Yash with Dil Raju: ಯಶ್‌ ಜೊತೆ ಸಿನಿಮಾ ಕನ್ಫರ್ಮ್‌ ಮಾಡಿದ ತೆಲುಗು ಖ್ಯಾತ ನಿರ್ದೇಶಕ ದಿಲ್‌ ರಾಜು.. ಥ್ರಿಲ್‌ ಆದ ಫ್ಯಾನ್ಸ್‌
ಸಿನಿಪ್ರಿಯರು ನಿರ್ಮಾಪಕ ದಿಲ್‌ ರಾಜು ಅವರ ಸಿನಿಮಾ ಹಾಗೂ ಇನ್ನಿತರ ವಿಚಾರಗಳಿಗೆ ಸಂಬಂಧಿಸಿದಂತೆ ಪ್ರಶ್ನೆಗಳನ್ನು ಕೇಳಿದ್ದರು. ಅಭಿಮಾನಿಯೊಬ್ಬರು, 'ಯಶ್‌ ಜೊತೆ ಸಿನಿಮಾ ಮಾಡುತ್ತೀರ?' ಎಂಬ ಪ್ರಶ್ನೆಗೆ ದಿಲ್‌ ರಾಜು 'ಹೌದು' ಎಂದು ಉತ್ತರಿಸಿದ್ದಾರೆ.
'ಕೆಜಿಎಫ್‌' ಸಿನಿಮಾ ಬಿಡುಗಡೆ ಆಗುತ್ತಿದ್ದಂತೆ ಯಶ್‌ ಇಮೇಜ್‌ ಸಂಪೂರ್ಣ ಬದಲಾಯ್ತು. ಈಗ ಅವರು ನ್ಯಾಷನಲ್‌ ಸ್ಟಾರ್‌ ಆಗಿ ಗುರುತಿಸಿಕೊಂಡಿದ್ದಾರೆ. ಕೆಜಿಎಫ್‌ ಭಾಗ 2 ಬಿಡುಗಡೆ ಆಗಿ ಒಂದು ವರ್ಷವಾಗುತ್ತಾ ಬರುತ್ತಿದೆ. ಇಷ್ಟಾದರೂ ಯಶ್‌ ಮಾತ್ರ ತಮ್ಮ ಮುಂದಿನ ಸಿನಿಮಾವನ್ನು ಅನೌನ್ಸ್‌ ಮಾಡಿರಲಿಲ್ಲ. ಈಗ ಅಭಿಮಾನಿಗಳಿಗೆ ಗುಡ್‌ ನ್ಯೂಸ್‌ ಸಿಕ್ಕಿದೆ.
ಯಶ್‌ ಅಭಿಮಾನಿಗಳು ತಮ್ಮ ಮೆಚ್ಚಿನ ನಟನ ಹೊಸ ಸಿನಿಮಾ ಬಗ್ಗೆ ತಿಳಿಯಲು ಕಾದು ಹೈರಾಣಾಗಿದ್ದರು. ಹಬ್ಬಗಳು, ವಿಶೇಷ ದಿನ, ಕೊನೆಗೆ ಯಶ್‌ ಹುಟ್ಟುಹಬ್ಬದ ದಿನವಾದರೂ ಅವರು ಹೊಸ ಸಿನಿಮಾ ಅನೌನ್ಸ್‌ ಮಾಡಬಹುದು ಎಂದು ಅಭಿಮಾನಿಗಳು ಕಾಯುತ್ತಲೇ ಇದ್ದರು. ಈ ನಡುವೆ ಯಶ್‌ ಹೆಸರು ಖ್ಯಾತ ನಿರ್ದೇಶಕರು, ನಿರ್ಮಾಪಕರ ಜೊತೆ ಕೇಳಿಬಂದಿತ್ತು. ಯಶ್‌ ಸ್ವತ: ಚಿತ್ರ ನಿರ್ಮಾಣ ಸಂಸ್ಥೆಯೊಂದನ್ನು ಆರಂಭಿಸಲಿದ್ದು ಆ ಬ್ಯಾನರ್‌ ಮೂಲಕ ತಮ್ಮ ಮುಂದಿನ ಚಿತ್ರವನ್ನು ಅದ್ಧೂರಿಯಾಗಿ ನಿರ್ಮಿಸಲಿದ್ದಾರೆ ಎನ್ನಲಾಗಿತ್ತು. ಆದರೆ ಇದೀಗ ತೆಲುಗು ನಿರ್ಮಾಪಕ ದಿಲ್‌ ರಾಜು ಯಶ್‌ ಜೊತೆಗೆ ಸಿನಿಮಾ ಮಾಡುತ್ತೇನೆ ಎಂದು ಹೇಳಿದ್ದಾರೆ.
