Swetha Changappa: ಸಾಗರ ತೀರದಲ್ಲಿ ಪತಿ ಕಿರಣ್‌ ಅಪ್ಪಚ್ಚು ಜೊತೆ ನಟಿ ಶ್ವೇತಾ ಚಂಗಪ್ಪ ರೊಮ್ಯಾನ್ಸ್‌; ಸೂಪರ್‌ ಜೋಡಿ ಎಂದ ನೆಟಿಜನ್ಸ್‌
ವಿಕ್ರಮ್‌ ರವಿಚಂದ್ರನ್‌ ಅಭಿನಯದ ತ್ರಿವಿಕ್ರಮ ಚಿತ್ರದ ಸಂಜಿತ್‌ ಹೆಗ್ಡೆ ಹಾಡಿರುವ ನಿನ್ನೆ ತನಕ.. ಹಾಡಿಗೆ ಶ್ವೇತಾ ಚಂಗಪ್ಪ ಹಾಗೂ ಪತಿ ಕಿರಣ್‌ ರೀಲ್ಸ್‌ ಮಾಡಿದ್ದಾರೆ. ಕಳೆದ ವಾರ ಶ್ವೇತಾ ಹಾಗೂ ಕಿರಣ್‌ ವಿವಾಹ ವಾರ್ಷಿಕೋತ್ಸವ ಆಚರಿಸಿಕೊಂಡಿದ್ದರು. ಅಂದು ಸೆರೆ ಹಿಡಿದ ವಿಡಿಯೋವನ್ನು ಶ್ವೇತಾ ಚಂಗಪ್ಪ 2 ದಿನಗಳ ಹಿಂದೆ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ.
ಶ್ವೇತಾ ಚಂಗಪ್ಪ ನಟಿಯಾಗಿ , ನಿರೂಪಕಿಯಾಗಿ ಗುರುತಿಸಿಕೊಂಡಿದ್ದಾರೆ. ಕಿರುತೆರೆ ಧಾರಾವಾಹಿ ಮಾತ್ರವಲ್ಲದೆ ಬೆಳ್ಳಿತೆರೆಯಲ್ಲಿ ಕೂಡಾ ಅವರು ನಟಿಯಾಗಿ ಮಿಂಚಿದ್ದಾರೆ. ಅನೇಕ ಕಾರ್ಯಕ್ರಮಗಳಿಗೆ ನಿರೂಪಣೆ ಕೂಡಾ ಮಾಡಿದ್ದಾರೆ. ಸೋಷಿಯಲ್‌ ಮೀಡಿಯಾದಲ್ಲಿ ಹೆಚ್ಚು ಆಕ್ಟಿವ್‌ ಇರುವ ಶ್ವೇತಾ, ಅಭಿಮಾನಿಗಳೊಂದಿಗೆ ಫೋಟೋ, ವಿಡಿಯೋಗಳನ್ನು ಹಂಚಿಕೊಳ್ಳುತ್ತಾ ಬಂದಿದ್ದಾರೆ.
ಶ್ವೇತಾ ಚಂಗಪ್ಪ ತಮ್ಮ ಪತಿ ಕಿರಣ್‌ ಅಪ್ಪಚ್ಚು ಜೊತೆ ಸಮುದ್ರ ತೀರದಲ್ಲಿ ರೀಲ್ಸ್‌ ಮಾಡಿರುವ ವಿಡಿಯೋವನ್ನು ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ವಿಕ್ರಮ್‌ ರವಿಚಂದ್ರನ್‌ ಅಭಿನಯದ ತ್ರಿವಿಕ್ರಮ ಚಿತ್ರದ ಸಂಜಿತ್‌ ಹೆಗ್ಡೆ ಹಾಡಿರುವ ನಿನ್ನೆ ತನಕ.. ಹಾಡಿಗೆ ಶ್ವೇತಾ ಚಂಗಪ್ಪ ಹಾಗೂ ಪತಿ ಕಿರಣ್‌ ರೀಲ್ಸ್‌ ಮಾಡಿದ್ದಾರೆ. ಕಳೆದ ವಾರ ಶ್ವೇತಾ ಹಾಗೂ ಕಿರಣ್‌ ವಿವಾಹ ವಾರ್ಷಿಕೋತ್ಸವ ಆಚರಿಸಿಕೊಂಡಿದ್ದರು. ಅಂದು ಸೆರೆ ಹಿಡಿದ ವಿಡಿಯೋವನ್ನು ಶ್ವೇತಾ ಚಂಗಪ್ಪ 2 ದಿನಗಳ ಹಿಂದೆ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ನನ್ನ ಜೀವನದ ಭಾಗವಾಗಿದ್ದಕ್ಕೆ ಧನ್ಯವಾದಗಳು ಎಂದು ಶ್ವೇತಾ, ತಮ್ಮ ಪತಿಗೆ ಥ್ಯಾಂಕ್ಸ್‌ ಹೇಳಿದ್ದಾರೆ. ಈ ವಿಡಿಯೋಗೆ ನೆಟಿಜನ್ಸ್‌ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಹೀಗೇ ನೂರು ಕಾಲ ಜೊತೆಯಾಗಿ ಸಂತೋಷದಿಂದ ಬಾಳಿ ಎಂದು ಹಾರೈಸುತ್ತಿದ್ದಾರೆ. ಶ್ವೇತಾ ಹಾಗೂ ಕಿರಣ್‌ ದಂಪತಿಗೆ ಜಿಯಾನ್‌ ಅಯ್ಯಪ್ಪ ಎಂಬ ಮಗ ಇದ್ದಾನೆ.
