ಆಹ್ವಾನದ ಮೇರೆಗೆ ಶ್ರೇಷ್ಠಾ ಓನರ್‌ ಮನೆಗೆ ಬಂದ ಭಾಗ್ಯಾ, ಇನ್ನಾದ್ರೂ ಸತ್ಯ ಹೊರಗೆ ಬರುತ್ತಾ; ಭಾಗ್ಯಲಕ್ಷ್ಮೀ ಧಾರಾವಾಹಿ

Bhagyalakshmi Serial: ಭಾಗ್ಯಾ ವೈವಾಹಿಕ ಜೀವನ ಹಳಿ ತಪ್ಪಿದೆ, ಅದನ್ನು ಸರಿ ಮಾಡಲು ಭಾಗ್ಯಾ ಆತ್ಮೀಯರು ಪ್ರಯತ್ನ ಮಾಡುತ್ತಿದ್ದಾರೆ. ಕುಸುಮಾ, ಧರ್ಮರಾಜ್‌ ಮಗನಿಗೆ ಬುದ್ಧಿ ಹೇಳುತ್ತಿದ್ದಾರೆ. ಜೊತೆಗೆ ತಂಗಿ ಪೂಜಾ, ಸಹೋದ್ಯೋಗಿ ಹಿತಾ, ತಾಂಡವ್‌ ನಕಲಿ ತಾಯಿ ಸುಂದ್ರಿ ಎಲ್ಲರೂ ಪ್ರಯತ್ನಿಸುತ್ತಿದ್ದಾರೆ. ಎಲ್ಲರೂ ಭಾಗ್ಯಾ ಪರ ನಿಂತಿದ್ದಾರೆ.

ಶ್ರೇಷ್ಠಾ ಕೊಬ್ಬು ಇಳಿಸಲು ಮುಂದಾದ ಹಿತಾ, ಪೂಜಾ

ಶ್ರೇಷ್ಠಾ ಹಾಗೂ ತಾಂಡವ್‌ ಆಗ್ಗಾಗ್ಗೆ ಜೊತೆಯಾಗಿ ಸುತ್ತಾಡುವುದು ಭಾಗ್ಯಾ ಗಮನಕ್ಕೂ ಬಂದಿದೆ. ಆದರೂ ಭಾಗ್ಯಾಗೆ ಇನ್ನೂ ಸತ್ಯ ತಿಳಿದಿಲ್ಲ. ಅವರಿಬ್ಬರೂ ಒಳ್ಳೆ ಸ್ನೇಹಿತರು ಎಂದು ಸುಮ್ಮನಿದ್ದಾಳೆ. ಆದರೆ ಶ್ರೇಷ್ಠಾ, ಲಕ್ಷ್ಮೀ ಮದುವೆಯಲ್ಲಿ ಹಣ ಕದ್ದ ವಿಚಾರ ತಿಳಿದಾಗಿನಿಂದ ಭಾಗ್ಯಾಗೆ ಆಕೆಯ ಬಗ್ಗೆ ಕೋಪವಿದೆ. ಅದೇ ಕಾರಣಕ್ಕೆ ಅವಳಿಂದ ದೂರ ಇರುವಂತೆ ತಾಂಡವ್‌ಗೆ ಎಚ್ಚರಿಕೆ ನೀಡಿದ್ದಾಳೆ. ಫೋಟೋಶೂಟ್‌ನಲ್ಲಿ, ಮದುವೆ ಧಾರೆ ಸೀರೆ ತೆಗೆದುಕೊಳ್ಳುವಾಗ ರೆಡ್‌ ಹ್ಯಾಂಡ್‌ ಆಗಿ ಸಿಕ್ಕಿ ಬಿದ್ದಾಗ ಅಂಗಡಿಯಲ್ಲೇ ಭಾಗ್ಯಾ ಇಬ್ಬರಿಗೂ ಎಚ್ಚರಿಕೆ ನೀಡುತ್ತಾಳೆ. ಅಷ್ಟೆಲ್ಲಾ ಆದ ನಂತರವೂ ಮತ್ತೆ ಶ್ರೇಷ್ಠಾ, ತಾಂಡವ್‌ಗೆ ಕರೆ ಮಾಡಿದಾಗ ಆ ಕರೆಯನ್ನು ಭಾಗ್ಯಾ ಸ್ವೀಕರಿಸಿ ಆಗಲೂ ಶ್ರೇಷ್ಠಾಗೆ ತನ್ನ ಗಂಡನಿಂದ ದೂರ ಇರುವಂತೆ ಹೇಳುತ್ತಾಳೆ. ಕುಸುಮಾ, ತನ್ವಿಗೆ ಹೇಳಿ ತಾಂಡವ್‌ ಮೊಬೈಲ್‌ನಿಂದ ಶ್ರೇಷ್ಠಾ ನಂಬರ್‌ ಬ್ಲಾಕ್‌ ಮಾಡಿಸುತ್ತಾಳೆ.

