Dil Raju:ಪ್ರಭಾಸ್‌-ಪ್ರಶಾಂತ್‌ ನೀಲ್ ಕಾಂಬಿನೇಷನ್‌ನಲ್ಲಿ ಮತ್ತೊಂದು ಸಿನಿಮಾ, ಚಿತ್ರಕ್ಕೆ ದಿಲ್‌ ರಾಜು ನಿರ್ಮಾಪಕ: ಟೈಟಲ್‌ ಕೂಡಾ ಫಿಕ್ಸ್‌!
'ಸಲಾರ್‌' ಸಿನಿಮಾ ರಿಲೀಸ್‌ ಆಗುತ್ತಿದ್ದಂತೆ ಪ್ರಶಾಂತ್‌ ನೀಲ್ ಜ್ಯೂನಿಯರ್‌ ಎನ್‌ಟಿಆರ್‌ ಜೊತೆ ಒಂದು ಸಿನಿಮಾ ಮಾಡಲಿದ್ದಾರೆ. ಆ ಸಿನಿಮಾ ಮುಗಿದ ಬಳಿಕವಷ್ಟೇ ದಿಲ್‌ ರಾಜು ನಿರ್ಮಾಣದ ಸಿನಿಮಾ ಆರಂಭವಾಗಲಿದೆಯಂತೆ.
ಟಾಲಿವುಡ್‌ನಲ್ಲಿ ಅನೇಕ ಹಿಟ್‌ ಸಿನಿಮಾಗಳನ್ನು ನಿರ್ಮಿಸಿರುವ ದಿಲ್‌ ರಾಜು , ತಾನು ಯಶ್‌ ಜೊತೆ ಸಿನಿಮಾ ಮಾಡುವುದಾಗಿ ಟ್ವಿಟ್ಟರ್‌ ಸೆಷನ್‌ನಲ್ಲಿ ಹೇಳಿಕೊಂಡಿದ್ದರು. ಇದನ್ನು ಕೇಳಿ ಸಿನಿಪ್ರಿಯರು ಎಕ್ಸೈಟ್‌ ಆಗಿದ್ದರು. ಇದೀಗ ದಿಲ್‌ ರಾಜು, ಕನ್ನಡ ನಿರ್ದೇಶಕ ಪ್ರಶಾಂತ್‌ ನೀಲ್ ಜೊತೆ ಸಿನಿಮಾ ಮಾಡುವುದಾಗಿ ಹೇಳಿದ್ದಾರೆ. ಹೌದು, ಪ್ರಶಾಂತ್‌ ನೀಲ್ ನಿರ್ದೇಶನದ ಚಿತ್ರಕ್ಕೆ ದಿಲ್‌ ರಾಜು ದೊಡ್ಡ ಮೊತ್ತದ ಬಂಡವಾಳ ಹೂಡಲಿದ್ದಾರಂತೆ.
ಇತ್ತೀಚೆಗೆ ಪಿಂಕ್‌ವಿಲ್ಲಾಗೆ ನೀಡಿದ ಸಂದರ್ಶನದಲ್ಲಿ ದಿಲ್‌ ರಾಜು ಈ ವಿಚಾರವನ್ನು ರಿವೀಲ್‌ ಮಾಡಿದ್ಧಾರೆ. ಈ ಸುದ್ದಿ ತಿಳಿಯುತ್ತಿದ್ದಂತೆ ಅಭಿಮಾನಿಗಳು ಚಿತ್ರದ ಬಗ್ಗೆ ಹೆಚ್ಚಿನ ಮಾಹಿತಿ ತಿಳಿಯಲು ಬಹಳ ಎಕ್ಸೈಟ್‌ ಆಗಿದ್ದಾರೆ. ಆದರೆ ಮೂಲಗಳ ಪ್ರಕಾರ ಪ್ರಶಾಂತ್‌ ನೀಲ್ ಹಾಗೂ ದಿಲ್‌ ರಾಜು ಕಾಂಬಿನೇಷನ್‌ ಸಿನಿಮಾ ಬರಲು ಇನ್ನೂ 2-3 ವರ್ಷಗಳು ಕಾಯಬೇಕಂತೆ. ದಿಲ್‌ ರಾಜು, ಪ್ರಶಾಂತ್‌ ನೀಲ್ ಜೊತೆ ಸಿನಿಮಾ ಮಾಡಲಿದ್ದೇನೆ ಎಂದು ಹೇಳಿರುವುದನ್ನು ಬಿಟ್ಟರೆ ಆ ಚಿತ್ರದ ಬಗ್ಗೆ ಹೆಚ್ಚಿನ ಮಾಹಿತಿ ಹಂಚಿಕೊಂಡಿಲ್ಲ. ಆದರೆ ಟಾಲಿವುಡ್ ಮೂಲಗಳಿಂದ ಕೆಲವೊಂದು ಮಾಹಿತಿ ದೊರೆತಿದೆ.
