Kaavaalaa Song: ಟ್ರೆಂಡ್‌ ಆಗ್ತಿದೆ ತಮನ್ನಾ ಬಾಟಿಯಾ ಕಾವಾಲಾ ಹಾಡು; ಈ ಹಾಡಿಗೆ ಯಾರೆಲ್ಲ ಸೊಂಟ ಬಳುಕಿಸಿದ್ದಾರೆ ಒಮ್ಮೆ ನೋಡಿ
ತಮನ್ನಾ ಭಾಟಿಯಾ ಇತ್ತೀಚಿನ ಕೆಲ ದಿನಗಳಿಂದ ಸಖತ್‌ ಸುದ್ದಿಯಲ್ಲಿದ್ದಾರೆ. ಇದೀಗ ಕಾವಾಲಾ ಹಾಡಿನ ಮೂಲಕ ಮತ್ತೆ ಸದ್ದು ಮಾಡುತ್ತಿದ್ದಾರೆ.
Tamannaah Bhatia Kaavaalaa Song: ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ ಕಳೆದೊಂದು ತಿಂಗಳಿಂದ ಸಖತ್‌ ಸುದ್ದಿಯಲ್ಲಿದ್ದಾರೆ. ಬೇರಾವ ನಟಿಯರೂ ಈ ಮಟ್ಟದಲ್ಲಿ ಟ್ರೆಂಡ್‌ ಆಗಿರಲಿಲ್ಲ. ತಮನ್ನಾ ಮಾತ್ರ ಸೋಷಿಯಲ್‌ ಮೀಡಿಯಾದಲ್ಲಿ ಒಂದಿಲ್ಲೊಂದು ವಿಚಾರಕ್ಕೆ ಸದ್ದು ಮಾಡುತ್ತಲೇ ಇದ್ದರು. ಅಚ್ಚರಿ ವಿಚಾರ ಏನೆಂದರೆ ಅಷ್ಟೇ ಪ್ರಮಾಣದಲ್ಲಿ ಟೀಕೆಗಳನ್ನೂ ಎದುರಿಸಿ ಟ್ರೋಲ್‌ ಸಹ ಆಗಿದ್ದಾರೆ ತಮನ್ನಾ. ಇದೀಗ ಕಾವಾಲಾ ಮೂಲಕ ಮತ್ತೆ ಮುನ್ನೆಲೆಗೆ ಬಂದಿದ್ದಾರೆ.
ರಜನಿಕಾಂತ್‌ ಅವರ ಜೈಲರ್‌ ಸಿನಿಮಾದ ಕಾವಾಲಾ ಹಾಡು ಇತ್ತೀಚೆಗಷ್ಟೇ ಬಿಡುಗಡೆ ಆಗಿದೆ. ಆ ಹಾಡು ಬಿಡುಗಡೆ ಆಗಿದ್ದೇ ತಡ ತಮನ್ನಾ ಭಾಟಿಯಾ ಮತ್ತೆ ತಮ್ಮ ಹಾಡಿನ ಮೂಲಕವೇ ಸೆನ್ಸೆಷನ್‌ ಸೃಷ್ಟಿಸಿದರು. ಮೈಚಳಿ ಬಿಟ್ಟು ಕುಣಿದ ಹಾಡು, ಯೂಟ್ಯೂಬ್‌ನಲ್ಲಿ ಸೂಪರ್‌ ಹಿಟ್‌ ಆಯ್ತು. ನಟಿಯ ಆ ಹಾಡಿನ ವಿಡಿಯೋ ತುಣುಕುಗಳೂ ನೋಡುಗರ ಕಣ್ಣರಳಿಸಿದವು. ಇದೆಲ್ಲದರ ನಡುವೆಯೇ ರೀಲ್ಸ್‌ ಪ್ರಿಯರಿಗಾಗಿಯೇ ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಕಾವಾಲಾ ಹಾಡಿನ ಡಾನ್ಸ್ ಸ್ಟೆಪ್‌ ಹಂಚಿಕೊಂಡಿದ್ದರು.
ಸೋಷಿಯಲ್‌ ಮೀಡಿಯಾದಲ್ಲಿ ಟ್ರೆಂಡ್‌
ಹೀಗೆ ತಮನ್ನಾ ಹಾಡು ಹಂಚಿಕೊಂಡಿದ್ದೇ ತಡ ಕಾವಾಲಾ ಹಾಡು ಜಾಲತಾಣದಲ್ಲಿ ಸಖತ್‌ ವೈರಲ್‌ ಆಗುತ್ತಿದೆ. ಡಾನ್ಸ್ ಪ್ರಿಯರೆಲ್ಲ ಈ ಹಾಡಿಗೆ ರೀಲ್ಸ್‌ ಮಾಡುತ್ತಿದ್ದಾರೆ. ಚಿಕ್ಕ ಮಕ್ಕಳಿಂದ ಹಿಡಿದು ಸಿನಿಮಾ ಮಂದಿಯೂ ಹಾಡನ್ನು ಮೆಚ್ಚಿಕೊಂಡಿದ್ದಾರೆ. ಇದೆಲ್ಲದರ ನಡುವೆ ಹೆಚ್ಚು ಸದ್ದು ಮಾಡಿದ್ದು, ತಮನ್ನಾ ಅವರ ಡಾನ್ಸ್‌ಅನ್ನೇ ಬೇರೆ ನಟಿಯರು ಮಾಡಿದ್ದು. ಅಂದರೆ, ಸೇಂಥಿಲ್‌ ನಾಯಗಮ್ ಎಂಬುವವರು AI ತಂತ್ರಜ್ಞಾನ ಬಳಕೆ ಮಾಡಿ, ತಮನ್ನಾ ಅವರ ಮುಖಕ್ಕೆ ಬೇರೆ ಬೇರೆ ನಟಿಮಣಿಯರ ಮುಖ ಅಂಟಿಸಿ ವಿಡಿಯೋ ಮಾಡಿ ಪೋಸ್ಟ್‌ ಮಾಡಿದ್ದಾರೆ.
