Kannada Serial TRP: ಟಿಆರ್‌ಪಿಯಲ್ಲಿ ‘ಭಾಗ್ಯಲಕ್ಷ್ಮೀ’ಗೆ ಹೊಡೆದ ಬಂಪರ್‌ ಲಾಟರಿ! ಬಿಗ್‌ಬಾಸ್‌ಗೂ ಸಿಕ್ತು ವೀಕ್ಷಕನ ಬಹುಪರಾಕ್‌
ಈ ವಾರವೂ ಬಿಗ್‌ಬಾಸ್‌ ಒಳ್ಳೆಯ ಟಿಆರ್‌ಪಿಯನ್ನೇ ಪಡೆದುಕೊಂಡಿದೆ. ವಾರಾಂತ್ಯದಲ್ಲಿ ಮತ್ತು ವಾರದ ಐದು ದಿನಗಳೂ ಹೆಚ್ಚೆಚ್ಚು ನೋಡುಗರನ್ನು ಪಡೆದುಕೊಂಡಿದೆ. ಹಾಗಾದರೆ, ಈ ವಾರದ ಸೀರಿಯಲ್‌ ಟಿಆರ್‌ಪಿ ಲೆಕ್ಕಾಚಾರ ಹೇಗಿದೆ?
Kannada Serial TRP: ಬಿಗ್‌ಬಾಸ್‌ 10ನೇ ವಾರಕ್ಕೆ ಕಾಲಿರಿಸಿದೆ. ಅಂದಿನಿಂದ ವಾರದಿಂದ ವಾರಕ್ಕೆ ಹೆಚ್ಚೆಚ್ಚು ವೀಕ್ಷಕರನ್ನು ಸಂಪಾದಿಸಿಕೊಳ್ಳುತ್ತಿದೆ ಈ ಶೋ. ಇತ್ತ ಸೀರಿಯಲ್‌ ವಿಚಾರದಲ್ಲೂ ಭಾರೀ ಬದಲಾವಣೆಗೆ ಈ ವಾರ ಸಾಕ್ಷಿಯಾಗಿದೆ. ಬಿಗ್‌ಬಾಸ್‌ ಹೆಚ್ಚು ವೀಕ್ಷಣೆ ಪಡೆದರೆ, ಭಾಗ್ಯಲಕ್ಷ್ಮೀಗೂ ಲಾಟರಿ ಹೊಡೆದಿದೆ.
ಈ ವಾರವೂ ಬಿಗ್‌ಬಾಸ್‌ ಒಳ್ಳೆಯ ಟಿಆರ್‌ಪಿಯನ್ನೇ ಪಡೆದುಕೊಂಡಿದೆ. ವಾರಾಂತ್ಯದಲ್ಲಿ ಮತ್ತು ವಾರದ ಐದು ದಿನಗಳೂ ಹೆಚ್ಚೆಚ್ಚು ನೋಡುಗರನ್ನು ಪಡೆದುಕೊಂಡಿದೆ. ಹಾಗಾದರೆ, ಈ ವಾರದ ಸೀರಿಯಲ್‌ ಟಿಆರ್‌ಪಿ ಲೆಕ್ಕಾಚಾರ ಹೇಗಿದೆ?
ಬಿಗ್‌ ಬಾಸ್‌ ಶುರುವಾದಾಗಿನಿಂದ ಕಿರುತೆರೆಯ ಫಿಕ್ಷನ್‌ ಮತ್ತು ನಾನ್‌ ಫಿಕ್ಷನ್‌ ವಿಭಾಗದಲ್ಲಿ ಸಾಕಷ್ಟು ಏರಿಳಿತಗಳು ಕಂಡಿವೆ. ವಾರದಿಂದ ವಾರಕ್ಕೆ ಬಿಗ್‌ಬಾಸ್‌ ಏರುಗತಿಯಲ್ಲಿ ಸಾಗುತ್ತಿದ್ದರೆ, ಸೀರಿಯಲ್‌ಗಳ ಅಂಕಿ ಅಂಶಗಳಲ್ಲಿಯೂ ಅಚ್ಚರಿಯ ಬದಲಾವಣೆಗೆ ಸಾಕ್ಷಿಯಾಗುತ್ತಿದೆ.
ಕನ್ನಡದ ಕಿರುತೆರೆಯಲ್ಲಿ ಈ ವಾರ ಅಚ್ಚರಿಯ ಬೆಳವಣಿಗೆಗಳು ಘಟಿಸಿವೆ. ಟಿಆರ್‌ಪಿ ವಿಚಾರದಲ್ಲಿ ಟಾಪ್‌ ಧಾರಾವಾಹಿಗಳಿಗೆ ಟಕ್ಕರ್‌ ಕೊಡುವಲ್ಲಿ ಭಾಗ್ಯಲಕ್ಷ್ಮೀ ಮುಂದಾಗಿದೆ. ಈ ಹಿಂದೆ ಟಾಪ್‌ ಐದರಲ್ಲಿ ಐದನೇ ಸ್ಥಾನದಲ್ಲೋ, ಟಾಪ್‌ ಹತ್ತರಲ್ಲೋ ಭಾಗ್ಯಲಕ್ಷ್ಮೀ ಕಾಣಿಸುತ್ತಿತ್ತು. ಇದೀಗ ಟಾಪ್‌ ಎರಡಕ್ಕೆ ಜಿಗಿದು ಅಚ್ಚರಿ ಮೂಡಿಸಿದೆ.
