Actor Vijay: ಬೇರೆಯವ್ರಿಂದ ಅಶ್ಲೀಲ ಕಾಮೆಂಟ್ ಮಾಡಿಸಿ ಕಿರುಕುಳ ನೀಡುತ್ತಿದ್ದಾರೆ; ತಮಿಳು ಸ್ಟಾರ್‌ ನಟ ವಿಜಯ್ ವಿರುದ್ಧ ಮಹಿಳೆ ದೂರು
ತಮಿಳು ನಟ ವಿಜಯ್ ವಿರುದ್ಧ ಮಹಿಳೆಯೊಬ್ಬರು ತಿರುಗಿ ಬಿದ್ದಿದ್ದು, ಕಿರುಕುಳ ಆರೋಪದ ಮೇಲೆ ಪೊಲೀಸ್‌ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಈ ಕೂಡಲೇ ನಟ ವಿಜಯ್ ಅವರನ್ನು ಬಂಧಿಸಬೇಕು ಎಂದು ಒತ್ತಾಯಿಸಿದ್ದಾರೆ.
Actor Vijay: ತಮಿಳು ನಟ ವಿಜಯ್ ಆಗಾಗ ಸಿನಿಮಾ ಮಾತ್ರವಲ್ಲದೆ ಇತರೆ ವಿಚಾರಗಳಿಗೂ ಸುದ್ದಿಯಲ್ಲಿರುತ್ತಾರೆ. ಇದೀಗ ನಟ ವಿಜಯ್ ಅವರ ವಿರುದ್ಧವೇ ಮಹಿಳೆಯೊಬ್ಬರು ತಿರುಗು ಬಿದ್ದಿದ್ದಾರೆ. ಚೆನ್ನೈನಲ್ಲಿ ಪೊಲೀಸ್‌ ಠಾಣೆಯಲ್ಲಿಯೂ ದೂರು ನೀಡಿದ್ದಾರೆ. ಹಾಗಾದರೆ ಅಷ್ಟಕ್ಕೂ ಆಗಿದ್ದೇನು? ಇಲ್ಲಿದೆ ಮಾಹಿತಿ. ಹೌದು ಕಾಲಿವುಡ್ ನಟ ವಿಜಯ್ ಅವರನ್ನು ಬಂಧಿಸುವಂತೆ ಕೋರಿ ಆಲ್ ಪೀಪಲ್ಸ್ ಪೊಲಿಟಿಕಲ್ ಪಾರ್ಟಿ ನಾಯಕಿ ರಾಜೇಶ್ವರಿ ಪ್ರಿಯಾ ಡಿಜಿಪಿ ಕಚೇರಿಯಲ್ಲಿ ದೂರು ದಾಖಲಿಸಿದ್ದಾರೆ. ದೂರು ದಾಖಲಿಸಿದ ಬಳಿಕ ಸುದ್ದಿಗೋಷ್ಟಿಯಲ್ಲಿ ಹಲವು ಆರೋಪಗಳನ್ನು ಮಾಡಿದ್ದಾರೆ.
"ನಟ ವಿಜಯ್ ಅವರನ್ನು ಬಂಧಿಸುವಂತೆ ಕೋರಿ ದೂರು ದಾಖಲಿಸಿದ್ದೇನೆ. ಕಾರಣ ಜೂನ್ 22 ರಂದು ಲಿಯೋ ಚಿತ್ರದ ಹಾಡು ಸೋನಿ ಮ್ಯೂಸಿಕ್ ಯೂಟ್ಯೂಬ್‌ನಲ್ಲಿ ಬಿಡುಗಡೆಯಾಗಿದೆ. ಈ ಹಾಡಿನಲ್ಲಿ ವಿಜಯ್ ಧೂಮಪಾನ ಮತ್ತು ಮದ್ಯಪಾನಕ್ಕೆ ಉತ್ತೇಜನ ನೀಡಿದಂತಿದೆ. ಹಾಡಿನ ಸಾಹಿತ್ಯವು ಧೂಮಪಾನ ಮತ್ತು ಮದ್ಯದ ಬಗ್ಗೆಯೇ ಇತ್ತು. ಇದು ಯುವಕರು ಮತ್ತು ಮಕ್ಕಳ ಮೇಲೆ ಪರಿಣಾಮ ಬೀರಲಿದೆ ಎಂದು ನಾನು ಹೇಳಿದ್ದೆ. ಹೀಗೆ ಹೇಳಿಕೆ ನೀಡಿದ್ದೇ ತಡ ಸೋಷಿಯಲ್‌ ಮೀಡಿಯಾದಲ್ಲಿ ನನ್ನನ್ನು ಕೆಟ್ಟದಾಗಿ ಬಿಂಬಿಸುತ್ತಿದ್ದಾರೆ.
