Kollywood News: ರಜನಿಕಾಂತ್‌ ತಮನ್ನಾ ಭಾಟಿಯಾ ಹೆಜ್ಜೆ ಹಾಕಿರುವ ಜೈಲರ್‌ ಚಿತ್ರದ ಮೊದಲ ಹಾಡು ರಿಲೀಸ್; ಕುಣಿದು ಕುಪ್ಪಳಿಸಿದ ಫ್ಯಾನ್ಸ್‌
ಸನ್‌ ಪಿಕ್ಚರ್ಸ್‌ ಬ್ಯಾನರ್‌ ಅಡಿ ನೆಲ್ಸನ್‌ ಆಕ್ಷನ್‌ ಕಟ್‌ ಹೇಳಿರುವ ಜೈಲರ್‌ ಚಿತ್ರದ ಮೊದಲ ಹಾಡು ರಿಲೀಸ್ ಆಗಿದೆ. ಚಿತ್ರದ ಹಾಡುಗಳಿಗೆ ಅನಿರುದ್ಧ್‌ ರವಿಚಂದರ್‌ ಟ್ಯೂನ್ ಹಾಕಿದ್ದು ರಜನಿಕಾಂತ್‌ ಹಾಗೂ ತಮನ್ನಾ ಭಾಟಿಯಾ ಈ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ.
ಸೂಪರ್‌ ಸ್ಟಾರ್‌ ರಜನಿಕಾಂತ್‌ ಅಭಿನಯದ 'ಜೈಲರ್‌' ಸಿನಿಮಾ ನೋಡಲು ಅಭಿಮಾನಿಗಳು ಕಾಯುತ್ತಿದ್ದಾರೆ. ಸಿನಿಮಾ ಆಗಸ್ಟ್‌ನಲ್ಲಿ ತೆರೆ ಕಾಣುತ್ತಿದೆ. ಚಿತ್ರದ ಅಪ್‌ಡೇಟ್‌ಗಾಗಿ ಕಾಯುತ್ತಿದ್ದ ಅಭಿಮಾನಿಗಳಿಗೆ ಚಿತ್ರತಂಡ ಗುಡ್‌ ನ್ಯೂಸ್‌ ನೀಡಿದೆ. ಸಿನಿಮಾದ ಮೊದಲ ಹಾಡು ರಿಲೀಸ್ ಆಗಿದೆ. ಜೈಲರ್‌ ಚಿತ್ರದ ಮೊದಲ ಹಾಡನ್ನು ನೋಡಿ ಫ್ಯಾನ್ಸ್‌ ಥ್ರಿಲ್‌ ಆಗಿದ್ದಾರೆ.
ಕಾವಾಲಯ್ಯ ಹಾಡು ಬಿಡುಗಡೆ
ಚಿತ್ರದ ಕಾವಾಲಯ್ಯ ಎಂಬ ಹಾಡನ್ನು ಚಿತ್ರತಂಡ ರಿಲೀಸ್ ಮಾಡಿದೆ. ಟ್ರೈಬಲ್‌ ಥೀಮ್‌ನಲ್ಲಿ ಈ ಹಾಡು ತಯಾರಾಗಿದ್ದು ತಮನ್ನಾ ಭಾಟಿಯಾ ಲುಕ್‌ ಹಾಗೂ ಡ್ಯಾನ್ಸ್‌ ಬಹಳ ಗಮನ ಸೆಳೆಯುತ್ತಿದೆ. ರಜನಿಕಾಂತ್‌ ಕೂಡಾ ಈ ಹಾಡಿನಲ್ಲಿ ಸಾಲ್ಟ್‌ ಪೆಪ್ಪರ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ತಲೈವಾ ಮಿಲ್ಕಿ ಬ್ಯೂಟಿ ಜೊತೆ ಹೆಜ್ಜೆ ಹಾಕಿದ್ದಾರೆ. ಜೊತೆಗೆ ಸ್ಟೈಲ್‌ ಆಗಿ ಗ್ಲಾಸ್‌ ಹಾಕಿಕೊಳ್ಳುವ ದೃಶ್ಯ ಮತ್ತೆ ಗಮನ ಸೆಳೆದಿದೆ. ಶಿಲ್ಪಾ ರಾವ್‌ ಹಾಗೂ ಅನಿರುದ್ಧ್‌ ರವಿಚಂದರ್‌ ಈ ಹಾಡಿಗೆ ದನಿಯಾಗಿದ್ದಾರೆ. ಇದು ರಜನಿಕಾಂತ್‌ ಅಭಿನಯದ 169ನೇ ಸಿನಿಮಾ ಆಗಿದ್ದು ಅಭಿಮಾನಿಗಳು ಕೂಡಾ ಈ ಚಿತ್ರದ ಬಗ್ಗೆ ಸಾಕಷ್ಟು ನಿರೀಕ್ಷೆ ಇರಿಸಿಕೊಂಡಿದ್ದಾರೆ.
