Sarigama Viji: ಕನ್ನಡದ ಹಿರಿಯ ನಟ ವಿಜಯ್‌ಗೆ ಸರಿಗಮ ವಿಜಿ ಎಂಬ ಹೆಸರು ಬಂದದ್ದು ಹೇಗೆ, ಹೇಗಿತ್ತು ಅವರ ನಟನಾ ಬದುಕು?
ಕನ್ನಡ ಸುದ್ದಿ  /  ಮನರಂಜನೆ  /  Sarigama Viji: ಕನ್ನಡದ ಹಿರಿಯ ನಟ ವಿಜಯ್‌ಗೆ ಸರಿಗಮ ವಿಜಿ ಎಂಬ ಹೆಸರು ಬಂದದ್ದು ಹೇಗೆ, ಹೇಗಿತ್ತು ಅವರ ನಟನಾ ಬದುಕು?

Sarigama Viji: ಕನ್ನಡದ ಹಿರಿಯ ನಟ ವಿಜಯ್‌ಗೆ ಸರಿಗಮ ವಿಜಿ ಎಂಬ ಹೆಸರು ಬಂದದ್ದು ಹೇಗೆ, ಹೇಗಿತ್ತು ಅವರ ನಟನಾ ಬದುಕು?

Sarigama Viji: ಕನ್ನಡದ ಹಿರಿಯ ನಟ ಆರ್. ವಿಜಯ್ ಕುಮಾರ್ ಸರಿಗಮ ವಿಜಿ ಎಂದೇ ಪ್ರಸಿದ್ಧರಾಗಿದ್ದರು. ಆದರೆ, ಅವರಿಗೆ ಆ ಹೆಸರು ಬರಲು ಕಾರಣ ಏನು ಎಂಬ ಮಾಹಿತಿ ಇಲ್ಲಿದೆ ಗಮನಿಸಿ.

ಆರ್ ವಿಜಯ್‌ ಕುಮಾರ್‍‌ಗೆ ಸರಿಗಮ ವಿಜಿ ಎಂಬ ಹೆಸರು ಬಂದದ್ದು ಹೇಗೆ
ಆರ್ ವಿಜಯ್‌ ಕುಮಾರ್‍‌ಗೆ ಸರಿಗಮ ವಿಜಿ ಎಂಬ ಹೆಸರು ಬಂದದ್ದು ಹೇಗೆ

ಸರಿಗಮ ವಿಜಿ ಎಂದೇ ಹೆಸರಾಗಿದ್ದ ಕನ್ನಡದ ಹಿರಿಯ ನಟ ಆರ್. ವಿಜಯ್ ಕುಮಾರ್. ಕನ್ನಡ ಚಿತ್ರರಂಗದಲ್ಲಿ ಹೆಸರು ಮಾಡಿದವರು. ಇವರಿಗೆ ಸರಿಗಮ ವಿಜಿ ಎಂದು ಹೆಸರು ಬರಲು ಒಂದು ಮುಖ್ಯ ಕಾರಣವಿದೆ. ಆರ್. ವಿಜಯ್‌ ಕುಮಾರ್ ಹೇಗೆ ಸರಿಗಮ ವಿಜಿಯಾದರು ಎಂಬ ಕುತೂಹಲವೂ ಎಲ್ಲರಿಗಿದೆ. ಇದಕ್ಕೆ ಕಾರಣ ಏನೆಂಬುದನ್ನು ನಾವಿಲ್ಲಿ ನೀಡಿದ್ದೇವೆ. ವಿಜಯ್ ‘ಸಂಸಾರದಲ್ಲಿ ಸರಿಗಮ’ ಎಂಬ ನಾಟಕವನ್ನು ನಿರ್ದೇಶಿಸಿದ್ದರು. ಈ ನಾಟಕ 1000ಕ್ಕೂ ಅಧಿಕ ಪ್ರದರ್ಶನಗಳನ್ನು ನೀಡಿತ್ತು. ಆ ಕಾರಣದಿಂದ ಅವರನ್ನು ಸರಿಗಮ ವಿಜಿ ಎಂದು ಕರೆಯಲಾಯಿತು. ಸಂಸಾರದಲ್ಲಿ ಸರಿಗಮ, ಅವರು ನಿರ್ದೇಶಿಸಿದ ಮತ್ತು ನಟಿಸಿದ ರಂಗಭೂಮಿ ನಾಟಕ.

ಬೆಂಗಳೂರು, ಹೈದರಾಬಾದ್, ಚೆನ್ನೈ, ದೆಹಲಿ ಮತ್ತು ಮುಂಬೈ. ಅವರ ನಾಟಕ ತಂಡ ಯಶಸ್ವಿ ಪ್ರದರ್ಶನ ನೀಡಿ ಮನೆ ಮಾತಾಗಿತ್ತು. ಈ ನಾಟಕ 1390 ಕ್ಕೂ ಹೆಚ್ಚು ಬಾರಿ ಪ್ರದರ್ಶನಗೊಂಡಿದೆ ಎಂಬ ಮಾಹಿತಿ ಇದೆ. ಮೊದಲ ಬಾರಿ ಇವರು ನಟನಾಗಿ ಕಾಣಿಸಿಕೊಂಡಿದ್ದು ‘ಬೆಳುವಲದ ಮಡಿಲಲ್ಲಿ’ ಎಂಬ ಸಿನಿಮಾದಲ್ಲಿ 1975ರಲ್ಲಿ ಈ ಸಿನಿಮಾ ಬಿಡುಗಡೆಯಾಗಿತ್ತು. ನಂತರ ಸಾಕಷ್ಟು ಅವಕಾಶಗಳನ್ನು ಬಳಸಿಕೊಂಡು 2018 ರ ಹೊತ್ತಿಗೆ ಅವರು ಕನ್ನಡದಲ್ಲಿ ಸುಮಾರು 269 ಚಿತ್ರಗಳಲ್ಲಿ ಅಭಿನಯಿಸಿದ್ದರು. 80 ಚಿತ್ರಗಳಲ್ಲಿ ಸಹಾಯಕ ನಿರ್ದೇಶಕರಾಗಿ ಕೆಲಸಮಾಡಿದ್ದರು.

