ಟಿಆರ್‌ಪಿಯಲ್ಲಿ ಪಟ್ಟು ಸಡಿಲಿಸದೆ ಮುನ್ನುಗ್ಗುತ್ತಿದೆ ಜೀ ಕನ್ನಡದ ಸೀರಿಯಲ್; ಇಲ್ಲಿವೆ ಕನ್ನಡ ಕಿರುತೆರೆಯ Top 10 Kannada Serials

Kannada Serial TRP: ಕನ್ನಡ ಕಿರುತೆರೆಯ ಧಾರಾವಾಹಿಗಳ 13ನೇ ವಾರದ ಟಿಆರ್‌ಪಿ ರೇಟಿಂಗ್ಸ್‌ ಹೊರಬಿದ್ದಿದೆ. ಎಂದಿನಂತೆ ಮತ್ತೆ ನಂಬರ್‌ 1 ಪಟ್ಟಕ್ಕಾಗಿ ಪೈಪೋಟಿ ಏರ್ಪಟ್ಟಿದೆ. ಆದರೆ, ಜೀ ಕನ್ನಡದ ಶ್ರಾವಣಿ ಸುಬ್ರಮಣ್ಯ ಧಾರಾವಾಹಿ ಮಾತ್ರ 13ನೇ ವಾರವೂ ನಂಬರ್‌ 1 ಸ್ಥಾನದಲ್ಲಿಯೇ ಮುಂದುವರಿದಿದೆ. 12ನೇ ವಾರವೂ ಮೊದಲ ಸ್ಥಾನದಲ್ಲಿಯೇ ಇದ್ದ ಈ ಧಾರಾವಾಹಿ ಸದ್ಯ ಟಿಆರ್‌ಪಿ ಲೆಕ್ಕಾಚಾರದಲ್ಲಿ ಟಾಪ್‌ನಲ್ಲಿದೆ. ಇನ್ನುಳಿದಂತೆ ಟಾಪ್‌ 10 ಕನ್ನಡದ ಧಾರಾವಾಹಿಗಳು ಯಾವುವು? ಇಲ್ಲಿದೆ ಲಿಸ್ಟ್‌.

ಶ್ರಾವಣಿ ಸುಬ್ರಮಣ್ಯಗೆ ನಂ.1 ಪಟ್ಟ

ಜೀ ಕನ್ನಡದಲ್ಲಿ ಪ್ರಸಾರ ಕಾಣುತ್ತಿರುವ ಶ್ರಾವಣಿ ಸುಬ್ರಮಣ್ಯ ಸೀರಿಯಲ್‌ 12ನೇ ವಾರದಂತೆ, 13ನೇ ವಾರವೂ ನಂಬರ್‌ ಒನ್‌ ಸ್ಥಾನದಲ್ಲಿದೆ. ಈ ಧಾರಾವಾಹಿ 13ನೇ ವಾರ 8.2 ಟಿಆರ್‌ಪಿ ಪಡೆದು, ಮೊದಲ ಸ್ಥಾನದಲ್ಲಿದೆ. ಅದೇ ರೀತಿ ಲಕ್ಷ್ಮೀ ನಿವಾಸ ಸೀರಿಯಲ್‌ ಕಳೆದ ಕೆಲ ವಾರ ಟಿಆರ್‌ಪಿಯಲ್ಲಿ ಕೊಂಚ ಹಿನ್ನೆಡೆ ಅನುಭವಿಸಿತ್ತು. ಇದೀಗ 13ನೇ ವಾರದಷ್ಟೊತ್ತಿಗೆ ಚೇತರಿಕೆ ಹಾದಿಯಲ್ಲಿ ಮುಂದುವರಿದಿದೆ. ಮೂರು, ನಾಲ್ಕನೇ ಸ್ಥಾನದಲ್ಲಿದ್ದ ಈ ಸೀರಿಯಲ್‌ ಇದೀಗ ಎರಡನೇ ಸ್ಥಾನಕ್ಕೆ ಜಿಗಿದಿದೆ. ಈ ಸೀರಿಯಲ್‌ 8.0 ಟಿಆರ್‌ಪಿ ಪಡೆದಿದೆ.

ಇನ್ನು ಹೊಸ ಸೀರಿಯಲ್‌ ʻನಾ ನಿನ್ನ ಬಿಡಲಾರೆʼ 13ನೇ ವಾರದ ಟಿಆರ್‌ಪಿಯಲ್ಲಿ 7.8 ಟಿಆರ್‌ಪಿ ಪಡೆದುಕೊಂಡು ಮೂರನೇ ಸ್ಥಾನದಲ್ಲಿದೆ. ಈ ಮೊದಲು ಈ ಧಾರಾವಾಹಿ ಮೊದಲ ಸ್ಥಾನದಲ್ಲಿಯೇ ಕಾಣಿಸಿಕೊಂಡು, ಅಚ್ಚರಿ ಮೂಡಿಸಿತ್ತು. ಆದರೆ, ಇದೀಗ ಅದ್ಯಾಕೋ ಕೊಂಚ ಮಂಕಾದಂತಿದೆ. ಅದೇ ರೀತಿ ಜೀ ಕನ್ನಡದ ಅಣ್ಣಯ್ಯ ಸೀರಿಯಲ್‌ ಸಹ ಏರಿಳಿತ ಕಾಣುತ್ತ ಸಾಗುತ್ತಿದೆ. ಅದರಂತೆ, 13ನೇ ವಾರ 7.2 ಟಿಆರ್‌ಪಿ ಪಡೆದು ನಾಲ್ಕನೇ ಸ್ಥಾನದಲ್ಲಿದೆ.