ಇದನ್ನೂ ಓದಿ: ಕನ್ನಡ ನಟಿ ಪ್ರಿಯಾಂಕ ಮಲ್ನಾಡ್‌ ಕಾರು ಅಪಘಾತ; ಕೇರಳದ ಶ್ರೀ ಪದ್ಮನಾಭ ಸ್ವಾಮಿ ದೇಗುಲದಿಂದ ಹಿಂತುರುಗುವ ವೇಳೆ ಅವಘಡ

ಹೇಗಾದರೂ ಮಾಡಿ ಭಾಗ್ಯಾಗೆ ಪರೋಕ್ಷವಾಗಿ ಶ್ರೇಷ್ಠಾ ಹಾಗೂ ತಾಂಡವ್‌ ವಿಚಾರ ತಿಳಿಸಬೇಕೆಂದು ನಿರ್ಧರಿಸುವ ಹಿತಾ, ಪೂಜಾ ಇಬ್ಬರೂ ಸೇರಿ ಒಂದು ಪ್ಲ್ಯಾನ್‌ ಮಾಡುತ್ತಾರೆ. ಭಾಗ್ಯಾಗಾಗಿ ಹಿತಾ ಚೀನೀ ಗುರುಗಳಂತೆ ವೇಷ ಹಾಕುತ್ತಾಳೆ. ಜಾತಕದಲ್ಲಿರುವ ಸಮಸ್ಯೆಗೆ ಪರಿಹಾರ ದೊರಕಿಸುವಂತೆ ಸುಳ್ಳು ಹೇಳಿ ಸುಂದ್ರಿ , ಶ್ರೇಷ್ಠಾಳನ್ನು ಅಲ್ಲಿಗೆ ಕರೆ ತರುತ್ತಾಳೆ. ಮತ್ತೊಂದೆಡೆ ಪೂಜಾ, ಅಕ್ಕ ಭಾಗ್ಯಾ ಬಳಿ ತಾನು ಮಂತ್ರವಾದಿ ಬಳಿ ಹೋಗುತ್ತಿದ್ದೇನೆ ಎಂದು ಸುಳ್ಳು ಹೇಳಿ ಅವಳನ್ನು ಅಲ್ಲಿಗೆ ಬರುವಂತೆ ಮಾಡುತ್ತಾಳೆ.

ಶ್ರೇಷ್ಠಾ ಓನರ್‌ ಮನೆಗೆ ಬಂದ ಭಾಗ್ಯಾ

ಪೂಜಾಳನ್ನು ಮನೆಗೆ ಕರೆ ತರಲು ಭಾಗ್ಯಾ ಅವಳನ್ನು ಹುಡುಕಲು ಬರುವಾಗ ರಸ್ತೆ ಮಧ್ಯೆ ಶ್ರೇಷ್ಠಾ ಓನರ್‌ಗೆ ಅಪಘಾತವಾಗುತ್ತದೆ. ಅವರನ್ನು ನೋಡಿದ ಭಾಗ್ಯಾ ಅಕೆಯನ್ನು ಉಪಚಾರ ಮಾಡಿ, ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ಕೊಡಿಸಿ ಮನೆಗೆ ಬಿಡಲು ಬರುತ್ತಾಳೆ. ತನಗೆ ಸಹಾಯ ಮಾಡಿದ ಭಾಗ್ಯಾಳನ್ನು ಶ್ರೇಷ್ಠಾ ಮನೆ ಓನರ್‌ ಮನೆಗೆ ಕರೆಯುತ್ತಾಳೆ. ಅದು ಶ್ರೇಷ್ಠಾ ಬಾಡಿಗೆಗೆ ಇರುವ ಮನೆ ಎಂದು ತಿಳಿದು ಭಾಗ್ಯಾ ಶಾಕ್‌ ಆಗುತ್ತಾಳೆ. ಓನರ್‌ ಮೂಲಕವಾದರೂ ಭಾಗ್ಯಾಗೆ ಎಲ್ಲಾ ನಿಜ ತಿಳಿಯಲಿದೆಯಾ ಕಾದು ನೋಡಬೇಕು.

ಇದನ್ನೂ ಓದಿ: ಫಾರ್ಮ್‌ಹೌಸ್‌ ರಹಸ್ಯದ ಬೆನ್ನತ್ತಿದ ಶ್ರಾವಣಿ; ಸುಬ್ಬು ಮನೆಗೆ ಮತ್ತೆ ಬಂದ ಶ್ರೀವಲ್ಲಿ ಉದ್ದೇಶವೇನು? ಶ್ರಾವಣಿ ಸುಬ್ರಹ್ಮಣ್ಯ ಧಾರಾವಾಹಿ

ಪಾತ್ರ ಪರಿಚಯ

ಕುಸುಮಾ - ಪದ್ಮಜಾ ರಾವ್‌

ಧರ್ಮರಾಜ್‌ - ಶಶಿಧರ್‌ ಕೋಟೆ

ಭಾಗ್ಯಾ - ಸುಷ್ಮಾ ಕೆ ರಾವ್‌

ತಾಂಡವ್‌ ಸೂರ್ಯವಂಶಿ - ಸುದರ್ಶನ್‌ ರಂಗಪ್ರಸಾದ್‌

ಭಾಗ್ಯಾ ತಾಯಿ - ಸುನಿತಾ ಶೆಟ್ಟಿ

ಪೂಜಾ - ಆಶಾ ಅಯ್ಯನರ್‌

ಶ್ರೇಷ್ಠಾ - ಕಾವ್ಯಾ ಗೌಡ

ತನ್ವಿ - ಅಮೃತಾ ಗೌಡ

ಗುಂಡಣ್ಣ - ನಿಹಾರ್‌ ಗೌಡ

ಸುಂದರಿ - ಸುನೇತ್ರಾ ಪಂಡಿತ್‌

ಇದನ್ನೂ ಓದಿ: ಅಪ್ಪಿ ಕಣ್ಣೀರಿಗೆ ಕರಗದ ಭೂಮಿಕಾ, ಪ್ರೀತಿನ ತ್ಯಾಗ ಮಾಡಿ ಬದುಕಿದ್ದು ಸತ್ತಂತೆ ಇರ್ತಾರ ಪ್ರೇಮಿಗಳು; ಅಮೃತಧಾರೆ