Seetha Rama Serial: ರಾಮನ ಹತ್ಯೆಗೆ ಸಂಚು, ಸಿಹಿಯ ಅಪಹರಣ! ಇದು ಭಾರ್ಗವಿಯ ಒಳಸಂಚಾ, ಸೀತಾ ರಾಮ ಸೀರಿಯಲ್‌ನಲ್ಲಿ ಏನಾಗ್ತಿದೆ?
Seetha Rama Serial Episode: ಜೀ ಕನ್ನಡದಲ್ಲಿ ಪ್ರಸಾರವಾಗುವ 'ಸೀತಾ ರಾಮ' ಸೀರಿಯಲ್ ದಿನದಿಂದ ದಿನಕ್ಕೆ ಕುತೂಹಲದತ್ತ ಸಾಗುತ್ತಿದೆ. ಮಂಗಳವಾರದ ಏಪಿಸೋಡ್‌ನಲ್ಲಿ ಅಚ್ಚರಿಯ ಘಟನೆಗಳು ನಡೆದಿವೆ. ಕೆಲವು ಆಗಂತುಕರು ರಾಮನ ಹತ್ಯೆಗೆ ಸಂಚು ರೂಪಿಸಿದ್ದರೆ, ಇದೇ ವೇಳೆ ಸಿಹಿಯ ಅಪಹರಣವೂ ಆಗಿದೆ. ಅಷ್ಟಕ್ಕೂ ಇದು ಭಾರ್ಗವಿ ಕೆಲಸವಾ? ಲಾಯರ್‌ ರುದ್ರಪ್ರತಾಪನ ಸಂಚಾ?
Seetha Rama Serial: ಸೀತಾ ರಾಮ ಸೀರಿಯಲ್ ನೋಡುಗರನ್ನು ಹಿಡಿದು ಕೂರಿಸುತ್ತಿದೆ. ದಿನದಿಂದ ದಿನಕ್ಕೆ ಟ್ವಿಸ್ಟ್‌ ಮತ್ತು ಟರ್ನ್‌ಗಳ ಮೂಲಕ ರೋಚಕತೆಯನ್ನು ಬಿಲ್ಡ್‌ ಮಾಡುತ್ತ ಪ್ರೇಕ್ಷಕನ ಎದೆ ಬಡಿತ ಹೆಚ್ಚಿಸುತ್ತಿದೆ. ಇದೀಗ ಅಚ್ಚರಿಯ ರೀತಿಯಲ್ಲಿ ರಾಮ್‌ ಹತ್ಯೆಗೆ ಸಂಚು ನಡೆದಿದೆ. ಚಾಕುವಿಂದ ಹತ್ಯೆ ಮಾಡುವ ವಿಫಲ ಯತ್ನ ನಡೆದಿದೆ. ಇದೆಲ್ಲದರ ಗ್ಯಾಪ್‌ನಲ್ಲೇ ಸಿಹಿಯನ್ನು ಅಪಹರಣ ಮಾಡಿ, ಕೆಲ ಕಾಲ ಬೆಚ್ಚಿಬಿಳಿಸಿದ್ದಾರೆ ಆಗಂತುಕರು!
