Bloody Daddy Movie: ಶಾಹೀದ್‌ ಕಪೂರ್‌ ಬ್ಲಡಿ ಡ್ಯಾಡಿ ರಿಲೀಸ್‌ ಡೇಟ್‌ ಫಿಕ್ಸ್‌; ಅದೊಂದು ಸುದ್ದಿ ಕೇಳಿ ಬೇಸರ ವ್ಯಕ್ತಪಡಿಸಿದ ಸಿನಿಪ್ರಿಯರು
ಇತ್ತೀಚೆಗೆ ಚಿತ್ರದ ಟೀಸರ್‌ ರಿಲೀಸ್‌ ಆಗಿದೆ. ಟೀಸರ್‌ ಕೊನೆಯಲ್ಲಿ ಸಿನಿಮಾ ರಿಲೀಸ್‌ ದಿನಾಂಕವನ್ನು ಅನೌನ್ಸ್‌ ಮಾಡಲಾಗಿದೆ. ಈ ಆಕ್ಷನ್‌ ಥ್ರಿಲ್ಲರ್‌ ಸಿನಿಮಾ ನೋಡಲು ಸಿನಿಪ್ರಿಯರು ಕಾಯುತ್ತಿದ್ದಾರೆ.
ಶಾಹೀದ್‌ ಕಪೂರ್‌ ಹಾಗೂ ವಿಜಯ್‌ ಸೇತುಪತಿ ಅಭಿನಯದ 'ಫರ್ಜಿ' ವೆಬ್‌ ಸೀರೀಸ್‌ ಭಾರೀ ಸದ್ದು ಮಾಡಿದೆ. ಈ ಮೂಲಕ 2023 ಆರಂಭದಲ್ಲೇ ಶಾಹೀದ್‌ ಕಪೂರ್‌ ದೊಡ್ಡ ಸಕ್ಸಸ್‌ ಕಂಡಿದ್ದಾರೆ. ಇದೀಗ ಶಾಹೀದ್‌ ಕಪೂರ್‌ 'ಬ್ಲಡಿ ಡ್ಯಾಡಿ' ಸಿನಿಮಾದಲ್ಲಿ ಬ್ಯುಸಿ ಇದ್ದಾರೆ. ಇತ್ತೀಚೆಗೆ ಈ ಚಿತ್ರದ ಪೋಸ್ಟರ್‌ ಕೂಡಾ ಬಿಡುಗಡೆ ಆಗಿದೆ.
ಶಾಹೀದ್‌ ಅಭಿನಯದ 'ಬ್ಲಡಿ ಡ್ಯಾಡಿ' ಜೂನ್‌ 9 ರಂದು ತೆರೆ ಕಾಣುತ್ತಿದೆ. ಆದರೆ ಸಿನಿಪ್ರಿಯರಿಗೆ ಬ್ಲಡಿ ಡ್ಯಾಡಿ ಚಿತ್ರತಂಡ ಒಂದು ಬ್ಯಾಡ್‌ ನ್ಯೂಸ್‌ ನೀಡಿದೆ. ಈ ಚಿತ್ರವನ್ನು ಥಿಯೇಟರ್‌ನಲ್ಲಿ ನೋಡಬೇಕು ಎಂದು ಕಾಯುತ್ತಿದ್ದ ಸಿನಿಪ್ರಿಯರಿಗೆ ನಿರಾಸೆ ಉಂಟಾಗಿದೆ. 'ಬ್ಲಡಿ ಡ್ಯಾಡಿ' ಸಿನಿಮಾ ನೇರವಾಗಿ ಒಟಿಟಿಯಲ್ಲೇ ತೆರೆ ಕಾಣುತ್ತಿದೆ. ಜಿಯೋ ಸಿನಿಮಾ ಆಪ್‌ನಲ್ಲಿ ಜೂನ್‌ 9 ರಂದು ಬ್ಲಡಿ ಡ್ಯಾಡಿ ತೆರೆ ಕಾಣುತ್ತಿದೆ. ಚಿತ್ರದ ಟೀಸರ್‌ ಕೂಡಾ ರಿಲೀಸ್‌ ಆಗಿದೆ. ಟೀಸರ್‌ ಕೊನೆಯಲ್ಲಿ ಸಿನಿಮಾ ರಿಲೀಸ್‌ ದಿನಾಂಕವನ್ನು ಅನೌನ್ಸ್‌ ಮಾಡಲಾಗಿದೆ. ಈ ಆಕ್ಷನ್‌ ಥ್ರಿಲ್ಲರ್‌ ಸಿನಿಮಾ ನೋಡಲು ಸಿನಿಪ್ರಿಯರು ಕಾಯುತ್ತಿದ್ದಾರೆ.
