Seetha Rama: ಸೀತಾಳ ಖುಷಿಗೆ ಹುಳಿ ಹಿಂಡೋಕೆ ಭಾರ್ಗವಿ ಮಸಲತ್ತು! ಸೀತಾ ನಂಬಿರೋ ಆ ಶ್ರೀರಾಮ ಕೈ ಹಿಡಿತಾನಾ?
ದೇವರು ವರ ಕೊಟ್ರೂ ಪೂಜಾರಿ ಕೊಡಲಿಲ್ಲ ಅನ್ನೋ ಸ್ಥಿತಿ ಸೀತಾಗೆ ಬಂದೊದಗಿದೆ. ದೊಡ್ಡ ಬಾಸ್‌ ಮುಂಗಡ ಸಂಬಳ ಮಂಜೂರು ಮಾಡಿದ್ರೂ, ಭಾರ್ಗವಿ ಅದನ್ನ ತಡೆಯೋ ಕೆಟ್ಟ ಕೆಲಸ ಮಾಡುತ್ತಿದ್ದಾಳೆ. ಇತ್ತ ಖುಷಿಯಲ್ಲಿರುವ ಸೀತಾಗೆ ರಾಮ ಸಾಥ್‌ ನೀಡಿದ್ದಾನೆ.
Seetha Rama: ತಾತ ಸೂರ್ಯ ಪ್ರಕಾಶ್‌ ಆಫೀಸ್‌ಗೆ ದಿಢೀರ್‌ ಭೇಟಿ ನೀಡಿದ್ದಾನೆ. ತಾತನನ್ನು ಆಫೀಸ್‌ಗೆ ನೀನೇ ಕರೆಸಿದ್ದು ಎಂದು ಅಶೋಕನ ಮೇಲೆ ಕೋಪಗೊಂಡಿದ್ದಾನೆ ರಾಮ. ಸೀತಾಳನ್ನು ಭೇಟಿ ಮಾಡಿದ ಸೂರ್ಯ ಪ್ರಕಾಶ್‌ ಲಂಚ್‌ ಬಾಕ್ಸ್‌ ನೀಡಿ, ರಾಮ್‌ ಮೇಲೆ ಬೇಕು ಅಂತಲೇ ಸವಾರಿ ಮಾಡಿದ್ದಾನೆ. ಬೇರೆಯವರ ವಸ್ತು ಅಂದ್ರೆ ಕೊಂಚ ಕಾಳಜಿ ವಹಿಸಬೇಕಲ್ಲವೇ ಎಂದು ರೇಗಿದ್ದಾನೆ. ಎಲ್ಲರ ಮುಂದೆ ಎಂಪ್ಲಾಯಿ ಎನ್ನುವ ಧಾಟಿಯಲ್ಲಿ ರಾಮನನ್ನು ತಮಾಷೆಯಾಗಿಯೇ ಅವಮಾನ ಮಾಡಿದ್ದಾನೆ ತಾತ.
ತಾತನ ತಮಾಷೆಯನ್ನೇ ಸೀರಿಯಸ್‌ ಆಗಿ ತೆಗೆದುಕೊಂಡ ರಾಮ, ಬಾಸ್‌ ಚೇಂಬರ್‌ಗೆ ಬಂದು ತಾತನ ಮೇಲೆ ಗರಂ ಆಗಿದ್ದಾನೆ. ಹಾಗೆ ಗರಂ ಆದ ಎಂಜಿನ್‌ ಅನ್ನು ತಣ್ಣಗೆ ಮಾಡು ಎಂದು ಅಶೋಕನ ಸಲಹೆಯೂ ಸಿಕ್ಕಿದೆ. ತಕ್ಷಣಕ್ಕೆ ಪ್ಲೇಟ್‌ ಬದಲಿಸಿದ ತಾತ, ಸೀತಾಳ ಬಗ್ಗೆ ಮಾತನಾಡಿದ್ದಾನೆ. ಅಡ್ವಾನ್ಸ್‌ ಸ್ಯಾಲರಿ ನೀಡಬೇಕಾಗಿದ್ದು ಅವಳಿಗೆ ತಾನೇ ಎಂದು ಕೇಳಿ, ಆದಷ್ಟು ಬೇಗ ಸ್ಯಾನ್ಷನ್‌ ಮಾಡಿಸಿಕೋ ಎಂದಿದ್ದಾನೆ. ಡಾಂಕ್ಯುಮೆಂಟ್ಸ್‌, ವೇರಿಫಿಕೇಷನ್‌ ಅಂತ ಟೈಮ್‌ ವೇಸ್ಟ್‌ ಮಾಡಬೇಡ ಅಂತಾನೂ ತಾತ ಹೇಳಿದ್ದಾನೆ. ತಾತನ ಮಾತು ಕೇಳಿ ರಾಮನ ಮೊಗದಲ್ಲಿ ಖುಷಿ ಉಕ್ಕಿದೆ.