AI ತಂತ್ರಜ್ಞಾನದಲ್ಲಿ ಸೆಲೆಬ್ರಿಟಿಗಳಿಂದ ಡಾನ್ಸ್
ಸೇಂಥಿಲ್‌ ನಾಯಗಮ್ ಮೊದಲಿಗೆ ತಮನ್ನಾ ಅವರ ಹಾಡಿಗೆ ನಟಿ ಸಿಮ್ರನ್‌ ಅವರ ಮುಖ ಹಾಕಿ ವಿಡಿಯೀ ಹರಿಬಿಟ್ಟಿದ್ದರು. ಅದು ಎಲ್ಲೆಡೆ ವೈರಲ್‌ ಆಗುತ್ತಿದ್ದಂತೆ, ಸ್ವತಃ ತಮನ್ನಾ ಮತ್ತು ಸಿಮ್ರನ್‌ ನೋಡಿ ಅಚ್ಚರಿಹೊರಹಾಕಿದ್ದರು. ಅದಾದ ಬಳಿಕ, ನಯನತಾರಾ, ಸಮಂತಾ, ಕತ್ರಿನಾ ಕೈಫ್‌, ಕಿಯಾರಾ ಅಡ್ವಾಣಿ, ಹನ್ಸಿಕಾ ಮೋಟ್ವಾನಿ, ಮಾಳವಿಕಾ ಮೋಹನನ್ ಅವರ ಮುಖವನ್ನು ಬಳಕೆ ಮಾಡಿ ವಿಡಿಯೋ ಹರಿಬಿಟ್ಟಿದ್ದಾರೆ. ಇತ್ತ ಇನ್‌ಸ್ಟಾಗ್ರಾಂನಲ್ಲಿಯೂ ಸರಣಿ ರೀಲ್‌ಗಳಾಗಿ ಈ ಹಾಡು ಸೌಂಡ್‌ ಮಾಡುತ್ತಿದೆ.
ನೆಲ್ಸನ್‌ ನಿರ್ದೇಶನದ ಸಿನಿಮಾ...
ಇನ್ನು ಸಿನಿಮಾ ಬಗ್ಗೆ ಹೇಳುವುದಾದರೆ, ಜೈಲರ್‌ ಚಿತ್ರದಲ್ಲಿ ಬಹುತಾರಾಗಣವಿದೆ. ರಜನಿಕಾಂತ್‌ ಜತೆಗೆ ಕನ್ನಡದ ಶಿವರಾಜ್‌ಕುಮಾರ್‌ ಸಹ ನಟಿಸಿದ್ದಾರೆ. ಮೋಹನ್‌ ಲಾಲ್‌, ಜಾಕಿ ಶ್ರಾಫ್‌, ರಮ್ಯಾ ಕೃಷ್ಣ, ತಮನ್ನಾ ಪಾತ್ರವರ್ಗದಲ್ಲಿದ್ದಾರೆ. ನೆಲ್ಸನ್‌ ನಿರ್ದೇಶನದಲ್ಲಿ ಮೂಡಿಬಂದ ಈ ಸಿನಿಮಾಕ್ಕೆ ಅನಿರುದ್ಧ ರವಿಚಂದ್ರನ್‌ ಸಂಗೀತ ನೀಡಿದ್ದಾರೆ. ಸನ್‌ ಪಿಕ್ಚರ್ಸ್‌ ಬ್ಯಾನರ್‌ನಲ್ಲಿ ಈ ಸಿನಿಮಾ ನಿರ್ಮಾಣವಾಗಿದೆ. ಸದ್ಯ ಬಿಡುಗಡೆ ಆಗಿರುವ ಈ ಹಾಡು ಯೂಟ್ಯೂಬ್‌ನಲ್ಲಿ 33 ಮಿಲಿಯನ್‌ ಪ್ಲಸ್‌ ವೀಕ್ಷಣೆ ಪಡೆದುಕೊಂಡು ಮುನ್ನುಗ್ಗುತ್ತಿದೆ.
ನಯನತಾರಾ ಡಾನ್ಸ್
