Poonam Panday Death: ಗರ್ಭಕೋಶದ ಕ್ಯಾನ್ಸರ್‌ನಿಂದ ಮಾದಕ ನಟಿ ಪೂನಂ ಪಾಂಡೆ ನಿಧನ!

Poonam Panday Death: ವಿವಾದಗಳ ಮೂಲಕವೇ ಸುದ್ದಿಯಾಗುತ್ತಿದ್ದ ನಟಿ ಪೂನಂ ಪಾಂಡೆ ಸಾವಿನ ಸುದ್ದಿ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ. ಪೂನಂ ಪಾಂಡೆ ಕ್ಯಾನ್ಸರ್‌ನಿಂದ ನಿಧನರಾಗಿದ್ದಾರೆ ಎಂದು ಸ್ವತಃ ಅವರ ಇನ್‌ಸ್ಟಾಗ್ರಾಂ ಖಾತೆಯಿಂದ ಅಚ್ಚರಿಯ ಪೋಸ್ಟ್‌ ಶೇರ್‌ ಆಗಿದೆ. ಬೋಲ್ಡ್‌ ವಿಡಿಯೋಗಳ ಮೂಲಕವೇ ಹೆಚ್ಚು ಗುಲ್ಲೆಬ್ಬಿಸುತ್ತಿದ್ದ ನಟಿ ಪೂನಂಗೆ ಈಗಿನ್ನು ಬರೀ 32 ವರ್ಷ ವಯಸ್ಸು.

ಇನ್‌ಸ್ಟಾಗ್ರಾಂ ಪೋಸ್ಟ್‌ನಲ್ಲೇನಿದೆ?

“ಈ ಬೆಳಗು ನಮಗೆ ತುಂಬ ಕಷ್ಟಕರ ದಿನವಾಗಿದೆ. ಗರ್ಭಕೋಶದ ಕ್ಯಾನ್ಸರ್‌ನಿಂದಾಗಿ ನಾವು ನಮ್ಮ ಪ್ರೀತಿಯ ಪೂನಂ ಅವರನ್ನು ಕಳೆದುಕೊಂಡಿದ್ದೇವೆ ಎಂದು ತಿಳಿಸಲು ನಮಗೆ ತುಂಬಾ ದುಃಖವಾಗಿದೆ. ಅವರ ಸಂಪರ್ಕಕ್ಕೆ ಬಂದ ಪ್ರತಿಯೊಬ್ಬ ವ್ಯಕ್ತಿಯೂ ಅವರನ್ನು ಪ್ರೀತಿಯಿಂದ ಭೇಟಿಯಾಗುತ್ತಿದ್ದರು. ಮಾತನಾಡಿಸುತ್ತಿದ್ದರು. ಈ ದುಃಖದ ಸಮಯದಲ್ಲಿ, ನಾವು ಗೌಪ್ಯತೆಯನ್ನು ಕಾಪಾಡಿಕೊಳ್ಳಬೇಕಾಯಿತು” ಎಂದು ಪೂನಂ ಪಾಂಡೆ ಇನ್‌ಸ್ಟಾ ಖಾತೆಯಿಂದ ಪೋಸ್ಟ್‌ ಶೇರ್‌ ಆಗಿದೆ.ʼ

ಇದನ್ನೂ ಓದಿ: ಉತ್ತರ ಕರ್ನಾಟಕದ ಉಡಾಳನಾದ ಪೃಥ್ವಿ ಶಾಮನೂರು; ಡಾಲಿಯಿಂದ ರಿವೀಲ್‌ ಆಯ್ತು ಶೀರ್ಷಿಕೆ

ನಿಧನರಾಗಿ ನಾಲ್ಕು ದಿನಗಳೇ ಕಳೆದಿವೆ..

ಪೂನಂ ಪಾಂಡೆ ಸಾವಿನ ಸುದ್ದಿಯನ್ನು ಅವರ ಪಿಆರ್ ತಂಡ ಖಚಿತಪಡಿಸಿದೆ. ಈ ಇನ್‌ಸ್ಟಾ ಪೋಸ್ಟ್ ನಾಲ್ಕು ದಿನಗಳ ಹಳೆಯದು ಎಂದೂ ಅವರ ಪಿಆರ್‌ ತಂಡ ಹಿಂದಿ ಸುದ್ದಿತಾಣಗಳಿಗೆ ತಿಳಿಸಿದೆ. ಇತ್ತ ನಟಿಯ ಸಾವಿನ ಸುದ್ದಿ ತಿಳಿದ ಅವರ ಫ್ಯಾನ್ಸ್‌ ಆಘಾತಕ್ಕೆ ಒಳಗಾಗಿದ್ದಾರೆ. ಪೂನಂ ಪೋಸ್ಟ್‌ಗೆ ಭಾವುಕ ಸಂದೇಶಗಳ ಮೂಲಕ ಕಂಬನಿ ಮಿಡಿಯುತ್ತಿದ್ದಾರೆ.

ಪೂನಂ ಪಾಂಡೆ ಯಾರು?

