Parineeti Chopra: ಮಾಲ್ಡೀವ್ಸ್‌ನಲ್ಲಿ ಈಜುಡುಗೆಯಲ್ಲಿ ಪರಿಣಿತಿ ಚೋಪ್ರಾ; ಮಧುಚಂದ್ರದ ಫೋಟೋವಲ್ಲವೆಂದು ಮುದ್ದಾಗಿ ನಗುಬೀರಿದ ನಟಿ
Parineeti Chopra: ಬಾಲಿವುಡ್ ನಟಿ ಪರಿಣಿತಿ ಚೋಪ್ರಾ ಮಾಲ್ಡೀವ್ಸ್‌ ಪ್ರವಾಸದಲ್ಲಿದ್ದಾರೆ. ರಜಾ ದಿನದಲ್ಲಿ ಮಾಲ್ಡೀವ್ಸ್‌ ಸಮುದ್ರ ಕಿನಾರೆಯಲ್ಲಿ ಸುತ್ತಾಡುತ್ತಿರುವ ತನ್ನ ಸುಂದರ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಇದು ಹನಿಮೂನ್‌ ಫೋಟೋವಲ್ಲ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.
ಬಾಲಿವುಡ್ ನಟಿ ಪರಿಣಿತಿ ಚೋಪ್ರಾ ಮಾಲ್ಡೀವ್ಸ್‌ ಪ್ರವಾಸದಲ್ಲಿದ್ದಾರೆ. ರಜಾ ದಿನದಲ್ಲಿ ಮಾಲ್ಡೀವ್ಸ್‌ ಸಮುದ್ರ ಕಿನಾರೆಯಲ್ಲಿ ಸುತ್ತಾಡುತ್ತಿರುವ ತನ್ನ ಸುಂದರ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಇತ್ತೀಚೆಗಷ್ಟೇ ರಾಜಕಾರಣಿ ರಾಘವ್ ಚಡ್ಡಾ ಅವರನ್ನು ಪರಿಣಿತಿ ಚೋಪ್ರಾ ಮದುವೆಯಾಗಿದ್ದರು. ಬಹುಶಃ ಪರಿಣಿತಿ ಚೋಪ್ರಾ ಮತ್ತು ರಾಘವ್ ಹನಿಮೂನ್‌ಗೆ ಮಾಲ್ಡೀವ್ಸ್‌ಗೆ ಹನಿಮೂನ್‌ಗೆ ಬಂದಿರಬಹುದು ಎಂದು ಎಲ್ಲರೂ ಅಂದುಕೊಂಡಿದ್ದರು. ಆದರೆ, ಹಸ್ಬೆಂಡ್‌ ಜತೆ ಮಾಲ್ಡೀವ್ಸ್‌ಗೆ ಬಂದಿಲ್ಲ ಎಂದು ಪರಿಣಿತಿ ಚೋಪ್ರಾ ಸ್ಪಷ್ಟಪಡಿಸಿದ್ದಾರೆ. ಜತೆಗೆ ತಾನು ಯಾರ ಜತೆ ಈ ರಜಾ ದಿನಗಳ ವಿಹಾರಕ್ಕೆ ಮಾಲ್ಡೀವ್ಸ್‌ಗೆ ಬಂದಿರುವುದಾಗಿಯೂ ಅವರು ಸ್ಪಷ್ಟಪಡಿಸಿದ್ದಾರೆ.
ಹೊಸ ಫೋಟೋ ಹಂಚಿಕೊಂಡ ಪರಿಣಿತಿ ಚೋಪ್ರಾ
ಪರಿಣಿತಿ ಚೋಪ್ರಾ ಅವರು ಮಾಲ್ಡೀವ್ಸ್‌ನ ಇನ್‌ಫಿನಿಟಿ ಈಜುಕೊಳದಲ್ಲಿ ಕುಳಿತ ಸುಂದರ ಫೋಟೋ ಹಂಚಿಕೊಂಡಿದ್ದಾರೆ. ಈಜುಕೊಳದ ಆಚೆಗೆ ಸುಂದರ ಸಮುದ್ರ ಕಾಣಿಸುತ್ತದೆ. ಹಿಂಬದಿಯಿಂದ ತೆಗೆದ ಈ ಚಿತ್ರದಲ್ಲಿ ಪರಿಣಿತಿಯ ಮುದ್ದಾದ ನಗು ಗಮನ ಸೆಳೆಯುತ್ತದೆ.
