ಈ ಬಾರಿ ಟಾಪ್‌ 4 ರಲ್ಲಿ ಎರಡು ಧಾರಾವಾಹಿಗಳು; ಪುಟ್ಟಕ್ಕನ ಮಕ್ಕಳು ಯಾವ ಸ್ಥಾನದಲ್ಲಿದೆ ?
ಈ ಬಾರಿ ಶ್ರೀರಸ್ತು ಶುಭಮಸ್ತು 5ನೇ ಸ್ಥಾನಕ್ಕೆ ಏರಿದೆ. ಮಕ್ಕಳು ನಿಮ್ಮನ್ನು ಒಪ್ಪಿಕೊಳ್ಳುತ್ತಿಲ್ಲ , ದಯವಿಟ್ಟು ಮನೆ ಬಿಟ್ಟು ಹೋಗಿ ಎಂದು ಶಾರ್ವರಿ ಮಾತಿಗೆ ಬೇಸರಗೊಂಡ ತುಳಸಿ ಮನೆ ಬಿಟ್ಟು ಹೋಗುತ್ತಾಳೆ.
ಕಿರುತೆರೆಯಲ್ಲಿ ಸದ್ಯಕ್ಕೆ ಜೀ ಕನ್ನಡದ ಧಾರಾವಾಹಿಗಳು ಟಾಪ್‌ 5 ಸ್ಥಾನ ಅಲಂಕರಿಸಿದೆ. ಕಳೆದ ಕೆಲವು ತಿಂಗಳಿಂದ ಪುಟ್ಟಕ್ಕನ ಮಕ್ಕಳು ಮೊದಲ ಸ್ಥಾನದಲ್ಲಿದ್ದು ಇತರ ಧಾರಾವಾಹಿಗಳನ್ನು ಹಿಂದಿಕ್ಕಿ ನಂಬರ್‌ ಒನ್‌ ಸ್ಥಾನದಲ್ಲಿ ನಿಂತಿದೆ. ಉಳಿದ ಧಾರಾವಾಹಿಗಳು ಯಾವ ಸ್ಥಾನದಲ್ಲಿವೆ ಎಂಬುದರ ಬಗ್ಗೆ ಇಲ್ಲಿದೆ ಮಾಹಿತಿ.
1. ಪುಟ್ಟಕ್ಕನ ಮಕ್ಕಳು
13 ಡಿಸೆಂಬರ್‌ 2021 ರಂದು ಆರಂಭವಾದ ಪುಟ್ಟಕ್ಕನ ಮಕ್ಕಳು ಧಾರಾವಾಹಿ ಈಗ ಜೀ ಕನ್ನಡ ವೀಕ್ಷಕರ ಮೋಸ್ಟ್‌ ಫೇವರೆಟ್‌ ಸೀರಿಯಲ್‌ ಆಗಿದೆ. ಧಾರಾವಾಹಿ ಆರಂಭವಾದಾಗಿನಿಂದ ಇಲ್ಲಿವರೆಗೂ ಬಹಳ ಕುತೂಹಲ ಕಾಯ್ದುಕೊಂಡಿದೆ. ತನಗೆ ಬಲವಂತವಾಗಿ ತಾಳಿ ಕಟ್ಟಿದ್ದರಿಂದ ಸ್ನೇಹಾ, ಮತ್ತೆ ನಿಮ್ಮನ್ನು ಮದುವೆ ಆಗಬೇಕೆಂದು ಕಂಠಿಯನ್ನು ಕೇಳುತ್ತಾಳೆ. ಅದರಂತೆ ಇಬ್ಬರೂ ಮತ್ತೆ ಮದುವೆ ಆಗಿದ್ದಾರೆ.
2. ಸೀತಾರಾಮ
ಸೀತಾ ಇರುವ ವಠಾರದಲ್ಲಿ ಗಣೇಶ ಹಬ್ಬದ ಸಡಗರ ಜೋರಾಗಿದೆ. ಮುದ್ದು ಸಿಹಿ ವಠಾರದ ಮಕ್ಕಳೊಂದಿಗೆ ಗಣೇಶ ಹಬ್ಬ ಆಚರಿಸಲು ಮುಂದಾಗಿದ್ದಾಳೆ. ಜೊತೆಗೆ ಹೆಲಿಕಾಪ್ಟರ್‌ನಲ್ಲಿ ಹೋಗುವ ಆಸೆ ನೆರವೇರಿಸುವಂತೆ ಗಣೇಶನನ್ನು ಪ್ರಾರ್ಥಿಸಿ ಉಪವಾಸ ಕೂಡಾ ಆರಂಭಿಸಿದ್ದಾಳೆ.
