ಕನ್ನಡ ಸುದ್ದಿ  /  ಮನರಂಜನೆ  /  Cannes Film Festival: ಆಲ್‌ ವಿ ಇಮ್ಯಾಜಿನ್‌ ಆಸ್‌ ಲೈಟ್‌; 30 ವರ್ಷದ ಬಳಿಕ ಕಾನ್ ಚಿತ್ರೋತ್ಸವದಲ್ಲಿ ಭಾರತದ ಸಿನಿಮಾದ ಸ್ಪರ್ಧೆ

Cannes Film Festival: ಆಲ್‌ ವಿ ಇಮ್ಯಾಜಿನ್‌ ಆಸ್‌ ಲೈಟ್‌; 30 ವರ್ಷದ ಬಳಿಕ ಕಾನ್ ಚಿತ್ರೋತ್ಸವದಲ್ಲಿ ಭಾರತದ ಸಿನಿಮಾದ ಸ್ಪರ್ಧೆ

Payal Kapadia's All We Imagine As Light: ಜಗತ್ತಿನ ಅತಿದೊಡ್ಡ ಚಿತ್ರೋತ್ಸವ "‌ಕಾನ್‌ ಫಿಲ್ಮ್‌ ಫೆಸ್ಟಿವಲ್‌"ನ ಮುಖ್ಯ ಸ್ಪರ್ಧೆಯಲ್ಲಿ ಪಾಯಲ್ ಕಪಾಡಿಯಾ ನಿರ್ದೇಶನದ ಆಲ್ ವಿ ಇಮ್ಯಾಜಿನ್ ಆಸ್ ಲೈಟ್ ಎಂಬ ಸಿನಿಮಾವು ಸ್ಪರ್ಧಿಸುತ್ತಿದೆ. ಭಾರತಕ್ಕೆ ಇಂತಹ ಅವಕಾಶ 30 ವರ್ಷಗಳ ಬಳಿಕ ದೊರಕಿದೆ.

30 ವರ್ಷದ ಬಳಿಕ ಕೇನ್ಸ್‌ ಚಿತ್ರೋತ್ಸವದಲ್ಲಿ ಭಾರತದ ಸಿನಿಮಾದ ಸ್ಪರ್ಧೆ
30 ವರ್ಷದ ಬಳಿಕ ಕೇನ್ಸ್‌ ಚಿತ್ರೋತ್ಸವದಲ್ಲಿ ಭಾರತದ ಸಿನಿಮಾದ ಸ್ಪರ್ಧೆ

ಪಾಯಲ್ ಕಪಾಡಿಯಾ ನಿರ್ದೇಶನದ ಆಲ್ ವಿ ಇಮ್ಯಾಜಿನ್ ಆಸ್ ಲೈಟ್ ಎಂಬ ಸಿನಿಮಾವು ಕೇನ್ಸ್‌ ಫಿಲ್ಮ್‌ ಫೆಸ್ಟಿವಲ್‌ನಲ್ಲಿ ಸ್ಪರ್ಧಿಸಲಿದೆ. ಈ ಮೂಲಕ ಭಾರತದ ಸಿನಿಮಾವೊಂದು 30 ವರ್ಷದ ಬಳಿಕ ಈ ಚಿತ್ರೋತ್ಸವದಲ್ಲಿ ಪಾಲ್ಗೊಳ್ಳುತ್ತಿದೆ. ರಜಾದಿನಗಳಲ್ಲಿ ಇಬ್ಬರು ಮಹಿಳೆಯರು ತಮ್ಮ ಆಸೆಗಳನ್ನು ಪೂರೈಸಿಕೊಳ್ಳುವಂತಹ ಕಥೆಯನ್ನು ಆಲ್ ವಿ ಇಮ್ಯಾಜಿನ್ ಆಸ್ ಲೈಟ್ ಹೊಂದಿದೆ.

