Kollywood News: ತಮಿಳು ನಟ ಅಜಿತ್ ಮನೆಯ ಗೋಡೆ ಧ್ವಂಸಗೊಳಿಸಿದ ಸರಕಾರ; ಇಲ್ಲಿದೆ ಕಾರಣ
Tamil star Ajith: ತಮಿಳು ನಟ ಅಜಿತ್ ಅವರು ತನ್ನ ಸುಂದರ ಮನೆಯ ಗೋಡೆಯನ್ನು ಕಳೆದುಕೊಂಡಿದ್ದಾರೆ. ಸರಕಾರವು ರಸ್ತೆ ವಿಸ್ತರಣೆ ಮತ್ತು ಒಳಚರಂಡಿ ನಿರ್ಮಾಣಕ್ಕಾಗಿ ನಟ ಅಜಿತ್ ಮತ್ತು ಸುತ್ತಮುತ್ತಲಿನ ಮನೆಗಳ ಕೆಲವು ಭಾಗಗಳನ್ನು ಕೆಡವಿಹಾಕಿದೆ.
ಬೆಂಗಳೂರು: ತಮಿಳು ನಟ ಅಜಿತ್ ಅವರ ಮನೆಯ ಗೋಡೆಯೊಂದನ್ನು ಸರಕಾರ ಕೆಡವಿದೆ. ತಿರುವನ್ಮಿಯೂರ್‌ನಿಂದ ಸ್ಥಳಾಂತರಗೊಂಡ ಬಳಿಕ ಈಗ ಚೆನ್ನೈನ ಇಂಜುಂಬಾಕ್ಕಂನಲ್ಲಿ ಇವರು ವಾಸಿಸುತ್ತಿದ್ದರು. ಅವರ ಪ್ರದೇಶದಲ್ಲಿ ರಸ್ತೆ ವಿಸ್ತರಣೆ ಮತ್ತು ಮಳೆನೀರು ಚರಂಡಿ ಕಾಮಗಾರಿ ನಡೆಯುತ್ತಿದೆ. ಈ ಕೆಲಸಕ್ಕಾಗಿ ಇವರ ಮನೆಯ ಗೊಡೆಯನ್ನು ಕೆಡವಲಾಗಿದೆ.
ತಮಿಳು ನಟ ಅಜಿತ್ ಮಾತ್ರವಲ್ಲದೆ ಆ ಪ್ರದೇಶದ ಹಲವು ಮನೆಗಳ ಗೋಡೆಗಳನ್ನು ನೆಲಸಮಗೊಳಿಸಲಾಗಿದೆ. ಹೊಸ ರಸ್ತೆ ಕಾಮಗಾರಿಯಿಂದಾಗಿ ಅಜಿತ್ ಮನೆಯವರಿಗೆ ಇನ್ಮುಂದೆ ಮನೆಯಿಂದ ನೇರವಾಗಿ ಬೀಚ್‌ಗೆ ಹೋಗಲು ಸಾಧ್ಯವಿಲ್ಲ. ಒಂದಿಷ್ಟು ಸುತ್ತು ಹಾಕಿಕೊಂಡು ಬೀಚ್‌ಗೆ ಹೋಗಬೇಕಾಗುತ್ತದೆ.
ನಟ ಅಜಿತ್ ಅವರು 2017ರಲ್ಲಿ ತಮ್ಮ ಮನೆಗೆ ಸಾಕಷ್ಟು ಆಧುನಿಕ ಟಚ್‌ ನೀಡಿ ನವೀಕರಣ ಮಾಡಿದ್ದರು. ಈ ಕಾರಣಕ್ಕಾಗಿ ಇವರು ತಮ್ಮ ಕುಟುಂಬದ ಜತೆ ಬೇರೆ ಬಾಡಿಗೆ ಮನೆಯಲ್ಲಿ ವಾಸಿಸುತ್ತಿದ್ದರು. ಮನೆಯಲ್ಲೇ ಕುಳಿತು ಎಲ್ಲಾ ಕೆಲಸ ಕಾರ್ಯಗಳನ್ನು ರಿಮೋಟ್‌ ಮೂಲಕ ನಿರ್ವಹಿಸಲು ಸಾಧ್ಯವಾಗುವಂತೆ ಅತ್ಯಾಧುನಿಕ ಸೌಲಭ್ಯಗಳನ್ನು ಅಳವಡಿಸಿ ತಮ್ಮ ಮನೆಯನ್ನು ಸಜ್ಜುಗೊಳಿಸಿದ್ದರು. ಅದಕ್ಕಾಗಿ ವಿಶೇಷ ಇಂಟೀರಿಯರ್‌ ಡಿಸೈನರ್‌ರನ್ನು ನೇಮಕ ಮಾಡಿದ್ದರು. ಮಗನಿಗೆ ಆಟವಾಡಲು ವಿಶೇಷ ಪ್ಲೇ ರೂಂ ಮಾಡಿದ್ದರು. ಡ್ಯಾನ್ಸ್‌ ಮತ್ತು ಇತರೆ ಕಲಿಕೆಗೆ ಪ್ರತ್ಯೇಕ ಸ್ಥಳ ಮಾಡಿಕೊಂಡಿದ್ದರು.