ಪ್ರಶಾಂತ್‌ ನೀಲ್ ಸದ್ಯಕ್ಕೆ ಪ್ರಭಾಸ್‌ ಜೊತೆ 'ಸಲಾರ್‌' ಚಿತ್ರೀಕರಣದಲ್ಲಿ ಬ್ಯುಸಿ ಇದ್ದಾರೆ. ಈ ಸಿನಿಮಾ ಚಿತ್ರೀಕರಣ ಆರಂಭವಾಗಿ 2 ವರ್ಷಗಳಾಗುತ್ತಾ ಬಂದಿದೆ. ಇತ್ತೀಚೆಗೆ ನಟಿ ಶ್ರುತಿ ಹಾಸನ್‌, ತಮ್ಮ ಭಾಗದ ಚಿತ್ರೀಕರಣ ಮುಗಿಸಿದ್ದಾರೆ. ಚಿತ್ರದ ಒಂದು ಪೋಸ್ಟರ್‌ ಹೊರತುಪಡಿಸಿ ಈ ಸಿನಿಮಾ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಚಿತ್ರತಂಡ ಬಿಟ್ಟುಕೊಟ್ಟಿಲ್ಲ. ಸಲಾರ್‌ ಸಿನಿಮಾ ರಿಲೀಸ್‌ ಆಗುತ್ತಿದ್ದಂತೆ ಪ್ರಶಾಂತ್‌ ನೀಲ್ ಜ್ಯೂನಿಯರ್‌ ಎನ್‌ಟಿಆರ್‌ ಜೊತೆ ಒಂದು ಸಿನಿಮಾ ಮಾಡಲಿದ್ದಾರೆ. ಆ ಸಿನಿಮಾ ಮುಗಿದ ಬಳಿಕವಷ್ಟೇ ದಿಲ್‌ ರಾಜು ನಿರ್ಮಾಣದ ಸಿನಿಮಾ ಆರಂಭವಾಗಲಿದೆಯಂತೆ . ವಿಶೇಷ ಎಂದರೆ ಆ ಚಿತ್ರಕ್ಕೆ ಕೂಡಾ ಪ್ರಭಾಸ್‌ ಹೀರೋ ಅಂತೆ. ಇದಕ್ಕೆ 'ರಾವಣನ್‌' ಎಂದು ಹೆಸರಿಟ್ಟಿದ್ದು ಮುಂದಿನ ದಿನಗಳಲ್ಲಿ ಟೈಟಲ್‌ ಬದಲಾಗುವ ಸಾಧ್ಯತೆ ಇದೆ ಎಂಬ ಸುದ್ದಿ ಹರಿದಾಡುತ್ತಿದೆ.