ಆಗಸ್ಟ್‌ 10 ಕ್ಕೆ ಜೈಲರ್‌ ಸಿನಿಮಾ ರಿಲೀಸ್
'ಜೈಲರ್‌' ಸಿನಿಮಾ ಚಿತ್ರೀಕರಣ ಮುಗಿಸಿ ಪೋಸ್ಟ್‌ ಪ್ರೊಡಕ್ಷನ್‌ ಕೆಲಸದಲ್ಲಿ ಬ್ಯುಸಿ ಆಗಿದೆ. ಆಗಸ್ಟ್‌ 10ಕ್ಕೆ ಸಿನಿಮಾ ವಿಶ್ವಾದ್ಯಂತ ತೆರೆ ಕಾಣುತ್ತಿದೆ. ಚಿತ್ರದಲ್ಲಿ ಕನ್ನಡದ ಸೆಂಚುರಿ ಸ್ಟಾರ್‌ ನಟಿಸಿರುವುದು ವಿಶೇಷ. ಇವರೊಂದಿಗೆ ಮಲಯಾಳಂನ ಮೋಹನ್‌ ಲಾಕ್‌, ಬಾಲಿವುಡ್‌ನ ಜಾಕಿ ಶ್ರಾಫ್‌ ಸೇರಿದಂತೆ ರಮ್ಯ ಕೃಷ್ಣನ್‌, ವಸಂತ ರವಿ, ನಾಗ ಬಾಬು, ಯೋಗಿ ಬಾಬು, ಕಿಶೋರ್‌, ಕರಾಟೆ ಕ್ರಾಂತಿ, ಶರವಣನ್‌, ನಿಶಾ, ಮಹಾನದಿ ಶಂಕರ್‌ ಹಾಗೂ ಇನ್ನಿತರರು ನಟಿಸಿದ್ದಾರೆ.
ಕೆಲವು ದಿನಗಳ ಹಿಂದಷ್ಟೇ ಕಾವಾಲಯ್ಯ ಹಾಡಿನ ಶೂಟಿಂಗ್‌ ಮುಗಿಸಿದ್ದ ಜೈಲರ್‌ ತಂಡ, ಕೇಕ್‌ ಕತ್ತರಿಸಿ ಸೆಲೆಬ್ರೇಟ್‌ ಮಾಡಿತ್ತು. ಜೈಲರ್‌ ಚಿತ್ರವನ್ನು ಸನ್‌ ಪಿಕ್ಚರ್ಸ್‌ ಬ್ಯಾನರ್‌ ಅಡಿ ನೆಲ್ಸನ್‌ ಕಥೆ ಬರೆದು ನಿರ್ದೇಶಿಸಿದ್ದಾರೆ. ಚಿತ್ರದ ಹಾಡುಗಳಿಗೆ ಅನಿರುದ್ಧ್‌ ರವಿಚಂದರ್‌ ಸಂಗೀತ ನೀಡಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗೆ ಈ ಲಿಂಕ್‌ ಕ್ಲಿಕ್‌ ಮಾಡಿ