ಸದ್ಯ ಅಜಿತ್ ವರ್ಷಕ್ಕೆ ಒಂದು ಚಿತ್ರದಲ್ಲಿ ಮಾತ್ರ ನಟಿಸುತ್ತಿದ್ದಾರೆ. ಈ ವರ್ಷ ಜನವರಿಯಲ್ಲಿ ಅವರು ತಿನಿವು ಚಿತ್ರದಲ್ಲಿ ನಟಿಸಿದ್ದರು. ಬಳಿಕ ಬಿಡುವು ಮಾಡಿಕೊಂಡು ಬೈಕ್‌ನಲ್ಲಿ ದೂರ ಪ್ರವಾಸ ಕೈಗೊಂಡಿದ್ದರು. ಇದಾದ ಬಳಿಕ ಇವರು ಚಿದುತಲೈನಲ್ಲಿ ನಟಿಸುತ್ತಿದ್ದಾರೆ. ಇದು ಮಾಗಿಜ್‌ ತಿರುಮೇನಿ ನಿರ್ದೇಶನದ, ಲೈಕಾ ಪ್ರೊಡಕ್ಷನ್‌ನ ಚಿತ್ರವಾಗಿದೆ. ವರದಿಗಳ ಪ್ರಕಾರ ವಿದುತಲೈ ಚಿತ್ರದ ಚಿತ್ರಿಕರಣವು ಅಜರ್‌ಬೈಜಾನ್‌ನಲ್ಲಿ ನಡೆಯುತ್ತಿದೆ. ಈ ಚಿತ್ರಕ್ಕಾಗಿ ಅಜಿತ್ ತಮ್ಮ ದೇಹದ ತೂಕವನ್ನು ಕಡಿಮೆ ಮಾಡಿಕೊಂಡಿದ್ದಾರೆ.
ಈ ವರ್ಷದ ಆರಂಭದಲ್ಲಿ ಅಜಿತ್ ತಂದೆ ಪಿ. ಸುಬ್ರಹ್ಮಣ್ಯಂ ನಿಧನರಾದರು. ನಟ ಅಜಿತ್ ಕುಮಾರ್ ಅವರ ತಂದೆ ಪಿ.ಸುಬ್ರಮಣ್ಯಂ ಅವರಿಗೆ 86 ವರ್ಷ ವಯಸ್ಸಾಗಿತ್ತು. ವಯೋಸಹಜ ಅನಾರೋಗ್ಯದಿಂದ ಬಳಲುತ್ತಿದ್ದ ಅವರು, ಪಾರ್ಶ್ವವಾಯುವಿಗೂ ತುತ್ತಾಗಿದ್ದರು. ನಿರಂತರ ಚಿಕಿತ್ಸೆಯನ್ನೂ ಪಡೆಯುತ್ತಿದ್ದರು. ಆದರೆ, ಚಿಕಿತ್ಸೆ ಫಲಕಾರಿಯಾಗದೆ ನಿಧನರಾಗಿದ್ದಾರೆ ಎಂದು ಕುಟುಂಬದ ಮೂಲಗಳು ತಿಳಿಸಿವೆ.
ಕನ್ನಡ ರಾಜ್ಯೋತ್ಸವದಂದು ಗರಡಿ ಟ್ರೈಲರ್‌ ಬಿಡುಗಡೆ
ಯೋಗರಾಜ್‌ ಭಟ್‌ ನಿರ್ದೇಶನದ ಬಹುನಿರೀಕ್ಷಿತ ಗರಡಿ ಚಲನಚಿತ್ರವು ಇದೇ ನವೆಂಬರ್‌ 10ರಂದು ಬಿಡುಗಡೆಯಾಗಲಿದೆ. ಇದಕ್ಕೆ ಮೊದಲು ಅಂದರೆ, ನವೆಂಬರ್‌ 1ರಂದು ಗರಡಿ ಚಿತ್ರದ ಟ್ರೈಲರ್‌ ಅನ್ನು ನಟ ದರ್ಶನ್‌ ಬಿಡುಗಡೆ ಮಾಡಲಿದ್ದಾರೆ. ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ಅವರು ರಾಣೆಬೆನ್ನೂರಿನಲ್ಲಿ ಬಿಡುಗಡೆ ಮಾಡಲಿದ್ದಾರೆ. ಈ ಕುರಿತು ಸೋಷಿಯಲ್‌ ಮೀಡಿಯಾದಲ್ಲಿ ಯೋಗರಾಜ್‌ ಭಟ್‌ ಅಪ್‌ಡೇಟ್‌ ನೀಡಿದ್ದಾರೆ. ಈ ಕುರಿತ ವರದಿ ಇಲ್ಲಿದೆ.
ಪರಿಣಿತಿ ಚೋಪ್ರಾಗೆ ಒಂದು ಮಗು ಸಾಕಾಗಲ್ವಂತೆ
ಬಾಲಿವುಡ್ ನಟಿ ಪರಿಣಿತಿ ಚೋಪ್ರಾರಿಗೆ ಇಂದು ಒಂದು ವರ್ಷ ಹೆಚ್ಚಾಗಿದೆ. ಇವರು ಇಂದು ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಇತ್ತೀಚೆಗೆ ರಾಘವ್‌ ಚಡ್ಡಾರನ್ನು ವಿವಾಹವಾಗಿದ್ದ ಇವರು ಭವಿಷ್ಯದಲ್ಲಿ ಮಕ್ಕಳನ್ನು ಹೊಂದುವ ಕುರಿತು ಮುಕ್ತವಾಗಿ ಮಾತನಾಡಿದ್ದಾರೆ. ನಾನು ಮಗುವನ್ನು ದತ್ತು ತೆಗೆದುಕೊಳ್ಳಲು ಬಯಸುವೆ, ಒಂದಲ್ಲ ಹಲವು ಮಕ್ಕಳನ್ನು ದತ್ತು ತೆಗೆದುಕೊಳ್ಳಲು ಬಯಸುವೆ ಎಂದು ಫಿಲ್ಮ್‌ಫೇರ್‌ಗೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ. ಈ ಕುರಿತ ವರದಿ ಇಲ್ಲಿದೆ.