ಪೂನಂ ಪಾಂಡೆ ಮಾಡೆಲಿಂಗ್‌ ಮೂಲಕ ಮುನ್ನೆಲೆಗೆ ಬಂದವರು. ಅದರಲ್ಲೂ 2011ರಲ್ಲಿ ಟೀಮ್‌ ಇಂಡಿಯಾ ಫೈನಲ್‌ ತಲುಪುವುದಕ್ಕೂ ಮುನ್ನ, ಭಾರತ ಫೈನಲ್‌ ಗೆದ್ದರೆ ನಾನು ಬೆತ್ತಲಾಗುವೆ ಎಂದಿದ್ದರು. ಆ ಮೂಲಕವೇ ದೊಡ್ಡ ಮಟ್ಟದಲ್ಲಿ ಪೂನಂ ಸುದ್ದಿಯಾದರು. ಅದಾದ ಬಳಿಕ ತಮ್ಮ ಹೇಳಿಕೆಗಳ ಮೂಲಕವೇ ವಿವಾದಕ್ಕೆ ತುಪ್ಪ ಸುರಿಯುತ್ತಿದ್ದರು. ಮದುವೆ, ಬಾಯ್‌ಫ್ರೆಂಡ್‌ ವಿಚಾರಕ್ಕೂ ಮುನ್ನೆಲೆಗೆ ಬರುತ್ತಿದ್ದರು.

ಇದನ್ನೂ ಓದಿ: ಒಟಿಟಿಗೆ ಕಾಟೇರನ ಆಗಮನ; ಫ್ಯಾನ್ಸ್‌ ವಲಯದಲ್ಲಿ ಖುಷಿಯ ಬದಲು ಬೇಸರದ ಕಾರ್ಮೋಡ! ಹೀಗಿದೆ ಕಾರಣ

ಗಟ್ಟಿಯಾಗಿ ಉಳಿಯದ ಮದುವೆ ಸಂಬಂಧ

ಇನ್ನು 2020ರಲ್ಲಿ ಸ್ಯಾಮ್‌ ಬಾಂಬೆ ಎಂಬುವವರ ಜತೆಗೆ ಪೂನಂ ಅವರ ವಿವಾಹವಾಗಿತ್ತು. ಈ ಮದುವೆಯೂ ದೊಡ್ಡ ಮಟ್ಟದಲ್ಲಿ ಸುದ್ದಿಯಾಗಿತ್ತು. ಆದರೆ, ಆ ಮದುವೆಯೂ ಗಟ್ಟಿಯಾಗಿ ಉಳಿಯಲಿಲ್ಲ. ಮದುವೆಯಾದ ಕೇವಲ ಕೆಲವೇ ತಿಂಗಳಿಗೆ ಪತಿಯಿಂದ ಕಿರುಕುಳ ಅನುಭವಿಸುತ್ತಿದ್ದೇನೆ ಎಂದು ದೂರು ನೀಡಿದ್ದರು. ದೂರಿನ ಆಧಾರದ ಮೇಲೆ ಗೋವಾ ಪೊಲೀಸರು 2020ರ ಸೆ. 23 ರಂದು ಸ್ಯಾಮ್‌ ಬಾಂಬೆಯನ್ನು ಬಂಧಿಸಿದ್ದರು.

ನಟಿಸಿದ ಸಿನಿಮಾಗಳ ವಿವರ

ಇನ್ನು ಸಿನಿಮಾ ವಿಚಾರಕ್ಕೆ ಬಂದರೆ, 2013ರಲ್ಲಿ ದಿ ಅನ್‌ ಕ್ಯಾನಿ ಸಿನಿಮಾದಲ್ಲಿ ಪೂನಂ ನಟಿಸಿದ್ದರು. ಅದಾದ ಬಳಿಕ ನಶಾ, ಲವ್‌ ಇಸ್‌ ಪಾಯಿಸನ್‌, ಅದಾಲತ್‌, ಮಾಲಿನಿ ಅಂಡ್‌ ಕೋ, ಆ ಗಯೇ ಹೀರೋ, ದಿ ಜರ್ನಿ ಆಫ್‌ ಕರ್ಮ ಸಿನಿಮಾಗಳಲ್ಲೂ ಪೂನಂ ನಟಿಸಿದ್ದಾರೆ. ಸಿನಿಮಾಗಳ ಜತೆಗೆ ಕಿರುತೆರೆ ಮತ್ತು ರಿಯಾಲಿಟಿ ಶೋಗಳಲ್ಲಿಯೂ ಪೂನಂ ಅವರ ಹಾಜರಿ ಇರುತ್ತಿತ್ತು. 2022ರಲ್ಲಿ ಪ್ರಸಾರ ಕಂಡಿದ್ದ ಲಾಕ್‌ಅಪ್‌ ಶೋನಲ್ಲಿ ಕಂಟೆಸ್ಟೆಂಟ್‌ ಆಗಿ ಪೂನಂ ಭಾಗವಹಿಸಿದ್ದರು.

ಇದನ್ನೂ ಓದಿ: ಅಶೋಕನಿಗೆ ಸರ್ಪ್ರೈಸ್‌ ನೀಡಿದ ಶ್ರೀರಾಮ;‌ ಸೀತಾ ರಾಮ ಸೀರಿಯಲ್‌ನಲ್ಲಿ ಹೊಸ ಪಾತ್ರದ ಎಂಟ್ರಿ, ಯಾರಿದು ಅಂಜಲಿ?