Jodi No 1: ಪತ್ನಿಯೇ ಪರದೈವ; ಸುನೇತ್ರಾ ಪಂಡಿತ್ ಪಾದಪೂಜೆ ಮಾಡಿದ ನಟ ರಮೇಶ್‌ ಪಂಡಿತ್
ಜೀ ಕನ್ನಡದ ರಿಯಾಲಿಟಿ ಶೋ ಜೋಡಿ ನಂ 1 ವೇದಿಕೆಯಲ್ಲಿ ನಟಿ ಸುನೇತ್ರಾ ಪಂಡಿತ್‌ಗೆ ಪತಿ, ಹಿರಿಯ ನಟ ರಮೇಶ್‌ ಪಂಡಿತ್ ಪಾದಪೂಜೆ ಮಾಡಿದ್ದಾರೆ.
ಕೆಲವು ದಿನಗಳ ಹಿಂದಷ್ಟೇ ಜೀ ಕನ್ನಡದಲ್ಲಿ ಜೋಡಿ ನಂ 1 ಸೀಸನ್‌ 2 ಪ್ರಸಾರ ಆರಂಭಿಸಿದೆ. ಸೆಲೆಬ್ರಿಟಿ ಜೋಡಿಗಳು ಕಾರ್ಯಕ್ರಮದ ವೇದಿಕೆ ಮೇಲೆ ವಿವಿಧ ಟಾಸ್ಕ್‌ ಎದುರಿಸುತ್ತಾ ಕಿರುತೆರೆ ವೀಕ್ಷಕರಿಗೆ ಮನರಂಜನೆ ನೀಡುತ್ತಿದ್ದಾರೆ. ಕಾರ್ಯಕ್ರಮದಲ್ಲಿ ನಟ ರಮೇಶ್‌ ಪಂಡಿತ್, ಪತ್ನಿ ಸುನೇತ್ರಾ ಪಂಡಿತ್‌ಗೆ ಪಾದ ಪೂಜೆ ಮಾಡಿ ಗಮನ ಸೆಳೆದಿದ್ದಾರೆ.
ತಾಳಿ ಬಿಟ್ಟು ಬೇರೆ ಚಿನ್ನ ಕೊಟ್ಟಿಲ್ಲ
2022ರ ಅನುಬಂಧ ಅವಾರ್ಡ್‌ ಕಾರ್ಯಕ್ರಮದಲ್ಲಿ ನಿರ್ದೇಶಕ ರಾಮ್‌ ಜಿ ವೇದಿಕೆ ಮೆಲೆಯೇ ತಮ್ಮ ಪತ್ನಿ ಕಾಲಿಗೆ ಬಿದ್ದು ನಮಸ್ಕರಿಸಿದ್ದರು. ಇದೀಗ ಜೋಡಿ ನಂ 1 ವೇದಿಕೆಯಲ್ಲಿ ನಟಿ ಸುನೇತ್ರಾ ಪಂಡಿತ್‌ಗೆ ನಟ ರಮೇಶ್‌ ಪಂಡಿತ್ ಪಾದಪೂಜೆ ಮಾಡಿದ್ದಾರೆ. ತುಂಬಾ ಕನಸು ಕಟ್ಟಿಕೊಟ್ಟಂತ ಹುಡುಗಿ ನೀನು. ನಿನಗೆ ಕಟ್ಟಿರುವ ತಾಳಿ ಹೊರತುಪಡಿಸಿ ನಿನಗೆ ಬೇರೆ ಯಾವ ಚಿನ್ನವೂ ಕೊಟ್ಟಿಲ್ಲ. ನಾನು ನಿನಗೆ ಒಂದು ಕಾಣಿಕೆ ಕೊಡುತ್ತೇನೆ ಎಂದು ಹೇಳುತ್ತಾ ರಮೇಶ್‌ ಪಂಡಿತ್ ಸುನೇಂದ್ರ ಪಾದಪೂಜೆ ಮಾಡುತ್ತಾರೆ. ಸುನಂದಾ ಮುಜುಗರದಿಂದಲೇ ಪತಿಯಿಂದ ಪಾದ ತೊಳೆಸಿಕೊಳ್ಳುತ್ತಾರೆ. ಭಾವುಕರಾದ ಸುನೇತ್ರ ಪತಿಗೆ ಉಂಗುರ ತೊಡಿಸಿ ಐ ಲವ್‌ ಯೂ ಹೇಳುತ್ತಾರೆ.