ಇತ್ತ ಸೀತಾ ಜತೆಗೆ ರಾಮ ಮಾತಿಗಿಳಿದಿದ್ದಾನೆ. ನಿಮ್ಮ ಮನೆಯನ್ನು ನೀವು ನಂಬಿರೋ ರಾಮನೇ ಉಳಿಸಿಕೊಟ್ರೆ? ಎಂದು ಪ್ರಶ್ನೆ ಮಾಡಿದ್ದಾನೆ. ಇತ್ತ ಸಿಹಿ ಶಾಲೆಯಲ್ಲಿದ್ದುಕೊಂಡೇ ಸೀತಮ್ಮನ ಬಗ್ಗೆ ಚಿಂತೆ ಮಾಡುತ್ತಿದ್ದಾಳೆ. ನನಗೋಸ್ಕರ ಸೀತಮ್ಮ ಇಷ್ಟೆಲ್ಲ ಕಷ್ಟ ಪಡ್ತಿದ್ದಾಳೆ ಎಂದು ಬೇಸರದಲ್ಲಿದ್ದಾಳೆ. ಸೀತಮ್ಮನಿಗಾಗಿ ಒಳ್ಳೆಯದಾಗಲಿ ಎಂದು ದೇವರ ಮೊರೆ ಹೋಗಿದ್ದಾಳೆ ಸಿಹಿ. ಕಡೆಗೆ ಸೀತಾಗೆ ಅಡ್ವಾನ್ಸ್‌ ಸ್ಯಾಲರಿ ಮಂಜೂರಾಗಿದ್ದಕ್ಕೆ ಮ್ಯಾನೇಜರ್‌ ಚರಣ್‌. ಡಿ ಕೊಂಚ ಗರಂ ಆಗಿದ್ದಾನೆ.
ಮುಂಗಡ ಸಂಬಳ ಸಿಕ್ಕ ವಿಚಾರವನ್ನು ರಾಮನ ಮುಂದೆ ಹೇಳಿ ಖುಷಿಪಟ್ಟಿದ್ದಾಳೆ ಸೀತಾ. ಅಷ್ಟೇ ಅಲ್ಲ ಆದಷ್ಟು ಬೇಗ ನಿಮಗೆ ಮದುವೆ ಆಗಬೇಕು ಎಂದು ರಾಮನಿಗೆ ಹರಸಿದ್ದಾಳೆ. ಆಫೀಸ್‌ನಲ್ಲಿನ ಅವ್ಯವಹಾರಗಳ ಬಗ್ಗೆ ಮ್ಯಾನೇಜರ್‌ ಚರಣ್‌ ವಿರುದ್ಧ ಬಾಸ್‌ ಅಶೋಕ್‌ ಗರಂ ಆಗಿದ್ದಾನೆ. ಮಾಹಿತಿ ನೀಡುವಂತೆ ಗಡುವು ನೀಡಿದ್ದಾನೆ. ಈ ಕಡೆ ಆಫೀಸ್‌ ಕೆಲಸ ಬೇಗ ಮುಗಿಸಿದ ಸೀತಾ, ಬಾಡಿಗೆ ಮನೆ ಹುಡುಕಲು ಹೊರಟಿದ್ದಾಳೆ. ಸೀತಾಗೆ ರಾಮನೂ ಸಾಥ್‌ ನೀಡಿದ್ದಾನೆ.
ಭಾರ್ಗವಿಗೆ ಕರೆ ಮಾಡಿದ ಚರಣ್‌, ಆಫೀಸ್‌ನಲ್ಲಿ ನಡೆದ ಘಟನೆ ವಿವರಿಸಿದ್ದಾನೆ. ಸೀತಾಳಿಗೆ ಮುಂಗಡ ಸಂಬಳ ನೀಡುವ ವಿಚಾರವೂ ಭಾರ್ಗವಿ ಕಿವಿಗೆ ಬಿದ್ದಿದೆ. ಆ ಹಣ ಆ ಹುಡುಗಿಗೆ ಹೋಗಬಾರದು ಎಂದಿದ್ದಾಳೆ ಭಾರ್ಗವಿ. ನಮ್ಮ ಕಂಪನಿಯಿಂದ ಯಾರಿಗೂ ಬಿಡಿಗಾಸು ಹೋಗಬಾರದು ಎಂದು ಚರಣ್‌ಗೆ ಆರ್ಡರ್‌ ಮಾಡಿದ್ದಾಳೆ. ಸೀತಾ ನೀನೇನು ಅಷ್ಟೊಂದು ಸ್ಪೆಷಲ್ಲಾ? ಅಷ್ಟು ದೊಡ್ಡ ಅಮೌಂಟ್‌ ನಿನಗೆ ಕೊಡ್ತಿದ್ದಾನಾ? ರಾಮ್‌ನ ಸೆಳೆದಿರೋ ಹುಡುಗಿ ಇವಳೇನಾ? ಎಂಬ ಅನುಮಾನ ಭಾರ್ಗವಿ ಮನದಲ್ಲಿ ಮೂಡಿದೆ. ಹಾಗಾದರೆ ಅಡ್ವಾನ್ಸ್‌ ಸಂಬಳ ಸೀತಾಳ ಕೈ ಸೇರಲ್ವ?
ಮನರಂಜನೆ ಸುದ್ದಿಗೆ ಇಲ್ಲಿ ಕ್ಲಿಕ್‌ ಮಾಡಿ
