Rajinikanth: ಮಾಲ್ಡೀವ್ಸ್‌ ಬೀಚ್‌ ಬಳಿ ಬರಿಗಾಲಿನಲ್ಲಿ ಅಡ್ಡಾಡುತ್ತಿರುವ ರಜನಿಕಾಂತ್ ಫೋಟೋ ವೈರಲ್; ತಲೈವಾ ಎಷ್ಟು ಸಿಂಪಲ್‌ ಎಂದ ಫ್ಯಾನ್ಸ್‌
ರಜನಿಕಾಂತ್ ಕಳೆದ ವಾರ ಮಾಲ್ಡೀವ್ಸ್‌ಗೆ ಹೋಗಿದ್ದಾರೆ. ಅಲ್ಲಿನ ಫೋಟೋಗಳನ್ನು ತಮಿಳು ಸಿನಿಮಾ ವಿಮರ್ಶಕ ರಮೇಶ್‌ ಬಾಲಾ ಹಂಚಿಕೊಂಡಿದ್ದಾರೆ. ರಜನಿ ಅಭಿನಯದ 'ಜೈಲರ್‌' ಸಿನಿಮಾ ಶೂಟಿಂಗ್‌ ಮುಗಿದು ಪೋಸ್ಟ್‌ ಪ್ರೊಡಕ್ಷನ್‌ ಹಂತದಲ್ಲಿದೆ. ಆಗಸ್ಟ್‌ 10ಕ್ಕೆ ಸಿನಿಮಾ ವಿಶ್ವಾದ್ಯಂತ ತೆರೆ ಕಾಣುತ್ತಿದೆ.
ಸೂಪರ್‌ ಸ್ಟಾರ್‌ ರಜನಿಕಾಂತ್ ಅಭಿನಯದ 'ಜೈಲರ್‌' ಸಿನಿಮಾದ ಕಾವಾಲ...ಹಾಡು ಇತ್ತೀಚೆಗೆ ರಿಲೀಸ್‌ ಆಗಿ ಒಳ್ಳೆ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಸಿನಿಮಾ ಶೂಟಿಂಗ್‌ ಮುಗಿದು ಪೋಸ್ಟ್‌ ಪ್ರೊಡಕ್ಷನ್‌ ಹಂತದಲ್ಲಿದೆ. ಇದೀಗ ತಲೈವಾ, ಸಿನಿಮಾ ಕೆಲಸಗಳಿಂದ ಬ್ರೇಕ್‌ ಪಡೆದು ಮಾಲ್ಡೀವ್ಸ್‌ನಲ್ಲಿ ರಿಲಾಕ್ಸ್‌ ಮಾಡುತ್ತಿದ್ದಾರೆ.
ಮಾಲ್ಡೀವ್ಸ್‌ ಕಡಲ ತೀರದಲ್ಲಿ ರಜನಿಕಾಂತ್
ರಜನಿಕಾಂತ್ ದೊಡ್ಡ ಸ್ಟಾರ್‌ ನಟ ಆದರೂ ಅವರು ಬಹಳ ಸಿಂಪಲ್‌ ಅನ್ನೋದು ಎಲ್ಲರಿಗೂ ತಿಳಿದಿರುವ ವಿಚಾರ. ಇದೀಗ ಅವರ ಮತ್ತೊಂದು ಫೋಟೋ ಇಂಟರ್‌ನೆಟ್‌ನಲ್ಲಿ ಹರಿದಾಡುತ್ತಿದ್ದು ನಮ್ಮ ತಲೈವಾ ಎಷ್ಟು ಸಿಂಪಲ್‌ ಅನ್ನೋದನ್ನು ಪದೇ ಪದೇ ಸಾಬೀತು ಮಾಡುತ್ತಿದ್ಧಾರೆ ಎಂದು ರಜನಿ ಅಭಿಮಾನಿಗಳು ಉದ್ಘರಿಸುತ್ತಿದ್ದಾರೆ. ರಜನಿಕಾಂತ್ ಕಳೆದ ವಾರ ಮಾಲ್ಡೀವ್ಸ್‌ಗೆ ಹೋಗಿದ್ದಾರೆ. ಅಲ್ಲಿನ ಫೋಟೋಗಳನ್ನು ತಮಿಳು ಸಿನಿಮಾ ವಿಮರ್ಶಕ ರಮೇಶ್‌ ಬಾಲಾ ಹಂಚಿಕೊಂಡಿದ್ದಾರೆ.
