ಅಯ್ಯೋ.. ಗಗನಾ ಹಿಂಗಾ ಡಾನ್ಸ್‌ ಮಾಡೋದು; DKD ವೇದಿಕೆ ಮೇಲೆ ಯದ್ವಾತದ್ವಾ ಕುಣಿದು ಶಿವಣ್ಣನಿಂದ ಮೆಚ್ಚುಗೆ ಪಡೆದ ಮಹಾನಟಿ
ಮಹಾನಟಿ ಶೋ ಮೂಲಕ ನಾಡಿನ ಗಮನ ಸೆಳೆದ ನಟಿ ಗಗನಾ ಚಿತ್ರದುರ್ಗ, ಇದೀಗ ಡಾನ್ಸ್‌ ಕರ್ನಾಟಕ ಟಾನ್ಸ್‌ ಶೋನಲ್ಲಿಯೂ ಮಿಂಚು ಹರಿಸುತ್ತಿದ್ದಾರೆ. ಡಾನ್ಸ್‌ ಬಾರದಿದ್ದರೂ, ತಮ್ಮ ಪ್ರಯತ್ನ ಮುಂದುವರಿಸಿದ್ದಾರೆ. ಇದೀಗ ಈ ಸಲ ಸೀರೆಯಲ್ಲಿ ಚಿತ್ರವಿಚಿತ್ರವಾಗಿ ಕುಣಿದು ಎಲ್ಲರನ್ನು ನಕ್ಕು ನಲಿಸಿದ್ದಾರೆ.
Dance Karnataka Dance Realty show: ಮಹಾನಟಿ ರಿಯಾಲಿಟಿ ಶೋ ಮೂಲಕ ನಾಡಿನ ಮನೆ ಮಂದಿಯ ಗಮನ ಸೆಳೆದ ನಟಿ ಗಗನ ಚಿತ್ರದುರ್ಗ, ಇದೀಗ ಡಾನ್ಸ್‌ ಕರ್ನಾಟಕ ಡಾನ್ಸ್‌ ಮೂಲಕವೂ ಸದ್ದು ಜತೆಗೆ ಸುದ್ದಿಯಲ್ಲಿದ್ದಾರೆ. ಮಹಾನಟಿ ರಿಯಾಲಿಟಿ ಶೋದಲ್ಲಿ ಟಾಪ್‌ ಐದರಲ್ಲಿ ಕಾಣಿಸಿಕೊಂಡು ಮೂರನೇ ಸ್ಥಾನ ಪಡೆದು ಮಿಂಚಿದ್ದರು. ಪಟ ಪಟ ಅಂತ ಮಾತನಾಡುತ್ತ, ಎಲ್ಲರ ಜತೆಗೆ ಮಕ್ಕಳಂತೆ ಬೆರೆತು ಮಗುವಿನಂತೇ ಇರುತ್ತಿದ್ದ ಗಗನಾಗೆ ಸೋಷಿಯಲ್‌ ಮೀಡಿಯಾದಲ್ಲೂ ಅಪಾರ ಫಾಲೋವರ್ಸ್‌ ಸಿಕ್ಕಿದ್ದಾರೆ. ಆ ನೇಮು ಫೇಮನ್ನು ಇದೀಗ ಡಾನ್ಸ್‌ ಕರ್ನಾಟಕ ಡಾನ್ಸ್‌ನಲ್ಲೂ ಮುಂದುವರಿಸಿದ್ದಾರೆ.
ಡಾನ್ಸ್‌ ಕರ್ನಾಟಕ ಡಾನ್ಸ್‌ ರಿಯಾಲಿಟಿ ಶೋ ಈ ಸಲ ಕೊಂಚ ವಿಶೇಷವಾಗಿದೆ. ನುರಿತ ಡಾನ್ಸರ್‌ಗಳ ಜತೆಗೆ ಡಾನ್ಸ್‌ ಬಾರದ ಸೆಲೆಬ್ರಿಟಿಗಳನ್ನೂ ಒಂದೇ ವೇದಿಕೆ ಮೇಲೆ ಕುಣಿಸಲಾಗುತ್ತಿದೆ. ಈ ಹೊಸ ಪರಿಕಲ್ಪನೆಗೆ ಆರಂಭದಲ್ಲಿ ಕೊಂಚ ವಿರೋಧಗಳು ಟೀಕೆಗಳು ಕೇಳಿಬಂದರೂ, ಇದೀಗ ಅದೆಲ್ಲವನ್ನು ದಾಟಿ ಡಾನ್ಸ್‌ ಕರ್ನಾಟಕ ಡಾನ್ಸ್‌ ಮೆಚ್ಚುಗೆ ಪಡೆದುಕೊಳ್ಳುತ್ತಿದೆ. ಬರೀ ನಟನೆಯಲ್ಲಷ್ಟೇ ಗುರುತಿಸಿಕೊಂಡಿದ್ದ ಜೀ ಕನ್ನಡದ ಹಲವು ಸೀರಿಯಲ್‌ಗಳ ಕಲಾವಿದರೀಗ, ನಾವ್ಯಾರಿಗೂ ಕಮ್ಮಿ ಇಲ್ಲ ಅನ್ನೋ ರೀತಿ ಸ್ಟೆಪ್ಸ್‌ ಹಾಕುತ್ತಿದ್ದಾರೆ.
