Bhagyalakshmi Serial: ಡಿವೋರ್ಸ್‌ ವಿಚಾರ ಕೇಳಿ ತಲೆ ಸುತ್ತಿ ಬಿದ್ದ ಭಾಗ್ಯಾ, ಧರ್ಮರಾಜ್ ಆಸ್ಪತ್ರೆಯಿಂದ ನಾಪತ್ತೆ;ಭಾಗ್ಯಲಕ್ಷ್ಮೀ ಧಾರಾವಾಹಿ
Bhagyalakshmi Serial Today Episode: ಕಲರ್ಸ್‌ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಭಾಗ್ಯಲಕ್ಷ್ಮೀ ಧಾರಾವಾಹಿ ಫೆ. 5ರ ಸಂಚಿಕೆ ಹೀಗಿದೆ. ಡಿವೋರ್ಸ್‌ ಎಂಬ ಪದ ಕೇಳುತ್ತಿದ್ದಂತೆ ಭಾಗ್ಯಾ ತಲೆ ಸುತ್ತಿ ಬೀಳುತ್ತಾಳೆ. ಮಗ ಸೊಸೆಯ ಜೀವನ ಸರಿ ಮಾಡಲು ಧರ್ಮರಾಜ್ ತಾಂಡವ್‌ನನ್ನು ಭೇಟಿ ಆಗಲು ಹೊರಡುತ್ತಾರೆ.
Bhagyalakshmi Kannada Serial: ಭಾಗ್ಯಾಗೆ ಮಗ ತಾಂಡವ್‌ ಡಿವೋರ್ಸ್‌ ನೋಟಿಸ್‌ ಕಳಿಸಿರುವ ವಿಚಾರ ತಿಳಿದು ಧರ್ಮರಾಜ್‌ಗೆ ಪ್ರಜ್ಞೆ ತಪ್ಪುತ್ತದೆ. ಮಾವನನ್ನೇ ಹುಡುಕಿ ಬರುವ ಭಾಗ್ಯಾ ಧರ್ಮರಾಜ್ ರಸ್ತೆಯಲ್ಲಿ ಬಿದ್ದಿರುವುದನ್ನು ನೋಡಿ ಜನರ ಸಹಾಯದಿಂದ ಆಸ್ಪತ್ರೆಗೆ ಸೇರಿಸುತ್ತಾಳೆ. ವಿಚಾರ ತಿಳಿದ ಕುಸುಮಾ, ಸುನಂದಾ ಎಲ್ಲರೂ ಆಸ್ಪತ್ರೆಗೆ ಬರುತ್ತಾರೆ.
ಡಿವೋರ್ಸ್‌ ನೋಟಿಸ್‌ ವಿಚಾರ ಮುಚ್ಚಿಡುವ ಧರ್ಮರಾಜ್
ಧರ್ಮರಾಜ್‌ಗೆ ಚಿಕಿತ್ಸೆ ನೀಡುವ ವೈದ್ಯರು ಅವರನ್ನು ಜಾಗ್ರತೆಯಿಂದ ನೋಡಿಕೊಳ್ಳುವಂತೆ ಸಲಹೆ ನೀಡುತ್ತಾರೆ. ಧರ್ಮರಾಜ್‌ಗೆ ತಮ್ಮ ಆರೋಗ್ಯಕ್ಕಿಂತ ಸೊಸೆ ಜೀವನ ಚೆನ್ನಾಗಿರಬೇಕೆಂಬ ಆಸೆ. ಆದರೆ ಮಗನ ವರ್ತನೆಯಿಂದ ಧರ್ಮರಾಜ್ ಬೇಸರಗೊಳ್ಳುತ್ತಾರೆ. ನಮ್ಮಿಂದ ನಿನ್ನ ಜೀವನ ಹಾಳಾಯ್ತು ಎಂದು ಧರ್ಮರಾಜ್ ಗೋಳಾಡುತ್ತಾರೆ. ಮಾವನ ಮಾತುಗಳಿಂದ ಭಾಗ್ಯಾಗೆ ಅನುಮಾನ ಉಂಟಾಗುತ್ತದೆ. ನಿಮ್ಮಿಂದ ಜೀವನ ಹಾಳಾಯ್ತು ಎಂದರೆ ಏನು ಅರ್ಥ ಎಂದು ಎಲ್ಲರೂ ಕೇಳುತ್ತಾರೆ. ಆದರೆ ಧರ್ಮರಾಜ್, ಡಿವೋರ್ಸ್‌ ವಿಚಾರ ಯಾರಿಗೂ ತಿಳಿಯಬಾರದು ಎಂಬ ಕಾರಣಕ್ಕೆ ವಿಚಾರ ಮುಚ್ಚಿಡುತ್ತಾರೆ. ನಮ್ಮ ಮಗನಿಂದ ಸೊಸೆ ಜೀವನ ಹಾಳಾಗುತ್ತಿದೆ ಅದಕ್ಕೆ ಹಾಗೆ ಹೇಳಿದ್ದು ಎಂದು ಮಾತು ಮರೆಸುತ್ತಾರೆ.