#AskDilRaju ಸೆಷನ್‌ನಲ್ಲಿ ಯಶ್‌ ಬಗ್ಗೆ ದಿಲ್‌ ರಾಜು ಮಾತು
ದಿಲ್‌ ರಾಜು ಏಪ್ರಿಲ್‌ 5 ಸಂಜೆ, ಟ್ಟಿಟ್ಟರ್‌ನಲ್ಲಿ #AskDilRaju ಸೆಷನ್‌ನಲ್ಲಿ ಭಾಗವಹಿಸಿದ್ದರು. ಈ ವೇಳೆ ಸಿನಿಪ್ರಿಯರು ನಿರ್ಮಾಪಕ ದಿಲ್‌ ರಾಜು ಅವರ ಸಿನಿಮಾ ಹಾಗೂ ಇನ್ನಿತರ ವಿಚಾರಗಳಿಗೆ ಸಂಬಂಧಿಸಿದಂತೆ ಪ್ರಶ್ನೆಗಳನ್ನು ಕೇಳಿದ್ದರು. ಅಭಿಮಾನಿಯೊಬ್ಬರು, 'ಯಶ್‌ ಜೊತೆ ಸಿನಿಮಾ ಮಾಡುತ್ತೀರ?' ಎಂಬ ಪ್ರಶ್ನೆಗೆ ದಿಲ್‌ ರಾಜು 'ಹೌದು' ಎಂದು ಉತ್ತರಿಸಿದ್ದಾರೆ. ದಿಲ್‌ ರಾಜು ಪ್ರತಿಕ್ರಿಯೆ ಕಂಡು ಸಿನಿಪ್ರಿಯರು ಥ್ರಿಲ್‌ ಆಗಿದ್ದರು.
ತೆಲುಗಿನ ದಿಲ್‌ ಚಿತ್ರದ ಮೂಲಕ ಟಾಲಿವುಡ್‌ಗೆ ಬಂದ ರಾಜು
ದಿಲ್‌ ರಾಜು ತೆಲುಗು ಚಿತ್ರರಂಗದಲ್ಲಿ ಖ್ಯಾತ ನಿರ್ಮಾಪಕನಾಗಿ ಗುರುತಿಸಿಕೊಂಡಿದ್ದಾರೆ. ಸಹೋದರನೊಂದಿಗೆ ಸೇರಿ 2003 ರಲ್ಲಿ ಶ್ರೀ ವೆಂಕಟೇಶ್ವರ ಕ್ರಿಯೇಷನ್ಸ್‌ ಚಿತ್ರ ನಿರ್ಮಾಣ ಸಂಸ್ಥೆಯನ್ನು ಆರಂಭಿಸಿದರು. ಅದೇ ವರ್ಷ 'ದಿಲ್‌' ಎಂಬ ಚಿತ್ರವನ್ನು ನಿರ್ಮಿಸಿದರು. ವಿವಿ ವಿನಾಯಕ್‌ ನಿರ್ದೇಶನದ ಈ ಚಿತ್ರದಲ್ಲಿ ನಿತಿನ್‌ ನಾಯಕನಾಗಿ ನೇಹಾ ನಾಯಕಿಯಾಗಿ ನಟಿಸಿದ್ದರು. ಪ್ರಕಾಶ್‌ ರಾಜ್‌, ಚಲಪತಿ ರಾವ್‌ ಹಾಗೂ ಇನ್ನಿತರರು ಈ ಚಿತ್ರದಲ್ಲಿ ನಟಿಸಿದ್ದರು. ಈ ಸಿನಿಮಾ ನಂತರ ರಾಜು, ದಿಲ್‌ ರಾಜು ಎಂದೇ ಹೆಸರಾದರು. ರಾಮ ರಾಮ ಕೃಷ್ಣ ಕೃಷ್ಣ , ಬೊಮ್ಮರಿಲ್ಲು, ಶಾದಿ ಮುಬಾರಕ್‌, ಕೊತ್ತ ಬಂಗಾರು ಲೋಕಮ್‌, ವಾರಿಸು, ಜೆರ್ತಿ ಸೇರಿ ಅನೇಕ್‌ ಹಿಟ್‌ ಸಿನಿಮಾಗಳನ್ನು ದಿಲ್‌ ರಾಜು ನಿರ್ಮಿಸಿದ್ದಾರೆ.