ರಣರಂಗ ಹಾಡಿಗೆ ಡಾನ್ಸ್‌
ಆ ಪೈಕಿ ಚಿತ್ರದುರ್ಗದ ಗಗನ ಮೇಲೆ ಎಲ್ಲರ ಕಣ್ಣಿದೆ. ಅಚ್ಚುಕಟ್ಟಾಗಿ ಹೇಳಿದಂತೆ ನಟನೆ ಒಪ್ಪಿಸುವ ಗಗನಾಗೆ ಡಾನ್ಸ್‌ ಅಂದ್ರೆ ಅಷ್ಟಕಷ್ಟೇ. ಅದನ್ನು ಸ್ವತಃ ಅವರೇ ಹೇಳಿಕೊಂಡಿದ್ದರು. ಇದೀಗ ಇದೇ DKD ಶೋನಲ್ಲಿ ಸಖತ್‌ ಆಗಿಯೇ ಡಾನ್ಸ್‌ ಮಾಡುತ್ತಿದ್ದಾರೆ. ಅವರ ಡಾನ್ಸ್‌ಗೆ ತೀರ್ಪುಗಾರರು ಎದ್ನೋ ಬಿದ್ನೋ ಎಂದು ನಕ್ಕು ನಕ್ಕು ಸುಸ್ತಾಗಿದ್ದಾರೆ. ಇದೇ ಶೋನ ಗಗನ ಡಾನ್ಸ್‌ನ ಪ್ರೋಮೋವೊಂದನ್ನು ಜೀ ಕನ್ನಡ ಬಿಡುಗಡೆ ಮಾಡಿದೆ. ಆ ಪ್ರೋಮೋದಲ್ಲಿ ಇವ ಯಾವ ಸೀಮೆ ಗಂಡು ಕಾಣಮ್ಮೋ.. ಹಾಡಿಗೆ ಮಜವಾಗಿಯೇ ಕುಣಿದಿದ್ದಾರೆ ಗಗನಾ.
ಬ್ಯಾಲೆನ್ಸ್‌ ತಪ್ಪಿ ಕುಣಿದ ಗಗನಾ
ಹೌದು, ಶಿವರಾಜ್‌ಕುಮಾರ್‌ ಸುಧಾರಾಣಿ ನಾಯಕ ನಾಯಕಿಯಾಗಿ ನಟಿಸಿರುವ ರಣರಂಗ ಚಿತ್ರದ ಇವ ಯಾವ ಸೀಮೆ ಗಂಡು ಕಾಣಮ್ಮೋ ಹಾಡಿಗೆ ತಮ್ಮ ಪಾರ್ಟನರ್‌ ಉಜ್ವಲ್‌ ಜತೆಗೆ ಸೀರೆಯುಟ್ಟು ಪಕ್ಕಾ ಹಳ್ಳಿ ಸೆಟಪ್‌ನಲ್ಲಿ ಡಾನ್ಸ್‌ ಮಾಡಿದ್ದಾರೆ. ಡಾನ್ಸ್‌ ಮಾಡುತ್ತ ಮಾಡುತ್ತ ಬ್ಯಾಲೆನ್ಸ್‌ ತಪ್ಪಿ ಬಿದ್ದಿದ್ದಾರೆ. ಸೀರೆಮೇಲೆಯೇ ಪಲ್ಟಿ ಹೊಡೆದಿದ್ದಾರೆ. ಗಗನ ಅವರ ಈ ಡಾನ್ಸ್‌ ನೋಡಿದ ವಿಜಯ್‌ ರಾಘವೇಂದ್ರ, ನಗುತ್ತಲೇ ಎಷ್ಟೊಂದು ತಡ್ಕಾಡ್ತಿದ್ದಾಳೆ ಎಂದಿದ್ದಾರೆ. ಚಾರ್ಲಿ ಚಾಪ್ಲಿನ್‌ ರೀತಿ ಎಂದು ಚಿನ್ನಿ ಕಾಮೆಂಟ್‌ ಮಾಡಿದರೆ, ನೋಡೋಕೆ ತುಂಬ ಮುದ್ದಾಗಿತ್ತು ಎಂದು ಶಿವಣ್ಣ ಕಾಂಪ್ಲಿಮೆಂಟ್ ಕೊಟ್ಟಿದ್ದಾರೆ.
ವಿಭಾಗ