ಸಿಂಪಲ್‌ ಲುಕ್‌ನಲ್ಲಿ ಕಾಣಿಸಿಕೊಂಡ ತಲೈವಾ
ಒಂದು ಫೋಟೋದಲ್ಲಿ ರಜನಿಕಾಂತ್ ಬ್ಯಾಗ್‌ವೊಂದನ್ನು ತಮ್ಮ ತೋಳಿಗೆ ಹ್ಯಾಂಗ್ ಮಾಡಿಕೊಂಡು ವಿಮಾನದ ಮುಂದೆ ನಿಂತಿದ್ದರೆ, ಮತ್ತೊಂದರಲ್ಲಿ ಮಾಲ್ಡೀವ್ಸ್‌ ಹೋಟೆಲ್‌ ಸಿಬ್ಬಂದಿ ರಜನಿ ಅವರಿಗೆ ಹೂ ಗುಚ್ಛ ನೀಡಿ ಸ್ವಾಗತಿಸುತ್ತಿದ್ದಾರೆ. ಹಾಗೆ ಇನ್ನೊಂದು ಫೋಟೋದಲ್ಲಿ ರಜನಿ ಸಮುದ್ರ ತೀರದ ಬಳಿ ಕೆಂಪು ಟೀ ಶರ್ಟ್‌, ಶಾರ್ಟ್ಸ್‌ ಧರಿಸಿ ಬರಿಗಾಲಿನಲ್ಲಿ ಅಡ್ಡಾಡುತ್ತಿದ್ದಾರೆ. ಈ ಫೋಟೋ ಈಗ ವೈರಲ್ ಆಗುತ್ತಿದೆ.
ಆಗಸ್ಟ್‌ 10 ರಂದು ತೆರೆ ಕಾಣುತ್ತಿರುವ 'ಜೈಲರ್‌'
'ಜೈಲರ್‌' ಸಿನಿಮಾ ಶೂಟಿಂಗ್‌ ಮುಗಿದು ಪೋಸ್ಟ್‌ ಪ್ರೊಡಕ್ಷನ್‌ ಹಂತದಲ್ಲಿದೆ. ಆಗಸ್ಟ್‌ 10ಕ್ಕೆ ಸಿನಿಮಾ ವಿಶ್ವಾದ್ಯಂತ ತೆರೆ ಕಾಣುತ್ತಿದೆ. ಚಿತ್ರದಲ್ಲಿ ಶಿವರಾಜ್‌ಕುಮಾರ್‌ ಕೂಡಾ ನಟಿಸಿದ್ದಾರೆ. ಮಲಯಾಳಂನ ಮೋಹನ್‌ ಲಾಲ್‌, ಬಾಲಿವುಡ್ ನಟಜಾಕಿ ಶ್ರಾಫ್‌ ಸೇರಿದಂತೆ ರಮ್ಯ ಕೃಷ್ಣನ್‌, ಯೋಗಿ ಬಾಬು, ವಸಂತ ರವಿ, ನಾಗ ಬಾಬು, ನಿಶಾ, ಮಹಾನದಿ ಶಂಕರ್‌, ಕಿಶೋರ್‌, ಕರಾಟೆ ಕ್ರಾಂತಿ, ಶರವಣನ್‌ ಹಾಗೂ ಇನ್ನಿತರರು ನಟಿಸಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳು
ಇಂದು ಚೆಲುವಿನ ಗಣಿ ಸೌಂದರ್ಯ 51ನೇ ಹುಟ್ಟುಹಬ್ಬ; ನಿಧನರಾದಾಗ ಗರ್ಭಿಣಿಯಾಗಿದ್ದ ಸೌಮ್ಯ ಸತ್ಯನಾರಾಯಣ
