ಭಾರತ ವಿಶ್ವಕಪ್ ಗೆದ್ದರೆ ಬೆತ್ತಲಾಗುತ್ತೇನೆ ಎಂದಿದ್ದ ಪೂನಂ ಪಾಂಡೆ ಮೈಮೇಲೆ ಎಳೆದುಕೊಂಡ ವಿವಾದಗಳಿವು

ಮಾಡೆಲ್ ಕಂ ಸೋಶಿಯಲ್ ಮೀಡಿಯಾ ಸ್ಟಾರ್ ಪೂನಂ ಪಾಂಡೆ (Poonam Pandey) ಗರ್ಭಕಂಠದ ಕ್ಯಾನ್ಸರ್‌ನಿಂದ ನಿಧನರಾಗಿದ್ದು, ತಡವಾಗಿ ಬೆಳಕಿಗೆ ಬಂದಿದೆ. 32 ವರ್ಷದ ಪೂನಂ ಪಾಂಡೆ ಗುರುವಾರ (ಫೆಬ್ರವರಿ 1) ಮೃತಪಟ್ಟಿರುವುದಾಗಿ ವರದಿಯಾಗಿದೆ. ಇದು ಅವರ ಅಭಿಮಾನಿಗಳಿಗೆ ಭಾರಿ ಅಘಾತವನ್ನು ತಂದಿದೆ.

ತಮ್ಮ ವೃತ್ತಿಜೀವನದಲ್ಲಿ ಸಾಕಷ್ಟು ವಿವಾದಗಳನ್ನು ಮೈಮೇಲೆ ಎಳೆದುಕೊಂಡಿದ್ದ ನಟಿ ಪೂನಂ ಪಾಂಡೆ ಪ್ರಕರಣವೊಂದರಲ್ಲಿ ಅರೆಸ್ಟ್ ಆಗಿದ್ದರು. ಕಳೆದ ಹಲವು ವರ್ಷಗಳಲ್ಲಿ ಇವರು ಏನೆಲ್ಲಾ ವಿವಾದಗಳನ್ನು ಸೃಷ್ಟಿಸಿದ್ದರು ಅನ್ನೋದರ ವಿವರ ಇಲ್ಲಿದೆ.

ಇದನ್ನೂ ಓದಿ: 32ನೇ ವಯಸ್ಸಿಗೆ ದಿಢೀರ್‌ ಸಾಯುವಂಥದ್ದೇನಾಗಿತ್ತು?

ಟೀಂ ಇಂಡಿಯಾ ವಿಶ್ವಕಪ್ ಗೆದ್ದರೆ ಬೆತ್ತಲಾಗುತ್ತೇನೆ ಎಂದಿದ್ದ ಪೂನಂ

ಟೀಂ ಇಂಡಿಯಾ 2011ರ ಕ್ರಿಕೆಟ್ ವಿಶ್ವಕಪ್ ಗೆದ್ದರೆ ಭಾರತೀಯ ಕ್ರಿಕೆಟ್ ತಂಡಕ್ಕಾಗಿ ತಾವು ಬೆತ್ತಲಾಗುತ್ತೇನೆ ಎಂಬ ಭರವಸೆ ನೀಡಿದ್ದರು. 2011ರಲ್ಲಿ ಟೀಂ ಇಂಡಿಯಾ ವಿಶ್ವಕಪ್ ಜಯಸಿತ್ತು. ಆ ವರ್ಷ ಪೂನಂ ಪಾಂಡೆ ಅವರ ಹೇಳಿಕೆ ಭಾರಿ ಸದ್ದು ಮಾಡಿತ್ತು. ಬಿಸಿಸಿಐ ಹಾಗೂ ಪೂನಂ ಅವರ ಪೋಷಕರು ಇದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ್ದರು. ನಂತರ ತಮ್ಮ ಹೇಳಿಕೆಯಿಂದ ಹಿಂದೆ ಸರಿದಿದ್ದರು.

ಇದನ್ನೂ ಓದಿ: ಎರಡೇ ವಾರ ಪೂನಂ ಪಾಂಡೆ ಪತಿಯಾಗಿದ್ದ ಸ್ಯಾಮ್ ಬಾಂಬೆ ಯಾರೆಂಬ ಕುತೂಹಲವೇ

ವೆಬ್‌ಸೈಟ್‌ನಲ್ಲಿ ಅಶ್ಲೀಲ ವಿಡಿಯೊ ಅಪ್ಲೋಡ್

ಪೂನಂ ಪಾಂಡೆ ತನ್ನ ಅಧಿಕೃತ ವೆಬ್‌ಸೈಟ್‌ನಲ್ಲಿ ಅಶ್ಲೀಲ ವಿಡಿಯೊವನ್ನು ಪೋಸ್ಟ್ ಮಾಡಿದ್ದ ಆರೋಪಗಳನ್ನು ಎದುರಿಸಿದ್ದಳು. ಬಾತ್ರೂಮ್ ಸೀಕ್ರೆಟ್ಸ್ ಎಂಬ ಶೀರ್ಷಿಕೆಯಡಿ ವಿಡಿಯೊ ಹಂಚಿಕೊಂಡಿದ್ದಳು. ಆ ಬಳಿಕ ಸಾಕಷ್ಟು ಸಮಸ್ಯೆಗಳಿಗೆ ಎದುರಿಸುವಂತಾಯಿತು.