ಟ್ರೆಂಡಿಂಗ್​ ಸುದ್ದಿ

ಒಂದಲ್ಲ ಎರಡಲ್ಲ ಮೂರು ದಶಕದ ಬಳಿಕ ಭಾರತದ ಸಿನಿಮಾವೊಂದು ಮುಂಬರುವ ಕಾನ್  ಫಿಲ್ಮ್‌ ಫೆಸ್ಟಿವಲ್‌ನಲ್ಲಿ ಸ್ಪರ್ಧಿಸಲಿದೆ. ಬರಹಗಾರ-ನಿರ್ದೇಶಕಿ ಪಾಯಲ್‌ ಕಪಾಡಿಯರ ಆಲ್‌ ವಿ ಇಮ್ಯಾಜಿನ್‌ ಆಸ್‌ ಲೈಟ್‌ (We Imagine As Light) ಎಂಬ ಸಿನಿಮಾ ಈ ಸಾಧನೆ ಮಾಡುತ್ತಿದೆ. ಈ ಮಾಹಿತಿಯನ್ನು ಕೇನ್ಸ್‌ ಫಿಲ್ಮ್‌ ಫೆಸ್ಟಿವಲ್‌ನ ಅಧ್ಯಕ್ಷರಾದ ಐರಿಸ್ ನೋಬ್ಲೋಚ್ ಅವರು ನೀಡಿದ್ದಾರೆ.

ಪಾಯಲ್‌ ಕಪಾಡಿಯ ಅಪರೂಪದ ಸಾಧನೆ

ಆಸಕ್ತಿದಾಯಕ ಸಂಗತಿಯೆಂದರೆ ಕೇನ್ಸ್‌ ಫಿಲ್ಮ್‌ ಫೆಸ್ಟಿವಲ್‌ನಲ್ಲಿ ಕೇವಲ ನಾಲ್ವರು ಮಹಿಳಾ ನಿರ್ದೇಶಕಿಯರಿದ್ದಾರೆ. ಅವರಲ್ಲಿ ಪಾಯಲ್‌ ಕಪಾಡಿಯ ಒಬ್ಬರು ಎನ್ನುವುದು ಹೆಮ್ಮೆಯ ಸಂಗತಿ. ಕಳೆದ ವರ್ಷ ಏಳು ನಿರ್ದೇಶಕಿಯರಿದ್ದರು.

ಫ್ರೆಂಚ್ ರಿವೇರಿಯಾದಲ್ಲಿ ನಡೆಯುವ ಹಬ್ಬ ಕಪಾಡಿಯರಿಗೆ ಹೊಸದಲ್ಲ. ಶ್ರೀಮಂತ ಮತ್ತು ಪ್ರಸಿದ್ಧರ ಆಟದ ಮೈದಾನ ಎಂದು ಹಿಂದೊಮ್ಮೆ ಈ ಕಾರ್ಯಕ್ರಮವನ್ನು ಹೇಳಲಾಗುತ್ತಿತ್ತು. 2021 ರಲ್ಲಿ ಪಾಯಲ್‌ ಕಪಾಡಿಯಾರ ಎ ನೈಟ್ ಆಫ್ ನಾಟ್ ನೋಯಿಂಗ್ ನಥಿಂಗ್ ಎಂಬ ಸಾಕ್ಷ್ಯಚಿತ್ರವು ಕೇನ್ಸ್‌ ಫಿಲ್ಮ್‌ ಫೆಸ್ಟಿವಲ್‌ನಲ್ಲಿ ಅತ್ಯುತ್ತಮ ಸಾಕ್ಷ್ಯಚಿತ್ರ ಪ್ರಶಸ್ತಿ ಪಡೆದಿತ್ತು. ಕ್ಯಾಂಪಸ್‌ನಲ್ಲಿ ಆಗುವ ತೊಂದರೆಯ ಕುರಿತು ವಿದ್ಯಾರ್ಥಿಯೊಬ್ಬ ತನ್ನ ಪ್ರೇಮಿಗೆ ಬರೆದ ಪತ್ರಗಳ ಮೂಲಕ ಕಥೆ ತೆರೆದುಕೊಳ್ಳುತ್ತದೆ. 2017 ರಲ್ಲಿ ಕಪಾಡಿಯಾ ಅವರ ಆಫ್ಟರ್‌ನೂನ್ ಕ್ಲೌಡ್ಸ್ ಎನ್ನುವ ಸಿನಿಮಾವೂ ಸಿನಿಫೌಂಡೇಷನ್‌ ಭಾಗವಾಗಿತ್ತು.

