Bhoomi Shetty: ಭೂಮಿ ಶೆಟ್ಟಿ ಹಾಟ್‌ ಅವತಾರ ವೈರಲ್; ಮೈ ಮುಚ್ಚುವ ಬಟ್ಟೆಗಳು ಯಾವ ಅಂಗಡಿಯಲ್ಲೂ ಸಿಗೋಲ್ವಾ ಎಂದು ಪ್ರಶ್ನಿಸಿದ ನೆಟಿಜನ್ಸ್
ಮೊದಲೆಲ್ಲಾ ಮೈತುಂಬಾ ಬಟ್ಟೆ ಹಾಕುತ್ತಿದ್ದ ನೀವು, ಈಗ ಅರ್ಧಕ್ಕೆ ಇಳಿಸಿದ್ದೀರಿ, ಮೈ ತುಂಬಾ ಆಗುವ ಬಟ್ಟೆಗಳು ನಿಮ್ಮ ಬಳಿ ಇಲ್ಲವೇ , ಅಥವಾ ಆ ರೀತಿಯ ಬಟ್ಟೆಗಳು ನಿಮಗೆ ಯಾವ ಅಂಗಡಿಯಲ್ಲೂ ಸಿಗುವುದಿಲ್ಲವೇ ಎಂದು ನೆಟಿಜನ್ಸ್ ಪ್ರಶ್ನಿಸುತ್ತಿದ್ದಾರೆ.
ಕಲರ್ಸ್‌ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ 'ಕಿನ್ನರಿ' ಧಾರಾವಾಹಿ ಮೂಲಕ ಕಿರುತೆರೆ ವೀಕ್ಷಕರಿಗೆ ಪರಿಚಯವಾದ ಕುಂದಾಪುರದ ಚೆಲುವೆ ಭೂಮಿ ಶೆಟ್ಟಿ ಈಗ ಸಿನಿಮಾಗಳಲ್ಲಿ ಕೂಡಾ ನಟಿಸುತ್ತಿದ್ದಾರೆ. ಬಿಗ್‌ ಬಾಸ್‌ ಸ್ಪರ್ಧಿ ಕೂಡಾ ಆಗಿದ್ದ ಭೂಮಿ ಶೆಟ್ಟಿ ಸೋಷಿಯಲ್‌ ಮೀಡಿಯಾದಲ್ಲೂ ಬಹಳ ಆಕ್ಟಿವ್‌ ಇದ್ದಾರೆ.
ಭೂಮಿ ಶೆಟ್ಟಿ ಹಾಟ್‌ ಫೋಟೋ ವೈರಲ್
ಭೂಮಿ ಶೆಟ್ಟಿ ಒಮ್ಮೆ ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಗದ್ದೆಗೆ ಇಳಿದು ಕೆಲಸ ಮಾಡುತ್ತಿದ್ದ ವಿಡಿಯೊವೊಂದನ್ನು ಹಂಚಿಕೊಂಡಿದ್ದರು. ಇದು ವೈರಲ್ ಆಗಿತ್ತು, ಭೂಮಿಯ ಕೆಲಸ ನೋಡಿ ಎಲ್ಲರೂ ಭೇಷ್‌ ಎಂದಿದ್ದರು. ಸೆಲೆಬ್ರಿಟಿ ಆಗಿ ನೀವು ಈ ರೀತಿ ಹೊಲ ಗದ್ದೆಯಲ್ಲಿ ಕೆಲಸ ಮಾಡುತ್ತಿದ್ದೀರಿ, ನಿಜಕ್ಕೂ ನಿಮ್ಮನ್ನು ಮೆಚ್ಚಲೇಬೇಕು ಎಂದು ಬೆನ್ನು ತಟ್ಟಿದ್ದರು. ಇದರ ಜೊತೆಗೆ ಭೂಮಿ ಶೆಟ್ಟಿ ಹುಟ್ಟೂರಿನಿಂದ ಬೆಂಗಳೂರು, ಬೆಂಗಳೂರಿನಿಂದ ಊರಿಗೆ ಬೈಕ್‌ ಸವಾರಿ ಮಾಡುವ ಫೋಟೋ ವಿಡಿಯೋಗಳನ್ನು ಹಂಚಿಕೊಂಡಿದ್ದರು. ಇವೆಲ್ಲಾ ಪೋಸ್ಟ್‌ಗಳಿಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದ ಜನರು ಇತ್ತೀಚೆಗೆ ಭೂಮಿ ಶೆಟ್ಟಿ ಹಂಚಿಕೊಳ್ಳುತ್ತಿರುವ ಪೋಸ್ಟ್‌ಗಳ ಬಗ್ಗೆ ಬೇಸರ ವ್ಯಕ್ತಪಡಿಸುತ್ತಿದ್ದಾರೆ.