ಬಹುಭಾಷಾ ನಟಿ ಸೌಂದರ್ಯ ಅವರೊಂದಿಗೆ ಚಿತ್ರರಂಗದ ನಟ, ನಟಿಯರಿಗೆ, ನಿರ್ಮಾಪಕ , ನಿರ್ದೇಶಕ, ತಂತ್ರಜ್ಞರಿಗೆ ಅನೇಕ ನೆನಪುಗಳಿವೆ. ಅವರು ನಿಧನರಾಗುವ ಹಿಂದಿನ ದಿನ ನಡೆದ ಘಟನೆಯೊಂದರನ್ನು ತಮಿಳು ನಿರ್ದೇಶಕ ಉದಯ್ ಕುಮಾರ್ ಸುಮಾರು 3 ವರ್ಷಗಳ ಹಿಂದೆ ಹೇಳಿಕೊಂಡಿದ್ದರು. ಈಗ ಈ ವಿಡಿಯೋ ವೈರಲ್ ಆಗುತ್ತಿದೆ. ಸೌಂದರ್ಯ ನಿಧನರಾಗುವ ಹಿಂದಿನ ದಿನ ಉದಯ್ ಅವರಿಗೆ ಕರೆ ಮಾಡಿ ‘ಚಂದ್ರಮುಖಿ’ನಂತರ ನಾನು ಸಿನಿಮಾಗಳಿಂದ ದೂರ ಉಳಿಯುತ್ತೇನೆ ಎಂದು ಹೇಳಿದ್ದರಂತೆ. ಪೂರ್ತಿ ಸುದ್ದಿಗೆ ಈ ಲಿಂಕ್‌ ಕ್ಲಿಕ್‌ ಮಾಡಿ.
ಫೈಬ್ರೊಮ್ಯಾಲ್ಗಿಯಾ ಎಂಬ ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿದ್ದೇನೆ; ನಂದ ಲವ್ಸ್‌ ನಂದಿತ ಸಿನಿಮಾ ಖ್ಯಾತಿಯ ನಟಿ ನಂದಿತಾ ಶ್ವೇತಾ
ನನಗೆ ಫೈಬ್ರೊಮ್ಯಾಲ್ಗಿಯಾ ಎಂಬ ಸ್ನಾಯು ಅಸ್ವಸ್ಥತೆ ಇದೆ. ಈ ಆರೋಗ್ಯ ಸಮಸ್ಯೆಯಿಂದ ಸ್ವಲ್ಪ ಹೆಚ್ಚಿಗೆ ಕೆಲಸ ಮಾಡಿದರೂ ಸಮಸ್ಯೆ ಆಗುತ್ತದೆ. ಭಾರವಾದ ವಸ್ತುಗಳನ್ನು ಎತ್ತುವುದಾಗಲೀ, ಅತ್ಯಂತ ಶ್ರಮದ ಕೆಲಸ ಮಾಡಲು ಆಗುತ್ತಿಲ್ಲ. ನನ್ನಂತೆ ಈ ಸಮಸ್ಯೆಯಿಂದ ಬಳಲುವವರಿಗೆ ಕೀಲು ನೋವು ಪ್ರಮುಖವಾಗಿ ಕಾಣಿಸಿಕೊಳ್ಳುತ್ತದೆ. ಆದ್ದರಿಂದ ಬಹಳ ಬೇಗ ಆಯಾಸವಾಗುತ್ತದೆ. ಪೂರ್ತಿ ಸ್ಟೋರಿ ಓದಲು ಈ ಲಿಂಕ್‌ ಒತ್ತಿ.