ದಿಲ್‌ ರಾಜು ಏಪ್ರಿಲ್‌ 5 ಸಂಜೆ, ಟ್ಟಿಟ್ಟರ್‌ನಲ್ಲಿ #AskDilRaju ಸೆಷನ್‌ನಲ್ಲಿ ಭಾಗವಹಿಸಿದ್ದರು. ಈ ವೇಳೆ ಸಿನಿಪ್ರಿಯರು ನಿರ್ಮಾಪಕ ದಿಲ್‌ ರಾಜು ಅವರ ಸಿನಿಮಾ ಹಾಗೂ ಇನ್ನಿತರ ವಿಚಾರಗಳಿಗೆ ಸಂಬಂಧಿಸಿದಂತೆ ಪ್ರಶ್ನೆಗಳನ್ನು ಕೇಳಿದ್ದರು. ಅಭಿಮಾನಿಯೊಬ್ಬರು, 'ಯಶ್‌ ಜೊತೆ ಸಿನಿಮಾ ಮಾಡುತ್ತೀರ?' ಎಂಬ ಪ್ರಶ್ನೆಗೆ ದಿಲ್‌ ರಾಜು 'ಹೌದು' ಎಂದು ಉತ್ತರಿಸಿದ್ದಾರೆ. ಇದನ್ನು ನೋಡಿದ ಫ್ಯಾನ್ಸ್‌ ಥ್ರಿಲ್‌ ಆಗಿದ್ದಾರೆ. ಹೌದು ಎಂದು ಅವರು ಹೇಳಿದ ಮೇಲೆ ಖಂಡಿತ ಶೀಘ್ರದಲ್ಲೇ ಯಶ್‌ ಮುಂದಿನ ಸಿನಿಮಾ ಅಪ್‌ಡೇಟ್‌ ದೊರೆಯಲಿದೆ ಎಂದು ಖುಷಿ ಆಗಿದ್ದಾರೆ. ಸಿನಿಮಾ ಯಾವುದು? ಯಾರೆಲ್ಲಾ ನಟಿಸಲಿದ್ದಾರೆ? ಅದೂ ಕೂಡಾ ಪ್ಯಾನ್‌ ಇಂಡಿಯಾ ಸಿನಿಮಾನಾ ಎಂದು ನೂರಾರು ಪ್ರಶ್ನೆಗಳನ್ನು ಕೇಳುತ್ತಿದ್ದಾರೆ.
ದಿಲ್‌ ರಾಜು ತೆಲುಗು ಚಿತ್ರರಂಗದಲ್ಲಿ ಖ್ಯಾತ ನಿರ್ಮಾಪಕನಾಗಿ ಗುರುತಿಸಿಕೊಂಡಿದ್ದಾರೆ. ಸಹೋದರನೊಂದಿಗೆ ಸೇರಿ 2003 ರಲ್ಲಿ ಶ್ರೀ ವೆಂಕಟೇಶ್ವರ ಕ್ರಿಯೇಷನ್ಸ್‌ ಚಿತ್ರ ನಿರ್ಮಾಣ ಸಂಸ್ಥೆಯನ್ನು ಆರಂಭಿಸಿದರು. ಅದೇ ವರ್ಷ ದಿಲ್‌ ಎಂಬ ಚಿತ್ರವನ್ನು ನಿರ್ಮಿಸಿದರು. ಈ ಸಿನಿಮಾ ನಂತರ ರಾಜು, ದಿಲ್‌ರಾಜು ಎಂದೇ ಹೆಸರಾದರು. ರಾಮ ರಾಮ ಕೃಷ್ಣ ಕೃಷ್ಣ , ಬೊಮ್ಮರಿಲ್ಲು, ಶಾದಿ ಮುಬಾರಕ್‌, ಕೊತ್ತ ಬಂಗಾರು ಲೋಕಮ್‌, ವಾರಿಸು, ಜೆರ್ತಿ ಸೇರಿ ಅನೇಕ್‌ ಹಿಟ್‌ ಸಿನಿಮಾಗಳನ್ನು ದಿಲ್‌ ರಾಜು ನಿರ್ಮಿಸಿದ್ದಾರೆ.
