Family Gang stars: ಮತ್ತೆ ಕಿರುತೆರೆಗೆ ಬಂದ ಸೃಜನ್ ಲೋಕೇಶ್; ಕಲರ್ಸ್ ಕನ್ನಡದ ವಾರಾಂತ್ಯ ಶೋ ಫ್ಯಾಮಿಲಿ ಗ್ಯಾಂಗ್ ಸ್ಟಾರ್ಸ್‌ಗೆ ಸಾರಥ್ಯ
ವಾರಾಂತ್ಯವನ್ನು ಮತ್ತಷ್ಟು ಮಜವಾಗಿಸಲು ಕಲರ್ಸ್ ಕನ್ನಡದಲ್ಲಿ ಹೊಸ ವಾರಾಂತ್ಯ ಶೋ ಬರುತ್ತಿದೆ. ಫ್ಯಾಮಿಲಿ ಗ್ಯಾಂಗ್‌ಸ್ಟಾರ್ಸ್‌ ಹೆಸರಿನ ಶೋಕ್ಕೆ ಸೃಜನ್ ಲೋಕೇಶ್ ಸೂತ್ರಧಾರ.
Colors Kananda: ಹೆಸರು ಕೇಳಿ ಇದೇನು ಮಾಫಿಯಾ ಕುರಿತ ಶೋನಾ ಅಂತ ತಲೆ ಕೆಡಿಸಿಕೊಳ್ಳಬೇಡಿ. ಯಾಕಂದ್ರೆ ಕಲರ್ಸ್ ಕನ್ನಡದ ಹೊಚ್ಚ ಹೊಸ ಶೋ 'ಫ್ಯಾಮಿಲಿ ಗ್ಯಾಂಗ್ ಸ್ಟಾರ್ಸ್' (Family Gangstars) ಇಲ್ಲಿರೋದು ಗ್ಯಾಂಗ್ ಮತ್ತು ಸ್ಟಾರ್ಸ್ ಅಷ್ಟೇ! ನಿಮ್ಮ ವಾರಾಂತ್ಯಗಳ ಖುಷಿ ಹೆಚ್ಚಿಸಲಿರುವ ಈ ಹೊಸ ಗೇಮ್ ಶೋ ಇದೇ ಶನಿವಾರ ಅಂದರೆ ಜೂನ್ 10ರಂದು ಶುರುವಾಗಲಿದೆ. ಪ್ರತಿ ಶನಿವಾರ ಮತ್ತು ಭಾನುವಾರ ರಾತ್ರಿ 9 ಗಂಟೆಗೆ ಈ ಶೋ ಪ್ರಸಾರಗೊಳ್ಳಲಿದೆ.
ಆಟ ಮತ್ತು ಮನರಂಜನೆಯ ಹದವಾದ ಮಿಶ್ರಣ ಈ ಹೊಸ ಶೋ 'ಫ್ಯಾಮಿಲಿ ಗ್ಯಾಂಗ್ ಸ್ಟಾರ್ಸ್'. ಇದರಲ್ಲಿ ಪಾಲ್ಗೊಳ್ಳಲಿರುವ ಫ್ಯಾಮಿಲಿಗಳು ನಿಮಗೆ ಈಗಾಗಲೇ ಚಿರಪರಿಚಿತವಾಗಿರುವ ಧಾರಾವಾಹಿ ಫ್ಯಾಮಿಲಿಗಳೇ. ನಿಮ್ಮ ಮೆಚ್ಚಿನ ನಟ ನಟಿಯರು ಹಲವು ಮೋಜಿನ ಪಂದ್ಯಗಳನ್ನು ಅಡಿ ನಿಮ್ಮ ಮನ ತಣಿಸಲಿದ್ದಾರೆ. ಆಟಗಾರರನ್ನು ಹುರಿದುಂಬಿಸಲು ಆಯಾ ಧಾರಾವಾಹಿಗಳ ಅಭಿಮಾನಿಗಳೂ ಅಲ್ಲಿರುತ್ತಾರೆ. ಒಟ್ಟಾರೆ ಹಬ್ಬದ ವಾತಾವರಣವೊಂದು ಸೃಷ್ಟಿಯಾಗಲಿದ್ದು ಅದು ಟೀವಿ ವೀಕ್ಷಕರನ್ನೂ ತನ್ನ ತೆಕ್ಕೆಗೆ ಎಳೆದುಕೊಳ್ಳುವುದು ಖಚಿತ.
ಇದನ್ನೂ ಓದಿ: ಸದ್ದಿಲ್ಲದೆ ನಟಿಯನ್ನು ರಿಜಿಸ್ಟರ್‌ ಮದುವೆಯಾದ ಕಾಮಿಡಿ ಕಿಲಾಡಿ ಸಂಜು ಬಸಯ್ಯ; ಈ ಜೋಡಿಯದ್ದು ಏಳೆಂಟು ವರ್ಷಗಳ ಪ್ರೀತಿ!
