Bigg Boss ಲೈವ್‌ನಲ್ಲಿಯೇ ಜೋಡಿಯ ಸೆಕ್ಸ್; ತೀವ್ರ ಆಕ್ಷೇಪದ ಬೆನ್ನಲ್ಲೇ ಪ್ರತಿಕ್ರಿಯೆ ನೀಡಿದ ಜಿಯೋ ಸಿನಿಮಾ VIDEO
ಹಿಂದಿ ಬಿಗ್ ಬಾಸ್ ಒಟಿಟಿ ಸೀಸನ್‌ 3 ಶುರುವಾಗಲಿದೆ. ಇದೇ ಮೊದಲ ಸಲ ಅನಿಲ್‌ ಕಪೂರ್‌ ಬಿಗ್ ಬಾಸ್ ಶೋ ಹೋಸ್ಟ್‌ ಮಾಡುತ್ತಿದ್ದಾರೆ. ಈ ನಡುವೆಯೇ ರೊಮ್ಯಾನ್ಸ್‌ ವಿಡಿಯೋ ಹೊರಬಿದ್ದಿದ್ದು, ಹಲ್‌ಚಲ್‌ ಸೃಷ್ಟಿಸಿದೆ. ಈ ಬಗ್ಗೆ ಟೀಕೆ ವ್ಯಕ್ತವಾಗುತ್ತಿದ್ದಂತೆ, ಜಿಯೋ ಸಿನಿಮಾ ಸ್ಪಷ್ಟನೆ ನೀಡಿದೆ.
Bigg Boss OTT: ವಿವಾದದ ಮೂಲಕವೇ ಬಿಗ್‌ಬಾಸ್‌ ಸುದ್ದಿಯಲ್ಲಿರುತ್ತದೆ. ಆಪ್ತ ದೃಶ್ಯಗಳಿಂದಲೂ, ಕಿತ್ತಾಟ, ಕಿರಚಾಟದಿಂದಲೂ.. ಒಟ್ಟಿನಲ್ಲಿ ಬಿಗ್‌ಬಾಸ್‌ ಅಂದರೆ ಅದೊಂದು ಕಾಂಟ್ರವರ್ಸಿಯಲ್‌ ಶೋ ಎಂದೇ ಎಲ್ಲರ ದೃಷ್ಟಿಯಲ್ಲಿದೆ. ಇದೀಗ ಅದು ಮತ್ತೊಮ್ಮೆ ಸಾಬೀತಾಗಿದೆ. ಹಿಂದಿಯ ಬಿಗ್ ಬಾಸ್ OTT ಶೋನ ಲೈವ್‌ನಲ್ಲಿಯೇ ಜೋಡಿಯೊಂದು ಮಧ್ಯರಾತ್ರಿ ಪ್ರಣಯ ಸುಖ ಅನುಭವಿಸಿದೆ. ಈ ಪ್ರಣಯದ ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದಂತೆ, ಪರ ವಿರೋಧ ಚರ್ಚೆಗಳು ನಡೆದಿವೆ. ಅಷ್ಟೇ ಅಲ್ಲ ಈ ಶೋ ಬ್ಯಾನ್ ಮಾಡುವಂತೆಯೂ ಮಾತುಗಳು ಕೇಳಿಬಂದಿದ್ದು, ಈ ಬಗ್ಗೆ ಇದೀಗ ಸ್ಟ್ರೀಮಿಂಗ್‌ ವೇದಿಕೆ ಜಿಯೋ ಸಿನಿಮಾ ವಿವರಣೆ ನೀಡಿದೆ.
ಹೌದು, ಹಿಂದಿ ಬಿಗ್ ಬಾಸ್ ಒಟಿಟಿ ಸೀಸನ್‌ 3 ಶುರುವಾಗಲಿದೆ. ಇದೇ ಮೊದಲ ಸಲ ಅನಿಲ್‌ ಕಪೂರ್‌ ಬಿಗ್ ಬಾಸ್ ಶೋ ಹೋಸ್ಟ್‌ ಮಾಡುತ್ತಿದ್ದಾರೆ. ಈ ನಡುವೆಯೇ ರೊಮ್ಯಾನ್ಸ್‌ ವಿಡಿಯೋ ಹೊರಬಿದ್ದಿದ್ದು, ಹಲ್‌ಚಲ್‌ ಸೃಷ್ಟಿಸಿದೆ. ಅರ್ಮಾನ್ ಮಲಿಕ್ ಮತ್ತು ಅವರ ಎರಡನೇ ಪತ್ನಿ ಕೃತಿಕಾ ಮಲಿಕ್ ಜೋಡಿ ಬಿಗ್ ಬಾಸ್ ಲೈವ್‌ನಲ್ಲಿಯೇ ರಾತ್ರಿ 12:30ರ ಸುಮಾರಿಗೆ ಪ್ರಣಯದಲ್ಲಿ ತೊಡಗಿದ್ದಾರೆ. ಈ ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದಂತೆ. ಶೋ ಬ್ಯಾನ್ ಮಾಡುವಂತೆ ಶಿವಸೇನೆ ಆಗ್ರಹಿಸಿತ್ತು. ಟೀಕೆಗಳು ವ್ಯಕ್ತವಾದ ಬೆನ್ನಲ್ಲಿಯೇ ಜಿಯೋ ಸಿನಿಮಾ ಇದಕ್ಕೆ ಸ್ಪಷ್ಟನೆ ನೀಡಿದೆ.
