Animal First Look: ಹಣೆಯಲ್ಲಿ ಮಾಸಿದ ಕುಂಕುಮ, ಕೊರಳಲ್ಲಿ ಒಂದೆಳೆ ತಾಳಿ; ಅನಿಮಲ್‌ನಲ್ಲಿ ಸಭ್ಯ ಗೃಹಿಣಿಯಾದ ರಶ್ಮಿಕಾ ಮಂದಣ್ಣ
ಬಾಲಿವುಡ್‌ನ ಅನಿಮಲ್ ಚಿತ್ರದ ರಶ್ಮಿಕಾ ಮಂದಣ್ಣ ಫಸ್ಟ್‌ ಲುಕ್‌ ರಿಲೀಸ್‌ ಆಗಿದೆ. ಹಣೆಯಲ್ಲಿ ಮಾಸಿದ ಕುಂಕುಮ, ಕೊರಳಲ್ಲ ಒಂದೆಳೆ ತಾಳಿ ಧರಿಸಿದ ಭಂಗಿಯಲ್ಲಿ ಗೀತಾಂಜಲಿಯಾಗಿ ರಶ್ಮಿಕಾ ಫಸ್ಟ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ
Rashmika Mandanna: ರಶ್ಮಿಕಾ ಮಂದಣ್ಣ ಸೌತ್‌ ಸಿನಿಮಾಗಳ ಜತೆಗೆ ಬಾಲಿವುಡ್‌ನಲ್ಲೂ ಸಖತ್‌ ಬೇಡಿಕೆ ಸೃಷ್ಟಿಸಿಕೊಂಡಿದ್ದಾರೆ. ಸಿನಿಮಾ ಮಾತ್ರವಲ್ಲದೆ ಜಾಹೀರಾತುಗಳಲ್ಲಿಯೂ ಮುಂದಡಿ ಇರಿಸಿದ್ದಾರೆ. ಬಿಗ್‌ ಬಜೆಟ್‌ ಸಿನಿಮಾಗಳ ಭಾಗವಾಗುತ್ತಿದ್ದಾರೆ. ಈ ನಡುವೆ ಅವರ ನಟನೆಯ ಸಿನಿಮಾಗಳ ಪೈಕಿ ಇನ್ನೇನು ತೆರೆಗೆ ಬರಲು ಸಿದ್ಧವಾಗಿರುವ ಸಿನಿಮಾ ಎಂದರೆ, ಅದು ಅನಿಮಲ್. ಬಾಲಿವುಡ್ ನಟ ರಣಬೀರ್ ಕಪೂರ್ ನಾಯಕನಾಗಿ ನಟಿಸಿರುವ ಈ ಸಿನಿಮಾದಲ್ಲಿ ಅವರಿಗೆ ಜೋಡಿಯಾಗಿದ್ದಾರೆ ರಶ್ಮಿಕಾ. ಈಗ ಈ ಚಿತ್ರದಲ್ಲಿನ ರಶ್ಮಿಕಾ ಮಂದಣ್ಣ ಅವರ ಫಸ್ಟ್‌ ಲುಕ್‌ ಬಿಡುಗಡೆ ಆಗಿದೆ.
ಕಳೆದ ನಾಲ್ಕು ದಿನಗಳಿಂದ ಅನಿಮಲ್ ಸಿನಿಮಾದ ಒಂದೊಂದೇ ಪಾತ್ರಗಳ ಫಸ್ಟ್‌ ಲುಕ್‌ನ್ನು ಚಿತ್ರತಂಡ ರಿಲೀಸ್‌ ಮಾಡುತ್ತಲೇ ಬರುತ್ತಿದೆ. ಆರಂಭದಲ್ಲಿ ರಣಬೀರ್ ಕಪೂರ್, ಅದಾದ ಬಳಿಕ ಅನಿಲ್ ಕಪೂರ್, ಇದೀಗ ನಾಯಕಿ ರಶ್ಮಿಕಾ ಮಂದಣ್ಣ ಅವರ ನ್ಯಾಚುರಲ್‌ ಲುಕ್‌ ಬಹಿರಂಗಪಡಿಸಿದೆ. ಹಣೆಯಲ್ಲಿ ಮಾಸಿದ ಕುಂಕುಮ, ಕೊರಳಲ್ಲ ಒಂದೆಳೆ ತಾಳಿ ಧರಿಸಿದ ಭಂಗಿಯಲ್ಲಿ ಗೀತಾಂಜಲಿಯಾಗಿ ರಶ್ಮಿಕಾ ಫಸ್ಟ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.
