ಟಿಆರ್‌ಪಿಯಲ್ಲಿ ಮೊದಲ ಸ್ಥಾನಕ್ಕೆ ಜಿಗಿದ ಶ್ರಾವಣಿ ಸುಬ್ರಮಣ್ಯ ಸೀರಿಯಲ್; ಅಮೃತಧಾರೆ, ಭಾಗ್ಯಲಕ್ಷ್ಮೀ ಧಾರಾವಾಹಿಗೆ ಯಾವ ಸ್ಥಾನ?
ಕನ್ನಡ ಸುದ್ದಿ  /  ಮನರಂಜನೆ  /  ಟಿಆರ್‌ಪಿಯಲ್ಲಿ ಮೊದಲ ಸ್ಥಾನಕ್ಕೆ ಜಿಗಿದ ಶ್ರಾವಣಿ ಸುಬ್ರಮಣ್ಯ ಸೀರಿಯಲ್; ಅಮೃತಧಾರೆ, ಭಾಗ್ಯಲಕ್ಷ್ಮೀ ಧಾರಾವಾಹಿಗೆ ಯಾವ ಸ್ಥಾನ?

ಟಿಆರ್‌ಪಿಯಲ್ಲಿ ಮೊದಲ ಸ್ಥಾನಕ್ಕೆ ಜಿಗಿದ ಶ್ರಾವಣಿ ಸುಬ್ರಮಣ್ಯ ಸೀರಿಯಲ್; ಅಮೃತಧಾರೆ, ಭಾಗ್ಯಲಕ್ಷ್ಮೀ ಧಾರಾವಾಹಿಗೆ ಯಾವ ಸ್ಥಾನ?

Kannada Serial TRP: ಮೂರನೇ ವಾರದ ಟಿಆರ್‌ಪಿ ಡೇಟಾ ಹೊರಬಿದ್ದಿದೆ. ಶ್ರಾವಣಿ ಸುಬ್ರಮಣ್ಯ ಧಾರಾವಾಹಿ ಹೆಚ್ಚು ಟಿಆರ್‌ಪಿ ಪಡೆದು ಮೊದಲ ಸ್ಥಾನದಲ್ಲಿದೆ. ಹಾಗಾದರೆ, ಟಿಆರ್‌ಪಿ ಲೆಕ್ಕಾಚಾರದಲ್ಲಿ ಕನ್ನಡದ ಟಾಪ್‌ ಹತ್ತು ಸೀರಿಯಲ್‌ಗಳು ಯಾವವು? ಜೀ ಕನ್ನಡದ ಧಾರಾವಾಹಿಗಳೆಷ್ಟು, ಕಲರ್ಸ್‌ ಕನ್ನಡದ ಧಾರಾವಾಹಿಗಳೆಷ್ಟು?

ಟಿಆರ್‌ಪಿಯಲ್ಲಿ ಟಾಪ್‌ ಆಗಿಯೇ ಕಂಬ್ಯಾಕ್‌ ಮಾಡಿದ ಶ್ರಾವಣಿ ಸುಬ್ರಮಣ್ಯ
ಟಿಆರ್‌ಪಿಯಲ್ಲಿ ಟಾಪ್‌ ಆಗಿಯೇ ಕಂಬ್ಯಾಕ್‌ ಮಾಡಿದ ಶ್ರಾವಣಿ ಸುಬ್ರಮಣ್ಯ (Zee5\ Jiocinema)