ಸುಮತಿ ಧಾರಾವಾಹಿ ಮೂಲಕ ನಟನೆಗೆ ಬಂದ ಚೆಲುವೆ
ಕೊಡಗಿನ ಸೋಮವಾರಪೇಟೆ ಮೂಲದ ಶ್ವೇತಾ ಚಂಗಪ್ಪ ಎಸ್. ನಾರಾಯಣ್‌ ನಿರ್ದೇಶನದ ಸುಮತಿ ಧಾರಾವಾಹಿ ಮೂಲಕ ನಟನೆಗೆ ಬಂದರು. 2003 ರಿಂದ 2005ವರೆಗೆ ಈ ಧಾರಾವಾಹಿ ಉದಯ ಟಿವಿಯಲ್ಲಿ ಪ್ರಸಾರವಾಗಿತ್ತು. ಶ್ವೇತಾ, ಮೊದಲ ಧಾರಾವಾಹಿಯಲ್ಲೇ ರಾಜ್ಯದ ಹೆಂಗಳೆಯರ ಮನಸ್ಸು ಗೆದ್ದಿದ್ದರು. ಇದಾದ ನಂತರ ಮತ್ತೆ ಕಾದಂಬರಿ ಧಾರಾವಾಹಿ ಮೂಲಕ ಕಿರುತೆರೆಪ್ರಿಯರಿಗೆ ಮತ್ತಷ್ಟು ಹತ್ತಿರವಾದರು. ಸುಕನ್ಯಾ, ಅರುಂಧತಿ ಧಾರಾವಾಹಿಗಳಲ್ಲಿ ನಟಿಸಿದ ಶ್ವೇತಾ ಚಂಗಪ್ಪ ಜೀ ಕನ್ನಡದಲ್ಲಿ ಪ್ರಸಾರವಾಗುತ್ತಿದ್ದ ಯಾರಿಗುಂಟು ಯಾರಿಗಿಲ್ಲ ರಿಯಾಲಿಟಿ ಶೋ ಮೂಲಕ ನಿರೂಪಕಿಯಾಗಿ ಕೂಡಾ ಗುರುತಿಸಿಕೊಂಡರು.
ಕುಣಿಯೋಣು ಬಾರಾ, ಡ್ಯಾನ್ಸ್‌ ಡ್ಯಾನ್ಸ್‌ ಜ್ಯೂನಿಯರ್ಸ್‌, ಡ್ಯಾನ್ಸಿಂಗ್‌ ಸ್ಟಾರ್‌, ಜೋಡಿ ನಂಬರ್‌ 1 ಸೇರಿ ಅನೇಕ ರಿಯಾಲಿಟಿ ಶೋಗಳನ್ನು ಶ್ವೇತಾ ನಿರೂಪಿಸಿದ್ದಾರೆ. ಮಜಾ ಟಾಕೀಸ್‌ನಲ್ಲಿ ಸೃಜನ್‌ ಲೋಕೇಶ್‌ ಪತ್ನಿ ರಾಣಿ ಪಾತ್ರದಲ್ಲಿ ಜನರಿಗೆ ಕಾಮಿಡಿ ಕಚಗುಳಿ ನೀಡಿದ್ದಾರೆ. ಬಿಗ್‌ ಬಾಸ್‌ ಸೀಸನ್‌ 2ರಲ್ಲಿ ಶ್ವೇತಾ ಚಂಗಪ್ಪ ಸ್ಪರ್ಧಿಯಾಗಿ ಭಾಗವಹಿಸಿದ್ದರು. ತಂಗಿಗಾಗಿ, ವರ್ಷ, ವೇದ ಸೇರಿ ಕೆಲವೊಂದು ಸಿನಿಮಾಗಳಲ್ಲಿ ಶ್ವೇತಾ ಚಂಗಪ್ಪ ನಟಿಸಿದ್ದಾರೆ. ಸದ್ಯಕ್ಕೆ ಜೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಚೋಟಾ ಚಾಂಪಿಯನ್‌ ಕಾರ್ಯಕ್ರಮವನ್ನು ಶ್ವೇತಾ ಚಂಗಪ್ಪ ನಿರೂಪಣೆ ಮಾಡುತ್ತಿದ್ದಾರೆ.
