ಬಿಗ್‌ ಬಾಸ್‌ ಸೀಸನ್‌ 10ರ ಮೊದಲ ಸ್ಪರ್ಧಿ ಚಾರ್ಲಿ; ಶುಭ ಕೋರಿದ ಸ್ನೇಹಿತರಾದ ಮ್ಯಾಕ್ಸ್‌, ಜಾಕ್‌, ಮ್ಯಾಗಿ
ಇತ್ತೀಚೆಗೆ ನಡೆದ ಅನುಬಂಧ ಅವಾರ್ಡ್ಸ್‌ ಕಾರ್ಯಕ್ರಮದ ವೇದಿಕೆಯಲ್ಲಿ ಚಾರ್ಲಿ, ಬಿಗ್‌ ಬಾಸ್‌ ಮನೆಗೆ ಹೋಗುತ್ತಿರುವ ವಿಚಾರವನ್ನು ಬಗ್ಗೆ ನಿರೂಪಕಿ ಅನುಪಮಾ ಅಧಿಕೃತವಾಗಿ ಅನೌನ್ಸ್‌ ಮಾಡಿದ್ದಾರೆ. ಈ ಸಮಯದಲ್ಲಿ ಚಿತ್ರದ ನಿರ್ದೇಶಕ ಕಿರಣ್‌ ರಾಜ್‌ ಕೆ ಕೂಡಾ ಹಾಜರಿದ್ದರು.
ಬಿಗ್‌ ಬಾಸ್‌ ಸೀಸನ್‌ 10ಕ್ಕೆ ದಿನಗಣನೆ ಆರಂಭವಾಗಿದೆ. ವಾಹಿನಿಯು ಈಗಾಗಲೇ ಪ್ರೋಮೋ ಹಂಚಿಕೊಂಡಿದ್ದು ಈ ಬಾರಿಯ ಬಿಗ್‌ ಬಾಸ್‌ ಶೋ ಬಹಳ ವಿಶೇಷವಾಗಿರಲಿದೆ ಎಂದು ಮಾಹಿತಿ ನೀಡಿದೆ. ಈ ಬಾರಿ ಸುದೀಪ್‌ ನಿರೂಪಣೆ ಮಾಡಲಿದ್ದಾರೋ ಇಲ್ಲವೋ ಎಂದು ಅನುಮಾನ ಪಡುತ್ತಿದ್ದವರಿಗೆ ವಾಹಿನಿ, ಸುದೀಪ್‌ ಪೋಸ್ಟರ್‌ ಹಂಚಿಕೊಳ್ಳುವ ಮೂಲಕ ರಿಲೀಫ್‌ ನೀಡಿದೆ.
ಬಿಗ್‌ ಬಾಸ್‌ ಶೋಗೆ ಹೋಗಲಿರುವ ಶ್ವಾನ
ಈ ಬಾರಿ ದೊಡ್ಮನೆಗೆ ಯಾರೆಲ್ಲಾ ಹೋಗಲಿದ್ದಾರೆ ಎಂಬ ಕುತೂಹಲ ವೀಕ್ಷಕರಿಗೆ ಕಾಡುತ್ತಿದೆ. ಈಗಾಗಲೇ ಕೆಲವೊಂದು ಹೆಸರುಗಳು ಕೂಡಾ ಕೇಳಿಬಂದಿದೆ. ಆದರೆ ವಾಹಿನಿಯು ಅಧಿಕೃತವಾಗಿ ಮೊದಲ ಸ್ಪರ್ಧಿಯ ಬಗ್ಗೆ ತನ್ನ ಅಧಿಕೃತ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದೆ. ಮೊದಲ ಸ್ಪರ್ಧಿ ಯಾರೆಂದು ತಿಳಿದು ಎಲ್ಲರೂ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. ಏಕೆಂದರೆ ಬಿಗ್‌ ಬಾಸ್‌ ಇತಿಹಾಸದಲ್ಲೇ ಮೊದಲ ಬಾರಿಗೆ ಶ್ವಾನವೊಂದು ದೊಡ್ಮನೆಯೊಳಗೆ ಸ್ಪರ್ಧಿಯಾಗಿ ಹೋಗುತ್ತಿದೆ. ರಕ್ಷಿತ್‌ ಶೆಟ್ಟಿ ಜೊತೆ ಚಾರ್ಲಿ 777 ಚಿತ್ರದಲ್ಲಿ ನಟಿಸಿದ್ದ ಶ್ವಾನ ಈ ಬಾರಿ ಬಿಗ್‌ ಬಾಸ್‌ ಮೊದಲ ಸ್ಪರ್ಧಿ.