Kannada Serial TRP: ಕನ್ನಡ ಕಿರುತೆರೆ ಧಾರಾವಾಹಿಗಳ ಮೂರನೇ ವಾರದ ಟಿಆರ್‌ಪಿ ರೇಟಿಂಗ್‌ ಹೊರಬಿದ್ದಿದೆ. ಈ ಮೂರನೇ ವಾರದ ಡೇಟಾದಲ್ಲಿ ಇದೀಗ ಮತ್ತೊಂದು ಸೀರಿಯಲ್‌ ಟಾಪ್‌ ಸ್ಥಾನಕ್ಕೆ ಬಂದಿದೆ. ಅಂದರೆ, ಮೊದಲ ವಾರ ಲಕ್ಷ್ಮೀ ನಿವಾಸ, ಎರಡನೇ ವಾರ ಅಣ್ಣಯ್ಯ, ಇದೀಗ ಮೂರನೇ ವಾರದಲ್ಲಿ ಶ್ರಾವಣಿ ಸುಬ್ರಮಣ್ಯ ಧಾರಾವಾಹಿ ಹೆಚ್ಚು ಟಿಆರ್‌ಪಿ ಪಡೆದು ಮೊದಲ ಸ್ಥಾನದಲ್ಲಿದೆ. ಹಾಗಾದರೆ, ಟಿಆರ್‌ಪಿ ಲೆಕ್ಕಾಚಾರದಲ್ಲಿ ಕನ್ನಡದ ಟಾಪ್‌ ಹತ್ತು ಸೀರಿಯಲ್‌ಗಳು ಯಾವವು? ಜೀ ಕನ್ನಡದ ಧಾರಾವಾಹಿಗಳೆಷ್ಟು, ಕಲರ್ಸ್‌ ಕನ್ನಡದ ಧಾರಾವಾಹಿಗಳೆಷ್ಟು? ಇಲ್ಲಿದೆ ವಿವರ.

ಶ್ರಾವಣಿ ಸುಬ್ರಮಣ್ಯ: ಜೀ ಕನ್ನಡದ ಯುವ ಜೋಡಿಯ ನವಿರು ಕಥೆ ಶ್ರಾವಣಿ ಸುಬ್ರಮಣ್ಯ. ಮದುವೆ ವಿಚಾರವಾಗಿ ಸುದ್ದಿಯಲ್ಲಿರುವ ಈ ಸೀರಿಯಲ್‌ ಇದೀಗ ಮೂರನೇ ವಾರದ ಟಿಆರ್‌ಪಿಯಲ್ಲಿ ಟಾಪ್‌ ಬಂದಿದೆ. 8.8 ರೇಟಿಂಗ್‌ ಪಡೆದು ಮೊದಲ ಸ್ಥಾನದಲ್ಲಿದೆ.

ಲಕ್ಷ್ಮೀ ನಿವಾಸ: ಜೀ ಕನ್ನಡದಲ್ಲಿ ಒಂದು ಗಂಟೆಯ ಅವಧಿಯ ಹಿಟ್‌ ಸೀರಿಯಲ್‌ ಲಕ್ಷ್ಮೀ ನಿವಾಸ, ಸದಾ ಮೊದಲ ಸ್ಥಾನದಲ್ಲಿಯೇ ಇರುತ್ತಿತ್ತು. ಇದೀಗ ಇತ್ತೀಚಿನ ಕೆಲ ವಾರಗಳಿಂದ ಅದೇ ಸೀರಿಯಲ್‌ಗೆ ಟಫ್‌ ಕಾಂಪಿಟೇಷನ್‌ ನೀಡುತ್ತಿವೆ ಹಲವು ಸೀರಿಯಲ್.‌ ಅದರಂತೆ ಮೂರನೇ ವಾರ ಈ ಸೀರಿಯಲ್‌ಗೆ 8.4 ರೇಟಿಂಗ್‌ ಸಿಕ್ಕಿದ್ದು ಎರಡನೇ ಸ್ಥಾನದಲ್ಲಿದೆ.

ಅಣ್ಣಯ್ಯ : ಜೀ ಕನ್ನಡದ ಪ್ರಮುಖ ಧಾರಾವಾಹಿ ಎನಿಸಿಕೊಂಡಿರುವ ಅಣ್ಣಯ್ಯ, ಎರಡನೇ ವಾರದ ಟಾಪ್‌ ಸೀರಿಯಲ್‌ ಆಗಿತ್ತು. ಇದೀಗ ಮೂರನೇ ವಾರ ಈ ಸೀರಿಯಲ್‌ 8.2 ಟಿಆರ್‌ಪಿ ರೇಟಿಂಗ್‌ ಪಡೆದು ಮೂರನೇ ಸ್ಥಾನಕ್ಕೆ ಕುಸಿದಿದೆ.

ಅಮೃತಧಾರೆ: ಅಮೃತಧಾರೆ ಸೀರಿಯಲ್‌ ಸದ್ಯ ಕಿರುತೆರೆ ವೀಕ್ಷಕರ ಸೆನ್ಸೆಷನ್‌ ಆಗಿ ಬದಲಾಗಿದೆ. ಅಚ್ಚರಿಯ ಕಥೆ, ಬೆರಗುಗೊಳಿಸುವ ಟ್ವಿಸ್ಟ್‌ಗಳಿಂದ ನೋಡುಗರ ಗಮನ ಸೆಳೆದಿದೆ. ಈಗ ಇದೇ ಸೀರಿಯಲ್‌ 7.9 ಟಿಆರ್‌ಪಿ ಪಡೆದು, ನಾಲ್ಕನೇ ಸ್ಥಾನದಲ್ಲಿದೆ.