ಫ್ರೆಂಡ್‌ ರಾಮನನ್ನು ನೋಡಲು ಆಫೀಸ್‌ಗೆ ಬಂದಿದ್ದ ರಾಮನ ಮೇಲೆ ಇಬ್ಬರು ಮುಸುಕುಧಾರಿಗಳು ಚಾಕುವಿನಿಂದ ಹಲ್ಲೆ ಮಾಡಿದ್ದಾರೆ. ರಾಮನನ್ನು ಅಪ್ಪಿಕೊಳ್ಳಲು ಸಿಹಿ ಓಡಿ ಬರುತ್ತಿದ್ದಂತೆ, ಈ ಘಟನೆ ನಡೆದಿದೆ. ಅಲ್ಲೇ ಇದ್ದ ಸೀತಾ, ರಾಮ್‌ ಕೈಗೆ ತನ್ನ ವೇಲ್‌ ಹರಿದು ಕೈಗೆ ಸುತ್ತಿದ್ದಾಳೆ. ನೀರು ಕುಡಿಸಿ ಆರೈಕೆ ಮಾಡಿದ್ದಾಳೆ. ಸಿಸಿಟಿವಿ ಪರಿಶೀಲಿಸಲೂ ಹೇಳಿದ್ದಾನೆ. ಈ ಪ್ರಹಸನ ಮಧ್ಯೆದಲ್ಲಿಯೇ ಅಲ್ಲೇ ಇದ್ದ ಸಿಹಿ ನಾಪತ್ತೆಯಾಗಿದ್ದಾಳೆ. ರಾಮ್‌ ಮೇಲೆ ಹಲ್ಲೆ ಮಾಡಿದವರೇ ಸಿಹಿಯ ಬಾಯಿಗೆ ಬಟ್ಟೆ ಕಟ್ಟಿ ಬೈಕ್‌ನಲ್ಲಿ ಕೂರಿಸಿಕೊಂಡು, ಹೊತ್ತೊಯ್ದಿದ್ದಾರೆ.
ಅಶೋಕ ತಂಗಿ ಅಂಜಲಿಯ ಆಗಮನ ಭಾರ್ಗವಿಯ ಹೊಟ್ಟೆ ಉರಿಸಿದೆ. ಅವರಿಬ್ಬರಿಗೆಂದೇ ಭವ್ಯ ಬಂಗಲೆ ಕೊಟ್ಟ ರಾಮನ ನಡೆಯು ಆಕೆಯ ಕಣ್ಣು ಕೆಂಪಾಗಿಸಿದೆ. ಹೀಗಿರುವಾಗಲೇ ಅಶೋಕನಿಗೆ ನೀಡಬೇಕು ಎಂದುಕೊಂಡಿದ್ದ ಮನೆಗೆ ಭಾರ್ಗವಿ ಮತ್ತು ಸಾಧನಾ ಆಗಮಿಸಿದ್ದಾರೆ. ಸಾಧನಾ ತಲೆಗೂ ಇಲ್ಲ ಸಲ್ಲದ ವಿಚಾರಗಳನ್ನು ತುಂಬಿ ಆಕೆಯ ತಲೆ ಕೆಡಿಸುತ್ತಿದ್ದಾಳೆ. ಮನೆಯಲ್ಲಿ ನಿನ್ನ ಸ್ಥಾನ ಏನು? ರಾಮ ನಿನಗೇನು ಮಾಡಿದ್ದಾನೆ? ಎಂದೆಲ್ಲ ಹೇಳುತ್ತಿದ್ದಾಳೆ.
ಇತ್ತ ಆಫೀಸ್‌ನಲ್ಲಿ ಅಪಹರಣಕಾರರ ಬಗ್ಗೆ ಹೇಳಿಕೊಳ್ಳುತ್ತಿದ್ದಾಳೆ. ಬೇಕು ಅಂತ ಆಟ ಆಡಿಸಲು ಹೀಗೆ ಮಾಡುತ್ತಿರಬಹುದು. ಸಿಸಿಟಿವಿ ವಿಡಿಯೋಗಳನ್ನೂ ಶೋಧ ಮಾಡುತ್ತಿದ್ದಾರೆ. ಇದರ ಹಿಂದೆ ಯಾರಿರಬಹುದು? ಎಂದೂ ಅಶೋಕ ಮತ್ತು ರಾಮ ಹುಡುಕಾಟಕ್ಕಿಳಿದಿದ್ದಾರೆ. ಈ ನಡುವೆ ಸೀತಾ ಮತ್ತು ರಾಮನ ನಡುವೆ ಕಣ್ಣುಗಳೇ ಮಾತನಾಡಿವೆ. ಇಬ್ಬರೂ ಮೌನದಲ್ಲಿಯೇ ಮಾತನಾಡಿಕೊಂಡಿದ್ದಾರೆ.