ಪಾಯಲ್‌ ಕಪಾಡಿಯಾ (30) ಅವರು ಅಸ್ಕರ್ ಪಾಮ್ ಡಿ'ಓರ್ ಜೊತೆಗೆ ಜಗತ್ತಿನ ಚಿತ್ರರಂಗದ ಪ್ರಸಿದ್ಧರ ಜತೆ ಸ್ಪರ್ಧೆ ನಡೆಸಲಿದ್ದಾರೆ. ಫ್ರಾನ್ಸಿಸ್ ಫೋರ್ಡ್ ಕೊಪ್ಪೊಲಾ (ಮೆಗಾಲೊಪೊಲಿಸ್), ಸೀನ್ ಬೇಕರ್ (ಅನೋರಾ), ಯೊರ್ಗೊಸ್ ಲ್ಯಾಂತಿಮೊಸ್ (ಕೈಂಡ್ಸ್ ಆಫ್ ದಯೆ), ಡೇವಿಡ್ ಕ್ರೊನೆನ್‌ಬರ್ಗ್ ( ದ ಶ್ರೌಡ್ಸ್), ಆಂಡ್ರಿಯಾ ಅರ್ನಾಲ್ಡ್ (ಬರ್ಡ್), ಪಾಲ್ ಶ್ರಾಡರ್ (ಓಹ್ ಕೆನಡಾ) ಜಾಕ್ವೆಸ್ ಆಡಿಯಾರ್ಡ್ (ಎಮಿಲಿಯಾ ಪೆರೆಜ್) ಮತ್ತು ಪಾಲೊ ಸೊರೆಂಟಿನೊ (ಪಾರ್ಥೆನೋಪ್) ಮುಂತಾದವರ ಸಾಲಿನಲ್ಲಿ ಸೇರುವ ಉತ್ಸಾಹದಲ್ಲಿದ್ದಾರೆ.

ಆಲ್ ವಿ ಇಮ್ಯಾಜಿನ್ ಆಸ್ ಲೈಟ್ ಎಂಬ ಇಂಡೋ-ಫ್ರೆಂಚ್ ನಿರ್ಮಾಣದ ಸಿನಿಮಾವು ಪ್ರಭಾ ಎಂಬ ನರ್ಸ್‌ ಬಗ್ಗೆ ಮಾತನಾಡುತ್ತದೆ. ದೀರ್ಘಾವಧಿ ನಂತರ ತಮ್ಮ ಪತಿಯಿಂದ ಅನಿರೀಕ್ಷಿತ ಉಡುಗೊರೆ ಪಡೆಯುತ್ತಾರೆ. ಆ ಉಡುಗೊರೆ ಆಕೆಯನ್ನು ಅಸಮಧಾನಗೊಳಿಸುತ್ತದೆ. ಅವಳ ಕಿರಿಯ ಸ್ನೇಹಿತೆ ಮತ್ತು ರೂಮ್‌ಮೇಟ್‌ ತನ್ನ ಪ್ರೇಮಿಯ ಜತೆ ಇರಲು ಶಾಂತವಾದ ಸ್ಥಳದ ಹುಡುಕಾಟದಲ್ಲಿರುತ್ತಾಳೆ. ಕೊನೆಗೆ ಈ ಇಬ್ಬರು ಮಹಿಳೆಯರು ಬೀಚ್‌ಟೌನ್‌ಗೆ ರಸ್ತೆ ಮಾರ್ಗವಾಗಿ ಪ್ರವಾಸ ಕೈಗೊಳ್ಳುತ್ತಾರೆ.

ಕಾನ್‌ನಲ್ಲಿ ಸ್ಪರ್ಧಿಸಿದ ಭಾರತೀಯ ಸಿನಿಮಾಗಳು

ಕಳೆದ 77 ವರ್ಷಗಳಲ್ಲಿ ಕೆಲವು ಸಿನಿಮಾಗಳು ಮಾತ್ರ ಈ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳಲು ಸಾಧ್ಯವಾಗಿವೆ. ಚೇತನ್ ಆನಂದ್ ಅವರ ನೀಚ ನಗರ (1946), ವಿ ಶಾಂತಾರಾಮ್ ಅವರ ಅಮರ್ ಭೂಪಾಲಿ (1952), ರಾಜ್ ಕಪೂರ್ ಅವರ ಆವಾರಾ (1953), ಸತ್ಯಜಿತ್ ರೇ ಅವರ ಪರಶ್ ಪಥರ್ (1958), ಎಂಎಸ್ ಸತ್ಯು ಅವರ ಗರ್ಮ್ ಹವಾ (1974) ಮತ್ತು ಮೃಣಾಲ್ ಸೇನ್ ಅವರ ಖರೀಜ್ (1983) ಈ ಸ್ಪರ್ಧೆಗೆ ಆಯ್ಕೆಯಾಗಿದ್ದವು. 1994ರಲ್ಲಿ ಮಲಯಾಳಂ ಸಿನಿಮಾ ಸ್ವಾಹಂ ಕೂಡ ಈ ಸ್ಪರ್ಧೆಯಲ್ಲಿ ಪಾಲ್ಗೊಂಡಿತ್ತು.

IPL_Entry_Point