ಗೂಗಲ್ ಪ್ಲೇ ಸ್ಟೋರ್‌ನಿಂದ ನಿರ್ಷೇಧ

2019ರಲ್ಲಿ ಪೂನಂ ಪಾಂಡೆ ಅವರು ಮೊಬೈಲ್ ಅಪ್ಲಿಕೇಶನ್ ನಿಯಮಗಳನ್ನು ಉಲ್ಲಂಘಿಸಿದ ಆರೋಪ ಎದುರಿಸಿದ್ದರು. ಪರಿಣಾಮವಾಗಿ ಗೂಗಲ್ ಪ್ಲೇ ಸ್ಟೋರಿ ಈಕೆಯನ್ನು ಆ್ಯಪ್ ಬಳಕೆಯಿಂದ ನಿಷೇಧಿಸಿತ್ತು.

ಪ್ರಚೋದಕಾರಿ ವಿಷಯಗಳ ಪ್ರಸ್ತಾಪ

ಮಾದಕ ನೋಟ ಹಾಗೂ ಅರೆಬೆತ್ತಲೆಯಾಗಿ ಕಾಣಿಸಿಕೊಳ್ಳುವ ಮೂಲಕ ಸಾಮಾಜಿಕ ಜಾಲತಾಣಗಳಲ್ಲಿ ಹಲ್‌ಚಲ್ ಎಬ್ಬಿಸುತ್ತಿದ್ದರು. ಹಲವು ರೀತಿಯ ಪ್ರಚೋದನಕಾರಿ ವಿಷಯಗಳನ್ನು ಎಳೆದುಕೊಳ್ಳುವ ಮೂಲಕ ಸುದ್ದಿಯಾಗುತ್ತಿದ್ದರು. ಜಾಲತಾಣಗಳಲ್ಲಿ ತನ್ನದೇ ಆದ ಅಭಿಮಾನಿಗಳನ್ನು ಹೊಂದಿದ್ದರು.

ಇದನ್ನೂ ಓದಿ: ಮಾದಕತೆಗೆ ಮತ್ತೊಂದು ಹೆಸರೇ ಪೂನಂ ಪಾಂಡೆ; ಫೋಟೊಸ್

ಲಾಕ್‌ಡೌನ್ ಉಲ್ಲಂಘಿಸಿದ್ದಕ್ಕೆ ಬಂಧನ

ಕೋವಿಡ್ ಲಾಕ್‌ಡೌನ್ ಸಂದರ್ಭದಲ್ಲಿ ಪೂನಂ ಪಾಂಡೆ ವಿವಾದಕ್ಕೆ ಸಿಲುಕಿದ್ದರುಯ ಮಾಡೆಲ್ ಕಂ ನಟಿ ಪೂನಂ ತನ್ನ ಪತಿ ಸ್ಯಾಮ್ ಬಾಂಬೆ ಅವರೊಂದಿಗೆ ವಾಕಿಂಗ್ ಹೋಗಿದ್ದರು. ಲಾಕ್‌ಡೌನ್ ನಿಯಮಗಳನ್ನು ಉಲ್ಲಂಘಿಸಿದ್ದಕ್‌ಕಾಗಿ ಮುಂಬೈ ಪೊಲೀಸರು ಈಕೆಯನ್ನು ಬಂಧಿಸಿದ್ದರು.

ಪತಿ ವಿರುದ್ಧವೇ ಕೇಸ್

ತನ್ನ ಪತಿ ಸ್ಯಾಮ್ ಬಾಂಬೆ ತನ್ನ ಮೇಲೆ ಹಲ್ಲೆ ಮಾಡಿದ್ದಾರೆ ಎಂದು ಆರೋಪಿಸಿದ್ದರು. ಈಕೆಯ ದೂರಿದ ಆಧಾರದ ಮೇಲೆ ಪೊಲೀಸರು ಸ್ಯಾಮ್‌ನನ್ನು ಬಂಧಿಸಿದ್ದರು.

(This copy first appeared in Hindustan Times Kannada website. To read more like this please logon to kannada.hindustantime.com).