ಜಿಯೋ ಸಿನಿಮಾ ಸ್ಪಷ್ಟನೆ ಏನು?
"ಜಿಯೋ ಸಿನಿಮಾ ಕಟ್ಟುನಿಟ್ಟಾದ ಪ್ರೋಗ್ರಾಮಿಂಗ್ ಮಾನದಂಡಗಳು ಮತ್ತು ಮಾರ್ಗಸೂಚಿಗಳಿಗೆ ಬದ್ಧವಾಗಿದೆ. ನಮ್ಮ ಪ್ಲಾಟ್‌ಫಾರ್ಮ್‌ನಲ್ಲಿ ಸ್ಟ್ರೀಮ್ ಮಾಡಲಾದ ವಿಷಯವು ಗುಣಮಟ್ಟ ಮತ್ತು ಸೂಕ್ತವಾಗಿದೆ ಎಂದು ನಾವು ಖಚಿತಪಡಿಸುತ್ತೇವೆ. ಜಿಯೋ ಸಿನಿಮಾದಲ್ಲಿ ಸ್ಟ್ರೀಮ್ ಮಾಡಲಾದ ಬಿಗ್ ಬಾಸ್ OTTನಲ್ಲಿ ಎಲ್ಲಿಯೂ ಅಂತಹ ಯಾವುದೇ ವಿಷಯವಿಲ್ಲ. ಯಾರೋ ಅಶ್ಲೀಲತೆಯೊಂದಿಗೆ ಆ ವೀಡಿಯೊ ಕ್ಲಿಪ್ ಅನ್ನು ಎಡಿಟ್‌ ಮಾಡಿದ್ದಾರೆ" ಎಂದಿದೆ.
ಕಾನೂನು ಕ್ರಮ
"ವೀಕ್ಷಕರು ನಮ್ಮ ಮೇಲೆ ಇಟ್ಟಿರುವ ನಂಬಿಕೆಗೆ ನಾವು ಬದ್ಧರಾಗಿದ್ದೇವೆ. ಇಂತಹ ನಕಲಿ ವಿಡಿಯೋಗಳನ್ನು ಪ್ರಸಾರ ಮಾಡುವುದನ್ನು ಗಂಭೀರವಾಗಿ ಪರಿಗಣಿಸಬೇಕು" ಎಂದು ಜಿಯೋ ಸಿನಿಮಾ ಹೇಳಿದೆ. ಈ ಕ್ಲಿಪ್ ಎಲ್ಲಿಂದ ಬಂತು ಎಂಬುದನ್ನು ಪತ್ತೆ ಹಚ್ಚುವ ಕೆಲಸ ಮಾಡುತ್ತಿದ್ದೇವೆ ಎಂದು ಸ್ಪಷ್ಟಪಡಿಸಿದ್ದಾರೆ. ಜತೆಗೆ ಇದಕ್ಕೆ ಕಾರಣರಾದವರ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು ಎಂದೂ ಹೇಳಿದ್ದಾರೆ.
ಆ ವಿಡಿಯೋದಲ್ಲಿ ನಿಜವಾಗಿ ಏನಿದೆ?
ಅರ್ಮಾನ್ ಮಲಿಕ್ ಬಿಗ್ ಬಾಸ್ OTT 3 ಶುರುವಾದಾಗಿನಿಂದಲೂ ವಿವಾದದ ಮೂಲಕವೇ ಗುರುತಿಸಿಕೊಂಡಿದ್ದರು. ತಾನು ಇಬ್ಬರನ್ನು ಮದುವೆಯಾಗಿದ್ದೇನೆ ಎಂದು ಬಹಿರಂಗವಾಗಿ ಹೇಳಿದ್ದರು. ಬಹುಪತ್ನಿತ್ವ ಬೆಂಬಲಿಸುವುದಾಗಿಯೂ ಹೇಳಿದ್ದರು. ಅದರಂತೆ ತಮ್ಮ ಇಬ್ಬರು ಪತ್ನಿಯರೊಂದಿಗೆ ಈ ಶೋನಲ್ಲಿ ಭಾಗವಹಿಸಿದ್ದರು. ಅವರಲ್ಲಿ ಒಬ್ಬರಾದ ಪಾಯಲ್ ಮಲಿಕ್ ಈಗಾಗಲೇ ಮೊದಲ ವಾರವೇ ಮನೆಗೆ ಎಲಿಮಿನೇಟ್‌ ಆಗಿದ್ದಾರೆ. ಈಗ ಅರ್ಮಾನ್ ಮತ್ತು ಕೃತಿಕಾ ಮಲಿಕ್ ಮನೆಯಲ್ಲಿದ್ದಾರೆ. ಇವರಿಬ್ಬರ ವಿಡಿಯೋ ಇದೀಗ ವೈರಲ್ ಆಗಿದೆ.
ವೈರಲ್ ವಿಡಿಯೋ ಇಲ್ಲಿದೆ.