ಅನುಬಂಧ ಅವಾರ್ಡ್ಸ್‌ ಕಾರ್ಯಕ್ರಮದಲ್ಲಿ ಘೋಷಣೆ
ಇತ್ತೀಚೆಗೆ ನಡೆದ ಅನುಬಂಧ ಅವಾರ್ಡ್‌ ಕಾರ್ಯಕ್ರಮದ ವೇದಿಕೆ ಮೇಲೆ ಈ ವಿಚಾರದ ಬಗ್ಗೆ ನಿರೂಪಕಿ ಅನುಪಮಾ ಅಧಿಕೃತವಾಗಿ ಅನೌನ್ಸ್‌ ಮಾಡಿದ್ದಾರೆ. ಈ ಸಮಯದಲ್ಲಿ ಚಿತ್ರದ ನಿರ್ದೇಶಕ ಕಿರಣ್‌ ರಾಜ್‌ ಕೆ ಕೂಡಾ ಹಾಜರಿದ್ದರು. ಬಿಗ್‌ ಬಾಸ್‌ಗೆ ಹೋಗುತ್ತಿರುವ ಗೆಳತಿ ಚಾರ್ಲಿಗೆ ಸ್ನೇಹಿತರು ( ಶ್ವಾನಗಳು) ಶುಭ ಕೋರುವಂತೆ ವಿಡಿಯೋ ಕ್ರಿಯೇಟ್‌ ಮಾಡಿ ವಾಹಿನಿ ಹಂಚಿಕೊಂಡಿದ್ದು ಕುತೂಹಲ ಕೆರಳಿಸಿದೆ. ಶ್ವಾನ ಬಿಗ್‌ ಬಾಸ್‌ ಮನೆಯೊಳಗೆ ಹೋಗಿ ಎಷ್ಟು ದಿನ ಅಲ್ಲಿ ಇರಲಿದೆ? ಅನ್ನೋದನ್ನು ಕಾದು ನೋಡಬೇಕು.
ಕಳೆದ ವರ್ಷ ಜೂನ್‌ 10 ರಂದು ತೆರೆ ಕಂಡಿದ್ದ ಚಾರ್ಲಿ 777
ಚಾರ್ಲಿ 777 ಸಿನಿಮಾ ಕಳೆದ ವರ್ಷ ಜೂನ್‌ 10 ರಂದು ತೆರೆ ಕಂಡಿತ್ತು. ಪರಮ್ವಃ ಸ್ಟುಡಿಯೋಸ್‌ ಬ್ಯಾನರ್‌ ಅಡಿಯಲ್ಲಿ ಈ ಚಿತ್ರವನ್ನು ಜಿಎಸ್‌ ಗುಪ್ತಾ ಹಾಗೂ ರಕ್ಷಿತ್‌ ಶೆಟ್ಟಿ ನಿರ್ಮಿಸಿದ್ದರು. ಕಿರಣ್‌ ರಾಜ್‌ ಕೆ, ಚಿತ್ರಕ್ಕೆ ಕಥೆ ಬರೆದು ನಿರ್ದೇಶನ ಮಾಡಿದ್ದರು. ನಾಯಕ ಹಾಗೂ ಶ್ವಾನದ ನಡುವಿನ ಬಾಂಧವ್ಯದ ಕಥೆಯನ್ನು ಚಿತ್ರದಲ್ಲಿ ತೋರಿಸಲಾಗಿದೆ. ಸಿನಿಮಾ ನೋಡಿದ್ದ ಅಂದಿನ ಸಿಎಂ ಬಸವರಾಜ ಬೊಮ್ಮಾಯಿ ಚಿತ್ರಕ್ಕೆ ಟ್ಯಾಕ್ಸ್‌ ಫ್ರೀ ಘೋಷಿಸಿದ್ದರು. ಚಿತ್ರಕ್ಕೆ 2021ನೇ ಸಾಲಿನ ಬೆಸ್ಟ್‌ ಫಿಲ್ಮ್‌ ವಿಭಾಗದಲ್ಲಿ ರಾಷ್ಟ್ರಪ್ರಶಸ್ತಿ ದೊರೆತಿದೆ. ಚಾರ್ಲಿ 777 ಚಿತ್ರದಲ್ಲಿ ರಕ್ಷಿತ್‌ ಶೆಟ್ಟಿ, ಸಂಗೀತಾ ಶೃಂಗೇರಿ, ರಾಜ್‌ ಶೆಟ್ಟಿ, ಡ್ಯಾನಿಶ್‌ ಸೇಠ್‌, ಬಾಬ್ಬಿ ಸಿಂಹ, ಭಾರ್ಗವಿ ನಾರಾಯಣ್‌ ಹಾಗೂ ಇನ್ನಿತರರು ನಟಿಸಿದ್ದಾರೆ.
ವಿಭಾಗ