Seetha Rama: ಸೀತಾಗೆ ದುಡ್ಡು ಕೊಡಿಸೋ ದಾರಿ ಯಾವ್ದು ಅಂತ ರಾಮ ಒದ್ದಾಡ್ತಿದ್ರೆ, ದಿಕ್ಕನ್ನೇ ತಪ್ಪಿಸ್ತಿದ್ದಾಳೆ ಭಾರ್ಗವಿ!
ಸೀತಾಳಿಗೆ ದುಡ್ಡು ಕೊಡಿಸಲು ರಾಮ ಒದ್ದಾಡುತ್ತಿದ್ದರೆ, ಭಾರ್ಗವಿ ಸೀತಾಳ ಎಲ್ಲ ಮಾಹಿತಿ ಪಡೆದು, ಸಂಬಳವನ್ನೂ ನೀಡದಿರಲು ಪ್ಲಾನ್‌ ಹಾಕುತ್ತಿದ್ದಾಳೆ.
Seetha Rama: ಅಜ್ಜಿ ತಾತನ ಮುಂದೆ ಪಿಕ್‌ನಿಕ್‌ ವಿಚಾರವನ್ನು ತಿಳಿಸಿ, ಸೀತಮ್ಮನನ್ನು ಒಪ್ಪಿಸುವಂತೆ ಕೇಳುತ್ತಿದ್ದಾಳೆ ಸಿಹಿ. ಇತ್ತ ಖಾತೆಗೆ 25 ಲಕ್ಷ ಬಂದಿದ್ದೇ ತಡ, ಬಾಸ್‌ಗೆ ಏನಾದರೂ ಗಿಫ್ಟ್‌ ಖರೀದಿಸಲು ಶಾಪ್‌ಗೆ ತೆರಳಿದ್ದಾಳೆ ಪ್ರಿಯಾ. ಪ್ರಿಯತಮನಿಗೆ ಏನು ಉಡುಗೊರೆ ಕೊಡಬೇಕು ಎಂದು ಹುಡುಕಾಟಕ್ಕಿಳಿದಿದ್ದಾಳೆ. ಮತ್ತೊಂದುಕಡೆ ಬಿಟ್ಟಿ ದುಡ್ಡಲ್ಲಿ ಹೊಟ್ಟೆ ತುಂಬಿಸಿಕೊಳ್ಳುತ್ತಿದ್ದಾರೆ ಸೀತಾಳ ಅಣ್ಣ ಅತ್ತಿಗೆ.
ಪಿಕ್‌ನಿಕ್‌ಗೆ ಹೋಗುವ ಖುಷಿಯಲ್ಲಿರುವ ಸಿಹಿ, ಟೂರ್‌ಗೆ ಹೋಗಲು ಎಷ್ಟು ಖರ್ಚಾಗಬಹುದೆಂದು ಬಜೆಟ್‌ ಲೆಕ್ಕ ಹಾಕ್ತಿದ್ದಾಳೆ. ಸೀತಮ್ಮನಿಗೆ ಹೊರೆ ಆಗದಂತೆ ಏನೆಲ್ಲ ಮಾಡಬಹುದು ಎಂದು ಸಿಹಿ ಪ್ಲಾನ್‌ ಹಾಕ್ತಿದ್ದಾಳೆ. ಇದೆಲ್ಲದರ ನಡುವೆ ಸೀತಾಳ ಖಾತೆಗೆ ಹೋಗಬೇಕಿದ್ದ ಹಣ ಪ್ರಿಯಾ ಖಾತೆಗೆ ಹೋಗಿದ್ದಕ್ಕೆ ಟೆನ್ಷನ್‌ನಲ್ಲಿದ್ದಾನೆ ಅಶೋಕ. ಬಾಸ್‌ ಅಶೋಕನ ಚಲನವಲನವನ್ನು ಅಷ್ಟೇ ಸೂಕ್ಷ್ಮವಾಗಿ ಗಮನಿಸುತ್ತಿದ್ದಾನೆ ಮ್ಯಾನೇಜರ್‌ ಚರಣ್.ಡಿ.