ಪುಟ್ಟಕ್ಕನ ಮಕ್ಕಳು; ಜೀ ಕನ್ನಡದ ಹಳೇ ಸೀರಿಯಲ್‌ ಪುಟ್ಟಕ್ಕನ ಮಕ್ಕಳು, ಹೊಸ ಸೀರಿಯಲ್‌ಗಳ ಜತೆಗೆ ಸ್ಪರ್ಧೆಗೆ ಇಳಿದಿದೆ. ಆದರೂ, ಮೊದಲಿನಂತೆ ಟಿಆರ್‌ಪಿ ಏರಿಕೆಯಾಗುತ್ತಿಲ್ಲ. ಅಂದಹಾಗೆ ಎರಡನೇ ವಾರ ಈ ಸೀರಿಯಲ್‌ 6.0 ಟಿಆಆರ್‌ಪಿ ಪಡೆದು ಐದನೇ ಸ್ಥಾನದಲ್ಲಿದೆ.

ಸೀತಾ ರಾಮ; ಜೀ ಕನ್ನಡದ ಸೀತಾ ರಾಮ ಸೀರಿಯಲ್‌ ಮೂರನೇ ವಾರದ ಟಿಆರ್‌ಪಿಯಲ್ಲಿ 5.9 ರೇಟಿಂಗ್‌ ಪಡೆವ ಮೂಲಕ ಆರನೇ ಸ್ಥಾನದಲ್ಲಿದೆ. ಎರಡನೇ ವಾರದ ಟಿಆರ್‌ಪಿಯಲ್ಲೂ ಇಷ್ಟೇ ಟಿಆರ್‌ಪಿ ಪಡೆದಿತ್ತು ಈ ಸೀರಿಯಲ್‌.

ರಾಮಾಚಾರಿ: ಟಾಪ್‌ ಐದರಲ್ಲಿ ಕಲರ್ಸ್‌ ಕನ್ನಡದ ರಾಮಾಚಾರಿ ಸೀರಿಯಲ್‌ ಸ್ಥಾನ ಪಡೆದುಕೊಂಡಿದೆ. ಈ ಸೀರಿಯಲ್‌ 5.4 ರೇಟಿಂಗ್‌ ಪಡೆದು ಏಳನೇ ಸ್ಥಾನದಲ್ಲಿದೆ.

ಭಾಗ್ಯಲಕ್ಷ್ಮೀ: ಕಲರ್ಸ್‌ ಕನ್ನಡದ ಭಾಗ್ಯಲಕ್ಷ್ಮೀ ಸೀರಿಯಲ್‌ ಟಿಆರ್‌ಪಿಯಲ್ಲಿ ಕುಸಿತ ಕಂಡಿದೆ. ಈ ಸೀರಿಯಲ್‌ 5.3 ರೇಟಿಂಗ್‌ ಪಡೆದು ಎಂಟನೇ ಸ್ಥಾನದಲ್ಲಿದೆ.

ಲಕ್ಷ್ಮೀ ಬಾರಮ್ಮ: ಕಲರ್ಸ್‌ ಕನ್ನಡದ ಲಕ್ಷ್ಮೀ ಬಾರಮ್ಮ ಧಾರಾವಾಹಿ ಈ ತಿಂಗಳ ಎರಡನೇ ವಾರದಲ್ಲಿ 5.1 ಟಿಆರ್‌ಪಿ ಪಡೆವ ಮೂಲಕ ಒಂಭತ್ತನೇ ಸ್ಥಾನದಲ್ಲಿದೆ.

ಬ್ರಹ್ಮಗಂಟು: ಜೀ ಕನ್ನಡದಲ್ಲಿ ಪ್ರಸಾರ ಆರಂಭಿಸಿರುವ ಬ್ರಹ್ಮಗಂಟು ಸೀರಿಯಲ್‌ 4.9 ಟಿಆರ್‌ಪಿ ಪಡೆದು 10ನೇ ಸ್ಥಾನದಲ್ಲಿದೆ.

Whats_app_banner