ಫೋಟೋ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ ನೆಟಿಜನ್ಸ್
ಭೂಮಿ ಶೆಟ್ಟಿ ಫೋಟೋವೊಂದು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಈ ಫೋಟೋ ನೋಡಿ ನೆಟಿಜನ್ಸ್, ಭೂಮಿ ವಿರುದ್ಧ ಕಿಡಿ ಕಾರಿದ್ದಾರೆ. ಇದರಲ್ಲಿ ಭೂಮಿ ಶೆಟ್ಟಿ ಟಾಪ್‌ ಬಹಳ ಡೀಪ್‌ ಆಗಿದೆ. ಇದನ್ನು ನೋಡಿದ ಜನರು ಮೊದ ಮೊದಲು ಡೀಸೆಂಟ್‌ ಆಗಿ ಬಟ್ಟೆ ಹಾಕುತ್ತಿದ್ದ ನೀವು, ಈಗ ಬಟ್ಟೆಯನ್ನು ಅರ್ಧಕ್ಕೆ ಇಳಿಸಿದ್ದೀರಿ ಮೈ ತುಂಬಾ ಆಗುವ ಬಟ್ಟೆಗಳು ನಿಮ್ಮ ಬಳಿ ಇಲ್ಲವೇ , ಅಥವಾ ಆ ರೀತಿಯ ಬಟ್ಟೆಗಳು ನಿಮಗೆ ಯಾವ ಅಂಗಡಿಯಲ್ಲೂ ಸಿಗುವುದೇ ಇಲ್ಲವೇ ಎಂದು ಪ್ರಶ್ನಿಸುತ್ತಿದ್ದಾರೆ. ಇನ್ನೂ ಕೆಲವರು ಅಸಭ್ಯವಾಗಿ ಕಾಮೆಂಟ್‌ ಮಾಡುತ್ತಿದ್ದಾರೆ. ಯಾವುದೋ ಪಾರ್ಟಿಯಲ್ಲಿ ತೆಗೆದ ಫೋಟೋ ಇದು. ಭೂಮಿ ಶೆಟ್ಟಿ ಈ ಫೋಟೋವನ್ನು ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿಲ್ಲ. ಕನ್ನಡ ನಟಿಯರು ಎಂಬ ಇನ್‌ಸ್ಟಾಗ್ರಾಮ್‌ ಪೇಜ್‌ನಲ್ಲಿ ಶೇರ್‌ ಆದ ಫೋಟೋ ವೈರಲ್ ಆಗುತ್ತಿದೆ. ಇದೊಂದೇ ಫೋಟೋ ಅಲ್ಲ, ಇತ್ತೀಚೆಗೆ ಭೂಮಿ ಶೆಟ್ಟಿ ಹಂಚಿಕೊಳ್ಳುವ ಬೇರೆ ಫೋಟೋಗಳಿಗೂ ಜನರು ಬೇಸರದಿಂದಲೇ ಕಾಮೆಂಟ್‌ ಮಾಡುತ್ತಿದ್ದಾರೆ.