ರಮೇಶ್‌ ಪಂಡಿತ್, ಸುನೇತ್ರಾಗೆ ಪಾದಪೂಜೆ ಮಾಡಿದ್ದನ್ನು ನೋಡಿ ಎಲ್ಲರೂ ಆಶ್ಚರ್ಯ ವ್ಯಕ್ತಪಡಿಸುತ್ತಾರೆ. ಜೊತೆಗೆ ಭಾವುಕರಾಗುತ್ತಾರೆ. ಕಾರ್ಯಕ್ರಮಕ್ಕೆ ಅತಿಥಿಯಾಗಿ ಬಂದಿದ್ದ ವಿನೋದ್‌ ಪ್ರಭಾಕರ್‌ ಪತ್ನಿ ನಿಶಾ ಮಾತನಾಡಿ, ಈ ರೀತಿ ಗಂಡ ತನ್ನ ಹೆಂಡತಿಗೆ ಪಾದ ಪೂಜೆ ಮಾಡುವುದು ಸುಲಭದ ಮಾತಲ್ಲ. ನೀವು ಎಲ್ಲಾರಿಗೂ ಸ್ಪೂರ್ತಿ ಎಂದು ಹೊಗಳಿದ್ದಾರೆ. ಮಾಳವಿಕಾ ಅವಿನಾಶ್‌ ಪ್ರತಿಕ್ರಿಯಿಸಿ ನಾನು ಈ ಕಾರ್ಯಕ್ರಮಕ್ಕೆ ಜೋಡಿಯಾಗಿ ಬರಬೇಕಿತ್ತು ಎನ್ನುತ್ತಾರೆ.
ಸ್ಯಾಂಡಲ್ವುಡ್ , ಕಿರುತೆರೆಯಲ್ಲಿ ಸಕ್ರಿಯರಾಗಿರುವ ಜೋಡಿ
ಸುನೇತ್ರಾ ಪಂಡಿತ್ ಕನ್ನಡ ಚಿತ್ರರಂಗದಲ್ಲಿ ನಟಿಯಾಗಿ ಮಾತ್ರವಲ್ಲದೆ ಕಂಠದಾನ ಕಲಾವಿದೆಯಾಗಿ ಕೂಡಾ ಗುರುತಿಸಿಕೊಂಡಿದ್ದಾರೆ. ಕಿರುತೆರೆಯಲ್ಲೂ ಸುನೇತ್ರಾ ನಟಿಸಿದ್ದು ಭಾಗ್ಯಲಕ್ಷ್ಮಿ ಧಾರಾವಾಹಿಯಲ್ಲಿ ಸುಂದರಿ ಪಾತ್ರದಲ್ಲಿ ನಟಿಸಿದ್ದಾರೆ. ರಮೇಶ್‌ ಪಂಡಿತ್ ಕೂಡಾ ಸಿನಿಮಾ, ಧಾರಾವಾಹಿಗಳಲ್ಲಿ ಸಕ್ರಿಯರಾಗಿದ್ದಾರೆ. ಸದ್ಯಕ್ಕೆ ಜೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯಲ್ಲಿ ಪುಟ್ಟಕ್ಕನ ಪತಿ ಗೋಪಾಲಕೃಷ್ಣ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.
ಜೋಡಿ ನಂ 1 ಕಾರ್ಯಕ್ರಮದಲ್ಲಿ ಪಾಪಾ ಪಾಂಡು ಖ್ಯಾತಿಯ ಚಿದಾನಂದ್‌, ಗಾಯಕ ಗಣೇಶ್‌ ಕಾರಂತ್‌, ಯಶ್‌ವಂತ್‌ ಸರ್‌ ದೇಶಪಾಂಡೆ, ಸಂಜು ಬಸಯ್ಯ ಹಾಗೂ ಇನ್ನಿತರರು ತಮ್ಮ ತಮ್ಮ ಜೋಡಿಗಳೊಂದಿಗೆ ಭಾಗವಹಿಸುತ್ತಿದ್ದಾರೆ.