ಇದನ್ನೂ ಓದಿ: ಎರಡೇ ದಿನಗಳಲ್ಲಿ ಒಟಿಟಿಯಲ್ಲಿ 25 ಸಿನಿಮಾ, ವೆಬ್‌ಸರಣಿ ಬಿಡುಗಡೆ; ಈ ಪಟ್ಟಿಯಲ್ಲಿ ಯಾವೆಲ್ಲಾ ಇವೆ ಗಮನಿಸಿ

ಇನ್ನು ಜೀ ಕನ್ನಡದಲ್ಲಿ ರಾತ್ರಿ 10 ಗಂಟೆಗೆ ಪ್ರಸಾರವಾಗುವ ಬ್ರಹ್ಮಗಂಟು ಸೀರಿಯಲ್‌ ಚೇತರಿಕೆ ಹಾದಿಯಲ್ಲಿದೆ. ಟಾಪ್‌ ಐದರ ಕೆಳಗೆ ಇರುತ್ತಿದ್ದ ಈ ಸೀರಿಯಲ್‌, 13ನೇ ವಾರ 5.9 ಟಿಆರ್‌ಪಿ ಪಡೆದು ಐದನೇ ಸ್ಥಾನಕ್ಕೆ ಲಗ್ಗೆ ಇಟ್ಟಿದೆ. ಇತ್ತ ಇನ್ನೇನು ಇಂದಿಗೆ ಕೊನೇ ಏಪಿಸೋಡ್‌ ಮೂಲಕ ಮುಕ್ತಾಯ ಕಾಣುತ್ತಿರುವ ಕಲರ್ಸ್‌ ಕನ್ನಡದ ಲಕ್ಷ್ಮೀ ಬಾರಮ್ಮ ಧಾರಾವಾಹಿಗೆ ಒಳ್ಳೆಯ ನಂಬರ್ಸ್‌ ಸಿಕ್ಕಿದೆ. ಈ ಸೀರಿಯಲ್‌ 5.3 ಟಿಆರ್‌ಪಿ ಪಡೆದು ಆರನೇ ಸ್ಥಾನದಲ್ಲಿದೆ.

ಕಲರ್ಸ್‌ ಕನ್ನಡದ ಮತ್ತೊಂದು ಜನಪ್ರಿಯ ಧಾರಾವಾಹಿ, ಭಾಗ್ಯಲಕ್ಷ್ಮೀ ಆರಕ್ಕೇರದೆ, ಮೂರಕ್ಕಿಳಿಯದೇ ಯಥಾಸ್ಥಿತಿ ಕಾಯ್ದುಕೊಂಡಿದೆ. 13ನೇ ವಾರಕ್ಕೆ ಈ ಸೀರಿಯಲ್‌ 5.0 ಟಿಆರ್‌ಪಿ ಪಡೆದು, ಏಳನೇ ಸ್ಥಾನದಲ್ಲಿದೆ. ಸ್ಟಾರ್‌ ಸುವರ್ಣ ವಾಹಿನಿಯ ಟಾಪ್‌ ಸೀರಿಯಲ್‌ ಪಟ್ಟ ಆಸೆ ಪಾಲಾಗಿದೆ. ಒಟ್ಟಾರೆ ಲೆಕ್ಕಹಾಕಿದರೆ, ಆಸೆ ಧಾರಾವಾಹಿ 13ನೇ ವಾರ 4.6 ಟಿಆರ್‌ಪಿ ಸಿಕ್ಕಿದ್ದು ಎಂಟನೇ ಸ್ಥಾನದಲ್ಲಿದೆ. ಇನ್ನು ಕಲರ್ಸ್‌ ಕನ್ನಡದ ನಿನಗಾಗಿ ಧಾರಾವಾಹಿ, 4.2 ಟಿಆರ್‌ಪಿ ಪಡೆದು ಒಂಬತ್ತನೇ ಸ್ಥಾನದಲ್ಲಿದ್ದರೆ, ಕಲರ್ಸ್‌ ಕನ್ನಡದ ಇನ್ನೊಂದು ಹೊಸ ಸೀರಿಯಲ್ ಭಾರ್ಗವಿ‌ ಎಲ್‌ಎಲ್‌ಬಿ 3.5 ಟಿಆರ್‌ಪಿ ಪಡೆದು 10ನೇ ಸ್ಥಾನ ಪಡೆದಿದೆ.

ಇದನ್ನೂ ಓದಿ: ಮಹೇಶಣ್ಣ ಧಾರಾವಾಹಿಗೆ ಲಾಯಲ್ ಅಭಿಮಾನಿಗಳಿದ್ದಾರೆ, ಅವರಿಗೆ ನಿರಾಸೆ ಮಾಡ್ಬೇಡಿ; ಅಮೃತಧಾರೆ ನಿರ್ದೇಶಕರಿಗೆ ಹೀಗೊಂದು ಮನವಿ