ಪ್ರೆಗ್ನೆನ್ಸಿ ವಿಚಾರ ಬಹಿರಂಗಪಡಿಸಿದ ರಾಧಿಕಾ ಆಪ್ಟೆ; ಸಿನಿಮೋತ್ಸವದ ರೆಡ್‌ ಕಾರ್ಪೆಟ್‌ ಮೇಲೆ ಕಬಾಲಿ ಚೆಲುವೆಯ ಬೇಬಿಬಂಪ್‌ ನಡಿಗೆ
ರಾಧಿಕಾ ಆಪ್ಟೆ ಮತ್ತು ಪತಿ ಬೆನೆಡಿಕ್ಟ್ ಟೇಲರ್ ತಮ್ಮ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಬಿಎಫ್‌ಐ ಲಂಡನ್ ಫಿಲ್ಮ್ ಫೆಸ್ಟಿವಲ್‌ನಲ್ಲಿ ರಾಧಿಕಾ ತನ್ನ ಪ್ರೆಗ್ನೆನ್ಸಿ ವಿಚಾರ ಬಹಿರಂಗಪಡಿಸಿದ್ದಾರೆ.
ನಟಿ ರಾಧಿಕಾ ಆಪ್ಟೆ ತಮ್ಮ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ನಿನ್ನೆ (ಅಕ್ಟೋಬರ್‌ 16) ಬಿಎಫ್‌ಐ ಲಂಡನ್ ಫಿಲ್ಮ್ ಫೆಸ್ಟಿವಲ್‌ನಲ್ಲಿ ಇವರು ತನ್ನ ಸಿಸ್ಟರ್ ಮಿಡ್ನೈಟ್ ಚಲನಚಿತ್ರದ ಪ್ರದರ್ಶನಕ್ಕೆ ಹಾಜರಾಗಿದ್ದರು. ಅಲ್ಲಿ ಅವರು ತಮ್ಮ ದೊಡ್ಡ ಬೇಬಿ ಬಂಪ್ ಮೂಲಕ ಅಭಿಮಾನಿಗಳನ್ನು ಅಚ್ಚರಿಗೊಳಿಸಿದರು. ಇಲ್ಲಿಯವರೆಗೆ ಈಕೆ ತನ್ನ ಪ್ರೆಗ್ನೆನ್ಸಿ ವಿಚಾರ ಬಹಿರಂಗಪಡಿಸಿರಲಿಲ್ಲ. ಇತ್ತೀಚೆಗೆ ಸೋಷಿಯಲ್‌ಮೀಡಿಯಾದಲ್ಲಿ ಸಿಸ್ಟರ್ ಮಿಡ್ನೈಟ್ ಯುಕೆ ಪ್ರೀಮಿಯರ್‌ಗೆ ಸಂಬಂಧಪಟ್ಟ ಪೋಸ್ಟ್‌ಗಳಲ್ಲಿಯೂ ಈ ಹಿಂದೆ ಇವರು ಯಾವುದೂ ಮಾಹಿತಿ ನೀಡಿರಲಿಲ್ಲ. ಆದರೆ, ಕೆಲವು ದಿನಗಳ ಹಿಂದೆ "ಈಕೆ ಗರ್ಭಿಣಿಯೇ" ಎಂದು ಕೆಲವು ಮಾಧ್ಯಮಗಳು ಅನುಮಾನ ವ್ಯಕ್ತಪಡಿಸಿ ವರದಿ ಬರೆದಿದ್ದವು.
ರೆಡ್‌ ಕಾರ್ಪೆಟ್‌ನಲ್ಲಿ ರಾಧಿಕಾ ಕಪ್ಪು, ಆಫ್ ಶೋಲ್ಡರ್ ಮಿಡಿ ಉಡುಪನ್ನು ಧರಿಸಿದ್ದರು. ಕೂದಲನ್ನು ಬನ್‌ ರೂಪದಲ್ಲಿ ಕಟ್ಟಿಕೊಂಡಿದ್ದರು. ಇವರ ಸೋಷಿಯಲ್‌ ಮೀಡಿಯಾ ಪೋಸ್ಟ್‌ಗೆ ಸಾಕಷ್ಟು ಜನರು ವಾಹ್‌ ಎಂದಿದ್ದಾರೆ "ಪ್ರೀಮಿಯರ್‌ ಮತ್ತು ಗರ್ಭಧಾರಣೆ ಸುದ್ದಿಗೆ ಅಭಿನಂದನೆಗಳು" "ರೆಡ್‌ ಕಾರ್ಪೆಟ್‌ ಮೇಲೆ ಸುಂದರವಾಗಿ ಕಾಣಿಸುವಿರಿ" ಎಂದೆಲ್ಲ ಫ್ಯಾನ್ಸ್‌ ಕಾಮೆಂಟ್‌ ಮಾಡಿದ್ದಾರೆ.