ಸೀತಾಳಿಗೆ ದುಡ್ಡುಸಿಕ್ಕಿಲ್ಲ ಅಂತ ಬಾಸ್‌ ಟೆನ್ಷನ್‌ ಆಗಿದಾರಲ್ಲ, ಇಲ್ಲೇನೋ ಸಮಾಚಾರ ಇದೆ ಎಂದು ಬಾಸ್‌ ಮೇಲೆ ಕಣ್ಣಿಟ್ಟಿದ್ದಾನೆ ಚರಣ್. ಪ್ರಿಯಾಳ ಅಕೌಂಟ್‌ನಿಂದ ವಹಿವಾಟು ನಡೆಯದಂತೆ ನೋಡಿಕೊಳ್ಳಲು ಸಂಬಂಧಪಟ್ಟವರಿಗೆ ಸೂಚಿಸಿದ್ದಾನೆ ಅಶೋಕ. ಇದೇ ವಿಚಾರವಾಗಿ ಬಾಸ್‌ ಕ್ಯಾಬಿನ್‌ನಲ್ಲಿ ಅಶೋಕ ಮತ್ತು ರಾಮ ಚರ್ಚೆ ನಡೆಸಿದ್ದಾರೆ. ಸೀತಾಳ ಅಕೌಂಟ್‌ಗೆ ಹಣ ಹೋಗಬೇಕಾದರೆ, ಮೊದಲು ಪ್ರಿಯಾ ಆ ಹಣ ಕೊಡಬೇಕು ಎಂದು ಹೇಳುತ್ತಿದ್ದಾನೆ ಅಶೋಕ.
ಏನ್ ಮಾಡ್ತಿಯೋ ಗೊತ್ತಿಲ್ಲ, ಮೊದಲು ಸೀತಾ ಅಕೌಂಟ್‌ಗೆ ಹಣ ಬರುವಂತೆ ಮಾಡು ಎಂದು ಹೇಳಿ ಅಲ್ಲಿಂದ ಹೊರ ನಡೆದಿದ್ದಾನೆ ರಾಮ. ಅಷ್ಟೊತ್ತಿಗೆ ಬಾಸ್‌ಗೆ ಗಿಫ್ಟ್‌ ನೀಡಲು ಪ್ರಿಯಾ ಬಂದಿದ್ದಾಳೆ. ಅವಳನ್ನು ತಡೆದು ಇಬ್ಬರ ಭೇಟಿಯನ್ನು ಮುಂದೂಡಿದ್ದಾನೆ. ಗಿಫ್ಟ್‌ ಕೊಡಲು ಇದು ಸೂಕ್ತ ಜಾಗವಲ್ಲ ಎಂದಿದ್ದಾನೆ ರಾಮ. ಈ ಕಡೆಗೆ ನೇರವಾಗಿ ಭಾರ್ಗವಿಗೆ ಫೋನ್‌ ಮಾಡಿದ ಚರಣ್, ಸೀತಾಳ ವಿಚಾರವಾಗಿ ಪಿನ್‌ ಇಟ್ಟಿದ್ದಾನೆ. ಸೀತಾಳಿಗೆ ಹಣ ಬಾರದಿದ್ದಕ್ಕೆ ಬಾಸ್‌ ತುಂಬ ಟೆನ್ಷನ್‌ ಆಗಿದ್ದಾರೆ ಎಂದು ಹೇಳಿದ್ದಾನೆ.
ಇದಕ್ಕೆ ಮತ್ತೊಂದು ರಣತಂತ್ರ ಹೆಣೆದ ಭಾರ್ಗವಿ, ಸೀತಾಳ ಸಂಪೂರ್ಣ ಮಾಹಿತಿ, ಬ್ಯಾಂಕ್‌ ವಿವರ, ಸಂಬಳದ ಡಿಟೇಲ್ಸ್‌ ಸೇರಿ ಎಲ್ಲವನ್ನೂ ಮ್ಯಾನೇಜರ್‌ ಕಡೆಯಿಂದ ಕಳಿಸುವಂತೆ ಆರ್ಡರ್‌ ಮಾಡಿದ್ದಾಳೆ. ಆ ಹಣ ಎಲ್ಲಿ ಹೋಗುತ್ತೆ ನಾನೂ ನೋಡ್ತಿನಿ ಎಂದಿದ್ದಾಳೆ. ಅಡ್ವಾನ್ಸ್‌ ಅಮೌಂಟ್‌ ಅಲ್ಲ, ತಿಂಗಳಿಗೆ ಬರಬೇಕಿದ್ದ ಬಿಡಿಗಾಸೂ ನಿನ್ನ ಕೈ ಸೇರಲ್ಲ ಸೀತಾ ಎನ್ನುತ್ತಿದ್ದಾಳೆ ಭಾರ್ಗವಿ.
ಮನರಂಜನೆ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್‌ ಮಾಡಿ
