Sanjay Dutt 2nd Kannada film: ಮತ್ತೆ ಕನ್ನಡಕ್ಕೆ ಬರ್ತಿದ್ದಾರಂತೆ ಅಧೀರ...ಯಾವ ಸಿನಿಮಾ ಅದು..?
ಇದು ಪ್ಯಾನ್‌ ಇಂಡಿಯಾ ಸಿನಿಮಾವಾಗಿದ್ದು, ಎಲ್ಲಾ ಭಾಷೆಗಳಿಂದಲೂ ಒಬ್ಬೊಬ್ಬ ಖ್ಯಾತ ನಟರೊಬ್ಬರನ್ನು ಕರೆ ತರುವ ಪ್ಲಾನ್‌ ಇದ್ದು ಬಾಲಿವುಡ್‌ನಿಂದ ಸಂಜಯ್‌ ದತ್ ಅವರನ್ನು ಕರೆ ತರಲು ತಯಾರಿ ನಡೆಸಿದ್ದಾರಂತೆ.
ಕೆಜಿಎಫ್‌ ಸಿನಿಮಾ ಭಾರತೀಯ ಚಿತ್ರರಂಗದ ಇತಿಹಾಸದಲ್ಲಿ ಅತಿ ಹೆಚ್ಚು ಲಾಭ ಮಾಡಿದ ನಾಲ್ಕನೇ ಸಿನಿಮಾವಾಗಿದೆ. ಸಾವಿರ ಕೋಟಿ ರೂಪಾಯಿ ಗಡಿ ದಾಟಿದ ಈ ಸಿನಿಮಾ ಕನ್ನಡದಲ್ಲಿ ಇಷ್ಟು ದೊಡ್ಡ ಮೊತ್ತದಲ್ಲಿ ಹಣ ಬಾಚಿದ ಮೊದಲ ಸಿನಿಮಾವಾಗಿದೆ.
ಕೆಜಿಎಫ್‌-2 ಚಿತ್ರದಲ್ಲಿ ನಟಿಸಿದ್ದ ಬಾಲಿವುಡ್ ನಟ ಸಂಜಯ್‌ ದತ್, ನಟಿ ರವೀನಾ ಟಂಡನ್‌, ಈ ಚಿತ್ರದಲ್ಲಿ ನಟಿಸಲು ಅವಕಾಶ ಸಿಕ್ಕಿದ್ದು ನಿಜಕ್ಕೂ ಲಕ್‌ ಎಂದಿದ್ದರು. ಕೆಜಿಎಫ್‌-2 ಚಿತ್ರದಲ್ಲಿ ಸಂಜಯ್‌ ದತ್ ಅಧೀರ ಪಾತ್ರದಲ್ಲಿ ನಟಿಸಿದ್ದರು. ಇದೀಗ ಅವರು ಮತ್ತೊಂದು ಕನ್ನಡ ಸಿನಿಮಾದಲ್ಲಿ ನಟಿಸುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ. ಮೊದಲ ಬಾರಿ ಪ್ರಶಾಂತ್‌ ನೀಲ್‌, ಸಂಜಯ್‌ ದತ್ ಅವರನ್ನು ಸ್ಯಾಂಡಲ್‌ವುಡ್‌ಗೆ ಕರೆ ತಂದಿದ್ದರು. ಈಗ ಅವರು ಯಾವ ಸಿನಿಮಾ, ಯಾವ ನಿರ್ದೇಶಕನ ಸಿನಿಮಾದಲ್ಲಿ ನಟಿಸುತ್ತಿರಬಹುದು ಎಂಬ ಕುತೂಹಲ ಎಲ್ಲರಿಗೂ ಕಾಡುತ್ತಿದೆ.