ಬಿಗ್‌ಬಾಸ್‌ ಟಿಆರ್‌ಪಿ ಹೇಗಿದೆ?
ಆ ಪೈಕಿ ಬಿಗ್‌ಬಾಸ್‌ನ ಒಂದು ವಾರದ ಅಂಕಿ ಅಂಶಗಳನ್ನು ನೋಡುವುದಾದರೆ, ಸೋಮವಾರದಿಂದ ಶುಕ್ರವಾರದ ವರೆಗೆ 7.2 ಟಿಆರ್‌ಪಿ ಪಡೆದರೆ, ಶನಿವಾರ 9.4 ಮತ್ತು ಭಾನುವಾರ 7 ಟಿಆರ್‌ಪಿ ಪಡೆದು ಮುಂದಡಿ ಇರಿಸಿದೆ.
ಪುಟ್ಟಕ್ಕನ ಮಕ್ಕಳು: ಧಾರಾವಾಹಿಗಳನ್ನು ನೋಡುವುದಾದರೆ, ಮೊದಲಿಂದಲೂ ಮೋಡಿ ಮಾಡುತ್ತಲೇ ಬಂದಿರುವ ಪುಟ್ಟಕ್ಕನ ಮಕ್ಕಳು ಸೀರಿಯಲ್‌ ಎಂದಿನಂತೆ ಮೊದಲ ಸ್ಥಾನದಲ್ಲಿದೆ.
ಭಾಗ್ಯಲಕ್ಷ್ಮೀ: ಕಲರ್ಸ್‌ ಕನ್ನಡದ ಭಾಗ್ಯಲಕ್ಷ್ಮೀ ಇದೀಗ ಎರಡನೇ ಸ್ಥಾನ ಅಲಂಕರಿಸಿ ಸಂಭ್ರಮದಲ್ಲಿದೆ. ಭಾಗ್ಯ ಮತ್ತು ತಾಂಡವ್‌ ನಡುವಿನ ಕಿತ್ತಾಟ ನೋಡುಗರ ಗಮನ ಸೆಳೆದಿದೆ.
ಗಟ್ಟಿಮೇಳ, ಅಮೃತಧಾರೆಗೆ ಯಾವ ಸ್ಥಾನ?
ಕಳೆದ ವಾರ ಎರಡನೇ ಸ್ಥಾನದಲ್ಲಿದ್ದ ಗಟ್ಟಿಮೇಳ ಧಾರಾವಾಹಿ ಇದೀಗ ಮೂರನೇ ಸ್ಥಾನದಲ್ಲಿದೆ. ಛಾಯಾ ಸಿಂಗ್‌, ರಾಜೇಶ ನಟರಂಗ ಜೋಡಿಯ ಅಮೃತಧಾರೆ ದಿನದಿಂದ ದಿನಕ್ಕೆ ನೋಡುಗರನ್ನು ಸೆಳೆಯುತ್ತಿದೆ. ಅದರಂತೆ ಈ ಸೀರಿಯಲ್‌ ಟಿಆರ್‌ಪಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿದೆ.
ಸತ್ಯ, ಶ್ರೀರಸ್ತು ಶುಭಮಸ್ತು ಸೀರಿಯಲ್‌ ವೀಕ್ಷಣೆ
ಈ ಧಾರಾವಾಹಿ ಜತೆಗೆ ಸತ್ಯ ಸೀರಿಯಲ್‌ ಸಹ ನಾಲ್ಕನೇ ಸ್ಥಾನದಲ್ಲಿಯೇ ಮುಂದುವರಿದಿದೆ. ಸುಧಾರಾಣಿ, ಅಜಿತ್‌ ಹಂದೆ ನಟಿಸುತ್ತಿರುವ ಶ್ರೀರಸ್ತು ಶುಭಮಸ್ತು ಸೀರಿಯಲ್‌ ಈ ವಾರ ಐದನೇ ಸ್ಥಾನದಲ್ಲಿದೆ. ಕಳೆದ ವಾರ ಟಾಪ್‌ ಐದರಲ್ಲಿದ್ದ ಸೀತಾ ರಾಮ ಸೀರಿಯಲ್‌ ಈ ವಾರ ಮತ್ತೆ ಕುಸಿತ ಕಂಡಿದೆ. ಟಾಪ್‌ ಐದರಲ್ಲಿ ಸ್ಥಾನ ಪಡೆಯುವಲ್ಲಿ ವಿಫಲವಾಗಿದೆ.