ಸುಲ್ತಾನ್‌, ಟೈಗರ್‌ ಜಿಂದಾ ಹೈ, ಭಾರತ್‌ ಚಿತ್ರಗಳನ್ನು ನಿರ್ದೇಶಿಸಿದ್ದ ಅಲಿ ಅಬ್ಬಾಸ್‌ ಜಾಫರ್‌ ಬ್ಲಡಿ ಡ್ಯಾಡಿ ಚಿತ್ರಕ್ಕೆ ಆಕ್ಷನ್‌ ಕಟ್‌ ಹೇಳಿದ್ದಾರೆ. ಜಿಯೋ ಸ್ಟುಡಿಯೋಸ್‌, ಆಜ್‌ ಫಿಲ್ಸ್ಮ್‌, ಆಫ್‌ಸೈಡ್‌ ಎಂಟರ್‌ಟೈನ್ಮೆಂಟ್‌ ಬ್ಯಾನರ್‌ ಜೊತೆ ಸೇರಿ ಈ ಸಿನಿಮಾಗೆ ಬಂಡವಾಳ ಹೂಡಿವೆ. ಚಿತ್ರದಲ್ಲಿ ಶಾಹೀದ್‌ ಕಪೂರ್‌, ಸಂಜಯ್‌ ಕಪೂರ್‌, ಡಯಾನ ಪೆಂಟಿ, ರೊನಿತ್‌ ರಾಯ್‌ ಹಾಗೂ ಇನ್ನಿತರರು ನಟಿಸಿದ್ದಾರೆ. ಈ ಸಿನಿಮಾ ಶಾಹೀದ್‌ಗೆ ಯಾವ ರೀತಿ ಹೆಸರು ತಂದುಕೊಡಲಿದೆ ಅನ್ನೋದು ಕೆಲವೇ ದಿನಗಳಲ್ಲಿ ತಿಳಿಯಲಿದೆ. ಹೆಸರಿಡದ ರೊಮ್ಯಾಂಟಿಕ್‌ ಕಾಮಿಡಿ ಸಿನಿಮಾದಲ್ಲಿ ಕೂಡಾ ಶಾಹೀದ್‌ ನಟಿಸುತ್ತಿದ್ದಾರೆ.
ಮತ್ತಷ್ಟು ಮನರಂಜನೆ ಸುದ್ದಿಗಳು ಇಲ್ಲಿವೆ
ಚೇತನ್‌ ವೀಸಾ ರದ್ದು; ಜೈಲು, ಗಡಿಪಾರು ಅತಿರೇಕ ಎಂದು ಭಾರತ ಸರ್ಕಾರದ ನಡೆ ಪ್ರಶ್ನಿಸಿದ ನಟ ಕಿಶೋರ್
'ಆ ದಿನಗಳು' ಸಿನಿಮಾ ಖ್ಯಾತಿಯ ನಟ ಚೇತನ್‌ ಅಹಿಂಸಾ ಪ್ರತಿದಿನ ಒಂದಲ್ಲಾ ಒಂದು ವಿಚಾರವಾಗಿ ಚರ್ಚೆಯ ವಿಷಯವಾಗುತ್ತಾ ಬಂದಿದ್ದಾರೆ. ಹಿಂದುತ್ವದ ಬಗ್ಗೆ ಟ್ವೀಟ್‌ ಮಾಡಿ ಅರೆಸ್ಟ್‌ ಆಗಿದ್ದ ಚೇತನ್‌, ಜಾಮೀನು ಪಡೆದು ಹೊರ ಬಂದಿದ್ದರು. ಆಗಲೂ ಸುಮ್ಮನಿರದ ಚೇತನ್‌ ಗಾಂಜಾ ಕೃಷಿ, ತಿರುಪತಿ ದೇವಸ್ಥಾನದ ಬಗ್ಗೆ ಮಾತನಾಡಿದ್ದರು. ಇದರ ಬೆನ್ನಲ್ಲೇ ಕೇಂದ್ರ ಸರ್ಕಾರ ಚೇತನ್‌ ವೀಸಾ ರದ್ದು ಮಾಡಿದೆ. ಪೂರ್ತಿ ಸ್ಟೋರಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ
ಒಟ್ಟಿಗೆ ಕುಳಿತು ಆರ್‌ಸಿಬಿ vs ಸಿಎಸ್‌ಕೆ ಪಂದ್ಯ ನೋಡಿದ ಶಿವರಾಜ್‌ಕುಮಾರ್‌-ಧನುಷ್‌; ಫೋಟೋ ವೈರಲ್‌
ಸೆಂಚುರಿ ಸ್ಟಾರ್‌ ಶಿವರಾಜ್‌ಕುಮಾರ್‌ ಹಾಗೂ ತಮಿಳು ನಟ ಧನುಷ್‌ 'ಕ್ಯಾಪ್ಟನ್‌ ಮಿಲ್ಲರ್‌' ಚಿತ್ರದಲ್ಲಿ ಜೊತೆಯಾಗಿ ನಟಿಸುತ್ತಿರುವುದು ಗೊತ್ತೇ ಇದೆ. ಸಿನಿಮಾದಲ್ಲಿ ಇಬ್ಬರೂ ಅಣ್ಣ-ತಮ್ಮನ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಸಿನಿಮಾ ಚಿತ್ರೀಕರಣ ಭರದಿಂದ ಸಾಗುತ್ತಿದೆ. ಶೂಟಿಂಗ್‌ ಬ್ಯುಸಿ ಕೆಲಸಗಳ ನಡುವೆ ಈ ರೀಲ್‌ ಲೈಫ್‌ ಅಣ್ಣ-ತಮ್ಮ ಒಟ್ಟಿಗೆ ಕುಳಿತು ಐಪಿಎಲ್‌ ಮ್ಯಾಚ್‌ ನೋಡಿದ್ದಾರೆ. ಸಂಪೂರ್ಣ ಸ್ಟೋರಿ ಓದಲು ಈ ಲಿಂಕ್‌ ಒತ್ತಿ