3. ಗಟ್ಟಿಮೇಳ
ರಕ್ಷ, ನಿಶಾ ಕೃಷ್ಣ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಗಟ್ಟಿಮೇಳ ಧಾರಾವಾಹಿ ಇದಕ್ಕೂ ಮುನ್ನ 2ನೇ ಸ್ಥಾನದಲ್ಲಿತ್ತು. ಕಳೆದ ವಾರ ನಾಲ್ಕನೇ ಸ್ಥಾನದಲ್ಲಿತ್ತು. ಈಗ ಅಮೃತಧಾರೆಯನ್ನು ಹಿಂದಿಕ್ಕಿ ಮತ್ತೆ 3ನೇ ಸ್ಥಾನಕ್ಕೆ ಬಂದಿದೆ. ಸುಹಾಸಿನಿ ಫೋನಿನಲ್ಲಿ ಅಗ್ನಿ ಜೊತೆ ಮಾತನಾಡುವುದನ್ನು ವೈದೇಹಿ ಕೇಳಿಸಿಕೊಂಡು ಸುಹಾಸಿನಿ ಬಣ್ಣ ಬಯಲಾಗುವುದಾ ಎಂಬುದು ಇಂದಿನ ಎಪಿಸೋಡ್‌ನಲ್ಲಿ ತಿಳಿಯಲಿದೆ.
4. ಸತ್ಯ/ ಅಮೃತಧಾರೆ
ಈ ಬಾರಿ 2 ಧಾರಾವಾಹಿಗಳು 4ನೇ ಸ್ಥಾನ ಪಡೆದಿವೆ. ಸತ್ಯ ಹಾಗೂ ಅಮೃತಧಾರೆ ಧಾರಾವಾಹಿಗಳು ಟಾಪ್‌ 4ರಲ್ಲಿವೆ. ಸುಳ್ಳು ಹೇಳಿ ದಿವ್ಯಾಳನ್ನು ಮದುವೆ ಆದ ಬಾಲಾ ಈಗ ಸಂಪೂರ್ಣ ಬದಲಾಗಿದ್ದಾನೆ. ಆದರೆ ದಿವ್ಯ, ತಂಗಿ ಸತ್ಯ ತ್ಯಾಗ ಹಾಗೂ ಬಾಲಾ ಪ್ರೀತಿ ಇನ್ನೂ ಅರ್ಥವಾಗಿಲ್ಲ.
ಗಣೇಶ ಹಬ್ಬಕ್ಕೆ ತವರು ಮನೆಗೆ ಹೋಗುವ ಆಸೆಯನ್ನು ಭೂಮಿಕಾ ಶಕುಂತಲಾ ಮುಂದೆ ವ್ಯಕ್ತಪಡಿಸುತ್ತಾಳೆ. ಆದರೆ ಆಕೆ ನಿರಾಕರಿಸುತ್ತಾಳೆ.
5. ಶ್ರೀರಸ್ತು ಶುಭಮಸ್ತು
ಈ ಬಾರಿ ಶ್ರೀರಸ್ತು ಶುಭಮಸ್ತು 5ನೇ ಸ್ಥಾನಕ್ಕೆ ಏರಿದೆ. ಮಕ್ಕಳು ನಿಮ್ಮನ್ನು ಒಪ್ಪಿಕೊಳ್ಳುತ್ತಿಲ್ಲ , ದಯವಿಟ್ಟು ಮನೆ ಬಿಟ್ಟು ಹೋಗಿ ಎಂದು ಶಾರ್ವರಿ ಮಾತಿಗೆ ಬೇಸರಗೊಂಡ ತುಳಸಿ ಮನೆ ಬಿಟ್ಟು ಹೋಗುತ್ತಾಳೆ. ಆದರೆ ಮಾಧವ ಬಂದಾಗ, ಅಭಿ ಕೋಪದಿಂದ ತುಳಸಿಗೆ ಬೈದಿದ್ದರಿಂದ ಅವರು ಮನೆಬಿಟ್ಟು ಹೊರಟುಹೋದರು ಎಂದು ಸುಳ್ಳು ಹೇಳುತ್ತಾಳೆ. ಶಾರ್ವರಿ ಬಣ್ಣ ಬಯಲಿಗೆ ಬರುವುದಾ ಎಂಬುದು ಮುಂದಿನ ಎಪಿಸೋಡ್‌ಗಳಲ್ಲಿ ತಿಳಿಯಲಿದೆ.
ಹೆಚ್ಚಿನ ಮನರಂಜನೆ ಸುದ್ದಿಗೆ ಈ ಲಿಂಕ್‌ ಕ್ಲಿಕ್‌ ಮಾಡಿ