ಈ ಹಿಂದೆ ಅರ್ಜುನ್‌ ರೆಡ್ಡಿ ಅನ್ನೋ ಹಿಟ್‌ ಸಿನಿಮಾ ಕೊಟ್ಟಿದ್ದ ನಿರ್ದೇಶಕ ಸಂದೀಪ್‌ ರೆಡ್ಡಿ ವಂಗ ನಿರ್ದೇಶನದಲ್ಲಿ ಅನಿಮಲ್ ಸಿನಿಮಾ ಮೂಡಿಬಂದಿದೆ. ಇದೀಗ ಚಿತ್ರದ ಫಸ್ಟ್‌ ಲುಕ್‌ ಪೋಸ್ಟರ್‌ ಜೊತೆಗೆ ಚಿತ್ರದ ಟೀಸರ್ ಬಿಡುಗಡೆ ದಿನಾಂಕವನ್ನೂ ಚಿತ್ರತಂಡ ರಿವೀಲ್‌ ಮಾಡಿದೆ. ಸೆಪ್ಟೆಂಬರ್ 28 ರಂದು ಬೆಳಗ್ಗೆ 10 ಗಂಟೆಗೆ ಅನಿಮಲ್ ಚಿತ್ರದ ಟೀಸರ್ ಬಿಡುಗಡೆಯಾಗಲಿದೆ.
ಡಿಸೆಂಬರ್ 1 ರಂದು ವಿಶ್ವದಾದ್ಯಂತ ರಿಲೀಸ್‌ ಆಗಲಿರುವ ಅನಿಮಲ್ ಸಿನಿಮಾ, ಹಿಂದಿ ಭಾಷೆಯ ಜತೆಗೆ ತೆಲುಗು, ತಮಿಳು, ಕನ್ನಡ, ಮಲಯಾಳಂ ಸೇರಿ ಇನ್ನೂ ಹಲವು ಭಾಷೆಗಳಲ್ಲಿ ಬಿಡುಗಡೆ ಆಗಲಿದೆ. ರಣಬೀರ್ ಕಪೂರ್ ಜೊತೆಗೆ ರಶ್ಮಿಕಾ ಮಂದಣ್ಣ, ಬಾಬಿ ಡಿಯೋಲ್, ಅನಿಲ್ ಕಪೂರ್ ಮತ್ತು 'ಕಾಲಾ' ಸಿನಿಮಾ ಖ್ಯಾತಿಯ ನಟಿ ತೃಪ್ತಿ ದಿಮ್ರಿ ಕೂಡ ಈ ಚಿತ್ರದಲ್ಲಿ ನಟಿಸಿದ್ದಾರೆ. ಈ ಚಿತ್ರದಲ್ಲಿ ರಣಬೀರ್ ಕಪೂರ್ ಮತ್ತು ರಶ್ಮಿಕಾ ಮಂದಣ್ಣ ಮೊದಲ ಬಾರಿಗೆ ಒಟ್ಟಿಗೆ ನಟಿಸಿದ್ದು ಒಂದೆಡೆಯಾದರೆ, ಇದರೊಂದಿಗೆ ರಶ್ಮಿಕಾಗೆ ಇದು ಮೂರನೇ ಹಿಂದಿ ಚಿತ್ರವಾಗಿದೆ.
ಮನರಂಜನೆ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್‌ ಮಾಡಿ