ಕಿರುತೆರೆಯಲ್ಲೂ ನಟಿಸಿದ ವಿಜಿ

ಜೀ ಕನ್ನಡದಲ್ಲಿ ಪ್ರಸಾರವಾದ ಕಾಮಿಡಿ ಕಿಲಾಡಿಗಳು ಚಾಂಪಿಯನ್‌ಶಿಪ್ ರಿಯಾಲಿಟಿ ಶೋದಲ್ಲಿ ಇವರು ನಿರ್ಣಾಯಕರಾಗಿದ್ದರು. ಧಾರಾವಾಹಿಗಳಲ್ಲೂ ಅಭಿನಯಿಸಿದ್ದರು. ಖಳನಾಯಕನಾಗಿ, ಹಾಸ್ಯ ನಟನಾಗಿ ಹಾಗೂ ಪೋಷಕ ಪಾತ್ರಗಳಲ್ಲಿ ಇವರು ಅಭಿನಯಿಸಿದ್ದರು. ಸಾಕಷ್ಟು ಜನರಿಗೆ ಇವರು ತಮ್ಮ ವಿಶಿಷ್ಟ ಅಭಿನಯದ ಮೂಲಕವೇ ಚಿರ ಪರಿಚಿತರು.

ಸರಿಗಮ ವಿಜಿ ಅಭಿನಯದ ಆಯ್ದ ಚಿತ್ರಗಳು

ಮದುವೆ ಮಡಿ ನೋಡು (1965)

ಬೆಳುವಲದ ಮಡಿಲಲ್ಲಿ (1975)

ಕಪ್ಪು ಕೋಲ (1980)

ಪ್ರತಾಪ್ (1990)

ಮನ ಮೆಚ್ಚಿಡಾ ಸೊಸೆ (1992)

ಕೆಂಪಯ್ಯ IPS (1993)

ಚಿನ್ನದ ಪದಕ (1994)

ಜಗತ್ ಕಿಲಾಡಿ (1998)

ಯಮಲೋಕದಲ್ಲಿ ವೀರಪ್ಪನ್ (1998)

ದುರ್ಗಿ (2004)

ಸ್ವಾರ್ಥರತ್ನ(2018)

ಸರಿಗಮ ವಿಜಿ ನಿಧನ
ಕನ್ನಡ ಚಿತ್ರರಂಗದ ಹಿರಿಯ ನಟ ಹಾಗೂ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಿದ ಸರಿಗಮ ವಿಜಿ ನಿಧನರಾಗಿದ್ದಾರೆ. ಶ್ವಾಸಕೋಶದ ಸಮಸ್ಯೆಯಿಂದ ಬಳಲುತ್ತಿದ್ದ ಸರಿಗಮ ವಿಜಿ ಯಶವಂತ ಪುರ ಸಮೀಪದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಇಂದು ಜನವರಿ 15ರಂದು ಸರಿಗಮ ವಿಜಿ ಇಹಲೋಕ ತ್ಯಜಿಸಿದ್ದಾರೆ. ಉಸಿರಾಟದ ಸಮಸ್ಯೆಯಿಂದಾಗಿ ಅವರು ಆಸ್ಪತ್ರೆಗೆ ಸೇರಿ ವಾರಗಳಾಗುತ್ತಾ ಬಂದಿತ್ತು. ಈ ಬಗ್ಗೆ ಅವರ ಮಗ ಮಾಹಿತಿ ನೀಡಿದ್ದರು. ಆದರೆ ಚಿಕಿತ್ಸೆ ಫಲಿಸದೆ ಇಂದು ಸರಿಗಮ ವಿಜಿ ನಿಧನರಾಗಿದ್ದಾರೆ. ಕನ್ನಡದ ಹಾಸ್ಯ ನಟ ಹಾಗೂ ಸಹಾಯಕ ನಿರ್ದೇಶಕರಾಗಿ ಕನ್ನಡ ಚಿತ್ರರಂಗದಲ್ಲಿ ಸೇವೆ ಸಲ್ಲಿಸಿದ್ದ ಸರಿಗಮ ವಿಜಿ ಕೊನೆಯುಸಿರೆಳೆದಿದ್ದಾರೆ. ಅವರು ಅಭಿಮಾನಿಗಳು ಹಾಗೂ ಅವರ ಕುಟುಂಬಸ್ಥರು ನೋವಿನಲ್ಲಿದ್ದಾರೆ.

ಜನವರಿ 16ರಂದು ಅವರ ಅಂತ್ಯಸಂಸ್ಕಾರ ಮಾಡಲಾಗುತ್ತದೆ. ಚಾಮರಾಜ ಪೇಟೆಯ ಟಿ ಆರ್ ಮಿಲ್ ಬಳಿ ಬರುವ ಚೀತಾಗಾರದಲ್ಲಿ ಅಂತ್ಯ ಕ್ರಿಯೆ ನಡೆಯಲಿದೆ.

(ಈ ಬರಹದಲ್ಲಿ ನೀಡಲಾದ ಮಾಹಿತಿಯು ಸಾಮಾಜಿಕ ಮಾಧ್ಯಮಗಳು ಹಾಗೂ ವಿಕಿಪಿಡಿಯಾದ ಮೂಲಕ ಸಂಗ್ರಹಿಸಲಾಗಿದೆ)

Whats_app_banner