆಲುಗು ಚಿತ್ರರಂಗದಲ್ಲಿ ವಾಲ್ಟರ್‌ ವೀರಯ್ಯ, ಏಜೆಂಟ್‌, ಬ್ರೋ, ಸ್ಕಂದ ಚಿತ್ರಗಳಲ್ಲಿ ನಟಿಸಿದ್ದಾರೆ. ಈ ವರ್ಷ ಈಕೆ ನಟಿಸಿದ ಹಿಂದಿ ಸಿನಿಮಾ ಜೆಎನ್‌ಯು: ಜಹಂಗಿರ್‌ ನ್ಯಾಷನಲ್‌ ಯೂನಿವರ್ಸಿಟಿ ಬಿಡುಗಡೆಯಾಗಿದೆ. ಎನ್‌ಬಿಕೆ 109, ದಿಲ್‌ ಹೈ ಗ್ರೇ, ಬ್ಲ್ಯಾಕ್‌ ರೋಸ್‌ ಊರ್ವಶಿ ರೌಟೇಲಾ ಅವರ ಮುಂಬರುವ ಸಿನಿಮಾಗಳು.
ವಿಭಾಗ