ಧ್ರುವಾ ಸರ್ಜಾ ಅವರೊಂದಿಗೆ ನಿರ್ದೇಶಕ ಪ್ರೇಮ್ ಒಂದು ಸಿನಿಮಾ ಮಾಡುತ್ತಿದ್ದು ಈ ಚಿತ್ರದ ವಿಲನ್‌ ಪಾತ್ರಕ್ಕೆ ಪ್ರೇಮ್, ಸಂಜಯ್‌ ದತ್ ಅವರನ್ನು ಕರೆ ತರುತ್ತಿದ್ದಾರೆ ಎನ್ನಲಾಗುತ್ತಿದೆ. ಇದು ಪ್ಯಾನ್‌ ಇಂಡಿಯಾ ಸಿನಿಮಾವಾಗಿದ್ದು, ಎಲ್ಲಾ ಭಾಷೆಗಳಿಂದಲೂ ಒಬ್ಬೊಬ್ಬ ಖ್ಯಾತ ನಟರೊಬ್ಬರನ್ನು ಕರೆ ತರುವ ಪ್ಲಾನ್‌ ಇದ್ದು ಬಾಲಿವುಡ್‌ನಿಂದ ಸಂಜಯ್‌ ದತ್ ಅವರನ್ನು ಕರೆ ತರಲು ತಯಾರಿ ನಡೆಸಿದ್ದಾರಂತೆ. ಈಗಾಗಲೇ ಪ್ರೇಮ್, ಸಂಜಯ್‌ ದತ್ ಜೊತೆ ಮಾತನಾಡಿದ್ದು ಸಂಜಯ್‌ ದತ್ ಕೂಡಾ ಓಕೆ ಎಂದಿದ್ದಾರೆ ಎನ್ನಲಾಗಿದೆ. ಈಗಾಗಲೇ ಸಿನಿಮಾ ಪ್ರೀ ಪ್ರೊಡಕ್ಷನ್‌ ಕೆಲಸಗಳು ಮುಗಿದಿದ್ದು ಶೀಘ್ರದಲ್ಲೇ ಅಧಿಕೃತವಾಗಿ ಸಿನಿಮಾ ಘೋಷಣೆ ಮಾಡುವ ಸಾಧ್ಯತೆ ಇದೆ.
ಧ್ರುವ ಸರ್ಜಾ ಸದ್ಯಕ್ಕೆ ಮಾರ್ಟಿನ್‌ ಚಿತ್ರದಲ್ಲಿ ಬ್ಯುಸಿಯಲ್ಲಿದ್ದಾರೆ. ಈ ವೇಳೆಗಾಗಲೇ ಈ ಸಿನಿಮಾ ಬಿಡುಗಡೆಯಾಗಬೇಕಿತ್ತು. ಆದರೆ ಕಾರಣಾಂತರಗಳಿಂದ ಸಿನಿಮಾ ತೆರೆ ಕಾಣುವುದು ತಡವಾಗುತ್ತಿದೆ. ಮಾರ್ಟಿನ್‌ ಚಿತ್ರವನ್ನು ಉದಯ್ ಕೆ ಮೆಹ್ತಾ ನಿರ್ಮಿಸುತ್ತಿದ್ದು ಎ.ಪಿ. ಅರ್ಜುನ್‌ ನಿರ್ದೇಶಿಸುತ್ತಿದ್ದಾರೆ. ಚಿತ್ರದಲ್ಲಿ ವೈಭವಿ ಶಾಂಡಿಲ್ಯ ಧ್ರುವ ಸರ್ಜಾಗೆ ಜೋಡಿಯಾಗಿದ್ದಾರೆ. ಚಿತ್ರಕ್ಕೆ ಮಣಿ ಶರ್ಮಾ ಸಂಗೀತವಿದ್ದು, ಸತ್ಯ ಹೆಗಡೆ ಛಾಯಾಗ್ರಹಣವಿದೆ. ಈ ಸಿನಿಮಾ ತೆರೆ ಕಾಣುತ್ತಿದ್ದಂತೆ ಧ್ರುವ, ಪ್ರೇಮ್ ಜೊತೆಗಿನ ಸಿನಿಮಾದಲ್ಲಿ ನಟಿಸಲಿದ್ದಾರೆ.
ಇನ್ನು ಪ್ರೇಮ್ ಏಕ್‌ ಲವ್‌ ಯಾ ನಂತರ ಪ್ರೇಮ್ , ತಮ್ಮ ಹೊಸ ಸಿನಿಮಾಗೆ ಮುಹೂರ್ತ ಕೂಡಾ ಮಾಡಿದ್ದರು. ಈ ಚಿತ್ರವನ್ನು ಕೆವಿಎನ್‌ ಸಂಸ್ಥೆ ನಿರ್ಮಿಸುತ್ತಿದೆ. ಇದು ಧ್ರುವ ಮತ್ತು ಪ್ರೇಮ್ ಕಾಂಬಿನೇಷನ್‌ನ ಮೊದಲ ಸಿನಿಮಾವಾಗಿದೆ. ನಾಯಕಿ, ಇತರ ಕಲಾವಿದರು ಹಾಗೂ ತಂತ್ರಜ್ಞರ ಬಗ್ಗೆ ಹೆಚ್ಚಿನ ಮಾಹಿತಿ ಲಭ್ಯವಾಗಿಲ್ಲ.