ಇದನ್ನೂ ಓದಿ: ಕೈಲಾಸ ದೇಶಕ್ಕೆ ಪ್ರೀತಿಯ ಶಿಷ್ಯೆ ರಂಜಿತಾ ಅಲಿಯಾಸ್‌ ನಿತ್ಯಾನಂದಮಯಿಯನ್ನು ಪ್ರಧಾನಿಯನ್ನಾಗಿ ಘೋಷಿಸಿದ ನಿತ್ಯಾನಂದ
ವಿಜಯ್ ನಟನೆಯ ಲಿಯೋ ಸಿನಿಮಾದ ಇಂಟ್ರೋ ಹಾಡೊಂದು ಕಳೆದ ತಿಂಗಳು ಬಿಡುಗಡೆ ಆಗಿತ್ತು. ಹಾಡಿನಲ್ಲಿ ಮಾದಕ ವಸ್ತುಗಳ ಬಳಕೆ ಮತ್ತು ವ್ಯಸನಕ್ಕೆ ಪ್ರೋತ್ಸಾಹ ನೀಡುವಂತೆ ಕಂಡುಬಂದಿದೆ ಎಂದು ಆರೋಪಿಸಿ ಸಾಕಷ್ಟು ಮಂದಿ ಚಿತ್ರತಂಡದ ವಿರುದ್ಧ ದೂರು ನೀಡಿದ್ದರು. ಹಾಡಿನಲ್ಲಿ ಮಧ್ಯಪಾನ ಧೂಮಪಾನ ಆರೋಗ್ಯಕ್ಕೆ ಹಾನಿಕಾರಕ ಎಂಬ ಸೂಚನೆಯನ್ನೂ ನೀಡಿರಲಿಲ್ಲ. ಇದೆಲ್ಲದರ ಬಗ್ಗೆ ರಾಜೇಶ್ವರಿ ಸಹ ಹಾಡಿನ ವಿರುದ್ಧ ದೂರು ನೀಡಿದ್ದರು. ಹಾಡಿನ ಬಗ್ಗೆ ದೂರು ಕೇಳಿಬರುತ್ತಿದ್ದಂತೆ, ಎಚ್ಚರಿಕೆಯ ಸಂದೇಶ ಹಾಕಿ ಮರು ಬಿಡುಗಡೆ ಮಾಡಲಾಗಿತ್ತು.
ಇದನ್ನೂ ಓದಿ: ಜೊತೆಗಿರದ ಜೀವ ಎಂದಿಗೂ ಜೀವಂತ, ಅಪರೂಪ ಸಿನಿಮಾಗೆ ಪುನೀತ್‌ ಹಾಡಿರುವ ಕೊನೆಯ ಹಾಡು ರಿಲೀಸ್; ಭಾವುಕರಾದ ಅಭಿಮಾನಿಗಳು
ಈ ಬಗ್ಗೆ ಹೇಳಿಕೊಳ್ಳುವ ರಾಜೇಶ್ವರಿ, ನಾನು ಓರ್ವ ಸಾಮಾನ್ಯ ಹೋರಾಟಗಾರ್ತಿ. ಜನರಿಗಾಗಿಯೇ ಹೋರಾಟ ಮಾಡಿ ಜೈಲಿಗೆ ಹೋಗಿ ಬಂದಿದ್ದೇನೆ. ಹೀಗಿರುವಾಗ ವಿಜಯ್ ತನ್ನ ಅಭಿಮಾನಿಗಳಿಂದ ನನಗೆ ಕಿರುಕುಳ ಕೊಡಿಸುತ್ತಿದ್ದಾರೆ. ಸೋಷಿಯಲ್‌ ಮೀಡಿಯಾದಲ್ಲಿ ನನ್ನ ಬಗ್ಗೆ ಕೆಟ್ಟ ಕಾಮೆಂಟ್‌ಗಳನ್ನು ಮಾಡಿಸುತ್ತಿದ್ದಾರೆ. ಸ್ವತಃ ವಿಜಯ್ ಅವರೇ ಹಣ ನೀಡಿ ಕೆಲವರನ್ನು ನನ್ನ ವಿರುದ್ಧ ಛೂ ಬಿಟ್ಟಿದ್ದಾರೆ. ಹಾಗಾಗಿ ಇದೀಗ ವಿಜಯ್ ವಿರುದ್ಧ ದೂರು ನೀಡಿದ್ದು, ಈ ಕೂಡಲೇ ಅವರನ್ನು ಬಂಧಿಸುವಂತೆ ರಾಜೇಶ್ವರಿ ಪ್ರಿಯಾ ಒತ್ತಾಯಿಸಿದ್ದಾರೆ.
ಇನ್ನಷ್ಟು ಸಿನಿಮಾ ಕುರಿತ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