ಕಿನ್ನರಿ ಧಾರಾವಾಹಿ ಮೂಲಕ ಪರಿಚಯವಾದ ಕುಂದಾಪುರ ಚೆಲುವೆ
'ಕಿನ್ನರಿ' ಧಾರಾವಾಹಿಯಲ್ಲಿ ಭೂಮಿ ಶೆಟ್ಟಿ ಮಣಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಪುಟ್ಟ ಮಣಿಯೇ ದೊಡ್ಡವಳಾದ ನಂತರ ಹೀಗೆ ಕಾಣುತ್ತಿದ್ದಾಳೇನೋ ಎನ್ನುವಂತೆ ಧಾರಾವಾಹಿ ತಂಡ, ಆ ಪಾತ್ರಕ್ಕೆ ತಕ್ಕ ಭೂಮಿ ಶೆಟ್ಟಿಯನ್ನು ಕರೆತಂದಿದ್ದರು. ಆ ಧಾರಾವಾಹಿ ಮುಗಿಯುತ್ತಿದ್ದಂತೆ ತೆಲುಗಿನ 'ನಿನ್ನೇ ಪೆಳ್ಳಾಡತಾ' ಹಾಗೂ 'ಅಕ್ಕ ಚೆಲ್ಲೆಲು' ಧಾರಾವಾಹಿಗಳಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಿದರು. ಬಿಗ್‌ ಬಾಸ್‌ ಸೀಸನ್‌ 7ರ ನಂತರ 'ಇಕ್ಕಟ್‌' ಸಿನಿಮಾ ಮೂಲಕ ಸ್ಯಾಂಡಲ್‌ವುಡ್‌ಗೂ ಎಂಟ್ರಿ ಕೊಟ್ಟರು. ಈ ಚಿತ್ರದಲ್ಲಿ ಭೂಮಿ ಜೊತೆಗೆ ನಾಗಭೂಷಣ್‌ ನಟಿಸಿದ್ದರು.
ಕೆಂಡದ ಸೆರಗು ಸಿನಿಮಾದಲ್ಲಿ ನಟಿಸುತ್ತಿರುವ ಭೂಮಿ
ಕನಸಿನ ರಾಣಿ ಮಾಲಾಶ್ರೀ ಜೊತೆಗೆ ಭೂಮಿ ಶೆಟ್ಟಿ ನಟಿಸುತ್ತಿರುವ 'ಕೆಂಡದ ಸೆರಗು' ಸಿನಿಮಾ ಬಿಡುಗಡೆ ಆಗಬೇಕಿದೆ. ಈ ಚಿತ್ರದಲ್ಲಿ ಮಾಲಾಶ್ರೀ ಪೊಲೀಸ್‌ ಅಧಿಕಾರಿ ಪಾತ್ರದಲ್ಲಿ, ಭೂಮಿ ಶೆಟ್ಟಿ ಕುಸ್ತಿ ಪಟು ಪಾತ್ರದಲ್ಲಿ ನಟಿಸಿದ್ದಾರೆ. ಕುಸ್ತಿ ದೃಶ್ಯದ ಫೋಟೋಗಳನ್ನು ಭೂಮಿ ಶೆಟ್ಟಿ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ರಾಕಿ ಸೋಮ್ಲಿ, ಕೆಂಡದ ಸೆರಗು ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಶ್ರೀ ಮುತ್ತು ಟಾಕೀಸ್‌, ಎಸ್‌ಕೆ ಪ್ರೊಡಕ್ಷನ್ಸ್‌ ಬ್ಯಾನರ್‌ ಜೊತೆ ಸೇರಿ ಈ ಚಿತ್ರವನ್ನು ನಿರ್ಮಿಸಿವೆ. ಚಿತ್ರದ ಹಾಡುಗಳಿಗೆ ವೀರೇಶ್‌ ಕಂಬ್ಲಿ ಸಂಗೀತ ನೀಡಿದ್ದಾರೆ. ಈಗಾಗಲೇ ಟೀಸರ್‌ ಬಿಡುಗಡೆ ಆಗಿದೆ.