ರಾಧಿಕಾ ಆಪ್ಟೆ ಪತಿ ಯಾರು?
2012ರಲ್ಲಿ ರಾಧಿಕಾ ಅವರು ಬ್ರಿಟಿಷ್ ಪಿಟೀಲು ವಾದಕ ಮತ್ತು ಸಂಯೋಜಕ ಬೆನೆಡಿಕ್ಟ್ ಟೇಲರ್ ಅವರನ್ನು ವಿವಾಹವಾಗಿದ್ದರು. ಇದೀಗ ಹನ್ನೆರಡು ವರ್ಷದ ಬಳಿಕ ಗುಡ್‌ನ್ಯೂಸ್‌ ನೀಡಿದ್ದಾರೆ. 2021ರಲ್ಲಿ ಲಂಡನ್‌ಗೆ ಡ್ಯಾನ್ಸ್‌ ಕಲಿಯಲು ಹೋದ ಸಮಯದಲ್ಲಿ ಇವರಿಬ್ಬರ ಭೇಟಿಯಾಗಿತ್ತು. ಶೀಘ್ರದಲ್ಲಿ ಸಹ ಜೀವನ ಆರಂಭಿಸಿದ್ದರು. 2012ರಲ್ಲಿ ಮದುವೆ ಮಾಡಿಕೊಂಡಿದ್ದರು. 2013ರಲ್ಲಿ ಎಲ್ಲರಿಗೂ ರಿಸೆಪ್ಷನ್‌ ಪಾರ್ಟಿ ನೀಡಿದ್ದರು.
ರಾಧಿಕಾ ಆಪ್ಟೆ ಸಿನಿಮಾಗಳು
ಶ್ರೀರಾಮ್ ರಾಘವನ್ ನಿರ್ದೇಶನದ ಮತ್ತು ಕತ್ರಿನಾ ಕೈಫ್ ಮತ್ತು ವಿಜಯ್ ಸೇತುಪತಿ ಅಭಿನಯದ ಮೆರ್ರಿ ಕ್ರಿಸ್ಮಸ್ ಚಿತ್ರದಲ್ಲಿ ರಾಧಿಕಾ ಇತ್ತೀಚೆಗೆ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ವೈಆರ್‌ಎಫ್‌ ಎಂಟರ್‌ಟೈನ್‌ಮೆಂಟ್‌ನ ಸೇಡಿ ಥ್ರಿಲ್ಲರ್‌ ಸಿಸ್ಟರ್‌ನಲ್ಲಿ ಕೀರ್ತಿ ಸುರೇಶ್‌ ಜತೆ ನಟಿಸಿದ್ದಾರೆ.. ಸಿಸ್ಟರ್ ಮಿಡ್ನೈಟ್ ಎನ್ನುವುದು ಹಾಸ್ಯ ಸಿನಿಮಾವಾಗಿದೆ. ಈ ವರ್ಷದ ಮೇ ತಿಂಗಳಿನಲ್ಲಿ ಕೇನ್ಸ್ ಚಲನಚಿತ್ರೋತ್ಸವದಲ್ಲಿ ಮೊದಲ ಬಾರಿಗೆ ಪ್ರದರ್ಶನಗೊಂಡಿತ್ತು.
ಮೇರಿ ಕ್ರಿಸ್ಮಸ್, ಮಿಸ್ಟರ್‌ ಅಂಡರ್‌ವಕರ್‌, ಡಾರ್ಲಿಂಗ್‌, ಮೊನಿಕಾ ಓ ಮೈ ಡಾರ್ಲಿಂಗ್‌, ವಿಕ್ರಮ್‌ ವೇದಾ, ಫಾರೆನ್ಸಿಕ್‌, ರಾತ್‌ ಅಕೆಲಿ ಹೈ, ಎ ಕಾಲ್‌ ಟು ಸ್ಪೈ, ದಿ ಆಶ್ರಮ್‌, ದಿ ವೆಡ್ಡಿಂಗ್‌ ಗೆಸ್ಟ್‌, ಬೊಂಬರಿಯಾ, ಬಜಾರ್‌, ಲಸ್ಟ್‌ ಸ್ಟೋರಿಸ್‌, ಪ್ಯಾಡ್‌ಮ್ಯಾನ್‌, ಮ್ಯಾಡ್ಲಿ, ಕಬಾಲಿ, ಫೋಬಿಯಾ ಸೇರಿದಂತೆ ಹಲವು ಸಿನಿಮಾಗಳಲ್ಲಿ, ವೆಬ್‌ ಸರಣಿಗಳಲ್ಲಿ ರಾಧಿಕಾ ಆಪ್ಟೆ ನಟಿಸಿದ್ದಾರೆ.