ಮೊದಲ ವಾರ 'ಫ್ಯಾಮಿಲಿ ಗ್ಯಾಂಗ್ ಸ್ಟಾರ್ಸ್' ಶೋ ವರ್ಣರಂಜಿತವಾಗಿ ಆರಂಭಗೊಳ್ಳಲಿದ್ದು, ಮುಂದಿನ ವಾರದಿಂದ ಎರೆಡೆರಡು ಪಂದ್ಯಗಳನ್ನು ನೀವು ವೀಕ್ಷಿಸಬಹುದು. ಆಟ ಆಡೋರು ಯಾರು ಅಂತ ಗೊತ್ತಾಯಿತು, ಆದರೆ ಆಟ ಆಡಿಸೋರೂ ಅಷ್ಟೇ ಮುಖ್ಯವಲ್ಲವೆ? ನಿಮ್ಮ ನೆಚ್ಚಿನ ಸೃಜನ್ ಲೋಕೇಶ್ ಈ ಶೋನ ಸೂತ್ರಧಾರ. ತಮ್ಮ ಚಮತ್ಕಾರಿ ಮಾತು ಮತ್ತು ಕಾಲೆಳೆಯುವ ಶೈಲಿಯಿಂದ ಸೃಜನ್ ಈ ಶೋಗೆ ಮತ್ತಷ್ಟು ರಂಗೇರಿಸುವುದರಲ್ಲಿ ಅನುಮಾನವಿಲ್ಲ.
ಈ ಗೇಮ್ ಶೋನಲ್ಲಿ ಭಾಗವಹಿಸಲು ಭಾಗ್ಯಲಕ್ಷ್ಮಿ, ತ್ರಿಪುರ ಸುಂದರಿ, ಕೆಂಡಸಂಪಿಗೆ, ಅಂತರಪಟ, ಗೀತಾ, ರಾಮಾಚಾರಿ , ರಾಜ ರಾಣಿ, ನನ್ನಮ್ಮ ಸೂಪರ್ ಸ್ಟಾರ್, ಡಾನ್ಸಿಂಗ್ ಚಾಂಪಿಯನ್ ಹಾಗೂ ಗಿಚ್ಚಿ ಗಿಲಿಗಿಲಿ ತಂಡಗಳು ಸಜ್ಜಾಗಿ ಕಾತುರದಿಂದ ಕಾಯುತ್ತಿವೆ. ಆರಂಭಿಕ ಸುತ್ತಿನಲ್ಲಿ ಸೆಣೆಸಿದ ನಂತರ ಚೆನ್ನಾಗಿ ಆಡಿದ ತಂಡಗಳು ಅಂತಿಮ ಸುತ್ತನ್ನು ತಲುಪಲಿವೆ. ಕೊನೆಗೆ ಒಂದು ತಂಡ ಸೀಸನ್ ಗೆದ್ದು ಚಾಂಪಿಯನ್ ಎನಿಸಿಕೊಳ್ಳಲಿದೆ.
ಇದನ್ನೂ ಓದಿ: ಜೀವನ ಏರು ಪೇರಿನ ಗಾಯನ; ಹಿರಿಯ ನಟಿ, ರಂಗಭೂಮಿ ಕಲಾವಿದೆ ಪದ್ಮಶ್ರೀ ಪುರಸ್ಕೃತೆ ಬಿ ಜಯಶ್ರೀ 73ನೇ ಜನ್ಮದಿನ
ಕಲರ್ಸ್ ಕನ್ನಡ ವಾಹಿನಿಯ ಬಿಜಿನೆಸ್ ಹೆಡ್ ಪ್ರಶಾಂತ್ ನಾಯಕ್ ಪ್ರಕಾರ “ಇದು ಕಲರ್ಸ್ ಫ್ಯಾಮಿಲಿ ಮಂದಿಯೆಲ್ಲ ಒಟ್ಟು ಸೇರಿ ಆಟ ಆಡುವ ಹೊಸ ಶೋ. 'ಫ್ಯಾಮಿಲಿ ಗ್ಯಾಂಗ್ ಸ್ಟಾರ್ಸ್' ಕರ್ನಾಟಕದ ಎಲ್ಲ ವೀಕ್ಷಕರಿಗೆ ಇಷ್ಟವಾಗುತ್ತದೆ ಎಂಬುದರಲ್ಲಿ ಯಾವುದೇ ಅನುಮಾನವಿಲ್ಲ. ನಿಮ್ಮ ವಾರಾಂತ್ಯಗಳಿಗೆ ಈ ಶೋ ಇನ್ನಷ್ಟು ಮನರಂಜನೆಯನ್ನು ಸೇರಿಸಲಿದೆ. ಈಗ ವಾರಾಂತ್ಯಕ್ಕಾಗಿ ಚಡಪಡಿಸುತ್ತಾ ಕಾಯುವ ಸರದಿ ನೋಡುಗರಾದ ನಿಮ್ಮದು.