ತಾಂಡವ್‌ ಎಲ್ಲಿದ್ದಾನೆ ಹೇಳು ನಾನು ಕರೆ ತರುತ್ತೇನೆ ಎಂದು ಧರ್ಮರಾಜ್ ಕುಸುಮಾಗೆ ಕೇಳುತ್ತಾರೆ. ಆದರೆ ತಾಂಡವ್‌ ಎಲ್ಲಿದ್ದಾನೆ ಎಂದು ಯಾರಿಗೂ ಗೊತ್ತಿಲ್ಲ. ಅವನು ಯಾರ ಮನೆಯಲ್ಲಿದ್ದಾನೆ ಗೊತ್ತಿಲ್ಲ. ಮನೆ ಬಿಟ್ಟು ಹೋಗುವಾಗ ಯಾರೂ ತಡೆದಿಲ್ಲ. ಒಂದು ವೇಳೆ ಅವನು ಸೊಸೆಗೆ ಡಿವೋರ್ಸ್‌ ಕೊಟ್ಟರೆ ಏನು ಗತಿ ಎಂದು ಧರ್ಮರಾಜ್ ಕಳವಳ ವ್ಯಕ್ತಪಡಿಸುತ್ತಾರೆ. ಧರ್ಮರಾಜ್ ಬಾಯಲ್ಲಿ ಡಿವೋರ್ಸ್‌ ಎಂಬ ಪದ ಕೇಳುತ್ತಿದ್ದಂತೆ ಭಾಗ್ಯಾ ತಲೆ ಸುತ್ತಿ ಬೀಳುತ್ತಾಳೆ. ನಂತರ ಎಲ್ಲರ ಆರೈಕೆಯಿಂದ ಭಾಗ್ಯಾ ಎಚ್ಚರಗೊಳ್ಳುತ್ತಾಳೆ. ಈಗ ಡಿವೋರ್ಸ್‌ ವಿಚಾರ ಏಕೆ ಎಂದು ಕುಸುಮಾ, ಧರ್ಮರಾಜ್ ಮೇಲೆ ರೇಗುತ್ತಾಳೆ. ಯಾವುದೇ ಕಾರಣಕ್ಕೂ ಈ ವಿಚಾರ ಯಾರಿಗೂ ತಿಳಿಯಬಾರದು, ಇದು ಇನ್ನಷ್ಟು ಬೆಳೆಯುವ ಮುನ್ನ ಇವರ ಸಂಸಾರ ಸರಿ ಮಾಡಬೇಕು ಎಂದು ಧರ್ಮರಾಜ್ ನಿರ್ಧರಿಸುತ್ತಾರೆ. ಯಾರಿಗೂ ತಿಳಿಯದಂತೆ ತಾಂಡವ್‌ನನ್ನು ಹುಡುಕಿ ಹೋಗುತ್ತಾರೆ. ಧರ್ಮರಾಜ್ ಆಸ್ಪತ್ರೆಯಲ್ಲಿ ಇಲ್ಲದನ್ನು ನೋಡಿ ಎಲ್ಲರೂ ಗಾಬರಿ ಆಗುತ್ತಾರೆ.
ಸುಂದರಿ-ಪೂಜಾ ಮುಖಾಮುಖಿ
ಇತ್ತ ಭಾಗ್ಯಾ ತಂಗಿ ಪೂಜಾ ಭಾವನನ್ನು ಹುಡುಕಿ ಶ್ರೇಷ್ಠಾ ಮನೆ ಬಳಿ ಹೋಗುತ್ತಾಳೆ. ಅದೇ ಸಮಯಕ್ಕೆ ಸುಂದರಿ ಕದ್ದ ಸ್ಕೂಟರನ್ನು ಶ್ರೇಷ್ಠಾ ಮನೆ ಬಳಿ ನಿಲ್ಲಿಸಲು ತರುತ್ತಾಳೆ. ಆಯ ತಪ್ಪಿ ಪೂಜಾಗೆ ಡಿಕ್ಕಿ ಹೊಡೆಯುತ್ತಾಳೆ. ಗಾಯಗೊಂಡ ಪೂಜಾ ಸುಂದರಿ ಬಳಿ ಹಣಕ್ಕಾಗಿ ಬೇಡಿಕೆ ಇಡುತ್ತಾಳೆ. ಆದರೆ ಸುಂದರಿ ಅದಕ್ಕೆ ಒಪ್ಪುವುದಿಲ್ಲ. ಸರಿ ನೀನು ಹಣ ಕೊಡಬೇಡ. ನಾನು ಹೇಗೆ ಪಡೆಯಬೇಕೋ ಹಾಗೇ ಪಡೆಯುತ್ತೇನೆ ಎಂದು ಪೊಲೀಸರಿಗೆ ಪೋನ್‌ ಮಾಡಲು ಪ್ರಯತ್ನಿಸುತ್ತಾಳೆ. ಪೊಲೀಸ್‌ ಹೆಸರು ಕೇಳುತ್ತಿದ್ದಂತೆ ಸುಂದರಿ ಗಾಬರಿ ಆಗುತ್ತಾಳೆ.
ಮಗ ಸೊಸೆಯ ಜೀವನ ಸರಿ ಮಾಡಲು ಧರ್ಮರಾಜ್ ತಾಂಡವ್‌ನನ್ನು ಭೇಟಿ ಮಾಡುತ್ತಾರಾ? ಸುಂದರಿ ಮೂಲಕ ಪೂಜಾಗೆ ಶ್ರೇಷ್ಠಾ, ತಾಂಡವ್‌ ಬಗ್ಗೆ ತಿಳಿಯುವುದಾ ಅನ್ನೋದು ಮುಂದಿನ ಎಪಿಸೋಡ್‌ಗಳಲ್ಲಿ ತಿಳಿಯಲಿದೆ.