ಹನಿಮೂನ್‌ಗೆ ಬಂದಿಲ್ಲ ಎಂದು ಸ್ಪಷ್ಟಪಡಿಸಿದ ನಟಿ
ಇತ್ತೀಚೆಗಷ್ಟೇ ಪರಿಣಿತಿ ಚೋಪ್ರಾ ಮತ್ತು ರಾಜಕಾರಣಿ ರಾಘವ್ ಚಡ್ಡಾ ಮದುವೆಯಾಗಿದ್ದರು. ರಾಜಕಾರಣಿಯಾಗಿರುವುದರಿಂದ ರಾಘವ್ ಚಡ್ಡಾಗೆ ಪ್ರವಾಸ ಹೋಗುವಷ್ಟು ಸಮಯ ಸದ್ಯಕ್ಕಿಲ್ಲ. ಹೀಗಾಗಿ, ಪರಿಣಿತಿ ಚೋಪ್ರಾ ತನ್ನ ಪತಿಯ ಜತೆ ಮಾಲ್ಡೀವ್ಸ್‌ಗೆ ಬಂದಿಲ್ಲ. "ಇದು ಹನಿಮೂನ್‌ ಫೋಟೋ ಅಲ್ಲ, ಇದು ನನ್ನ ನಾದಿನಿ ತೆಗೆದ ಫೋಟೋ" ಎಂದು ಪರಿಣಿತಿ ಚೋಪ್ರಾ ಕ್ಯಾಪ್ಷನ್‌ ಬರೆದಿದ್ದಾರೆ. ಮಾಲ್ಡೀವ್ಸ್‌ಗೆ ನಾದಿನಿ ಜತೆ ಪರಿಣಿತಿ ಟ್ರಿಪ್‌ ಹೋಗಿದ್ದಾರೆ. ಈ ಇನ್‌ಸ್ಟಾಗ್ರಾಂ ಫೋಟೋಗೆ ಗರ್ಲ್‌ ಟ್ರಿಪ್‌ ಎಂಬ ಹ್ಯಾಷ್‌ ಟ್ಯಾಗ್‌ ಹಾಕಿದ್ದಾರೆ. ಈ ಹಿಂದೆಯೂ ತನ್ನ ಫೋಟೋಗೆ ಹನಿಮೂನ್‌ ಅಲ್ಲ ಎಂದು ಇವರು ಕ್ಯಾಪ್ಷನ್‌ ಬರೆದಿದ್ದರು. ಸೆಪ್ಟೆಂಬರ್‌ 24ರಂದು ರಾಘವ್ ಚಡ್ಡಾ ಮತ್ತು ಪರಿಣಿತಿ ಚೋಪ್ರಾ ವಿವಾಹ ಅದ್ಧೂರಿಯಾಗಿ ನಡೆದಿತ್ತು.
ಇತ್ತೀಚೆಗೆ ಪರಿಣಿತಿ ಚೋಪ್ರಾ ಅವರು ಲಾಕ್ಮಿ ಫ್ಯಾಷನ್‌ ವೀಕ್‌ನಲ್ಲಿ ರಾಂಪ್‌ ವಾಕ್‌ ಮಾಡಿದ್ದಾರೆ. ಐವರಿ ಸಾರಿ ಧರಿಸಿ ಇವರು ಅದ್ಭುತವಾಗಿ ಕಾಣಿಸುತ್ತಿದ್ದರು. "ನನ್ನ ಮದುವೆಯಾದ ಬಳಿಕ ಈ ರೀತಿ ಹೆಜ್ಜೆ ಹಾಕಿರುವ ಅನುಭವ ಅನ್ಯ. ನನ್ನ ತವರು ದೆಹಲಿಯಲ್ಲಿ ನನಗೆ ತುಂಬಾ ಖುಷಿಯಾಗುತ್ತಿದೆ" ಎಂದು ಪರಿಣಿತಿ ಹೇಳಿದದ್ದರು.
ಪರಿಣಿತಿ ಸಿನಿಮಾ
ಇತ್ತೀಚೆಗೆ ಮಿಷನ್‌ ರಂಗಿರಾಜ್‌ ಚಿತ್ರದಲ್ಲಿ ಪರಿಣಿತಿ ಚೋಪ್ರಾ ಕಾಣಿಸಿಕೊಂಡಿದ್ದರು. ಈ ಸಿನಿಮಾ ಅಕ್ಟೋಬರ್‌ 6 ರಂದು ಬಿಡುಗಡೆಯಾಗಿತ್ತು. ಈ ಚಿತ್ರ ಬಾಕ್ಸ್‌ ಆಫೀಸ್‌ನಲ್ಲಿ ಉತ್ತಮವಾಗಿ ಕಲೆಕ್ಷನ್‌ ಮಾಡಿತ್ತು.
ಪರಿಣಿತಿ ಚೋಪ್ರಾ ಮದುವೆ
ರಾಜಸ್ಥಾನದ ಉದಯಪುರದ ಲೀಲಾ ಪ್ಯಾಲೇಸ್‌ನಲ್ಲಿ ಬಾಲಿವುಡ್ ನಟಿ ಪರಿಣಿತಿ ಚೋಪ್ರಾ ಅವರು ಆಪ್ ನಾಯಕ್ ರಾಘವ್ ಚಡ್ಡಾ ಅವರನ್ನು ವಿವಾಹವಾಗಿದ್ದರು. ದೆಹಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್‌, ಪಂಜಾಬ್‌ ಸಿಎಂ ಭಗವಂತ್ ಮಾನ್‌ ಸೇರಿ ಹಲವು ರಾಜಕಾರಣಿಗಳು ಹಾಜರಿದ್ದರು. ಕ್ರೀಡಾ ತಾರೆ ಸಾನಿಯಾ ಮಿರ್ಜಾ, ಬಾಲಿವುಡ್‌ನ ಕೆಲವು ಸೆಲೆಬ್ರಿಟಿಗಳು ಮದುವೆಯಲ್ಲಿ ಪಾಲ್ಗೊಂಡಿದ್ದರು.