ಇದೇ ವೇಳೆ ಮನೆ ಹರಾಜು ಪ್ರಕ್ರಿಯೆಯ ಮಾತು ಮುನ್ನೆಲೆಗೆ ಬಂದಿದೆ. ಕೊನೆಗೂ ಆ ಸಮಸ್ಯೆ ಬಗೆ ಹರಿದಿದೆ. ಅದೇ ಮನೆಯಲ್ಲಿ ನಾನು ಈಗ ಬಾಡಿಗೆಗೆ ಇದ್ದೇನೆ. ಬಾಡಿಗೆ ತುಂಬಿಕೊಂಡು ಹೋಗ್ತಿದ್ದೀನಿ ಎಂದು ನಿಟ್ಟುಸಿರು ಬಿಟ್ಟಿದ್ದಾಳೆ ಸೀತಾ. ಸೀತಾ ಮತ್ತು ನನ್ನ ನಡುವಿನ ದೊಡ್ಡ ಗೋಡೆ ಒಡೆದೋಯ್ತು ಎಂದು ಅಶೋಕನ ಮುಂದೆ ಹೇಳಿಕೊಂಡಿದ್ದಾನೆ ರಾಮ. ಆಫೀಸ್‌ನಲ್ಲಿ ಮಾತ್ರ ಬಾಸ್‌ ಮತ್ತು ಎಂಪ್ಲಾಯಿ ಅನ್ನೋ ಅಂತರವನ್ನು ಕಾಯ್ದುಕೊಂಡಿದ್ದಾ ಸೀತಾ. ಈ ಮೂಲಕ ರಾಮ ಮತ್ತು ಸೀತಾ ನಡುವಿನ ಮುನಿಸು ಮುರಿದಿದೆ.
ಸಾಧನಾಳನ್ನು ತನ್ನ ಹಿಡಿತಕ್ಕೆ ಪಡೆದ ಖುಷಿಯಲ್ಲಿ ಬೀಗುತ್ತಿದ್ದಾಳೆ ಭಾರ್ಗವಿ. ಸಾಧನಾ ತಲೆಗೆ ಇಲ್ಲ ಸಲ್ಲದನ್ನು ತುಂಬಿ, ಮನೆಯವರ ವಿರುದ್ಧವೇ ಆಕೆಯನ್ನು ಮನಸಲ್ಲಿಯೇ ತಿರುಗಿಬೀಳುವಂತೆ ಮಾಡಿದ್ದಾಳೆ. ಭಾರ್ಗವಿ ಹೇಳಿದ ಮಾತಿನ ಗುಂಗಲ್ಲೇ ಮಾವಯ್ಯನಿಗೆ ವಿಪರೀತ ಸಕ್ಕರೆ ಹಾಕಿ ಟೀ ಮಾಡಿಕೊಟ್ಟಿದ್ದಾಳೆ. ಮಾವಯ್ಯನಿಂದಲೂ ಬೈಸಿಕೊಂಡಿದ್ದಾಳೆ. ಇತ್ತ ಭಾರ್ಗವಿ ಹಿರಿ ಹಿರಿ ಹಿಗ್ಗಿದ್ದಾಳೆ.
ಮೊದಲೇ ರಾಮನಿಗೆ ಹಿಡಿಶಾಪ ಹಾಕುತ್ತಿರುವ ಭಾರ್ಗವಿ, ರಾಮನ ಹತ್ಯೆಗೆ ಸಂಚು ರೂಪಿಸಿದ್ಲಾ? ಸೀತಾಳನ್ನು ಕಂಡರೆ ಆಗದ ಭಾರ್ಗವಿ, ಪುಟಾಣಿ ಸಿಹಿ ಮೇಲೆ ತನ್ನ ಸೇಡು ತೀರಿಸಿಕೊಳ್ಳಲು ಅಪಹರಣದ ದಾಳ ಉರಿಳಿಸಿದ್ಲಾ? ಅಥವಾ ಇದರ ಹಿಂದೆ ಜೈಲು ಸೇರಿರುವ ಲಾಯರ್‌ ರುದ್ರಪ್ರತಾಪ್‌ ಸಂಚು ಇರಬಹುದಾ? ಇದೆಲ್ಲದಕ್ಕೂ ಮುಂದಿನ ಸಂಚಿಕೆಗಳಲ್ಲಿ ಉತ್ತರ ಸಿಗಲಿದೆ.
